أسواق مكة المكرمة

[وفيت لين مليت]

الســـــــــــلام عليكم بنات ديرتي الغاليات ولك زوار موقعنا العريق
حبايبي ...... حابه تساعدوني بروح مكة بعتمر وبمر أسواق مكة اللي تعرف شنو الشي المميز بمكة أماكن حلوة شغلات تميز مكة شنو الصوغات والهدايا اقدر اجيب أنتم لما تروحون شنو تشترون وين تروحون
وإن شاء الله بدعي لكم بالتوفيق والنجاح والحياة السعيدة ...........وتسلمون لي ياأغلى خوات اشاوهم ويشاوروني :33_1185028183::33_1185028183::33_1185028183::33_1185028183::33_:

 

[sad_angel]

اللله يتقبل منج مقدما ولاتنسين تدعين لخوااااااااااتج بنات المنتدى

بس حبيبتي انتي اكتبي بقوقل اسواق مكة وراح تطلع لج اسمااااااااااااء وايد شغلات طبي وتخيري

 

[أم عزة]

الله يسهل عليكم ويتقبل منكم طاعتكم انا تونى يايه من العمره وباقولك شنو يبت صوغه حق خواتى....بما أنا خواتى ربات بيوت ما حبيت أييب ملافع وعبى كلهم متروسين قلت أييب شى الكل يستخدمه بخور من سيد جنيد اسمه معطر خصوصى محطوط فى غندور ذهبى ومعاه منقاش ويبت زعفران أسبانى درجه أولى من الرصاصى (فى سوق برج زمزم) وفى محل فى سرداب سوق زمزم اسمه تمور واحه الباديه يبيع أساور تمر خفيفه وترفه ولذيذه يبت لهم على علبه ...وبالنسبه للأسواق ما رحت الا سوق مكه وزمزم وسلامتك

 

[مروقه على الكوفي]

هلابك بمكة الاسواق :ابراج البيت جنب الحرم وسوق الضيافةفي الزاهر وسوق شارع الستين حلوة وفي محلات وسوق الحجاز وسوق المجازفي العزيزية واذاتبغين سوق شعبي فيه العتبيه زحمةمررره
واماكن العطوروالعودتلاقيها في كل سوق ولايفوتك مطاعم البيك جناااان وفيه جلسات عائلية على طريقةجدة زي اسماك اليوم وسمكمك
واسواق جدةاحلى واكيد اسواقكم احلى من السعودية
واسالي اي تاكسي يدلك(خليتهالك سفرة سياحية ههه) والله يسهل عليك ويتقبل طاعتك ولاتنسي ادعيلي الله يحقق الي في بالي

 

[نور الفنر]

اهم شي الملافع الشرقيه وغيره لانها حلوة عندهم .... وبس لاني اشوف ان كلشي عندنا

وبالتوفيق

 

[أم عبووووود]

حبيبتي ملافع الشرقية واااايد حلوة واذا عندج احد يحب المواعين ترى مواعين السعودية حلوة وارخص منا خصوصا اطقم المطارات للشاي والقهوة وعندج جنيد يهبل تقدرين تاخذين منا للصوايغ وبس هذا اللي اقدر افيدج فيه

 

[وفيت لين مليت]

مشكورين يأغلى خوات لي تسلمون والله كلكم خير وبركة عسى الله يوفقكم وبدعي لكم وإن شاء الله توصلكم مني أجمل دعوة طيبية عساه منتدى عامر وعساكم دوم بصحة وربي يحفظكم واولادكم واهلكم من كل شر
تحــــــــــــــــــــــياتي...........

 

[ام شيوخه]

عندج ساعات التقليد وملافع الشرقية وعبايات بدون اسم واخذي البخور اليومي حق البيت عندنا الي ب5 عندهم ب20ريال وحتى الخلطات الي عند الهنود غيييير ومطارات الشاي والقهوه ومواعين الاستقبال والمباخر تلاقينهم فنتق ورخاص وابراج زمزم فوق فاتحين محلات خامات زووووغه الي تاخذينه ما ينزل بالكويت لي بعد 3 سنوات وروحي القرشي اخذيلج اقلام الكحل الي عنده رهيييبه ولاتنسين المحطه الاخيره ,,, سيد جنيد
وتكفيييين تكفيييين الله يسهل دربج ادعي لبنتي وانتي هناك بالستر والعافيه والنسبه العاليه برابعه ثانوي
وتقبل الله عمرتج وطاعتج

 

[وفيت لين مليت]

عسى الله يخليج ياأم شيخه لبنتج واهلج ويخليلج بنتج ويوفقها ويرزقها بالنسبة العالية ويستر عليها وياعل العافيه لباسها
تحيـــــــــــــــــاتي ...........

 

[Little Things]

تقبل الله طاعتج ان شاءالله... انا توني من شهر رادة من العمرة سكنا بهيلتون و سوق مكة اللي تعرفينه موجود تحته و اكو يمه ابراج زمزم فيه محلات الشايع و جم محل زيادة انا يبت صوايغ ملافع من الشرقية و يبت تمر من الصالحية عندهم معمول مغلف داخله تمر بعلبة وايد كشخة يبت خلطات و يبت رشوش اسمه مذهلة وايد حلو موجود ب السرتي و ماي زمزم اكييييييييييد

 

[hnooy]

انا ولا مرة رحت وهالسبوع انشاللة بروح وماقصرتو فدتوني ابي اسئل احسن فندق هناك نضيف ورحتي مع حملة ولا عرض

 

[بدرووووووووووه]

الله يسهل عليك ويتقبل طاعتك

 

[بدرووووووووووه]

الله يسهل عليك ويتقبل طاعتك

 

[اسرار الغلا]

للرفع

 

[ذهب]

انا توني راده من العمرة شوفي روحي زهور الريف في ابراج البيت عندهم خلطات عجيبة موجود المحل بالكويت لكن دايم الخلطات مخلصة عندج خلطة زهور الريف و مايا و كمليا سيدتي الجميلة في مركز مكة العبايات وايد خاماتها حلوة واسعار مناسبة سواء على الكتف او الراس اذا تبين شيلات لا تروحين الشرقية بصراحة اسعاره مبالغ فيها عندج مزاج و ريم الخليج وركن الحلى دار الفخامة و الحلوة شغلهم حلو واسعار مناسبة . ملابس داخلية نعومي في ابراج البيت . السواني عند ماركة جس و اكس ؤو ملابس وشنط . اصغر علي و سيد جنيد و القرشي روعة العطورات-الله يوفقج و تروحين و تردين بالسلامة

 

[الكويت غالية]

ابراج زمزم سوقها يهبل ولا تنسين تمرين على قزاز واخذي منه قلم كحل المدينة

والله لو اقول لباجر ما اوفيه حقه يهبللللل يجنننننن زوووووووغة

وروحي القرشي للعطور والبخور بس هاااااااااا مو عبد الصمد القرشي لالالالالا هذا قرشي ثاني

وشوفي عنده عطر اسمه اماني يجنننننننننننننننننننننن واخذي من عنده بخور للبيت احسن بخور الحجر الاسود من عنده

وروحي سوق ذي المجاز رووووووووعة فيه شغلات حلوة بس هاااااااااااااا لاتنسين تدعيلي ان الله يخليلي عيالي وابوهم

 

[ساره2004]

الله يسمح دربج وموفقه

 

[بنت الكويت العسل]

في سوق بمكه اسمه سوق بن داوود عجيب فيه شغلات مثل سوالف الاسواق الشعبيه شغلات اثريات وسوالف هدايا

 

[F.A]

مشكورين بنات
ومنكم نستفيد ان شاء الله أروح بيت الله عن قريب

 

[eman12]

السلام عليكم
الله يسهل امورج يارب ويرجعجج بالسلامه
عندج ياطويلة العمر مجمع حجاز ومجمع مجاز لازم تكسي بس موبعيد 10 دقايق عن الحرم هذول فيهم اشياء عجيبه غريبه بدل سهره رخاص نصيحه لا تطوفين يعني اللي عندنا ينباعون 200 انا ماخذتها ب 80 وفي ارخص
و ملافع شباصات حق البنات شنط ماركه بوينا وقيلروش غير انه في واحد منهم دور كامل بس العاب حق اليهال يعني اذا معاج طفل بالسفره راح يستانس تحطينه بالالعاب وتروحين تتسوقين وعندج العزيزيه فيها الخامات وملافع رخيصه وتحف وعطورات وعندج الملافع والعطورات بابراج مكه رخاص
ادعيلنا الله يكتبها لنا يارب بهالسنه