Lemon Juice
*عضــوة شرف في منتديات كويتيات*
حياكم الله يا بنات
هذي الكيكه سويتها بسرعه وما هقيتها بتطلع لذيذه وسهله
لاني مو ذاك الزود مع الكيك ما قط سويت كيكه
كل مره أسوي حلو بارد
مقاديرها بسيطه:
كيكة روبن هود (خليط الكيك الأبيض) علبه لونها أصفر جاهزة بالجمعية
3 بيضات
ثلاث أرباع قلاص حليب
ثلث قلاص دهن
نخلط الثلاث بيضات كاملين مع الحليب والزيت بالخلاط عدل
وعقب نضيف الخليط الأبيض اشوي شوي بالخلاط مو مره وحده
بالعدال عشان يختلط عدل مع كل المكونات
نخلط كل المقادير لمدة دقيقتين أو 3 دقايق لما يتجانس
وعقب نييب قالب الكيك .. على حسب الرغبه
إذا تبون قوالب الكب كيك أو القالب الدائري أو المستطيل , انتو ومشتهاتكم
انا استخدمت قالب الكبك كيك .. وقالب مستطيل
ندهن القالب بشوية زيت وطحين عشان لا يلصق الخليط
نحط الخليط بالقالب وندخله الفرن على درجة حرارة 180 لمدة 40 دقيقه
طبعا ً تفتحون الفرن من تحت بس مو فوق
ولما تعدي الـ40 دقيقه تجيكون على الكيكه إذا استوت والا لا بعود أسنان أو شوكه
عقب ما تستوي وتخلص تسكرون الفرن التحتي..وتفتحون الفرن اللي فوق عشان تتحمر من فوق بس
وما تطول دقيقه أو دقيقتين بالكثير بس ديروا بالكم بسرعه تتحمر
عقب ما تخلص من الفرن .. تنطرون عليها 10 دقايق عشان تبرد وبعدين تطلعونها من القالب
آخر شي لكم حرية الاختيار إذا تبون ككاو أو كريمة أو أي شي يطري على بالكم
انا خلطت [ علبة قيمر نسلته + 3 ككاو جالكسي ] ذوبت الككاو بالتيفال من غير حمام مائي وخلطته مع القيمر
وحطيته فوق الكيكه
بصراحه أول مره أجربها واعجبتنا :rerrerek:
خفيفه وكلش ما تغث .. خصوصاً خلطة الككاو :hjy5jewf:
شوفوا الصور يا عيوني :wqedqw:
..
التعديل الأخير:
