^^أســـــــــــــواق الخبـــــــــــر حياكــم الله ^^

[المتألقة]

حبوبة في محل اسمة الاختيار الاوبل عبية واااااااااايد حلو وسعارة تقريبا معقولة

 

[صبره بنت حلتيته]

مشاء الله ماقرتي ام عيالي والبنات ماقصرو
اتصدقين كنت متعوده على منتجات البحر الميت من فتره قطعوها بالكويت مادري ليش

 

[ام عيالي]

والله زوجي ساله ليش ما تقتحون عندنا بالكويت قاله الريال ما عندنا احد نعرفه ولا جان فجينا فرع زباينا من الكويت نسبتهم كبيره بس اتعرف نحتاج موزع او وكيل اهناك عاد زوجي قاله اذا منتجاتم اطلعت صج حلوه ومفيده بالاستعمال راح اساعدك باذن الله بفتح فرع بالكويت عاد ان شاء الله استفيد انه منهم بس والله وايد شغلات شاريه حتى غير الي كتبتهم ما ادري بشنو ابدي لازم احطلي جدول اعمال على قولت اختي عموما حياجد الله يالغاليه وان شاء الله اكون فدتج وفدت اختنا فلونه وباجي الخوات

 

[الفدعة]

مشكورة

 

[جروح تبتسم]

الصراحــــــــــــــــه ماقصرتووو ان شــــاءالله انا الاسبوع الياي رايحه انــــــــا وزوجــــــي وحماتي وزوجها


مشكوريـــــــن

 

[ام عيالي]

الله وياكم وترجعون بالسلامه يارب

 

[أحبك خفاا]

ياحلو الخبر تهبل

 

[ترف 111]

انتوا من صجكم ياحبايبي كل شي متوفر بالكويت عنبوا داركم الخليج كله يجي حق الكويت للتسوق لان الكويت ديرة الموضه بالخليج محد يصك على بنات الكويت باللبس انا اقول الصراحه فكل وحده لها رايها الشخصي انا مايعجبني اللا لبس الكويت

 

[أشبـاهـ المطـر]

السلام عليكم ورحمة الله وبركاته بليييييز بنات انا برووح لدمام وخبر انا قبل رحت لها بس كانت تمشي وتغير جوو
ابي محلات للبيبيات حلوووه والاهم ماتكوون موجوده بالكووويت وابي بدلات لدوام وتيووورات وموووشرط محلات ماركه
واهم شي الدراعات ابي دراعات ناعمه مثل طقت انوور الحراير وين احصلهم ابي شغلات حلوووه حق دراعات البيت عرفتوا قصدي ؟؟؟
وخام هناك غالي عندهم ودي اقصلي جم خامه افصلها بالكويت بلييييييييييز لاطنشوووني بلييييييييييييز​

 

[! بــدويه وآآيــد !]

\
\
\


حبيبتي انا انسسآنه أبوٍي ديــن وزهقنآآ من السعوديه تفتر بالمجمعآت ونروح عمره تقريبآ مرتين بالسنه وامي تموت عالتمشي تلقينهآ كل أسبوعين طآقه درب عشآن تفتر بالمجمعآآت حبيبتي فيه محــل كبير كله عطورآت مآركه بس يقول لج رآعي المحل انه لآزم يآخذ علبة العطر جدآمج يعني تبيعين له العلبه وتخيلي يطيح سعر العطر تخيلي اختي اشترت منآك عطر ديور انا اشتريه من دبنهآمز بـ39 دينآر خذته منه بـ 50 ريآل يعني 4 دنآنير عندنآ بس خذأ العلبه مآلته وعلى ضمآنتي اصلي ومــ ح ــل عبي انا اع ــرٍف بالريآض مو بالدمآم ومكه وهذآ الي اقــدر افيدج فيه




بنــآت عفيييييييييه ابي اروح الدمــآم هالأسبوع بشتري نفنوف فخــم لـ ع ـــرٍس ولــد خـآآآآآآآلي الي تعرف محلآت تقووول لي يعطيكم العآآفيه


\
\
\

 

[سعوديهـ توبـ]

هلا حياتي سارونه فيه بالخبر محلات فخمه جدا وانشالله راح اساعدك بس ياريت
تعطيني فكره عن ميزانيتك علشان اقولك الاماكن اللي تناسبك بس مبدايا الحين
بذكرلك كم محل فيه محل اسمه nd باول الخبر بجنب فندق شرفه الخليج هاذا بتلقين
عنده اشياء حلوه بس لايغرك الفساتين اللي معروضه لانها مو لهناك بس اطلبي منه يطلعلك
من جوا اللي عنده للزباين الخاصين واسم اللي يبيع ابو علي وهو لبناني وحبوب وبجنبه
فيه محل ميموزا هاذا بعد روووووووعه وكل تصاميم عالميه يعني زهير مراد
شانيل ديور هالشغلات هاذي وبعد روعه بس يبيلها ميزانيه شوي عاليه وفيه محل بقريه القصيبي
اسمه فاشن اليقانز بعد عنده اشايء روعه وقريه القصيبي هاذي تلقينها جمب الجمعه سنتر سوري عالوصف
بس انا من النوع اللي ماعرف اوصف انتم اذا تبغون توفرون الوقت والجهد اخذولكم ليموزين وخلوه
يمشي قدامكم ويدلكم عالاماكن وفيه بمجمع الراشد محل اسمه الاسعد وفيه فرع لمحل nd بالراشد بعد
بس البضاعه تختلف من محل للثاني وانا افضل ماتشترين من الراشد لانه اغلب الناس يشترون منه
وممكن تلقين احد زيك اما اللي برا مو كثير يجونه بكذا بتكونين مميزه الراشد بتلقين فيه كذا محل بعد
وفيه برا بشارع السويكت مشغل هيفا ممكن تخيط لك اذا عندك تصميم ببالك وفيه دنيا الموضه هاذامشغل
وفيه خياطه تشغلك دي في دي لمصممين عالميين تاشرين عالفستان اللي يعجبك وهي تخيطلك زيه
بالضبط ومن عندها القماش وكل شي واذا كان الفستان فيه حركه غريبه او نقشه شك تشكها لك بيدينها
نفسها بالضبط بس طبعا كل شي بسعره وتقدرين انتي تجيبين القماش من عندك وهي تخيطه واذا تبغين
رقمهم او اي شي ثاني انا حاضره وسوري عالاطاله

 

[روحي سعوديه]

والله انا ما شوف فيه زود عن مجمعاتنا عادي مول عادي و اصلا موعارفين معني المول اول مره اشوف مول يسكر الظهر احنا رحنا الساعه 11.30 قالولنا لكم لي ال 12 و بعدين يسكر لي ال 4 و بعدين من ال 4 الي ال 11و نص بس احسه عادي حتى بضاعته مو الي هوايل وفناتق لا مستوى المرينا صج الكويتين يبالغون

الي بتروحله اتروح وقت الويك اند الانه يوم الخميس بس يفتح من ال 9الصبح لي ال 11 باليل و اليمعه بس العصر من ال 4 لي ال 11 و باجي الاسبوع مثل ماقلت لكم يسكرون العصر حتى الالعاب تسكر


مرحبا اختي انتي مستغربه ليش يصكون 11 ونص من شان الصلاه وبعدين فتره غدا واوقات الصلاه يصكون المحلات ويرجعون بس
تحييييييييييييييييييييييييييييييييياتي

 

[C'est La Vie]

الموضوع هذا يا بوقته
ميرسي بنات ما قصرتو

 

[remoo_007]

والله ماقصرتووووووووووووووو يعطيكم الف عافيه

 

[ميونة الحلوة]

بنات على طاري العبي

ترى اختي طاحت على جم محل و يوصلون الكويت بس توصل عقب جم اسبوع المهم اسعارة حلوة

المحلات موجودة بشارع اسمه شارع سويكت انتو لا رحتو بالتاكسي قولوله اسم الشارع اهوا شارع طويل فيه وايد محلات خامات و غيرها بس لا مشيتو شوي راح تلقون محلات عبي

و انا بصراحه افضل الاختيار الاول و محل الحلوة بس للاسف الحلوة مو موجود بالخبر و لا ما شاء الله عبيهم وايد روعة اما بدون اسم ما عجبني وايد

الاختيار الاول موجود بالراشد و في سوق ثاني اسمه ظهران مول دور واحد بس وسيع

و بس هذا الي اعرفة عن الخبر فقط

و سلامتكم

 

[remoo_007]

انا الحين بل الخبر وانا ادور على موديلات بسيطه حق عرس حماي صراحه تعبت وانا افتر رحت فؤاد سنتر مافيه شي ورحت جمعه حلوو وفيه محلات اعراس وااااااااااااايد يعني الاغلب مابس وعجبني جم موديل بس ماشريت قلت اليوم بفتر بفينيسيا ووراها اروح مارينا مول الي بل الدمام اما شارع السويكت مريت احمد البدوي اسعاره نار وماعنده شي ناعم يعني يبيله عرس درجه اولى عشان راح تقطين قط وترى شارع السويكت طوييييييييييييييييييييييييييييييييل ويتعب يتعب من المشي لا والحين رطوووووووووووووبه خخخخخخ ادعولي احصل نفنوف سنع

 

[alamal66]

مرحباااااااااااا انا من البحرين واتمنا افيدكم
الخبر --- عبايات عادية سعرها يتراوح من 30 دينار الى 120 دينار
1 - انمول 2 - اصيلة 3 - النور وطبعا الى جنبهم اصيلة بالقرب من باسكن روبنز اول ماتدخلين الخبر وبعد الخبر بلازا راح تشوفينه ومشاهدة اعتقد محل عبايات الزين وانمول والنور 3 لفه يمين بعد بعد الخبر بلازا وعموما في الشارع نفسة اعتقد شي اسمه ملكه واحد نيو لوك اعتقد مشاهدين محل العيسائي اسعارهم 80 دينار و120 دينار
ومحل رخيص بس ماشفته اسمه صقر الخليج
وللحفلات عندهم مجمع الراشد - ومجمع الظهران - ومجمع مقابل الراشد - ومجمع الجمعة
الدمام يقولون سوقها حلو والرياض وجده بس للأسف ماعندي معلومات عنهم
عموما في البحرين للحبايب لي راح يزورونه
زمرده في العالي سوارفسكي وفصوص وشغلات تصلح للمناسبات من 60 دينار الى 200
دار نجد في الرفاع راقي وشغله حلوووووووو هابين فيه هبه الوانهم حلوه 80 دينار الى 120
بعد عند المنتزه في الرفاع شارع بكواره بيت العبايات من 60 دينار الى 120وعندنا بالمحرق اسعار رخيصه وشغل حلو من 30 دينار ورايح
مدينة حمد نجيبة للعبايات من 30 دينار الى 60 و75 دينار
وعموما في الخبر في محل اسمه نوره عنده شغلات حلوة تقليد نعل للأطفال وللكبار وشنط واكسسوارات
واذا حبيتوا اي شي حاضرين لكم

واعترف لكم الا عنده سوق مثل سوق الكويت مايحتاج لسوق 2 انا اموت على الكويت وسوقها

اعتقد في مسالة العبايات ولانكم ماتلبسون عباءه فاعتقد ان ينقصكم شوي

تحياتي مع كل الحب

 

[cadbury]

يعطيكم العافيه

 

[أم عبووووود]

مشكوووورين وماقصرتوا كفيتوا ووفيتوا

 

[حرم معاليه]

من جدكم ماتروحون برنوفياس للملابس السهرة هالمحل عاااااااااااااااااالميوفروعه باوربا كلها ويجنننننن وله ويب سايت يسطللللللللل مرة اكتبوا اسمه وشوفوه

وموقعه بالخبر سفينث افنيو جنب مجمع التركي شي خطير بقوة