^^أســـــــــــــواق الخبـــــــــــر حياكــم الله ^^

[سحايب الوادي]

بالخبر
محل مختارات عبد الواحد - بمجمع الراشد " لهم بمجمع الشاطىء مول بالدمام فرع ثاني
عنده جاهزين بالمحل وعنده سايت فيه الكولكشين اذا عجبك شيء منه قولي له تبينه ويطلبه لك ..
http://www.maggiesottero.com
محل البتلات البيضاء - بشارع البيبسي " شارع الامير فيصل بن فهد "
مارحت المحل اهو لآجنبيه اسمها ماريا انتونيو
يصير قدام شوكلا باتشين عندهم كاتلوج وتختارين او تفصلين زي ماتبغيين تلاقين
عندها فساتين من demetrios اللي بجدة وغير الاكسسوارات والجزم يعني تخلصين وهذا موقعه ع النت
http://www.demetriosbride.com/intl/index.php
كمان محل pronovias - شارع الكورنيش - خلف كنتاكي
السسايت تبعهم ..
http://www.pronovias.com/index.asp
وصف لمحل بروونوفياس
تعرفين مجمع التركي؟...بنفس اللفه اللي فيها هارديز على الكورنيش ادخلي معه يمين هو بيصير محل لتافولا على يسارك ...
بمجمع صغير اسمه سيفنث افينو جنبه محل برونوفياس ومحل ناتلي مقابل مقهى موندو
محل san patrick - بقرية القيصبي
هذا السايت تبعهم
http://www.sanpatrick.com/
محل دانتيلا - بقرية القصيبي
من السبت للخميس من 9 ونص الصبح لـ 12 الظهر بعد يردون يفتحون 4 العصر لـ 10 الليل
ويوم الجمعة مايفتحون الصبح يفتحون 4 العصر لـ 10 الليل
عندهم موقع ع الفيس بوك ششوفي الصور ..
http://www.facebook.com/group.php?gid=57187913859#!/group.php?gid=57187913859&v=photos

محل صبا - بشارع البيبسي " الفرع اللي بالبيبسي للعرايس لان له فروع بالمجمعات بس مب لعرايس "
محلات الاسعد - بمجمع الراشد

اذا تبين اخبرك عن الاسعار وتراوحها بكل محل ماعندي مانع اعرف بعضهم ..
وبشارع السويكت فيه كذا محل ليلة العمر , فن , بحر العرائس , تواقيع , الأمبراطورة , ليلتي , احمد بدوي .."
ومجمع الخبر مول الماما تقول فيه محلات تلاقين فيها شيء حلوو بس اهيا من فترة ماراحته
المجمع ع الطريق السسريع بين الواصل بين الخبر والدمام .. انا اقولك روحيه وشوفي حظك :d

اذا تذكرت شيء راح أرجع واقوولك ..

فديت قلبك والله توني شفت الرد كنت مسافره وياليت والله تقوللي عن الاسعار يالغلا

 

[بواسم]

تسلمين اختي بغيت اسال عن محلات المواعين اقصد الترامس والاستكانات والصواني كل شي يخص الاستقبالات ابي محلات زينه

وسعرها مناسب ابي اسماء المحلات وماكنها بالضبط ؟ وابي اذا في مكان لتفصيل العبي غير المحلات ابي شي مميز موموجود بالسوق

وهل محلات العبي يروضون يفصلون لو انا جبت القماش ؟ او لازم القماش من عندهم .

 

[جننها السعودي ]]

غضى
تحت امرك .. زوارنا عسل ع قلوبنا
السويكت حلوو فيه محلات اكثيرة لتقضضية البيبي مثلاً عندك :
محل الحصان تقاطع 11/12
محل العيسائي " له فرع بمجمع الراشد" وله محلين بالسويكت واحد لملابس الاطفال والثاني اهو المقصود اللي فيه لتجعيز
المواليد واطقم النفاس المحل كبير يصير بزاوية وطابقين اطقم النفاس تصير بالطابق الثاني ..
مجل الغفيلي " في محلين واحد للحوال والثاني للمواليد " للحوامل يصير تقاطع 11/12 عند محل مشوار ومحل المواليد بنفس التقاطع
يصير في الجهة المقابلة منه محل الغفيلي للحوامل . مب مرا احياناً بالحظ ييجيب اشياء حلوة
وطبعاً بالظهران مول فيه محلات اكثيرة منها " ماماز اند باباز , ليندكس , مذركير , واحة الجلابيات " اطقم نفاس " , كارترز , نعومي , لافي ان روز " لانجري " ....ألخ "
بمجمع الراشد فيه العيسائي , بيبي شوب , المحلات الثانية الماركات فيها اقسام للمواليد
مجمع جرير بلازا فيه كذا محل يجيبون شغلات حلوة زي عندك محل رد تاغ , وتويز آر اص , محل زينة ,
ششارع الحب " بالدمام " فيه محلات اكثيرة حلوين ويفصلون (بنت الوطن – الأبي – نسرين – أيمن لانجري – روز لانجري" قمصان رضاعة" )
محلات متفرقة
محل اجواء الطفولة المحل في شارع الامير طلال .. تقاطع 10\11
فيه محل اسمه بيبي هاوس مرا حلوو ومميز وتفصيل المفارش عنده يهبل يعني لو عندك صورة لمفرش وديه له ويسويه لك
واسعاره اوكيه )=ويجييب اوقات اكثييرة سراير مميزة
محل مولودي " بالدمام " على شارع الكورنيش " طريق المحمدية اظن له فرع بمجمع فنيسيا مول بالخبر
او ان محل ثاني بس فيه محل بفنيسيا للمواليد مب متذكرة زين السموحة ..
إذا تبين محلات للتقديم والضضيافة
عندك محل بمبينو عنده توزيعات وستاندات وصياني حلا وشاهي حلوة عنده ششغلات رووعه
اممم هذا اللي اتذكره حالياً .. ع فكرة كل اللي ذكرتهم بالخبر اللي بالدمام كتبت عندهم انهم بالدمام ^ـ^

 

[جننها السعودي ]]

سحايب الوادي

فديت قلبك والله توني شفت الرد كنت مسافره وياليت والله تقوللي عن الاسعار يالغلا

الحمدلله ع السسلامة ..
وهذي اهيا الاسسعار
محل مختارات عبد الواحد ( الميزانية من 5 الاف لـ 10 الاف بدون الطرحة )
محل البتلات البيضاء (الميزانية من ألفين ريال لـ 6 الآف ريال بدون الطرحة ,, عموماً مايزيد السعر عن 9 الاف ريال حتى بالطرحة )
محل pronovias ( الميزانية من 10 الاف وطالع بدون طرحة )
محل san patrick ( امممم اغلا شيء يمكن 13 ألف ريال بالطرحة )
محل دانتيلا ( الميزانية من 5 الآف لـ 10 الآف ريال بدون الطرحة )
محل صبا ( اتوقع اسعاره معقولة آختي فستان ملكتها منه بـ 3 الآف بس )

في مكانين تذكرتهم غير اللي فوق
محل اختيار العروس " مارحته فما اعرف حدود اسعارهم "
مكانه ع شارع الكورنيش
وهذي خريطة توضح لك مكانه

بوتيك Top Elegance في الخبر ( مازرته بعد بس سمعت ان اسعارهم تبدأ من ألفين وطـآآلع )
هذا السايت حقه
http://2opelegance.com/index.htm
بشارع الأمير فواز تقاطع 11 أمــام الثانوية الثانية للبنــات

^ـ^ حياك الله

 

[جننها السعودي ]]

بواسم

تسلمين اختي بغيت اسال عن محلات المواعين اقصد الترامس والاستكانات والصواني كل شي يخص الاستقبالات ابي محلات زينه
وسعرها مناسب ابي اسماء المحلات وماكنها بالضبط ؟ وابي اذا في مكان لتفصيل العبي غير المحلات ابي شي مميز موموجود بالسوق
وهل محلات العبي يروضون يفصلون لو انا جبت القماش ؟ او لازم القماش من عندهم .

بتنورييينا يالغلاا
طبعاً اول مكان لازم تمرينه للاواني والترامس واللي تبينه كله ( السيف غآليري )
اكبر صالة عرض للاواني واادوات الضيافة والادوات المنزلية والفندقية بالمملكة وآآرقى الماركات العالمية فيها
والاسسعار حلووووة ومناسبة ووقت التخفيضضات احلا واحلا ..كل شيء تبينه موجود اهناك
مكانها / جرير بلازا " مقابل ايكيا " بوابة رقم 5 - امواج مول }~ مقابل للظهران مول وواضح مرا ..
وعندك بالسويكت محلات اكثيرة
محل السيد " له فرع بالجمعة سنتر , محل الهاشمي , محل باخشوين , السيف , محل ربات البيوت , محل متجر الميناء بالخبر بلازا بالسويكت
اسعاره تو متششش والباقي اسعارهم بين وبين يعني ممكن تحصلين الغالي والوسط بس يعني فيه محلات ثانية مب مشهورة مثلهم ورخاص
بس ذيلا معروفين بآن عندهم اشياء فخمة
وبعد ياكثر المحلات المتفرقة بالديرة بس اغلبهم غآلي ويبيلك فرة يعني كل محل بمكان
فلاا تعوري رآسك روحي السيف غآليري والسويكت وبس .. بس اذا تبين آعطيك اسماء المحلات المتفرقة واماكنهم من عيوني امري بس ..

بالنسبة للعبي غير السويكت لاتفكري لان اسعارهم مناسبة فيه الغآلي والمناسب والتفصيل عندهم تمام ..امم اتوقع عادي يفصلون لك لو حتى القماش من عندك ..هالمحلات مشهورة ومعروفين بتفصيلهم المرتب والحلو والاحلا انهم ثقة
" الملكة " , شمس " , نيوك لوك , شروق , توب بلاك , لاسانتيمو , بو كنان , الحسناء , سيدتي الجميلة ,الاحمدي ,
= بعضهم غويلييين شوي بس احسن من غيرهم مريهم كلهم وشوفي الانسب لك لان اغلبهم بنفس التقاطع
ولاتقلقي من وقت التفصيل ممكن يفصلونهم لك بيوم ونص .. بس لازم تزيدي السعر كل مابغيتي تعجلي عليها وكاسري لو كنتي مب مستعجلة
او حصلتي جاهز ..

 

[T R F]

رد : ^^أســـــــــــــواق الخبـــــــــــر حياكــم الله ^^

ياهلا وغلا ... جننها السعودي ... كفيتي وفيتي ... حبيت اساعد إذا ممكن ... لأن عند الوالده الله يحفظها ... خبيرة هاذي المحلات ... فجاتني تخمه منها ...

اولا : مثل ماقالت " جننها السعودي " السيف غالري .... مدينه مصغره ... فيها اطقم الترامس ( ترامس - فناجيل -استكانات - اطباق الحلو - كاسات العصير - صواني ..... ) بجميع الألوان ... بس ملاحظه ترى الترامس ... مش صناعه المانيه ولايابانيه .... يعني مش حقت كد[ .... طبعا هالأطقم بجميع الألوان ... والأشكال ... فيه ركن للصواني الفضيه روعه وبنقشات خياليه ... فيه ركن ... للصواني البوفيهات بأشكال حلوه واسعارها اروع
بالمختصر ... اول محل لازم تروحين له ... بيغنيك عن الكل

ثانيا : المحلات .... الفخمه .... يعني إذا عندك ضيوف من الطبقه الهاي كلاس .... عليك بمحلين ... متجر الميناء ... اغلب الموجود عنده كرستالات وبوهيميا ووووووو ... وبأشكال غرييه .... وفيه له فرع مخفض ... بس مخفض مره في البايونيه ...
وفيه محل ( فيلوري أند بوخ ) بشارع البيبسي ... فخم ... واسعاره نار

ثالثا: المحلات اسعارها معقوله ... وكل محل وميزته .... واغلبهم بشارع السويكت

محل ( اواني ربات البيوت ) اول مدخل شارع السويكت ... مقابل حلويات سعد الدين ... ( ميزته الصواني ... نقشاتها روعه ... وفيه بعد الأستكانات ... )
محل ( باخشوين ) مقابل الخبر بلازا
محل ( السيد ) معروف بشارع السويكت ... البضاعه عنده موجوده بالسيف غالري ... بس ميزته ... الأستكانات الملونه ... احسها ارقى .. ولازم تتأكدين إذا كانت قابله للكسر اولا .... الصواني عنده مميزه ... هذا المحل رائد ... ضروري مرورك عليه .... وله فرع بالجمعه سنتر ...

فيه محل احبه كثير .... وبتحصلين اشياء كثيره ... حتى الأشياء الصغيره المهمه اللي ماتجي على بالك بتحصلينها فيها ... وبعد اطقم لبس الخادمات بكل ماهو جديد .... وفيه اطقم صواني البوفيهات ... بأشكال غريبه محل ( البيت الوردي )
بجانب حديقة القلعه ... قريب من الكورنيش ... إذا تبين كروكي له ... حاضره

وإذا على بالك .... اطقم للسفره ... بأشكال ناعمه وتقشاتها خيال ... وللضيافه .... هوم سنتر ... فوق محل سنتر بوينت امتداد شارع الملك عبدالله ( شارع الظهران ) اطقمه روعه

ادري قرقت واجد ... بس حفظت هالأماكن من الوالده ....

بالخدمه دائما ... وعذرا للغاليه " جننها للغاليه " حبيت اساعد

 

[بواسم]

رد: رد : ^^أســـــــــــــواق الخبـــــــــــر حياكــم الله ^^

ياهلا وغلا ... جننها السعودي ... كفيتي وفيتي ... حبيت اساعد إذا ممكن ... لأن عند الوالده الله يحفظها ... خبيرة هاذي المحلات ... فجاتني تخمه منها ...

اولا : مثل ماقالت " جننها السعودي " السيف غالري .... مدينه مصغره ... فيها اطقم الترامس ( ترامس - فناجيل -استكانات - اطباق الحلو - كاسات العصير - صواني ..... ) بجميع الألوان ... بس ملاحظه ترى الترامس ... مش صناعه المانيه ولايابانيه .... يعني مش حقت كد[ .... طبعا هالأطقم بجميع الألوان ... والأشكال ... فيه ركن للصواني الفضيه روعه وبنقشات خياليه ... فيه ركن ... للصواني البوفيهات بأشكال حلوه واسعارها اروع
بالمختصر ... اول محل لازم تروحين له ... بيغنيك عن الكل

ثانيا : المحلات .... الفخمه .... يعني إذا عندك ضيوف من الطبقه الهاي كلاس .... عليك بمحلين ... متجر الميناء ... اغلب الموجود عنده كرستالات وبوهيميا ووووووو ... وبأشكال غرييه .... وفيه له فرع مخفض ... بس مخفض مره في البايونيه ...
وفيه محل ( فيلوري أند بوخ ) بشارع البيبسي ... فخم ... واسعاره نار

ثالثا: المحلات اسعارها معقوله ... وكل محل وميزته .... واغلبهم بشارع السويكت

محل ( اواني ربات البيوت ) اول مدخل شارع السويكت ... مقابل حلويات سعد الدين ... ( ميزته الصواني ... نقشاتها روعه ... وفيه بعد الأستكانات ... )
محل ( باخشوين ) مقابل الخبر بلازا
محل ( السيد ) معروف بشارع السويكت ... البضاعه عنده موجوده بالسيف غالري ... بس ميزته ... الأستكانات الملونه ... احسها ارقى .. ولازم تتأكدين إذا كانت قابله للكسر اولا .... الصواني عنده مميزه ... هذا المحل رائد ... ضروري مرورك عليه .... وله فرع بالجمعه سنتر ...

فيه محل احبه كثير .... وبتحصلين اشياء كثيره ... حتى الأشياء الصغيره المهمه اللي ماتجي على بالك بتحصلينها فيها ... وبعد اطقم لبس الخادمات بكل ماهو جديد .... وفيه اطقم صواني البوفيهات ... بأشكال غريبه محل ( البيت الوردي )
بجانب حديقة القلعه ... قريب من الكورنيش ... إذا تبين كروكي له ... حاضره

وإذا على بالك .... اطقم للسفره ... بأشكال ناعمه وتقشاتها خيال ... وللضيافه .... هوم سنتر ... فوق محل سنتر بوينت امتداد شارع الملك عبدالله ( شارع الظهران ) اطقمه روعه

ادري قرقت واجد ... بس حفظت هالأماكن من الوالده ....

بالخدمه دائما ... وعذرا للغاليه " جننها للغاليه " حبيت اساعد

شكرا لج وشكرا لجننها ما قصرتوا خواتي

بس ياريت نعرف اوقات فتح المحلات كل يوم صباحا ومساء من متى الى متى ؟

وشلون جوكم هالايام وحسب ما عرفت انه حاليا زحمه عندكم حتى مولاقين شقق ناجر صح اولا ؟

 

[T R F]

رد : ^^أســـــــــــــواق الخبـــــــــــر حياكــم الله ^^

ياهلا فيك يالغاليه

اوقات دوام المحلات من 9.30 إلى 11.30 صباحا
ومن 4 إلى 10.30 مساء
وفيه بعض المحلات من 4.30 إلى 11

وصحيح الخبر حاليا ... زحمه ... بالأعياد وخاصه عيد الأضحى ... وأكيد الأسعار نار .. ومازالت بس اتوقع ... يومين وبتخف ... والجو ولا احلى بصراحه ... بدى ينعنش

ياهلا

 

[زهره الجلنار]

يعطيج العافيه حبيبتي على الموضوع الحلو والمفيد

بغيت اسألج عن اسواق الخبر صديقتي مخطوبه وتبي تشتري بدلة ملجتها من الخبر وين المحلات الحلوه وتبي سعر معقول لانه ميزانيتها محدوده

 

[بصْمةُ ضِيَاءْ]

مرحباا ياحلوين
في مجمع جديد توه فاتحينه بحفر الباطن منو تعرف عنه شي
لابخلون علي

 

[السنافيه]

بنـــأت الخبر

عندكم تنزيلات ؟الحين؟؟
وبعد العيد في تنزلات ولالا لاني بزوركم

 

[T R F]

رد : ^^أســـــــــــــواق الخبـــــــــــر حياكــم الله ^^

هلا حبيبتي ... للأمانه انا مادرت المجمعات ( الظهران والراشد ووو ) بس اللي زرته فينيسيا مول مسوي تخفيضات ....وبعد في محلات خارجيه ... مسويه .. فأتوقع باقي المجمعات ... علشان بداية موسم الشتاء

 

[الام المحبه]

سؤال لاصحاب الخبره بمطقة الخبر ( السعوديه )
هل يوجد بالخبر محلات العلواني للتمور ؟؟
واين مكانها بالضبط ؟؟؟

وشكرا

 

[انفاس دخون]

رد : بنات منو عندها خبره بالخبر؟؟؟؟

انا سمعت شكثر عن الراشد والفيصل والمملكة
وتمنيت اروح بس عقب سفرة اختي غيرت رايي
اشدعوه غاليييييييين حييييييل
وكل اللي شرته اختي سعره موفيه .. مقارنه بالكويت
ما ادري عن العبي والملافع بس البدل والساعات والشحاطات ... الخ
غاليه حدهااااااااااا

​

مصختينها عاد اسعارهم مرررررررررره زينه

 

[انفاس دخون]

رد : ^^أســـــــــــــواق الخبـــــــــــر حياكــم الله ^^

المجمعات الجديده بالشرقيه

مجمع دارين مول الطابق الارضي فيه سوق واحد فقط كلشي ياباني المحل مررررره كبير

والطابق الاول فيه بنده وفيه قسم مطاعم وفيه جلسات شعبيه خاصه بالنساء وووالخ

مجمع كرستال مول بعده مايفتح

مجمع الليدي مول اعتقد انه نسائي بدل
مجمع الشرقية النسائي

 

[كيـف أسيـبكـ]

هاي


يسلموو عالموضووع



بغيت اسال وين احصل جنط ماركتها مو موجوده بالكويت
وهم الجنط العاديه مو شرط ماركه

ابي شيء مميز مو عندنا

 

[الطماطه]

رد : ^^أســـــــــــــواق الخبـــــــــــر حياكــم الله ^^

ارجوا الافاده
حبيت اعرف الاسواق والمجمعات تفتح يوم الجمعه
وخصوصا مجمع فينيسيا ومتى اوقات الدوام عندهم

 

[كيـف أسيـبكـ]

رد : ^^أســـــــــــــواق الخبـــــــــــر حياكــم الله ^^

اب


اب

 

[T R F]

رد : رد: ^^أســـــــــــــواق الخبـــــــــــر حياكــم الله ^^

هاي


يسلموو عالموضووع



بغيت اسال وين احصل جنط ماركتها مو موجوده بالكويت
وهم الجنط العاديه مو شرط ماركه

ابي شيء مميز مو عندنا

مرحبا اختي ... اغلب الماركات الموجوده عندكم موجوده عندنا ... لكن فيه ملاحظه عليها ... تختلف البضاعه من بلد لبلد حسب الوكيل ... اذكر شريت من ماركه في الصالحيه ماحصلتها بنفس بضاعه الماركه اللي عندنا .... يعني اطمني من هالناحيه ... بس للتأكيد شوفي البضاعه اللي عندكم بالأول ... بعدين اشتري من عندنا ...

وفيه ماركه عمليه كثييير حلوه .. ماركه ماليزيه " بونيا " جلدها روعه ... وشكلها راقي وشغلها نظيف
في مجمع الظهران مول بوابه " 2 "

وياهلا فيك ...

 

[T R F]

رد : ^^أســـــــــــــواق الخبـــــــــــر حياكــم الله ^^

ارجوا الافاده
حبيت اعرف الاسواق والمجمعات تفتح يوم الجمعه
وخصوصا مجمع فينيسيا ومتى اوقات الدوام عندهم

نعم تفتح الأسواق الجمعه ... بس مش الصباح .. دوامهم مسائي من 4 إلى 10 ونص ... والبعض 11

وياهلا فيك