^^أســـــــــــــواق الخبـــــــــــر حياكــم الله ^^

[دلع88]

يعطيج العافية يالغالية ماقصرتي فديتج تعبناج معانا

الله يوفقج

 

[جننها السعودي ]]

الله يعافيك حبيبتي
لا وش دعووة عاد ..تأمرون امر
جميعاً ان شاء الله

 

[جننها السعودي ]]

شركة معارض الظهران الدولية بالدمام بدأت في وقت مبكر كعادتها السنوية بنشر فعاليات أنشطتها للعام الجديد ،، حيث تتنوع بين المعارض المختصة للبناء والإنشاء (( بيلدكس 2010 )) .. ومعرض التدريب والتوظيف والملتقى السعودي للتعليم ومعرض العروس ومعرض الأثاث والمفروشات ،، ودعت كل من يهتم بزيارة المعرض المشاركة والذي سيبدأ في الأشهر القادمة بإذن الله واليكم المواعيد :

* معرض البناء والإنشاء - (( بيلدكس 2010 )) : : من 20 إلى 24 ربيع أول 1431 .
* معرض (( التدريب والتوظيف والملتقى السعودي للتعليم )) والذي سيعقدان في موعد واحد من

28 ربيع الأول إلى 1 ربيع ثاني .

* معرض (( العروس )) : : من 5 إلى 9 من شهر جمادى أولى .

* معرض (( الأثاث والمفروشات )) : : من 10 إلى 14 من شهر جمادى الثاني .


" طبعاً اللي يهمكم معرض العروس ومعرض الاثاث والمفروشات والحمدلله مافاتكم اذا كنتو راح تجون هالفترة "

 

[مش حائول]

حبيبتي اذا تعرفين محل للاكسسورات برقي وحلاوة وجمااال الحشاش بالسويكت بس ارخص لا تبخلين علي لانه غااالي وشغله حلووووووووووو

 

[جننها السعودي ]]

الحشاش محلي المفضل ~
اممم صراحة مدري يعني انا ماخذ من غيره
محل كنوز بشارع السويكت يقولون فيه اشياء حلوة ماعمري مريته
وفيه محلات بالجمعة سنتر بالدور الثاني منها بنت النور والمصمم السعودي بس اسعارهم يعني لوول مب رخصية
وفيه بفنيسيا بعد بالدور الثاني اكثر من محل .. الراشد بالتوسعة فيه محل مرا حلوو بس مش متذكرة اسمه
ع العموم مابتضيعي شوفي الخريطة حقت المجمع وروحي لقسم الاكسسوارات بكل دور وبتلاقين اسمائهم ^^
غيره ماعرف ~ لان ان ادمنت ع محل ماخذ من غيره " الحشاش "

 

[خـيــــــــلاء]

شوقتوني على محل الحشاش

ممكن تفيدوني حق شنو بالضبط ؟؟؟

 

[جننها السعودي ]]

خيلاء ~
الحشاش فيه محلين بأسمه
محل شنط اسعار الشنط فيه من 200 وفوق والتقليد درجة اولى مرا مميز اكثييييير ماينعرف ان تقليد ابداً
ومحل اكسسوارات شعر رآقية وحلووة

 

[>> True Love<<]

جننها السعووووووودي

:rerrerek:


انتي

:rerrerek:

شوقتيني حييييييييييل علا الخبر

استفدت حيييييييييل

مشكووووووووووووووره لا خلا ولا عدم:lolo:

 

[اميرة بنتها]

صراحه جننها السعودى انتى طحتى على من السماء صراحه كفتى ووفتى وماقصرتى وبيضاالله وجهك وانشالله نفيدج بديرتنا سيرى علينا حبيبتى انا انشالله بعد اسبوعين بروح الشرقيه الخبر بس دخت من المجمعات الى ذكرتيهم ماشالله واجد بس ماراح الحق عليهم بس 5 ايام بقعد ابى مجمعات اذا رحت مااطلع فاضيه يعنى بخاطرى شنط تقليد وشنط غريبه وناعمه مو شرط ماركه وابى جلابيات بيت ناعمه حق رمضان انشالله وابى عبايه للدوام يمدى اخيط يخلصونها لى 4ايام وبعدين بسالج سوكيت مجمع او شارع شنو اقول للسائق روح شارع سوكيت وبسالج فديتج شنو محل الحشاش وين بالضبط وابى شحطات وجواتى وصنادل وبدل ناعمه من طقت مانجو وبازار وبالنسبه للمطاعم مابى افرر وادوخ واخير شى يطلع الغدا موشى شنو احسن بخارى واكل خليجى واهم شى الاكل الهندى بالنسبه للجهال فى مجمعات العاب لهم بوسط المجمعات صراحه مابى اطلع بره حر علينا واهم شى ابى مطاعم على البحر وكباين طبعا ومشكوره فديتج وجزاج الله خير

 

[مستقبل]

حياتي ماقصرتي عالمجهود
عاد احنا لقينا اللي تعطينا وجه و راح نمصخها معاج شوي تحملينا


انا رايحه باجر بإذن الله الخبر يوم واحد و ابي اكسسوارات غريبه و بنفس الوقت سعرها مناسب أو حتى رخيص مابي شي غالي انا رايحه الخبر منحاشه من اسعار الكويت
وين تنصحيني؟؟

 

[مستقبل]

الخميس الاسواق تفتح فترة الظهر وللا كالعاده يفتحون العصر؟؟

 

[sanaya-q8]

في مجمع اسمه طابا وشنو فيه؟؟؟

 

[جننها السعودي ]]

>> True Love<<
ياهلا وغلا فيك بالخبر
وربي بتنورين
العفوو
......................................................
اميرة بنتها
بعد قلبي احرجتني .. وانا ماسويت غير واجبي
مالناة غناة عن الكويت لزوم نزورها بين فترة وفترة وراح ألجكم ان شاء الله خخخ ..
وحياك الله بالسعودية
امممم شنط تقليد وماركات بمجمع الظهران ~ المحلات اهناك اكثيرة وراح تلاقين اللي تبغين ان شاء الله
الجلابيات تشوفينها بمجمع فنيسيا مول أو الجمعة سنتر المجمعين لفساتين السهرة وفي كم محل متخصصين بالجلابيات
واذا رايحة الدمام مري ع شارع الحب ومجمع مارينا مول .. محلات الجلابيات فيهم اكثيرة ..
العباية روحي شارع السويكت في محلات اكثيرة يخلصون لك العباية بمدة قصيرة وفي بعضهم ممكن يرسلونها لك بالبريد
مثلأ " شمس , الملكة , الاحمدي ...ألخ "
السويكت شارع مو مجمع متفرع وكله تقاطاعات .. العبايات تقريباً اغلبها بجهة وحدة ..
السائق قولي له بالبداية شارع السويكت اذا ماعرف قولي له شارع الامير بندر ..
الحشاش فيه محلين بأسمه
محل شنط اسعار الشنط فيه من 200 وفوق والتقليد درجة اولى مرا مميز اكثييييير ماينعرف ان تقليد ابداً
ومحل اكسسوارات شعر رآقية وحلووة
اهو بالسويكت ممكن تقولي مجمع صغير او عمارة يسمونها العبد اللطيف
اسألي عنه معرووف ان شاء الله تلاقينه ..
الشحاطات والجواتي والصنادل فنيسيا مول بالدور الثاني اغلب المحلات اللي فوق صنادل وشحاطات و ...ألخ
ونفس الشيء مجمع الجمعة سنتر .. الدور الثاني اغلب محلاته هيك ...
فنيسيا مول اهو الاقرب لك لان يصير مقابل مجمع الراشد فممكن ماتتعنين للجمعة سنتر واذا امداك ممكن روحيهم اثنينهم ..
البخاري يمدحون مطعم نعيمي " في شقق مقابلة لمجمع الراشد يصير وراهم " ومطعم ملك المندي بالخبر الشمالية <~ ماجربتهم بس يمدحونهم
حي الجسر مليآن مطآعم بخآري
اما الهندي مطعم كوبر شندي بشارع البيبسي و مطعم بندوخان بشارع السويكت <~ عليهم مدح وبعد ماجربتهم ..
كل المجمعات فيها ألعاب " الظهران مول , الراشد , فنيسيا مول " .. الجمعة مدري مو متذكرة بس كأنه مافيه ..
مطاعم ع البحر روحي جزيرة الدغيثر فيها اكثر من مطعم بس بعضهم اسعارهم غالية ..
واغلب مطاعمنا فيها خيارين كباين وبدون كباين ارتاحي ..
العفوو والسموحة ع التأخير في الرد بس انشغلت وصار عندي ظروف ..
............................................................
مستقبل
لا عادي اخدمكم بعيوني والسموحة بعد منك ع التأخير يمكن جيتي الخبر الحين @@ بس وش اسوي الظروف منعتني من الدخول للنت
ولا والله ما تأخرت ولا ثانية ..
الاسعار زينة .. وخاصة هالوقت راح تبدأ التخفيضات ..
الاكسسوارات اممممم ماعرف مافيه محل اركز عليه .. يعني ممكن تروحين الظهران مول في محلات واكشاك فيها اكسسوارات ممكن تلاقين شيء حلو ومميز
انا اقتبست لك رد لي من قبل .. سألتني وحدة عن مصممين اكسسوارات وهيك
"محل المدار اممم ماعرف عنه شيء يمكن دخلته بس مب متذكرة
اذكر دخلت محل اسمه المصمم السعودي ياربي مشش ذاكرة وين يا بفنيسيا مول يا بالجمعة سنتر والارجع بالجمعة
عنده تيجان حلووة بس ماسألت عن الاسعار
ودام اسمه المصمم فآهو اكيد يصمم لك ع ذوقك ~
وفيه بعد محل بنت النور بالجمعة سنتر بالدور الثاني المصمم سعودي وفاهم بموضة الاكسسواريز عنده اكسسوارات شورافسكي ويصممها لك ع طلبك انصصحك تأخذين له صورة اللي تبغين مثله " تاج ولا عقود ولا ...ألخ " تطبعين له من النت ويصممه نفسه بالضبط
وفيه بعد محل اسمه فور آيفر بس اسمع ان اكسسواراته غالية لانها مطلية
مجمع فنيسيا ومجمع الجمعة فيهم كذا محل للاكسسوارات بس خبرتك بالافضل
لو بتمري الدمام روحي الحياة بلازا تلاقين فيه محلات اكثييييييييرة تبيع اكسسوارات تشبه الذهب والالماس رخيصة
بس ماركز ع تيجان العرايس فمدري عن مستواهم "
ووبعد شارع الحب فيه محلات اكثيرة تبيع هالسسوالف ~
<~ هذا اذا كنتي بتروحي الدمام
المشوار مو طويل ابداً المفروض 10 دقايق وتكوني وسط الدمام بس المشكلة الحفريات والتحويلات مطولة الطريق
فالخبرة بالشوارع يوصل بسرعة لوول
"
الخميس يفتحون الظهر عادي كالمعتاد بس الجمعة يتأخرون ويفتحون العصر وحياك الله بالسعودية

.............................................................
sanaya-q8
ايوو في مركز اسمه طابا ..
امممممممم فيه اشياء اكثيرة اسعارها رخيصصصة وكويسة ..
يعني ممكن تلاقين اشياء للكرف " تلاقين ماركات مخفضة " وخرابيط .. يمكن يعجبك ويمكن لا
انا ماحبيته يمكن لان مالقيت فيه شيء وصار لي سنين ماطبيته .. يقولون تغير حالياً

 

[فستاني خرب]

السلام عليكم
مرحبا انا عضوه جديده
وشفت الموضوع وماشاء الله فيه تفاعل

انا فستان زواجي خرب وباقي على زواجي اقل من شهر والمشكله اختبارات
من الشرقيه بس مالقيت فستان جاهز حلو وبسعر معقول
ف بليز يا بنات ابي مساعدتكم إذا تعرفون محلات بالشرقيه او الرياض


اختكم
فستاني خرب:eh_s(16):

 

[رورو 99]

ان شاء الله باجر بروح السعودية
الخبر و الدمام

لأول مرة

بس ابي اعرف متى المجمعات و الاسواق تفتح الصبح
و متى تسكر للصلاة و متى تفتح مرة ثانية

:eh_s(20):

 

[جننها السعودي ]]

فستاني خرب
السويكت فيه اكثر من مشغل ومحل يبيعون فساتين
منهم " ليلة العمر , فن , بحر العرائس , تواقيع , الأمبراطورة , ليلتي...ألخ "
محل الاسعد ومحل مختارات العبد الواحد بمجمع الراشد
هذا موقع مختارات عبد الواحد هذا يطلب لك حتى من برا
http://www.maggiesottero.com/
بوتيك pronovias جنب مجمع التركي
هذا موقعه ع النت
http://www.pronovias.com/
محل صبـآ بشارع البيبسي <~ له فروع بمجمع الجمعة وفنيسيا وبالراشد بس يبيعون فساتين سهرة اما اللي بالبيبسي فساتين زفاف
ومحل البتلات البيضاء صاحبته ماريا انتونيو العشبان اجنبيه مرا مرا ذوق تعاملها
موجود بشارع البيبسي بعد يصير قدام شوكلا باتشين عندهم كاتلوج وتختارين او تفصلين زي ماتبغيين تلاقين عندها فساتين من demetrios اللي بجدة وغير الاكسسوارات والجزم يعني تخلصين وهذا موقع ديمتورس
http://www.demetriosbride.com/intl/index.php
وبعد عندك بالدمام شارع الحب في محلات ومشاغل اكثيرة ممكن تلاقين شيء يعجبك <~ مادخلتهم بس اشوفهم واسمع عنهم
بوتيك لادنتيلا
عندهم اوقات معينة من السبت للخميس من 9 ونص الصبح لـ 12 الظهر بعد يردون يفتحون 4 العصر لـ 10 الليل
ويوم الجمعة مايفتحون الصبح يفتحون 4 العصر لـ 10 الليل
يصير وراء قرية القصيبي من وراء يقابل مرديان الخبر
البوتيك فيه " فساتين زفاف وسهرة و اكسسوارات للشعر للعرايس و جزم كمان للعرايس
...................................
رورو99
حياك الله
المجمعات تفتح من الصبح 9 ونص تقريباً ويسكرون ع وقت صلاة الظهر وشوي ويفتحون مرا ثانية
ويسكرون وقت صلاة العصر ويفتحون من جديد وع المغرب والعشا نفس الشيء مايطوولون اكثير ماراح تحسين بالوقت
طبعاً هذا كله بايام الاسبوع متكرر ماعدا الجمعة يفتحون 4 العصر ..

 

[شمس.الحب]

حبيبتي جننها

انا توني راجعه من الشرقيه

رحت محل اطفال اسمه سمينا

رووووووووووووعه خيال صراه بس كان تخفيضات

وكله مقاسات خالصه
واسعاره جونان

تخيلي اخذت لبنتي بلوزه وعليها مثل الجاليه ومعاها تنوره وهلهوب نفس النقشه وجوتي نفس النقشه وكاب

بس كاااااااانوا خيال طقمتها بالاخير طلع علي ب130ريال يعني يابنات11دينار

ابي محل نفس طريقته عنده تطقيمات ونفس اسعاره رخيصه

 

[شمس.الحب]

حبيبتي جننها

انا توني راجعه من الشرقيه

رحت محل اطفال اسمه سمينا

رووووووووووووعه خيال صراه بس كان تخفيضات

وكله مقاسات خالصه
واسعاره جونان

تخيلي اخذت لبنتي بلوزه وعليها مثل الجاليه ومعاها تنوره وهلهوب نفس النقشه وجوتي نفس النقشه وكاب

بس كاااااااانوا خيال طقمتها بالاخير طلع علي ب130ريال يعني يابنات11دينار

ابي محل نفس طريقته عنده تطقيمات ونفس اسعاره رخيصه

 

[طرازنة]

انا من الخبر

اي احد يريد شي يقووووووول لية


الخبرررررررررررررررررررر وبس

 

[msl 1881]

مشكوره حبيبتي سعوديه كفيتي وفيتي
والله انا ابي اروح العمره ومن كثر ماتكلمتي عن الخبر شوقتيني لها حيل وانا سامعه عن اسواق الخبر بس ولا مره رحت لها
ف عشان جذي بمر عليها يعني ماعندي وكت وايد ياريت تنصحيني شنو عندكم محلات دراريع حلوه يعني ابيهم حق العيد ورمضان ومحلات اكسسوارات ومحلات العبي الحلوه ويكون السعر مقدور عليه يعني موافر يعني حدي بالدراعه مالة العيد اميه اميه وخمسين جذي بهالحدود
بس تكون الدراعه رزه وكشخه والكل يسئلني عنه يعني تعرفين العيد ونبي نكشخ هههههههههههههههههه
بس حبيبتي مابي احوس ابي شي اروحه وماادور غيره لان الوقت اللي بقعده بالخبر كم ساعه يعني ابي الزبده
وتري اختج ماتعرف شي بالخبر ابي وصف دقيق وابي الرد السريع واكون لج من الشاكرين وبدعيلج بالعمره اذا ساعتيني هههههههههههههه
وطرزانه تري حبيبتي انا موناسيتج يعمري ناطره نصيحتج وشكرا