^^أســـــــــــــواق الخبـــــــــــر حياكــم الله ^^

[جننها السعودي ]]

اهليييين ..
ايييييييييييييو قولي كذاا تقصصدين محل مزاج اللي بمكة
ماله فروع بالشرقية ع خبري لو له فروع كان قام سوقه وو سمعت فيه
لووول لان الكلمة اللي كاتبته انتي تنقرا " مزج " الاصح mazaj
العفووو حبيبتي واذا بغيتي شيء ثاني حاظرة

 

[جننها السعودي ]]

بوتيك ووتر ليلي

حبيت آخبركم عن بوتيك متميييز بالاكسسوارات روعهـ بشكل كبير
الاكسسوارات لها ناسسها مآخوذين من لبنـآن معرض مايشترون منه ألا الاميرات والنآس الهاي كلاس
واهما شغل يد في منهم اللي مصنوع من : اللؤلؤ , الكهرمان , قطع فيروز , عقيق , العتبر , احجار طبيعية....ألخ
المميزات الثانية
اللؤلؤ مزروع ولا يتقشر مضمون
والفضيات كلها مطلية بماء الذهب " ما يتغير وألوانه رائعة تناسب اغلب اللبس
اسعارهم من 60 ريـال إلى 1200 ريال
الاسعار مرا حلوة بالنسسبة لروعهـ الاكسسوارات


الموقع / شارع الامير بندر السويكت الخبر تقاطع 21/22

 

[smile face]

ان شاءالله عقب باجر بروح الخبر يابنات ترى مالي خبرة فيها
شنو الماركات والمحلات الي موجودة هناك ومو موجودة عندنا ؟
او الاشياء المميزة باسواقها ؟ واااايد سمعت البنات يمدحونها
والمطاعم ابي مطاعم يم يم لذيذة والاهم نظيفة ورايقة

تكون بنات اللي لها خبرة بالخبر ترد بلييييز

 

[جننها السعودي ]]

قلبوو سوي لك موضوع برآ واطلبي من الكويتييات
لان انا مدري شنو اللي عندنا مب عندكم ^ـ^
واهني مايدخلون اكثير فاحتمال مايشوفون طلبك بهالسرعة ..
عموماً الماركات بمجمع الظهران وبمجمع الراشد اكثر شيء المجمعات الباقية فيها بس مادري اذا نفس اللي عندكم ولا
اما بالنسبة للمطاعم
مطاعم بحرية : مطعم السنبوك طلته الليلة مميزة والخدمة تمام بس اسعارهم غالية
مطعم صيني : بيت التنور
مطعم ايطالي : مطعم Ciro's POMODORO " موقعه بمجمع المطاعم علي الكورنيش قبل جرير بالتحديد فوق كاسبر قانمبيني "
المطعم جديد
مطعم هندي : عندك كوبر شندي و مطعم مغل
مطعم شعبي: مطعم ماضينا اكلاته حلوة ومستوى الخدمة امنيح بالنسبة للزحمته
يمكن العيب الوحيد بوجهة نظري كل جلساته ع الارض " مدري اذا غيرو الحين "

وفيه مطعم " وكوفي شب " جديد ماجربته اسمه بحيرة الشرق
انا شفته شكلاً رآقي وجلسته حلوة
موقعه / ع الكورنيش الجنوبي للخبر في جزيرة الدغيثر

اذا تبغين ادليك عليهم كلهم ؟
انا كتبت لك مواقع المطاعم اللي يمكن ماهيب معروفة مرا بالنسبة للزوار

 

[Simple^Lady]

سين سؤال وين احصل بدل سهرة راااقيه بالخبر؟

 

[جننها السعودي ]]

المجمعات
مجمع الجمعة سنتر
مجمع فنيسيا مول
مجمع الراشد الدور الثاني فيه محلات والدور الاول فيه محل واحد اظن اسمه ماكسي لارا
شارع السويكت فيه مشاغل وبوتيكات تبيع جاهز " فيه بالسويكت مجمع الخبر بلازا الدور الثاني فيه محلات "
مجمع الثريا بشارع البيبسي فيه محلات منها الاناقة البسيطة , لاس " المجمع صغير موجود بشارع 28 "
فيه بوتيك بمجمع الثريا اسمه مورد يطلب الفستان طلبية من اوربا و تركيا ..ألخ ويتعامل مع مصممين كبار بس اسمعت ان تغير اسمه
اسألي عنه اذا تبغين
مجمع البندرية بشارع البيبسي " اذا شفتي بوتيك عطيف روحي المحلات اللي جنبه ووراء هذا اهو مجمع البندرية "
" شارع البيبسي اسمه الرسمي شارع الامير فيصل بن فهد "
بوتيك باكو ديزاين وبوتيك ميموزا ورآ فندق المرديان اللي ع شارع الكورنيش
" فيه محلات وراء المرديان غيرهم اذكر واحد كأنه اسمه لافي و nd "
ع فكرة مجمع الجمعة سنتر يقابل جهة المريديان يعني تقدري تخليهم بطلعة وحدة
بوتيك لمسات طيبة ع كورنيش مقابل الواجهة البحربة عند مطعم ابل بيز
<~ احبه يجدد فساتينه باستمرار
قرية القصيبي جنب مجمع الجمعة سنتر فيها بوتيكات احياناً يجيبون " بوتيك لادنتلا ادخليه من ورا القرية "

اممم بس تقريباً

 

[جننها السعودي ]]

معرض الاصايل للتصاميم

معرض الاصايل للتصاميم من الفترة 1431/4/25 الموفق10/4/2010
المدة : 5 أيام بقاعة السيف " بالخبر "
مكونات المعرض " ملابس سهرة , جلابيات , بدل لمصممات من السعودية ودول الخليج , اكسسوارات
عطور ومكياج , مجوهرات , شنط وآحذية , مفارش , واوني واعمال يدوية ومركز تجميل ومعاهد وأجهزة ألكترونية
حلويات للافراح , دي جيه اسلامي , عرض ازياء , دورات تدريبية ومحآظرات

 

[جننها السعودي ]]

افتتاح محل "شوكونوف" اول فرع بالسعودية

احتفل سكان حي العليا بالخبر بإفتتاح محل "شوكونوف"

المتخصص في الشوكلاته السويسرية "الدرجة الأولى"وأفتتاح المحل كل من

الاستاذ
سعد بن صهيب آل مرشد

والأستاذ
فالح بن زيد الشمري

صاحبي المحل وحضر الاحتفال عدد من المدعوين و الزوار الذين أبدو إعجابهم في المحل

واستمع الحضور على شرح مبسط عن أنواع الشوكلاته وكيفيه صناعتها وتوفيرها من مصادرها "سويسرا"

كما أستمتع الحضور بالتذوق على أنواع مختلفة من الشوكولاته، حيث يتميز (ChocoNouv)

بصنع الشوكولاته يدوياً حسب طلب العميل بكل جهد وإتقان

كما يقوم المحل بتوفير الهدايا للمواليد والأفراح الأخرى

(كالزواجات -التكريم وغيرها) بأسعار مناسبة للجميع

ويطمح (ChocoNouv) التوسع والانتشار بفتح أفرع في المنطقة الشرقية والمملكة على مدى السنوات القادمة

حيث يسعى حالياً بالبحث عن موقع مناسب في الدمام لإفتاح الفرع الثاني في المنطقة الشرقية

نتمنى لصاحبي المحل الاستاذ/سعد آل مرشد - والأستاذ/ فالح الشمري كل التوفيق والنجاح

ونسأل الله أن يبارك لهم ويرزقهم كل خير

عنوان المحل:

العليا - قرب واحد المستهلك - شرق خزان مياه العقربية


فريق التغطية

محمد العافيه - الحسام

صور من داخل المحل

<~ ماحطيت كل الصور ~ " استاذ حسام , استاذ محمد يعطيك ربي آلف عآفية ^ـ^

 

[يميزني سمو ذاتي]

جننها السعودي شلونج لج وحشه

تصدقين اشوف نك نيمج و اضحكــــ

أبي أسألج عن مجمع طابا يقولون حلو من ناحية البجايم و الملابس الداخلية...

شكرا ياعسل

 

[يميزني سمو ذاتي]

<<<<<< تشوف نك نيمج و تضحك مستانسة انج اون لاين

 

[جننها السعودي ]]

ههههههههههه بعد عمري اهليين
اناا تمام انتي كيفك ؟
لوووول انا تشوفيني اون لاين لان احيااناً افتح المنتدى وآقوم
سبق وكتبت تجربتي فيه دخلته وكان مرا زحمة فما عرفت مستواه للحين
بس من نحاية البجايم والملابس الداخلية وملابس الكرف مرا يمدحوونه واسعاره حلوة ورخيصة
سوري اـتأخرت عليك بركي

 

[smile face]

حبيبتي جننها السعودي والله ان انا تعبتج معاي باسالتي
بس تصدقين رحت الخبر هالاسبوع ورديت اليمعة
بس ما استانست ولا استفدت ولا تمشيت والسبب عيالي
سبحان الله من الطريج مرضو وهات ياحنة ورنة وصرنا حبيسين الفندق
والحمدلله صارو زينين الحين
وتووووبه الاسبوع الياي انا وزوجي بدونهم بنروح ( السفر مو مال يهال )
المهم عزيزتي
ابي اشتري ملابس سهرة حق عروس واستقبالات لي ولبنتي بس ابيهم حيل راقيين وكشخة وماركات
سمعت ان عندكم باسعار حلوة حيل يعني على 2000 ريال واقل احيانا
ابي بالتفصيل الممل من وين بالضبط ؟

 

[جننها السعودي ]]

هلا حبيبتي
ايييييييه مسستحيل تآخذين راحتك اذا كانوو معك بزران يطفشون ويملون بسرعة
مايششوفون شر ان شاء الله
لا تعبتيني ولا شيء وش دعوة عاد ولو
وياحياك الله
انتي مجمع الجمعة سنتر ومجمع فنيسيا راح تلقين بالسعر اللي تبغينه
يعني تقلين ثياب كشخة بـ 1600 واقل حتى .. بس روحي كل المحلات كل محل يختلف عن الثاني لان
ومجمع الراشد الدور الثاني فيه محلات فساتين سهرة
ملابس الاستقبال شنو تبغين ؟ يعني جلابيات وكذا ؟
اما بالنسبة لبنتك ابغى اعرف عمرها كم ؟

 

[لبا^زولي]

................................

 

[smile face]

مشكورة ياقلبي جننها السعودي كلج ذووووق
انا بصراحة ابي من مجمع الراشد فيه تشكيلة ومحلات وايد
ومابي افتر وادور بره يمكن فينيسيا مول اروحله بعد
ابي ملابس عرس واستقبالات مو جلابيات لا عادي نفانيف وبدل بس حق ملجة واستقبالات ولادة
ابيهم يكونون مو شغل مشاغل محلية ابي بدل ايطالية فرنسية وجذي
بنتي بسم الله عليها 6 سنوات بس طويلة تلبس 7 سنوات وودي اخذلها حق جم حفلة عيد ميلاد وجذي
اختي بالراشد شنو فيه محلات حق السهرة
وسؤال ثاني واي يننتج معاي لان ادور اهني وماني لاقية بعد
ابي جيجيات تكون ماركات موجودة عندكم ؟ مثل ديور او ال في او غوتشي وهالسوالف ؟

 

[جننها السعودي ]]

العفو حبيبتي ..
مجمع الراشد الدور الثاني فيه اكثر من محل لفساتين السهرة " المصمم اللبناني , روبورتو كفالي , ألبرت , nd , صبآ , مختارات عبد الواحد ,....ألخ
فيه بعد محل للفنانة وعد لفساتين السهرة بالقسم النسائي بالمجمع " بوليفارد " وبنفس القسم محل ابريز الشرق
فيه جلابيات مغربية مع اكسسواراتها والشوز , بعد بنفس القسم محل مآي ليتل شوب مافيه شيء معين يعني فساتين سهرة , بدل , اطقم
وكذا منووع ..الفساتين ماركات مثل روبورتو كفالي وفيرساشي موقعه " البوابة 6 - الدور الثاني "
مجمع فنيسيا ومجمع الجمعة سنتر احسن من الراشد بكثير من ناحية فساتين السهرة لانهم متخصصين بهالشيء
يعني هالمجمعين معروفين محد يروحهم غير اللي عنده مناسبة والدور الثاني بكلا المجمعين فيهم اكسسوارات وشوزات حلوة
شارع البيبسي كله مصممات وبوتيكات راقية والبوتيكات اللي عند الجمعة سنتر وراه وقباله ..~
الماركات تلاقينها بالراشد والظهران ~
مجمع الظهران كله محلات ماركات راح تلاقين محلات اكثيرة مو عندكم ادخلي اللي تشوفين انهم مب عندكم
وشسمه بمجمع الظهران ومجمع الراشد اهم شيء تمرين فيهم التوسعة رايقيين فيهم محلات ماركات مميزة
وصح قرية القصيبي جنب مجمع الجمعة سنتر علطول فيها اشيائات حلوة
تطمني من ناحية المحلي لآن اغلبهم مش محلي وااذا شفتي محلي مايعني ان المحل كله محلي لا منوع من كل بستان زهرة خخخ
السسوق ياقلبي يبغي له فرآآرة وتعب ماراح تلقين شيء بالراحة
بالنسبة لبنتك
في محل متخصص للاطفال بمجمع الجمعة سنتر تقريباً 12 سنة <~ اظن بعد فيه غيره
محل مونسون عنده نعومين بمجمع الظهران
محل العيسائي بالراشد بالدور الاول
وع فكرة مجمع الظهران محلات الاطفال بكل انواعها اكثر من اللي بمجمع الراشد بكثير
وعندنا شارع الحب بالدمام فيه محلات لفساتين الاطفال حلوة ووميزة منفوشة اغلبها يعني مب ناعمة <~ قلت لك تحتاجين فرارة
شوفي انا راح اسأل خالتي من وين جآبت لبنات خالي فساتينهم لآن مرا حلوين ~
..~
راجعي ردودي اللي قبل راح تلاقين اني كاتبة اشياء ممكن تفيدك
و راجعي الاعلانات اللي حاطتها عن المحلات اللي فتحت بالخبر ممكن يفيدك كمان ..
وبرسلك صور لبوتيكات القسم النسائي بوليفارد اللي بالراشد ..
اما الجيجيات اممم ماعندي فكرة بس بعد ممكن تشوفينهم بالمجمعات
ألقى حلوييين وكششخة بس ماركز ع ماركاتهم المحلات اكثيرة ممكن تلاقين فيها
او ممكن تدخلين بوتيكات الماركات نفسها

 

[smile face]

مشكووورة ياقلبي وايد تعبتج
وجمعة سنتر وين يصير ؟؟ بعيد عن الراشد ؟

 

[جننها السعودي ]]

العفوو حبيبتي .. لاتقولين كذا ولو
اي الجمعة ابعد شيء
لان الراشد والظهران وفنيسيا تقريباً عند بعض ..
الجمعة سنتر يصير قدام فندق المرديان ع الكورنيش
طريقه مايضيع .. ضعتو اسأل ماراح يقصرون بيدلونكم ..
وسألت لك خالتي قالت فستانيهم من مارينا مول <~ مجمع مارينا بالدمام

 

[ابرار القحطاني]

مرحبااا حبوبه

يقلبي انا بغيت اسم فندق قريب مجمع الراشد ؟؟

واذا عندج ارقاامهم ياااليت تساعديني ابهم ,,, ان شاء الله باجر الصبح بنحرك للخبر ..^_^

 

[جننها السعودي ]]

فندق ولا شقق فندقية ؟
الشقق الفندقية اللي عندي الراشد اكثييييرة ..
إذا تبين شقق خبريني
بس الفنادق هذي اهيا
فندق الراشد ريزيدنس بنفس المجمع وآقرب شيء
خمس نجوم
استفسري عن الاسعار بنفسك احتمال تغيرت
الاسعار كانت
غرفه + صاله = 1000< ماادري اذا فيه غرفه خادمه او لا
غرفتين +صاله + غرفه خادمه =1500
3 غرف + صاله + غرفه خادمه = 2000
رقمهم
038814332
موقعه
http://www.alrashidres.com/


,,

فندق كورال انترناشيونال
هاتف: 8696666
موقعهم
http://www.coral-international.com/
اسعارهم افضل من الراشد ريزيدنس
جناح يحتوي على غرفتين وصاله ب 1000 ريال
و سويت غرفه وصاله ب 700 ريال
وغرفه فقط ب 500 ريال
وتأكدي كمان من اسعارهم واعتقد الحجز من النت ارخص

,,