^^أســـــــــــــواق الخبـــــــــــر حياكــم الله ^^

[na3oma-q8]

اختي جننها

انا من اسبوعين راده من الخبر

صراحه اللي تقولين عنه اهو اللي شفته بالضبط ويني عنج قبل لا اروح الخبر ^_^

بس حسافه ماكان فيه وقت نروح للراشد

حبيبتي انا اسمع من البنات ان الخبر فيها بدلات عرايس بس انا فريت سوق جمعه ورحت ميموزا مالاحظت ان فيه بدلات عرايس

عفيه اذا تقدرين تفيديني وين احصلهم اكون شاكرتلج

 

[جننها السعودي ]]

فديت قلبك عوضيها المرآ الجااية
الجمعة وميموزا لفساتين السهرة مب لفساتين زفاف
كا الراشد مارحتيه في محلين محل الاسعد ومحل مختارات العبد الواحد
هذا موقع مختارات عبد الواحد هذا يطلب لك حتى من برا
http://www.maggiesottero.com/
السويكت فيه اكثر من مشغل ومحل يبيعون فساتين
منهم " ليلة العمر , فن , بحر العرائس , تواقيع , الأمبراطورة , ليلتي...ألخ "
محل pronovias
هذا موقعه ع النت
http://www.pronovias.com/
محل صبـآ بشارع البيبسي <~ له فروع بمجمع الجمعة وفنيسيا وبالراشد بس يبيعون فساتين سهرة اما اللي بالبيبسي فساتين زفاف
ومحل البتلات البيضاء صاحبته ماريا انتونيو العشبان اجنبيه مرا مرا ذوق تعاملها
موجود بشارع البيبسي بعد يصير قدام شوكلا باتشين عندهم كاتلوج وتختارين او تفصلين زي ماتبغيين تلاقين عندها فساتين من demetrios اللي بجدة وغير الاكسسوارات والجزم يعني تخلصين وهذا موقعه ع النت
http://www.demetriosbride.com/intl/index.php

لي باك اذا تذكرت شيء

 

[جننها السعودي ]]

تذكرت ..

بوتيك لادنتيلا
عندهم اوقات معينة من السبت للخميس من 9 ونص الصبح لـ 12 الظهر بعد يردون يفتحون 4 العصر لـ 10 الليل
ويوم الجمعة مايفتحون الصبح يفتحون 4 العصر لـ 10 الليل
يصير وراء قرية القصيبي من وراء يقابل مرديان الخبر
البوتيك فيه " فساتين زفاف وسهرة و اكسسوارات للشعر للعرايس و جزم كمان للعرايس

يقولون بمجم الخبر مول في محلات تبيع ومدري مارحته من فترة طويلة فمدري عنه

 

[أسيرووو]

حبايبي ممكن تساعدوني اذا تعرفون وين احصل شيلات الشرقيه بالخبر او الدمام لاني بسافر باجر ان شاءالله ؟؟؟؟
وعسى الله لا يهينكم

 

[جننها السعودي ]]

الشرقية مالهم محل بالخبر والدمام
فما الك ألا ان تدوري وتسألي وان شاء الله تحصلي احد يبيعهم
روحي شارع السويكت بالخبر ومحلات العبي اهناك اكثيرة اسأليهم اذا عندهم شيلات الشرقية
واذا ماعندهم ويعرفون محلات تبيعهم ..ممكن يعرفون ويخبروك
ووبالدمام شارع الحب اتوقع بعد تلاقي بس ماعرف محل بعينه ولا كان ماقصرت معك
وبالمجمعات اكشاك للشيلات ممكن تخصلين فيهم وومحلات بعد
ان شاء الله اذا في احد يعرف شيء يفيدكِ

 

[أسيرووو]

مشكوووووووووورة ياحياتي ما قصرتي انا اليوم رديت وما شفتهم يمكن لأني مادورت لان حبيت اعرف محل اروح له سيده
بس خميت من ماي فير ليدي بالراشد 00000 وعساج ع القوة

 

[ناعم العود305]

يعطيج العافيه اختي جننها السعودي ما تقصرين كنت محتاجه هالمواقع

لانه عندي نيه ان شاء الله اروح للخبر

وياليت يا اختي ابي محلات عبي حلوووه في الخبر

 

[جننها السعودي ]]

أسيرووو

مشكوووووووووورة ياحياتي ما قصرتي انا اليوم رديت وما شفتهم يمكن لأني مادورت لان حبيت اعرف محل اروح له سيده
بس خميت من ماي فير ليدي بالراشد 00000 وعساج ع القوة

العفوو حبيبتي .. والحمدلله ع سسلامتك
اهم ششيء مارجعتي فاضية خخخ
انا راح احاول اسأل وادور عليهم اذا رحت محلات عبي وان شاء الله يفيدك بزيارة ثانية ^^

ناعم العود305

يعطيج العافيه اختي جننها السعودي ما تقصرين كنت محتاجه هالمواقع
لانه عندي نيه ان شاء الله اروح للخبر
وياليت يا اختي ابي محلات عبي حلوووه في الخبر

الله يعافيك حبيبتي ,, ولوو بالخدمة
تنوريناا )=
السويكت وسبق كتبت عن بعض المحلات الحلوة فيه ( الحسناء , ملكة , شمس , العيسائي , الاصيلة , الاحمدي , توب بلاك , نيولوك ....)
ومجمع الراشد بعد فيه " السلطانة , ماي فير ليدي , توايلا , فيرست شوز , اللمسة , فاشن توب , لالونا , بدون اسم , .....)
<~ فخمين فاسعارهم مش رخيصة
مجمع الظهران بعد فيه " بدون اسم , بيت العباية , توايلا , بو كنان عبايات , السلطانة , .......)
محل فتنازيا حلو بمجمع فنيسيا مول
محل العفراء بمجمع الخبر مول
<~ لاتتعنين علشانهم يعني ممكن اذا رحتي المجمعين تدخلينهم يكفيك السويكت

بالتوفيق "

 

[ناعم العود305]

جننها السعودي تسلمين يا قلبي


عسي الله يوفقج يارب

كفيتي ووفيتي

 

[جننها السعودي ]]

الله يسسلمك عمري
آمين يارب
واجبي

 

[صبره بنت حلتيته]

متى موسم التنزيلات عندكم ؟؟
الماجد وملابس الاطفال سمعت ان الدهام تنزيلاته بشهر مارس صج ولا لا؟؟؟
ومشكوره مقدما

 

[جننها السعودي ]]

التخفيضات عندنا مرتين بالسنة
بداية السنة
ووسط السنة يعني تكون ع شهر 6 او 7
امم الحين الماجد اظن خلصت تخفيضاته .. ومعرض السواني والمحلات التابعة له مثل ريبلي وديرهي 70 %
محلات اكثيرة تلاقين فيها استاند صغيرة لمجموعة مخفضة .. لان الكوليكشنات الجديدة نزلت
والدهام حاله حال المحلات البآقية يخفضضون بالمواسم المفعروفة للتنزيلات
بس يسوي عروض بين فترة وفترة ,,
راح احاول اتأكد لك اذا فيه شهر معين يسوي فيه عروض او تنزيلات وان شاء الله لي رجعة قريب

العفو حبيبتي

 

[الحب اسرار22]

يسلمووووووووووووووووو

 

[سمو الاميرة]

حبيبتي جننها السعودي

انا اخر الاسبوع باذن الله رايحه الخبر

وانا عروس ودي اخذ التاج وامدحولي محل المدار يمكن بفينيسيا مووول يفصل عقود وتيجان
وش رايك تعرفين محلات اكسسوارات تشبه الذهب والالماس ورخيصة

وودي اشتري هدايا لخالاتي جلابيات طرح وابي رخيص وجمله وين القى
وين القى لانجري رخيص
امممممممممم
ادري بتعبك بس شسوووي مالي غير لله ثم انتي
وين تنصحيني اروح مولات تفيدني كعروس


مشكووووووووووووورة

 

[جننها السعودي ]]

الحب اسرار22
الله يسلمك من كل شر

سمو الاميرة
ياحيياك الله وربي بتنورين يآعروسس
محل المدار اممم ماعرف عنه شيء يمكن دخلته بس مب متذكرة
اذكر دخلت محل اسمه المصمم السعودي ياربي مشش ذاكرة وين يا بفنيسيا مول يا بالجمعة سنتر والارجع بالجمعة
عنده تيجان حلووة بس ماسألت عن الاسعار
ودام اسمه المصمم فآهو اكيد يصمم لك ع ذوقك ~
وفيه بعد محل بنت النور بالجمعة سنتر بالدور الثاني المصمم سعودي وفاهم بموضة الاكسسواريز عنده اكسسوارات شورافسكي ويصممها لك ع طلبك انصصحك تأخذين له صورة اللي تبغين مثله " تاج ولا عقود ولا ...ألخ " تطبعين له من النت ويصممه نفسه بالضبط
وفيه بعد محل اسمه فور آيفر بس اسمع ان اكسسواراته غالية لانها مطلية
مجمع فنيسيا ومجمع الجمعة فيهم كذا محل للاكسسوارات بس خبرتك بالافضل
لو بتمري الدمام روحي الحياة بلازا تلاقين فيه محلات اكثييييييييرة تبيع اكسسوارات تشبه الذهب والالماس رخيصة
بس ماركز ع تيجان العرايس فمدري عن مستواهم "
ووبعد شارع الحب فيه محلات اكثيرة تبيع هالسسوالف ~
<~ هذا اذا كنتي بتروحي الدمام
المشوار مو طويل ابداً المفروض 10 دقايق وتكوني وسط الدمام بس المشكلة الحفريات والتحويلات مطولة الطريق
فالخبرة بالشوارع يوصل بسرعة لوول

بما ان التنزيلات خلصت فما فيه رخيص بس يعني ممكن تلاقين جلابيات اسعارها معقولة لان بعضهم مسويين عروض ع بعض
بضايعهم ..
فبمجمع فنيسيا والجمعة فيهم كذا محل للجلابيات
ومجمع الراشد فيه بس غالين ومجمع الظهران بعد فيه وهم غالين <~ بس احتمال تلقين معقولين
وشارع السويكت طبي وتخيري كله محلات عبي في غالي وفي رخيص وفي معقول
وع العموم اسواق الجملة وهالسوالف تلاقينها بشارع الحب اللي بالدمام
ماعرف مكان اسواق الجملة بالضبط بس ممكن تسألين وين محلات الجملة وماراح تضيعين ~
وشارع الحب عموماً اسعاره حلووة ومعقولة وكل شيء فيه محلات عبي رخيصصة ولانجري اسعاره رخيصة ومعقولة وحلو ..ألخ
فيه محل اسمه بنت الوطن بين فترة وفترة يجيب جلابيات حلوة وله فرعين بشارع الحب واحد للجلابيات والثانية للانجري
امم كعروس آخذي لك لفات ع المجمعين فنيسيا والجمعة و مجمع الظهران يكفونك كمولات
اما الشوارع السويكت بالخبر أوالحب بالدمام

فديتك ولوو آي شيء تبغينه قولي لي وانا بالخدمة علطول

 

[سمو الاميرة]

الله لا بحرمنا منك جننها

وان شاءالله بتواصل معاك


مشكوووورة مررررررررررررررة

 

[جننها السعودي ]]

ولا يحرمنا منك حبيبتي
ان ششاء الله وانا معاك على طول ,,
العفو ^ـ^

 

[أسيرووو]

حبيبتي جننها السعودي وادري اني جننتج باسألتي بس ما عليه نمون ان شاءالله مثل ما انتو تمونون عالراس والعين
ابي محل mzj للملافع وين احصله بالدمام او الخبر اذا عندج فكرة عنه 000 وعساج عالقوة والله انج نشميه وما تقصرين ويانا

 

[جننها السعودي ]]

لا وش دعوة عاد :eh_s(6):
اكييد قلبوو تمونوون
اممم مع الاسف المحل ماذكر مر علي بس ممكن تعطيني معلومات عنه ؟ بركي اتذكر
يعني متأكدة من اسمه ؟ لان اغلب المحلات المعروفة اعرفها وادلها ..
الله يقويك حبيبتي ..

 

[أسيرووو]

هلا حبيبتي اي هذا اسمه مثل ما قالولي عنه هو موجود بمكه ولهم وايد افرع هناك بس مادري اذا موجود بالشرقيه والا لأ
ملافع مزاج mzj اشرايج كتبته لج بالعربي وبالانجلش(اعجبج ترى) ومشكووووووووووووورة وااااااااااااايد على
اهتمامج