أسـعـــــار الذهـــــب كـــل يــــــــــوم

[طيور الشووق]

:eh_s(11)::eh_s(11)::eh_s(11)::eh_s(11)::eh_s(11):

يارب ينزل

 

[سأكون مُنجِزة]

اشتريت أول ما استلمت مهري يعني تقريبا اشتريت شهر 10

اشتريت وكان وقتها 18 ونص

اشتريت ذهب بحوالي 5350

من مجموع مهري الي كان حوالي 7 الاف ونص

خبلة موووه

هههههههههههههه

 

[لورآ ،]

^ لا مو من صجج !!

فوق ما اهو مرتفع وواصل ١٨ تاخذين بعد ... الله يعينج بتكميل تجهيزج ويبارك لج بذهبج



البنات الذهب ماراح بنزل كلش اللي بتاخذ تاخذ الحين قبل لا يرتفع زيادة

 

[سأكون مُنجِزة]

^ لا مو من صجج !!

فوق ما اهو مرتفع وواصل ١٨ تاخذين بعد ... الله يعينج بتكميل تجهيزج ويبارك لج بذهبج



البنات الذهب ماراح بنزل كلش اللي بتاخذ تاخذ الحين قبل لا يرتفع زيادة

هلا حبيبتي لورا

شو أسوي يالغالية كان لازم أبدأ بالذهب لاني قلت بنفسي أخاف يرتفع

ولما وصلت للمحل اخترت لي طقمين واحد طويل والثاني أصغر شوي

واشتريت لي بعد اسوارة بس شوي فخمة يعني قيمتها فيها

واشتريت كمن خاتم

واشتريت لي طقم أساور ييون مع بعض كذا عددهم 6 تقريبا

واشتريت قلب صغير عليه حرف زوجي

وبس

+

عندي ذهبي الخاص فيني الي اشتروه لي امي وابوي

كمن قلب وكمن طقم اسوارة مع خاتم

وكمن خاتم

و دبوس للشيلة

+ شبكة العريس

وسلسة منفصلة لليد

وهيك

بس معاج حق الذهب حدددده نااااااااااار

الله يعين الباقين

بالنسبة لتجهيزي الباقي

قاعدة اجهز نفسي من باقي المهر

+

اوفر كمن فلس من راتبي

وامشي الامور

لاني استحي اطلب من زوجي فلوس

شو اسوي

الله يعين​

 

[Janna-q8]

بنات مو لازم تشترون ذهب.. الحين السالفه ضايعه مع موضه الاكسسوارات الذهبيه

 

[شـواقهـ]

بنااات انا محتارة وودي اعرف وبسأل

خصوصاً خواتي البدويات ولا يهونون الحضريات ، تعرفون بعض العادات تختلف

لازم العروس تشتري ذهب والا فشلة اذا ما شرت ؟؟

انزين اذا الوحدة ماتحب تلبسه ليش تشتريه !!

اهل الرجال شلون بيدرون اني ماشريت ؟؟؟؟؟؟

معقولة بيقولون ورينا ذهبج مثلاً !!

صج صج محتارة ومالي خاطر فيه كلش

 

[نبض آلخفوق]

شوآقه انآ بدويه وبرد عليج

يآقلبي انتي أكيد رآح يعرفون أنج مآشريتي وبينقدون عليج آلنآس أكيد رآح يسألونكم هآ شريتوآ ذهب ولآ مآشريتوآ ...وبعدين حبيبتي بصبآحيتج ولآ بمسآئيتج لآزم تلبسين ذهب ولآ بينقدون عليج >> علمي نفسج خخخ

انآ عرسي بعد شهرين ومآكنت نآويه ألبس ذهب بس أمي وخآلآتي زفوني قآلوآ تنقد عليج آلنآس ويقولون طيرت مهرهآ ع ملآبس وخرآبيط وحتى زوجج رآح يسمع من أهله وبيقول هآذي طيرت آلمهر ومآشرت ذهب وبيني وبينج آلعروس تحس أنهآ عروس بآلذهب بس ويييع مآحبه بس شسوي عشآن آلنآس مآتنقد ولآ بآلذآت جمآعتنآ ويييييع يبونهآ من آلله عآد خخخ

 

[لعيون الغالي]

كلام رجفة خفوقي صح

واهل المعرس بيسألون ها شرت ذهب والا لا

 

[عمة الورد]

بالعكس الذهب حلو وذخر ما يحلي العروس الا ذهبها بنات من صجكم ما تحبونه @@

 

[شـواقهـ]

اشوا مو بس انا بروحي اللي مااحبه هههههه

نفس كلام اهلي مع اني مو مقتنعة

أمرناا لله كلش ولا المنقووود

 

[ana almessa]

الله يسلم الجميع ومبروك مقدما
اليوم ولله الحمد شريت الذهب والغرام يساوي 208 ريال وسعره بالدينار 15.40 دينار (موت غالي) والله امي واخوي شووي ويدوخون ....وبعد المكاسر اضن اني اخذته بـ197ريال والسعر بالدينار 14,58 دينار !! (والله اكتب هالكلام وانا اقوول صج مجنونه كيف اشري والذهب سعره جذي بس على قوله (اذا ما طاوعك الزمان طاوعه) والذهب هالأيام خاين شدعوه مارحمنا شوي!! الله يهديه بس !!!))
المهم ما لكم بالطويله,,,,,
شريت طقم وزنه 86 تقريبا حلللووو واخذت معه 3 غوايش حليييوه وبس وبس وبس
وكلفني الله يستر علينا (22000) ألف ريال وبالكويتي( 1628)دينار كويتي
والله يوفقك الجمييع

 

[bobo lover]

بنااات انا محتارة وودي اعرف وبسأل

خصوصاً خواتي البدويات ولا يهونون الحضريات ، تعرفون بعض العادات تختلف

لازم العروس تشتري ذهب والا فشلة اذا ما شرت ؟؟

انزين اذا الوحدة ماتحب تلبسه ليش تشتريه !!

اهل الرجال شلون بيدرون اني ماشريت ؟؟؟؟؟؟

معقولة بيقولون ورينا ذهبج مثلاً !!

صج صج محتارة ومالي خاطر فيه كلش

لازم تشترين عالاقل سبحه معاها خاتم ومضعد او سوارة
هذي تلبسينها او الايام :eh_s(4): ما احب الذهب بس شسوي
واذا بتنزلين للحمولة لازم تلبسين قلادة صغيرونة وخاتم ذهب بعد لانج عروس :eh_s(16):

وترا انا كنت ضد اني اشتريه بس لما فكرت فيه صراحة حسيت كلام الاهل صح! لو احتاج فلوس لا سمح الله عالاقل عندي ذهب واقدر ابيعه

 

[نور النـور]

بنات اشتروا ذهب حتى لو غالي
اعرف وحده رجلها جاب لها كرسي جابر بصباحية عرسها
والحين تدرون لما ساومته جم يجيب لها ؟؟؟؟

23 الف دينار ما شاء الله


الذهب ذخر ذخر ذخر
والله بالنسبه لي اقط فلووووسي ومهري كله على الذهب ولاحقه على نفنوف العرس والمصوورة صدقوني تدبر من امج وابوج الله يدوم عزهم لكم

اهم شي الذهب اهم اهم اهم شي الذهب ذخر يا ناس والله ذخر
ياحلااااته
كل شي يروح وهدوم وخرابيط كلها تروح لكن مايبقى الا ذهبج باجر حتى بناتج بالمستقبل يلبسون من ذهبج
عروس عيد بتكشخين الا عندج ذهبج

ياحلات الذهب

صح انه غالي وادعوا انه ينزل شوي عشان نقدر نشتري على راحتنا لان لما بشتري امتنع عن جم قلاده على جم مضعد والسبب الوزن واختار الخفيف شويه عشان السعر والوزن

من عيار 21 قمنا نلبس 18 هذي حاله بالله ؟
الله كريم

يارب الذهب يطيح ونخمه خم لوووول

قولوا اميـــــــــــــــــن

 

[نور النـور]

هلا حبيبتي لورا​

شو أسوي يالغالية كان لازم أبدأ بالذهب لاني قلت بنفسي أخاف يرتفع​

ولما وصلت للمحل اخترت لي طقمين واحد طويل والثاني أصغر شوي​

واشتريت لي بعد اسوارة بس شوي فخمة يعني قيمتها فيها​

واشتريت كمن خاتم ​

واشتريت لي طقم أساور ييون مع بعض كذا عددهم 6 تقريبا​

واشتريت قلب صغير عليه حرف زوجي​

وبس​

+​

عندي ذهبي الخاص فيني الي اشتروه لي امي وابوي​

كمن قلب وكمن طقم اسوارة مع خاتم​

وكمن خاتم​

و دبوس للشيلة​

+ شبكة العريس​

وسلسة منفصلة لليد​

وهيك​

بس معاج حق الذهب حدددده نااااااااااار​

الله يعين الباقين​

بالنسبة لتجهيزي الباقي​

قاعدة اجهز نفسي من باقي المهر​

+​

اوفر كمن فلس من راتبي​

وامشي الامور​

لاني استحي اطلب من زوجي فلوس​

شو اسوي​

الله يعين​

والله انج شاطره عيني عليج بارده زين تسوين
وماعليج من كلام البنات واكسسوارات وخرابيط ياحلات الذهب
بس اللي مايطول العنب حامض عنه يقووووووووول

ولا زاد من مهرج شوي بعد اشتري فيهم ذهب صدقيني ماراح تندميييييييييين

 

[!! شوق !!]

بنات الذهب زينه وخزينه والله جيبولكم كم طقم

الملابس وعلى قولت امي الخلاجين بتحملين وتغير جسمج ولا تروح موضته وانتي للحينه مامريتي عليه حرام
اصلا كثر ماتشوفينه معلق بالكبت تملين منه لو مالبستيه

انا اول ماخذيت مهري جهزت الذهب وكانت اطقم تنطق على قولتهم
وما الله تمم وانفصلت وكرهت ذهبي معنه من فلوسي ومحد شافه تدرون راعي المحل الله يجزاه خير ويوفقه شيقولي

يقول لاتفكرين تبيعينه ترا لو خذته منج باخذه واعلقه جدامج علطول بالفترينه


وصج خليته عسا ربي يعوضني




سعر الذهب امس بليل سالت 13 وشي ويقول مرتفع عن الايام اللي طافت

 

[الثـــريا]

بنات نصيحه اشترو الذهب

لانه مرح ينزل

انا كنت انطره ينزل وكان وقتها 10 ونص

ولما قرب العرس توهقت الذهب مرتفع

خذيته بـ 13 الجرام

طلع علي 3 اطقم بـ 3 ألاف دينار

حرام وزنه خفيف بس لازم ذهب سنــد وذخر والله

والله يوفقنآ يآآآرب

 

[سأكون مُنجِزة]

والله انج شاطره عيني عليج بارده زين تسوين
وماعليج من كلام البنات واكسسوارات وخرابيط ياحلات الذهب
بس اللي مايطول العنب حامض عنه يقووووووووول

ولا زاد من مهرج شوي بعد اشتري فيهم ذهب صدقيني ماراح تندميييييييييين

أشكرك حبيبتي على تشجيعج لي

ومعاج حق كلامك نفس كلام أمي

و دايم تقولي الاكسسوارات والخلاجين تلاقيهم بأي وقت

وتملين منهم بسرعة

ويمكن موضتهم تخلص قبل لا ييي موعد عرسج


ساعتها راح تحسين ان الذهب اهوا الي يبقى معاج

زينة وخزينة​

 

[نور النـور]

^^

اي والله ياعمري انا حبيت افيد البنات وادعووولي بالخير

 

[Janna-q8]

الله يرخصه

 

[cuteya1986]

هاي
والله حدي متوهقه ماعرف شي
بنات انا عرسي ان شالله يمكن ع شهر 10 للحين ماتحدد بالضبط
تنصحوني متي اشتري الذهب وجم اخصص له ؟؟