أسرار حلاتهم وزينهم عندي.. وأسراركم عند منو ؟

[al-musk]

رد: رد : أسرار حلاتهم وزينهم عندي.. وأسراركم عند منو ؟

حياكم الله نورتو الموضوع ونبي مشاركات أكثر وأكثر

 

[miss angel]

رد : أسرار حلاتهم وزينهم عندي.. وأسراركم عند منو ؟

اب اب لعيووونج

 

[نجمة الشمال]

رد: رد : أسرار حلاتهم وزينهم عندي.. وأسراركم عند منو ؟

سر من اسراري يخلي البشره طبيعيه ومانحتاج كريم اساس بالدوام هو كريمي
أخلط يولاي بالتوت البري مع كريم بين التايلاندي احطهم بحمام مائي
واذا بلبس بلوزه كمها قصير احط على ذراعي من خلطه الجسم عباره عن
لوشن نيفيا 400 مل مع 5علبات من كريم بين التابلاندي في حمام مائي وارجعه لعلبة اللوشن واستخدمه بعد لرجولي اذا لبست قصير يعطي بياض طبيعي

 

[a3gl-5bla]

واااو نايس الموضوع ماشاءالله
و استفدت وايد منه :]

اما عن نفسي:
انا ما استغني عن التونك (الايسكونال) لازم كل ما اغسل ويهي آخذ قطنه و انظف فيها بشرتي و رقبتي
و طبعا الماي الورد نفس الشي ارشه على ويهي
و استخدم صابونة ماجيك للتبييض
و دايما حزة النوم ادهن ويهي بفازلين
و ريلي ادهنها بجليسويد و ادهن اكواعي و ركبي بعد

و لنظافة الفم استخدم معجون سنسوداين لان انتعاشه يظل فتره اطول
و اسوي غسول حق نفسي اتمضمض فيه يوميا صبح و ليل و نتايجه وايد حلوه
١- ينظف الفم من البكتيريا لان مكوناته تقضي عليهم
٢- يقلل من رائحة الفم
و اهوا مكوناته ( مسمار اسود- نعناع- حبتين هيل- ماي لقاح- زنجبيل) تحطينهم مع بعض و تفوحينهم لمدة ١٠ دقايق و حطي الماي اب بطل و حطي المكونات عشان يتنقع اكثر و خليه عندج يم الفرجه و المعجون عقب ما تفرجين اسنانج تمضمضي فيه فقط و تقدرين تستخدمينه كغرغره (عن تجربه شخصيه)

و بعد افرج اسناني بفحم مطحون عشان يفتح لونهم بس سمعت ان ممكن الفحم يسبب سرطان الفم و الله اعلم و انا للحين استخدمه و نتائجه فعاله.. بس اللي متأكده من هالشي خل تقولي عشان اقطع عن استخدامه

و شكرااا :]

:bye22:

 

[al-musk]

ماشاء الله عليكم يابنات جد ماقصرتو وبميزان حسناتكم ان شاء الله

 

[Aci Hayat]

بنات الله يعطيكم العافيه ويوفقكم

ماشاءالله ما قصرتوا امشي واسجل :hjy5jewf:


أنا أم الأسرآر كل شيء عندي بس ما اعتبره سر يعني من أحد يسألني على طول أعلم :botetoo:

ما أعرف اسكت وأخش يمه من بعضهم تسألينهم يتوهونج والمسأله بسيطه :n2006107:

الموهيم

1- أهم شي الترطيب ثم الترطيب ثم الترطيب
اصب لي مسك - كاندي - اي عطر زيتي زعنون من بودي شوب في البيبي اويل
لما اتروش ادهن جسمي كامل اوقف تحت دش بارد واطلع جسمي يتم رطب للترويشه الثانيه
مرآت احط لوشن ع حسب المزاج والوقت عندي :eh_s(11):

2- شعري اسوي له كل مره ماسك غريب عجيب من تأليفي ^_^
(روب - مايونيز - فاشكول - ملعقة زيت لوز أو اي زيت عندي - عصرة ليمونه)
احطهم ساعه بشعري ومرات نص ساعه ومرات ربع ساعه
ومرات احط فاشكول بروحه على حسب !
بس أهم شي أزيت شعري ببارشوات قبل اتسبح ع الأقل ارطبه
الشعر سالفتي معه سالفه

بنآآآت ابي شيء يطووله من زمااااان مو قاصته بس ما عااااد طاااال


3- الفازلين أحبه بس يبقى بين أظافري يمللني بس روعــه لو احطه قبل آنام ع بشرتي وآنام اصحى القاها تمام :hjy5jewf:

ولو أحد عنده استفسار يسأل :eh_s(15):


مسك ربي يفرح قلبك ويسعد أيامك حبيبتي موضوع ولا أروووع :blueSmCLR:

 

[haya20]

يعطيج الف الف عافيه ياصاحبه الموضوع انا السر عندي اهو روب وصبار وماي ورد يخلي ويهج صاااافي وحق الشعر زيت جوز الهند الطبيعي طبخيه مع حلبه باسبوع شوفي شعرج هذا سر خدامتنا والله عمرها 60 وشعرها لين فخذها ماشاءالله

 

[معلمة شيسمونه]

جزاكم الله الف خير بنات وايد شغلات عجبتني

صراحه في بنات اشوفهم انقلبوا بيض وما ندري شالسالفه بس الله كريم مصيرنا بنعرف


احلى كريم عندي ما استغنى عنه حق الريول طبعا والايدين
( قفشتين جلسويد + قفشة جلسرين سائل + قفشة زيت لوز مر + قفشة زيت جنين القمح + عصير ليمونتين ) شي خياااااااااااااااااال للايدين والريول

وبضيف اسكنول المره اليايه


بالنسبه لي من فتره انحلت لي مشكله عويصه ------------ حلوه عويصه

كنت اعاني من خشمي كله يتقشر الكريم اساس عليه شريت اغلى الكريمات
جربت كل المااااااااااااااااركات وباسعار خياليه نفس الشي لما احطه على خشمي يتقطع ويصير منتف
يلوع الجبد
جنه ريش ديايه منتفه

المهم من فتره شريت صابونه من فير اند وايت بفيتامين سي الزرقاء مو عن قصد

بس والله خلال يومين اغسل ويهي 3 مرات باليوم
وعقبها يونا ناس صدفه وحطيت كريم والله ما صدقت الكريم يتزحلق على صوب خشمي وبين حواجبي

طررررررررررت

غير انها ما تنشف الويه حلوه احس نظفت ويهي حيل حيل حيل


في بعد شغله حلوه جربتها

على ما اعتقد يمكن يمكن حيااااااااادر حطت خلطه كانت تبيعها خلطة للرموش فيها خروع وعسل ونواة تمر

تهبببببببببببببببببببببل باسبوع تبان النتيجه على رموشج ونبتت حق اختي رموش

والله جزاها الله خير المره حاطه مقاديره عقب ما بطلت تبيعها

 

[اميرة المحبة]

يزاج الله خير يا المسك على هالموضوع الروعة يارب بميزان حسناتكم كلكم

بنات علاج سررررررررررررررررررررريع للجلد الميت في كعب الرجلين

صخرة القدمين + فازلين

نحط كمية كبيرة من الفازلين على كعب الرجلين وهو ناشف ونفركه عدددددددددددل بالصخرة يفضل السودة القديمة

وشوفي النعوووووووومة

وفي كريم روووووووووووووووووعة مجربته اشتريه من مستشفى الاحمدي - KOC
من محل الزائر

[/URL][/IMG]

 

[صدى الوحدانية]

:eh_s:طبعـــأأأأ مـأأي ورد شي طبيعي و معروووف دايممما أذا طرى في بــأأألي أكثر المرااات أذا قعدت من النوم أرش بوجهي


بس ماعمممري شربتهـ


وعندي مضمضة أستعملهـأأ عقب ماافرش اسناااني اللي أهي هذي >>

حييل زينه للأسنان نستعملهـأ أنا وأأبووي فديته :eh_s: ووو اللثه


وأستعمل غسول نيتروجينــأأأأ لووجهي

طببببعـأأأأأأأأأأأأأ >> الفاااازلييين << شي اساسي قبل أناام أحط ع شفايفييييي


وأجدد شفايفي بالفازلين وفرشااااة >> يوووه نعوووومة مو صصصج

 

[a3gl-5bla]

سويت خلصه حق جسمي بس شكلكم بتضحكون لول
( زيت زيتون-ليمون- ملح) سلطه مو سنفره

تنعم الجسم و تنظفه بعمق خصوصا لما تفركين الملح حيل بس لا يقرب المكان الحساس :33_1185028183:

 

[NOONOOO]

رد : أسرار حلاتهم وزينهم عندي.. وأسراركم عند منو ؟

مشكورينن بنات


رفع



رفع



لتعم الفائدة

 

[NOONOOO]

رد : أسرار حلاتهم وزينهم عندي.. وأسراركم عند منو ؟

ووووووينكم


اب

 

[ليدي22]

كلامي عن تجربة

الدعاء الدعاء الدعاء باللي تبينه حتى الجمال و الشعر و الرشاقة
الرسول عليه الصلاة و السلام قال سلوا الله حوائجكم حتى الملح

قبل لا تبدين أي شي سمي
بسم الله الرحمن الرحيم
نبدي
للشعر : اللوز يخلي الشعر حريييييير
الخروع يكثف الشعر
و ينبت الصلع خصوصا مقدمة الرأس

و براشوت الأزرق آه يا حلاته استمروا عليه و ادعوا لي

و قبل لا أحني شعري بساعة أدهنه ببراشوت عشان لا ينشف

للجسم

صدفة أخذت سدر يمني مطحون من الحواج ( عشان القراية و هالسوالف )
و بعدين قمت ما أتسبح بشور جيل ، آخذ شوية سدر و أخلطه مع ماي بطاسة صغيرة
و أفرك جسمي فيه ، و استمريت عليه
النتيجة
بيااااااااااااااااااااااااااااض مو طبيعي ( ما شاء الله و لا قوة إلا بالله ) مع إنه بشرتي حساسة و مو أي شي يطيح عليها
و استخدم مرطب بيو ديرما من الصيدلية

رحت ركضة سويت سيرتش بجوجل لقيت إنه السدر يبيض ، و في بنات كاتبين إنه يطلع شعر بالجسم ، آنا ما صار معاي جذيه

 

[al-musk]

واااااااااو ماشاء الله عليكم بهالصفحه جد تبردون الجبد .. يالله بنات لايوقف

 

[..فروحه..]

مشكوووره

 

[ليدي22]

كرييييييييييييييييييييييييم الحماية

اللي ملون مثل لونه كريم الاساس<<<<<<<<<<<<يسمر!!!

و اللي لونه أبيض <<<<<<<<<<<<هو اللي تستخدمينه

بس لازم ينحط قبل لا إتعرضين للشمس ب 20 دقيقة أو 45 دقيقة

و بنهاية الدوام أو المحاضرات هم للازم إتحطينه

لأن لو حطيتيه و طلعتي مباشرة للشمس راح إتصيرين سمرة


و اللي تحط حماية على بشرتها و تصير بشرتها جافة أقول لها لازم إتحطين كريم مرطب (نتفة ) و 3 دقايق حطي الحماية ، و هالكلام للكل ، و الحين في ماركات يكون الكريم ( مرطب + حماية )
ألخص الموضوع : مرطب ( بعد 3 دقايق ) حماية ( بعد 20 دقيقة ) التعرض للشمس

 

[هموسه!!]

بعد الحف اول ماتردين للبيت


حطي روب وزباادي وحطيه بجسمج كله واقعدي افركي بأيدج مو بالليفه وبحركه دائريه

واشطفيه بالماي.. يمنع انه يحمر والنعووومه ياعيني عليهااااااااااااااااا

 

[شمــ{جابر}ــوخ]

رد : أسرار حلاتهم وزينهم عندي.. وأسراركم عند منو ؟

عدل عدل

لااااااااااااااااااااااااايوقف
لااااااااااااااااااااااايوقف

:nbvppw: :nbvppw: :nbvppw:

(( مسكوووووووووكه مشكوره فديتج على هالموضوع اينن اينن ))

(( كل البنات .. فدييييييييييييييييييييييييتكم والله صج صج صج ماتقصرون الله لااااااااااااا يقصر بأعماركم ))


والله أنا بقولكم عن الأشياء اللي استخدمها واذا ذكرت شي برجع

- خل التفاح + ماي الورد .. بنسبة 9:1 يعني قفشة خل و 9 قفاش ماي ورد أو تاخذين علبه تصبين ربعها خل والباجي ماي ورد
(( يوميا قبل لا انام اييب قطنه وامسح ويهي فيه ))
مع الوقت بتلاحظون اذا في اثار حبوب تخف لما تروح
و تصفي الوجه وتصغر المسامات

- لما ارد من كل عرس .. وشعري يكون متروس سبراي .. او أكون مسويه تسريحه ولما ابطلها اشوف شعري جنه الليفه وياااااااااااااااااااابس
قبل لا اتسبح ..
(( ادهن شعري بأي زيت حق الشعر .. حتى لو زيت الذره .. واقعد اسويله مساج لما احس ان الشعر صار ليين معاي واقعد فيه بو ساعه .. أو حتى نص ساعه )) وبعدين ادش اتسبح
وهالطريقه صج صج صج ماتقطع الشعر وماتتأذين كل مارحتي عرس وتسبحتي

- وبعد لما تردون من العرس .. ووجهكم وجسمكم كله كريم أساس ومكياج
نفس الشي اخذي زيت مثلا (( بيبي أويل حق الجسم و زيت الذره للوجه )) أو أي واحد منهم حق الجسم والوجه مع بعض
روحي الحمام عزج الله واخذي معاج علبة كلينكس
وصبي من الزيت على ايدج وسوي مساج حق ويهج وحق جسمج ومسحي بالكلينكس شوي شوي موووو حيل
وسوي الحركه مره ثانيه وثالثه ورابعه ومسحي بالكلينكس ..
لما تحسين المكياج كله رااااااح ..
عاد بعدين تسبحي بالماي والصابون عااااااااادي

وهالطريقه واااااااااااااااااايد مريحه .. يعني لاااااااااااا مزيل مكياج ولا شي _03BA:

- (( كونفيدنس )) مزيل رائحة العرق من الشايع بــ (دينار ونص)
يصير على شكل كريم .. حده حده حده اينن اينن ومااااااااااايسود الأباط أبداااااااا لان مكوناته نباتيه 100%
ويظل معاج فتره طوييييييييييييييله .. بس حطي نقطه على كل ابط وسوي مساج لما تتشربه البشره شي موووووووو طبيعي بالصيف ..
ومن أسراري أشتري (( مسك سائل أبيض )) من عبدالصمد القرشي
واحط كميه بسيطه من كريم الشايع بايدي مع نقطة مسك واخلطهم واحطهم على الاباط ..

تعالي بس شمي الريحه شي خياااااااااااااااااااااااال .. والله احطها حق الكليه بالشمس وارد البيت العصر والريحه ليلحين تينن تينن تينن :ggdw:
ومايسوي حساسيه ولا يسوي شي


امممممممم والله هذا اللي ذاكرته الحين
ولي عوده ان شاءالله :eh_s(8):

 

[al-musk]

وناااااااااسة شنو هالأسرار العجيبة وان شاء الله بميزان حسناتكم.........لايوقف