أسامي العطارين ( الحواويج ) الزينه اللي بالكويت...والأشياء الزينه والأصليه اللي عندهم

[حلـ( أرام )ـوه]

تسلمين يا الغاليه على الموضوع المميز وفعلا والله استفت من كلامكم انا توني جايه الكويت من فتره بسيطه
وما اعرف فيها عطارين بس امدحوا لي عطار ايراني في سوق الجليب يسوي خلطات لشعر مو طبيعي
وتقبلي مروري يا الغاليه

بعدعمري حياج الله ونورتي يالغاليه:eh_s(6):

 

[حلـ( أرام )ـوه]

:ggdw:

عطار بو سعيد هو أحسن عطار بالكويت
عنده جميع الخلطات التبييض *والتنعيم ونمو الشعر
أنا عالجت شعري عنده وبنات جيرانا واخذين خلطات التبيض منه:gathering:
ويعالج من أمراض العقم إلى التطويل الرموش
​

وعنوانه في الفردوس:ggdw: قطعه 3 عند الفرع.

مشكوره يالغاليه ماقصرتي

 

[Albarona]

حواج جمعية الرقة صح مكانه مو مرتب ومرات مغبر
بس تلقين عنده كل شي تبينه وهذا رقمه بس مايوصل 23968755
وأسعاره حيل زينه

 

[Love \ Hate]

واي بنات نبي اشياء قريبه ..

شوديني الجهرا والاندلس والرقه ..

يعني الحين القادسيه زين ولا لأأ؟؟ عندي لسته كامله بشتريها مادري من وين

 

[حلـ( أرام )ـوه]

مشكوووووورين فديتكم

Love \ Hate <<<< فديتج حواي القادسيه كذا بنت امدحته وعندج بعد حواي الشاميه ( بالشاميه مول ) مكانه نظيف ومرتب بس أنا ماقمت آخذ منه أحسه مبالغ بالسعر واذا على شغله ترا والله ظليمته شينه انا كنت اخذ منه ونظيف

 

[سيده نفسي]

حووووووووواي الصبووحه بالاندلس يم مكتبه السناااافر

عااااااااد هذااا رووووعه

شغله نظيف وحلووو

وكل ماتروحين له تلقين زحمة موووووو طبيعيه

طبعا ما يوصل

واحلى شي عنده خلطه الصبوووحه للوجه والجسم

وانا معاج أتعامل معاه وجدا محترم ويقدملج نصايح بالافضل والمناسب لج

 

[سيده نفسي]

موضوعج حلو ومفيد أموت على سوالف العطارين موفقه

 

[(kaka)]

السلامـ عليكمــ
انا اللى سمعت عنهـ ورحت له عطار بوسعيد الصراحهـ كنت ابي زيوت اصليهـ ولقيت عنده كل شي واصليهـ وبعدعنوانهـ الفردوس ق3 عند الفرع

تسلمين حبووبهـ ع هالموضوع المفيد

 

[ام وهابي]

عطار المملكة بالجهرا يبيع حنه وسدر اصلي وزيوت للشعر روعه

 

[اتعبني غروري 7]

كل شغلي بالفيحا .. حواي ولا غير حواي ..

 

[حلـ( أرام )ـوه]

بعد عمري كلكم كلكم فديتكم والله انتوا اللي تيننون
وماقصرتوا يالغاليه وراح يكون خوش مرجع

 

[Cool Teacher]

بنات شنو احسن حواج بالفحيحيل ؟؟
وشنو تاخذون منه؟؟
ويعطيكم العافيه

الصراحه في واحد في فحيحيل بس مو في السوق لو تعرفين السوق اللي يسمونه سوق الصباح في واحد هناك ايراني معروووووووووف كل اهالي المنطقه العاشره ياخذون منه وامين يعني مايغشج لا بالسعر ولا بالبضاعه وحتى اذا تبين شغله لشي معين مثلا ويهج اهو بيقولج شنو تاخذين وبيقولج مثلا لا هذا ما يناسبج هذا يناسبج اكثر مو عشان السعر ولا شي بس تعاملهم مه الزباين جذي من سنين عشان جذي عندهم وايد زباين من سنين نعرفهم ...

كذا مرة اروح له عشان اشتري حق خلطه اسمع عنها او اقرا عنها في النت او منتج يقولي لا هذا مو زين او له اضرار او مايسوي شي

ناخذ منهم كل شي من البهارات للخلطات كل شي ممكن تبينه ماناخذه من اي عطار الى منه من وانا صغيره كان الاب والحين الاب وعياله ...ايرانيين وكل بضاعتهم اصليه ماعندهم تقليد ولا مغشوش

اذا دشيتي السوق محلهم اخر واحد على اليمين السوق عبارة عن ممر في محلات على اليمين واليسار

 

[حلـ( أرام )ـوه]

بعد عمري ياللي فوق ماقصرتي يالغاليه


لايوقف لاااااااايوقف

 

[الجوز@@@]

والله انا جربت عطار مبارك بالجهراء روعه وجربت عطار الحكمه وشغله حلو ونظيف وله فرع بخيطان بعد.

 

[حلـ( أرام )ـوه]

مشكوره فديتج

 

[الكيكة الأمورة]

للرفع

 

[ام حنونة]

للرفع

 

[ام الغالين]

عطار جمعيه القادسيه خوووش عطار وما يغشج يعلمج الزين من الشين و خلطاته فضيعه
انا كله اتعامل معاه بس ما يوصل و اسعاره ناااااااااار غاليه دبل عن الهواجين الثانين ويفرق عنده الاسعار
وعطار النزهه وايد شغله حلو ورخيص بعد

 

[أم حووور81]

موضوعج روعه
مشكوره

 

[serina]

مشكورة أرام على الموضوع، خووووووووووش مرجع حق الحواويج.

بصراحة ما عندي خبرة وايد فيهم بس إذا بغيت زيوت حق الشعر أروح لحواي يمني في المباركية مادري شسمه أعرفه بالوصف بس، وسلامتج.

رفع لعيون صاحبة الموضوع.