أساءوا لسمعتي والمديرة تقولي انسي

[رحــــيــــل]

خواتي الحبيبات بنات ديرتي المحترمات ​

​

صادفتني مشكلة في عملي وحبيت أستشيركم فيها وأجمع آراءكم​

​

وأتمني كل وحده تقرأ تحط روحها في مكاني وتقول لي شلون كانت راح تتصرف​

​

أولا أنا معلمة أطفال في حضانة أحب عملي وايد وأحب الأطفال وأحب التدريس وأحب أفكر وآتي بكل جديد​

​

في مدرسات معاي وخسارة فيهم كلمة معلمات يغارون مني وحاقدات علي​

​

لأن المديرة في كل اجتماع تمدحني وتثني علي ​

​

وتمدح دفتري التحضير وأفكاري وفنياتي وتعاملي مع الأطفال ​

​

الي صار تم الأساءه لي من قبل بعض المدرسات في برنامج الأنستغرام بحساب الحضانة​

​

وكتبت البنت أني على علاقة مع زوج حماتها وهو أحد أولياء الأمور وأني خفبفه معاه ​

​

وقليلة ذوق في الحوار​

​

طبعا أنا عصبت ورديت عليها أنه ما تتكلم بأعراض الناس حتى الله لايبليها باجر وأنه هالكلام غير صحيح ​

​

وقلت لها عندج بنات خافي عليهم قالت أنا مو متزوجه ​

​

طيب من وين جبتي ريل حماتج دامج مو متزوجه ​

​

المهم الله ما بيّتها لها وكشف جذبتها ​

​

وكلمت المديرة وكانت متابعه الموضوع وطولت على ما سكرت الحساب لأنها كانت ناسيه الباسوورد ​

​

الي قاهرني في الموضوع أن المديرة ما تصرفت ولا عاقبت صاحبة هالكلام ​

​

فقط سكرت الحساب وقالت لي انسي الموضوع ​

​

بنات فاهميني أنتو أنسى ومن يرد اعتباري؟! ​

​

من يرجع لي كرامتي ؟!!​

​

أفكر أترك المكان لأني أحس بإهانه وظلم كبير وقع علي بدون انصاف​

​

شرايكم حبيباتي ؟!!​

 

[ماكواسم2]

اشلون تتجرأ ......... لو انا ما اخليها اشتكي عليها او اسوي فيها مثل ما سوت ........... شنو طوفة هبيطة وديري بالج تمسحين اي شئ من اللي كاتبته هالغبية

 

[Zinab BH]

بسيطة لا تسكتين عنها و شرشحيها لو توصلين لباب بيتهم الضعيف ينأكل حقه ولا تصيرين ضعيفة حبيبتي والله يوفقج ويبعد عنج كل سوء يارب

 

[kuwaitya_zoGaa]

حبيبتي في شي اسمه مخفر اشتكي عليها يطلعون الاولي والتالي هذا قذف وسب يشرشحونها ويطلع لج تعويض من وراها خل تتادب

 

[زوجة عزيز]

حسبي الله ونعم الوكيل الله ينصرج على من عاداج

 

[Nonono83]

حسبي الله ونعم الوكيل
اشتكي عليها ويتلونها ولاتطلعين من المكان لان بيقولون صج الكلام وانجكيتي من جذي طلعتي اللي على حق دايما قوي وانتي على حق حبيبتي ليش تغيرين مكانج اشتكي وعادي الحين صارت الوحدة تشتكي مومثل اول وانتي معاج الحق وخلها هي اللي تطلع بالشينه

 

[صعب انسااك]

حبيبتي في شي اسمه مخفر اشتكي عليها يطلعون الاولي والتالي هذا قذف وسب يشرشحونها ويطلع لج تعويض من وراها خل تتادب

انا مثل كلامها عين العقل:rerrerek:

والله يكون بعونج وينتقم ع من عاداج

 

[دلوله 111]

اشتكي عليها بالمخفر
السمعة مو لعبة

 

[روح امها]

لا تمسحين شي

روحي اشتكي عليها عشان تتأدب قليلة الادب

 

[ااميره]

انا مع البنات تشتكين ويكون معك دليل من الاداره ومن الموقع
لازم لا تسكين عن حقك،،،، هالمره إذا سكتي يمكن تتمادى وترجع لك بمصيبه أكبر
لانها ماتخاف من ربي همها تنتقم الحقوده
هذا من حقك انتي ومجبورا تطالبني فيه
وبعدين ليش تقطعين رزقك عشان وحده زيها أبد أبد
خليك بوظيفتك وأدبي من حاول يتطاول عليك
وانتبهي تضعفين وتسكتين عن حقك حتى لو قالت المديري انسي
صدقيني لو هي بإمكانك كان فصلتها على طول

لأكن دائم ادعي ربي وتحسبي عليها
وأدعية الله يحميك من كل إنسان حقود ناوي فيك الشر

 

[Shinexo]

هذي شكلهآ متعوده على هآلسوآلف

خلآص سحبيهآ فآلمركز خل آيبونهآ هي و ولي آمرهآ و ثآني يوم تكلمي فآلحضآنه قولي حق آلكل آنج وديتيهآ مركز لآنهآ رآعية سوآلف

آهم شي سمعتج آصلآ

مآتستحي على ويهآ ولآ تخيل

 

[Patcholli]

قدمي شكوى بالمنطقه التعليميه

 

[إغواء]

قال صلى الله عليه وسلم :
( من كظم غيظاً ، وهو يستطيع أن ينفذه ، دعاه الله يوم القيامة على رءوس الخلائق ، حتى يخيره في أي الحور شاء )



الراوي: معاذ بن أنس الجهني المحدث: الألباني - المصدر: صحيح الترمذي - الصفحة أو الرقم: 2021
خلاصة الدرجة: صحيح

 

[ليدي بجد]

اذا انت بمدرسه خاصه فاهم شي عندهم سمعه مدرستهم والموظفه بالطقاق والمديرة ما تقدر تسوي شي لان اصحاب المدرسة ما راح يرضون. اكره المدارس الخاصه بس اذا بحكومي لا تسكتين. كلمي مديرتك واذا ما استجابت حتى لو بخاص اشتكيها لوزاره. التربيه اسألي فيها وين الواحد يقدم شكوى بزميل أساء له. واذا خلصت. اشتكيها حتى بالشرطة خلي الكل يدري برده فعله وانك تشكيتي بكل مكان. الهدف قبل لا تتعاقب او يناخذ منها حق. الهدف. انك الكل يدري انك مظلومه وصاحبه حق وما سكتي وداريتي على فظيحتك. وهالكلام قوليه لمديرتك لو رفضت او عارضت او زعلت من تشكيك. قال اسكتي. قولي لها لو انت مؤ متزوجه. ترضين ينقال على بنتك هالكلام او عليك وتسكتين قوليها بذمتك بتسكتين احرجيها. بس. والا انت سوي كل شي وما عليك منها اذا ولا بد قولي حتى اهلي او زوجي شافو الكلام وهم بنفسهم يبون يشتكون قبلي بس قاعده اهديهم بس ما اقدر اكثر

 

[ليدي بجد]

قال صلى الله عليه وسلم :
( من كظم غيظاً ، وهو يستطيع أن ينفذه ، دعاه الله يوم القيامة على رءوس الخلائق ، حتى يخيره في أي الحور شاء )



الراوي: معاذ بن أنس الجهني المحدث: الألباني - المصدر: صحيح الترمذي - الصفحة أو الرقم: 2021
خلاصة الدرجة: صحيح

اي غيظ هذا عرضها وشرفهااا. لو متخانقين على اي شي ممكن نقول وقالت اي كلام ممكن نقول أعفي تاخذين اجر وقدام الناس تكبرين مممكن
بس العرض سكوتها يعني صحه الكلام والناس ماراح تسكت راح تتناقل مثل هالنوعيه من الكلام بلمح البصر
تدرين لو قتلت لها احد ممكن أقولها أعفي. بس هنا ما ينفع أبدا

 

[PuPa^^SWeeT]

جان صورتي المحادثة


ورحتي اشتكييتي عليها




اللي ما تستحي



يا كرهيي للي تلعب باعراض الناس علا بو اغار ولا احقد ولا بانتقم


مايسويها الا بنات ابليس

 

[رحــــيــــل]

مشكورين كل الي ردوا وريحوا قلبي بكلمة أو دعوة ​

حبيباتي الله يحفظكم إن شاء الله ويبعد عنكم كل سوء يارب ​

بنات المديرة طبعا سكرت الحساب أنا صورت المحادثة كلها ​

أقدر أشتكي بالمخفر بالطريقه هذي ولا المفروض الحساب مايكون تسكر ؟!!​

يقدرون يطلعونها من نكها جذي أو لا ؟!!.....​

 

[رحــــيــــل]

أختي الفاضله اغواء اسمحيلي الموضوع موضوع شرف وسمعه أكبر من كظم الغيظ

محد يرضى على نفسه والي يخطي لازم يتعاقب وياخذ جزاه

أنا واجهتها بمكتب المديرة وانكرت وثاني يوم انباق حسابي الخاص

يعني هذي متربصه لي ومثل ما قالت وحده من الخوات باجر بتجي بمصيبه أكبر

حسبي الله ونعم الوكيل عليها والله يصرف شرها عني

 

[PuPa^^SWeeT]

عادي تشتكيين بالمحادثة


وماكة شي يعصي على المباحث

لو انلغى الحساااب يبقى السايت نمبر

 

[رحــــيــــل]

PuPa^^SWeeT

حبيبتي مشكورة عل ردج الله يبرد قلبج يارب

باذن الله الأحد بعد دوامي بروح المخفر أشتكي

وماراح أرحمها خليها تاخذ جزاها
​

من كبار شخصيات كويتيات
​