أسئله عن عملية تصغير الخشم .. وإبرة توحيد الجسم ...

[النوري]

بنات بغيت أسوي عملية لخشمي ..

أنا خشمي حلو وتقاسيم وجهي ناعمه وحلوه حيل حيل.. بس مخرب علي عضمه

طالعه في بداية خشمي .. تحت بين عيوني . على طول .. يعني مو فوسط الخشم ..

لا .. ببدايته .. والخشم من تحت كفتحتات و أرنبه روعه روعه .. ما أبي أحد يجيسه .. كلش ..

وبغيت أسؤال عن دكتور تجميل .. تمدحونه .. وشايفين نتايجه أو كلش كلش واحد تذمونه و تقولونلي إنحاشي منه ..



وثانيا أبي أعرف جم السعر ..؟؟ يعني مو حاطه فبالي أكثر من ألف دينار ..

هذا حدي ..


وثالث سؤال عن إبرة توحيد اللون اللي طاقها بيكهام ( جنه عاد ناقص بياض)
يقولون في واحد دكتور بالجهراء يطقها ..؟؟ يمدحونه جم سعرها وصج تبيض؟؟

أنا وجهي فاتح بس مو بيضه عاد .. و إيدي على شوية صفار أما بين فخوذي وركبي فسواد يبط الجبد حتى زوجي يسألني حيل عن هالسواد ... يبط جبدي ما يراعي شعوري ويسكت ... هههههههه فديته

المهم لا تطولون علي.. وشكرا ..

 

[النوري]

أفا محد رد علي للحين ؟؟ 11 وحده دخلت ولا وحده ردت ؟؟؟ مافيكم خير ..

 

[ghalaty]

ما حبيت امر على الموضوع بدون لا ارد بس صدقين ما عندي خبره بالنسبه للعمليه بس الابره الصراحه ما انصحج احس ان لها مضاعفات

 

[ii DareeN ii]

ماعندي خبر والله ان شاء الله يفيدونج البنات

 

[marioom]

ماعرف دكاتره بس اذا بتسوين حق خشمج شهرين او ثلاث لا اتخلين شي يجرب يمه لان راح يطلع عوي او شكله غلط

والابره يعني انتي اتصدقين اكو شي يبيض بهالسرعه بدون مضاعفات؟؟
جربي من خلطات المنتدى اذا مانفعوج ماراح يضرونج :eh_s(17): ​

 

[طال السكوت]

امانه اذا عرفتى عن دكتور الجهراااااء

بلغيني لو بالخاص ....موتنسين

 

[lolwah]

الخشم نيشو اب انترناشيونال كلينك
اما الابرة ماسمعت عنها !!

 

[ورده كويتيه]

انا وايد شايفه بنات ساكنين بالجهرا برصان واهما قبل سمر تخيلي حتى من ريلهم نفس بياض ويهم انا مصدومه منهم والكل يقول ان ها الابر بس ميته واعرف وين عفيه لي عرفتي عطيني خبر

 

[النوري]

... ؟؟ محد عطاني معلومه مفيده ..؟؟ كلش.. أبي تجاربكم ..

لولوه .. إنتي مسويه العمليه ..؟ أو أحد مسيوها . من أهلج ؟؟ وجم خذيت عليه ؟؟ وشكرا..

 

[حبيبته آنا]

انا مسويه خشمي عند د.جمال الحربي وانصحج فيه
اقري الموضوع المثبت الخاص بعمليات التجميل وشوفي تجربتي وتجارب البنات

 

[anood2006]

أول مره أسمع عن هالإبره ؟؟ وجمال الحربي يمدحونه حيل للخشم وللأمانه ما جربته .

 

[bnt q8 in usa]

انتي علي كلامج يبيلج بس يحك مبطقة العظمه او يبردها روحي عند جمال الحربي مسوي حق وحده مثلج شحلو خشمهااا التكلفه عاد مادري بس اضن بالمحاري هذي الف وشوي

 

[طفوش]

انا سويت عند دكتور فرنسى اسمه اريك بلو يجى كل شهرين للكويت لمدة 3 ايام يوم يكشف على المرضى ويومين عمليات تكلفت العمليه 2000 دينار شامله كل شئ حتى المراجعات بعد العمليه ماياخذون عليك فلوس يعنى انا راجعت عندهم 4 مرات مااخذو منى ولافلس
وحبيبتى مومهم الفلوس المهم واحد مضمون ويريحك نفسيا مو تدورين الرخص وتطيحين فى واحد يعفس خشمك وباكر كل يوم والثانى رايحه تسوين تعديل وتدفعين اكثر واكثر
انا خشمى سواه لى طبيعى طبيعى اللى مايعرفنى مايحس انى مسويه عمليه لانى سالت كذا وحده ومن ضمنهم دكتورة الجلديه مالتى قلت لها يبين عليه انى مسويه عمليه قالت نهائيا لو ماقلتيلى كان مادريت
انتى فكرى فى الموضوع وماعليك من السعر هذا خشم مولعبه