أريد حلا {سواد حول الشفايف}

[الزينه اصايل1]

السلام عليكم ورحمة الله وبركاته

بنات شلونكم

بنات انا عندي مشكلة والي تعرف الحل اتمنى تفيدني فيه!

انا عندي سواد حول الشفايف مو الشفايف نفسها لأ!

دار مدار شفايفي على خط الشارب وزوايا الحلج . حيل فيهم سمار وسمارهم يفرق عن لون وجهي وتعبت من الكونسيلر لازم حتى وانا في البيت كونسيلر استحي من زوجي لدرجة ان قام يلاحظ حيل ويقول ليش حوالين شفايفج جذيه؟؟؟

بنات امانة الي تعرف حل تقولي .

وبنات ابي بعد خدمة ادري مصختها بس شسوي مالي الا بنات منتداي الغالي.

ابي ديودرنت يبيض شنو تنصحوني فيه؟؟؟

ومشكورين مقدماااااااا

 

[قطوووة]

رد : أريد حلااااااااااااا

بالنسبة للسواد احيان يكون من رغوة معجون الاسنان

 

[! هُوْ وِينِه !]

حطي فآزلين آظن زين

 

[ساره 101]

هذا اتوقع تقص فيتامين سي اشربي عصير برتقال اهم شي فرش
وروحي لطبيب يعطيج شي يقشر هالطبقه

 

[catwi]

رد : أريد حلا {سواد حول الشفايف}

يا حياتي
انا حاسه فيج والله
بس اختي اعتقد المشكله من داخل جسمج صدقيني روحي طبيب
انا نفسج وما خليت شي ما حطيته بس طلع مشاكل بالقولون
واذا على الديودرينت انا استعمل ديودرينت حلو ما يسمر اشتريه من جمعيه الشاميه بودر تعرفينهم اللي بريحه المسك والورد والله الحين انا واختي وامي كلنا نستخدمهم لانهم ما يسمرون
اتمنى اكون افدتج

 

[الحسن الرقيق]

رد : أريد حلا {سواد حول الشفايف}

جربي مشقر الشفايف اللى من بدي شوب يمكن ينفع معاج

 

[الزينه اصايل1]

تسلمون يا بنات
بس ما فيه كريمات توخر السواد يالله بنات الي تعرف ترد

 

[مين اغلى ناسي]

رد : أريد حلا {سواد حول الشفايف}

اختي ما عندي فكره بسس فيموضوع انا شفته بمنتدى ثاني.. عن تجربة بنت إستعملت كريم افالون اللى فيه خط آزرق ....تحطه على شفايفها بالليل قبل النوم


وبعدها الصبح ترطب المكان .. وقالت إنها شفايفها صاروا ورديين ...

 

[ms.dlw3h]

حتي بس انااا الحمدالله خفيف مو حيييييل

ماادري شنو السبب

ان شاااءالله البناات يفدونج

 

[غرووووور]

رد : أريد حلا {سواد حول الشفايف}

حبيبتي هالسواد مايروح إلا بليز

روحي لطبيب جلديه

 

[ام عمار]

زبدة الشيا ممتازة للسواد حول العين وحول الشفايف

 

[عشيرة الحزن]

انا نفسج بس مو حيييل مبين شربي ماي واجد لان يمكن يكون جفاف وحطي فازلين قبل لاتنامين
انا سويت جذي والله الحين خف عن اول

 

[بالمشمش]

رد : أريد حلا {سواد حول الشفايف}

ديري بالج تحطين فازلين لانه لو حاشج ضوء حتى لوكان الليت ترى يزيد السواد

 

[ألايانفس......]

نفس المشكلة

 

[حقوقيه زوغه]

اخذي فيتامينات كبسولات

رطبي هالمنطقه وااايد استخدمي سيرم تبيض من الصيدليه

لا تفركين هالمنطقه حيل لانها حساسه

شربي ماي وايد
بس اهم شي انج تستخدمين سيرم تبيض من الصيدليه وفي ماركات وايد زينين
وعلى فكره ترا السيرم نتيجته وايد افضل من الكريم

 

[&جامعيه&]

رد : أريد حلا {سواد حول الشفايف}

امم والله حبوبه اتوقع نقص فيتامينات بس الاحسن روحى الطبيب دام انتى متزوجه عالجى هالمشكله بسرعه
علشان لاتزيد وبالنسبه حق الديودرنت
فى وحده قبل جم يوم حاطه خلطه وطريقه تسويا بالبيت تبيض المنطقه
ووايد زينه بقسم الحياة الزوجيه بدورها واذا لقيتها حطيتلج الرابط

 

[الزينه اصايل1]

جزاكم الله الف خير يا بنات و ما قصرتم

 

[caramil]

انا ادري ان البنات ودهم يفيدونج بس ياليت اي بنت ماتكون عندها المعلومه الكافييه لا تبدي رايها

الفازلين خطر وخري عنه اصلا لا تشترونه قطوه تنرفزت

الفازلين استخدامه لمنطقه واااحده فقط و بطريقه معينه : الا وهي منطقه الارجل..و يستخدم بعد الاستحمام وتلبسين
جوارب بحيث انج ماتعرضينه للضوء..علشان يعطيج ملمس نااااعم وجنها ريول ياااهل..

لا تحطينه على ويهج ابدا...

انا عن نفسي كنت اعاني نفس مشكلتج بمرحلة المتوسطه وكانت تنرفزني وامسسبتلي ازمه
لا والطامه الاكبر لما كان عمري 14 وكان عندنا عرس وكنت حافه هالمنطقه لكن السواد كاااان قوي
من غبائي حطيت من فييت ( كريم ازالة الشعر) على هالمنطقه ويومها شعلل المكااان وقمت ابجي لأن صار احمر
ثاني يوم قلب اسود على ازرق ...حطيت عليها زيت زيتون قروولي عليه وخف مع الايام

لكن في اثر جداً بسيط حاليأ ويختفي بالمكياج..

نصيحتي لج....
لـــيزر..

وعند دكتور مضمون..وتأكدي من مرضاه ( يعني لا تروحين له على عماج سألي احد امجرب شغله)

انا انشالله بسوي بس متررده شوي..

اموفقه حبيبتي

 

[@Miss Dio@]

رد : أريد حلا {سواد حول الشفايف}

ياليت اح
مسوي لزر ويفيدنا

 

[الزينه اصايل1]

يا لين يا بنات احد مجرب شي مضمون تكفون المنطقة جلدها خفيف وحساس وما ابي العب فيها زيادة