أريد حلاً .. !

[G0theka]

خدامتي شهر 12 سافرت وانا بدون خدامه و اليوم بس احس هلكت من الشغل خصوصا اني ابي كل شي بيرفكت ومضبوط وعندي 3 يهال اسمله عليهم والثالث بيبي يعني يبيله مجابل ..

الزبده انه دوامي يخلص 2:15 و ارجع البيت الساعه 3 ومن اهني يبدا مشوار التعب والمعاناه وانتو ادرى !

ابي خدامه هاذي المشكله بس احاتي اخاف تطلع مو زينه ، اخاف ماتكون نفس الي راحت حنونه وتحب اليهال وتخاف عليهم وأمينه ..

تعبت نفسيتي بين اني اكرف واتحمل في سبيل سلامة عيالي أو اييب خدامه يديده واحاتي كل شي من اني اعلمها على شغل البيت و روتين و نظام حياتنا و أمنها على بيتي و اعيالي اللي اهمه اهم شي بحياتي ..


احترت , أريد حلاً :eh_s(16):​

 

[روانتي 12]

قدمي على خدآمه . .
وجربيها شهر و شوفيها اذا هي زينه ولا لا . .

 

[حلوه بس هبله]

شوفي وحده عمرها بحدود ال ٤٠ وعندها عيال مثل خدامتنا بتكون حنونه على العيال وتشوفهم كانهم عيالها بصراحه مانصح بالصغيره ابد وغير جذي اكره الاندنوسيات """ وربي ييسرلج امورج حبيبتي

 

[الشهد كله]

ليش ما طلبتي من أول ما سافرت خدامتج

المفروض تطلبين قبل لا تسافر بشهرين أو ثلاث​

 

[الحلوه وبس]

ييبي هنديه او سيلانيه
ويكون عمرها مثل ماقالت 40 وعندها عيال
صج بتكون شويه كبيره بس ماشاءالله اهما عندهم حيل حق التربيه
ويكونون حنووونييين خصوصا اذا كانت يديده وماتعرف عربي انتي علميها
وان شاءالله ترتاحين

 

[صحكة الايام]

موفقه يالغلا

 

[بيلسسان]

شوفيلج مسترجعات
بعضهم يبون الجهال وبعضهم مايبون الجهال
بس شوفيلج الهاديه وتحسين انها زينه
والا دوري كفالة مكتب

 

[رشــــة مطــــر]

موفقـَـَـَـَــَـَة

 

[zgrtya]

شركي عيالج بالنوادي الله ما كثرهم بالديره

و ييبي لج خدامه بارت تايم

و انتي اشرفي عليها

لين تخلص اشغالها ..

 

[أم علي المندوبة]

شوفي بالكاتب لأنج ما راح تلحقين دام عندج ياهل صغير، الله يعينج و يقويج و يا رب يرزقج خدامة تريح قلبج و بغيت انسى لحقي قبل رمضان لأنج ما راح تحصلين كل ما قرب

 

[كراميلا مرة]

مالج الا تجيبين خدامه
بعد شنسوي هالخدم شر لا بد منه

 

[Tom ♥ Jerry]

.


ييبي خدامة يديده و خصصيها حق شغل البيت بس
لا تعطينها اليهال .. عشان ما تحاتين
و انتي جابلي عيالج و خلي البيت و التنظيف و الترتيب عليها ،
و مثل ما قالو ودي عيالج الكبار نادي أو دورة
يضيعون وقتهم و يستفيدون منه و منها انتي ترتاحين ،

الله يوفقج

 

[لمى الهاجري]

نصيحة حطيهم بحضانة احسن واضمن واامن لج هناك يرضعونهم ويشربونهم وينمونيوهم ولما ترجعين من الدوام خذي البيبي

 

[حجيه هيونه]

قبل تروحين تقدمين على الخدامات استخيري اكثر من مره

وادعي الله يوفقج بالزينه الى تدير بالها عليهم