أذوني شرد عليهم؟

[Amoonq8]

يا خواتي انا عندي مشكلة وحده ويمكن تشوفونها مو مشكلة بس انا صج اعاني منها ومضيقة خلقي
انا ولله الحمد تحجبت اول رمضان و مرتاحه حيل من هالخطوة خاصة وانه فرض علينا و من لبسته احس براحه
بس متأذيه من شغله .... في ناس حوالي من رفيجاتي و اهلي يقولون لي ليش تحجبتي و حسافه على شعرج وكنتي احلا الخ.... مع اني اشوف الحين احلا خاصة و اني رضيت الله و والديني بس مليت و انا اسمع كلامهم قاعدين يحسسوني ان الحجاب راح يعوقني عن وايد اشياء و انجازات ممكن اسويها بشغلي و حياتي مع اني ما اشوف له علاقة...ريحوني قولولي شرد عليهم؟

 

[معزوفه حنيـــن]

تدرين انا نفسج حواجبى عمرى مالمستهم ومقتنعهم فيهم دايم تخيلى رفيجاتى ليش ماتسوينهم بيطلعون احلى

وناس واايد ردى لهم.....

انى انا مقتنعه بهالشى وكافى الله راضى عنه والحمدالله ومدامه شى زين لى فاستانس

انتى قولى لهم اخرتى بتحجب ماراح اظل سفور والحمدالله واذا عن الحلو ومو حلو باجر بتعلم ستايلات الحجاب انا تونى

وبس ومبرورك على الحجاب

 

[ســوســو]

دامج مقتنعه والحمدلله تحجبتي وعسى ربي يثبتج ماعليج من كلامهم ..

 

[الغاليه نونو]

قوووليلهم لاطاااااااعة لمخلوق في معصية الخالق

قوليلهم اشكره وخليييييييييييييييييييييييييج قوووووووووووووووووووووووووووووويه

لي نمت بقبري محد فيكم بينفعني ومحد فيكم بيشيل ذنووبي وربي هداني لانه يحبني واختارني بهالشهر الفضيل عشان اكون من عباده التاايبين المخلصين ودام ربي انعم علي بهالمحبه ملزوووووووومه اكون له عبده شاكره واطيعه بكل صغيره وكبيره

وقوليلهم آنا أشووف نفسي حلوه وجني ورده ومابي احد يتمتع بجمااالي غير حلالي لي كتب لي ربي نصيب هو اللي يستاهل وغيره من الخمه اللي بالشارع يخسووون ويعقبووووووووووووون لويموتون مايشوفون شعره من راسي
قولي آنا غاااااااااااليه ماني رخيصه عشان اخلي النطيحه والمترديه بالشوارع والسوق يشوفوني ربي وهبني وعطاني من خيره ونعيمه وامر بالستر والحجاب وانا سويت هالشي برضي ربي واللي عندها كلمه توفرها لنفسها واللي يعجبها ترافجني حياها واللي مااتبيني عقب الحجاب ماتشووف شر الله يبدلني برفجه اخير منكم وبس"

 

[SupeR-GirL]

الصراحه مالا داعي يقولون لج جذي
الحين بدال لا يشجعونج ويقولون لج زين سويتي يحبطونج
اذا قالولج مره ثانيه ليش وما ليش ردي عليهم انج مرتاحه الحين اكثر من اول
والحمدلله ان الله هداني

 

[الاسطورية]

اهمه متحجبين ولالا

قوليلهم الله يهديكم


الحمدالله والشكر رد فعل غريب ماجنهم مسلمين

 

[a7la tooota]

قوليلهم مدام اني راضيه ربي ومقتنعه باللي أسويه انتوا مالكم شغل

وأنا مستانسه لأني برضي ربي

ولا تردين على احد

 

[منورة الكويتية]

اول شيئ الف مبروك على هالخطوه وعسى ربي يبارك لج فيها
دائما تذكري من ترك شيئا لله عوضه الله خير منه
والحجاب ستر لج وربي راح يبارك لج شلون يعوقج بالعكس
بس في ناس ماتبي الخير للي حواليها خاصه لمن تحس انج احسن منهم واقدمتي على خطوة صح اهما ماسووها
يبونج نفسهم وانا ما عمم في ناس جذي يفكروون للاسف وعسى ربي يهديهم
انتي خليج واثقه من نفسج وقرارج
واذا مره ثانيه احد قالج شيئ تذكري ان الكرة بملعبج لانج انتي الصح وطعتي ربج
وربي وياج واكيد انتي اقوى بربج
قوليلهم بكل ثقه انا سويت الي فارضه ربي واعتقد هذا ماله علاقه بشغلي او حتى حياتي الخاصه
وانا مرتاحة من قراري لاني رضيت ربي ووالديني فيه
والله يثبتج على طاعته ويتقبل منا ومنج وكل مسلم يارب

 

[Amoonq8]

مشكورين خواتي اي هذا الكلام اللي يريح و ادعي الله يثبتكم و يثبتني آمين و يهديهم
صج من ترك شي لله بدله الله بخير منه
والله يا بنات من تحجبت والخير قاعد اييني من كل صوب الحمدلله

 

[pretty86]

حبيبتي امونه شوفي انا لما قررت البس العبايه صارت نفس السالفه ... ليش حرام توج صغيره و مادري شنو ... طول ما انتي مقتنعه اذا احد قالج شي قوليلهم انا ابي جذي او انا مرتاحه جذي او اذا قلج قوليله حريه شخصيه

و مبروك على الحجاب

 

[الأم الصغيره]

الف مبررررررررررررررررررررررررررررررررررررررررررررررررررررررررروك كلولووووووووووووووووووووووووووش زغرطه لأحلى حبوبه حبيبتي خليج جذي لا تتراجعي للخلفيه أختااااااااااااااااااااااه حجاااااابك اختاااااااااااااااه سترك اختاااااااااااااه عفتك اختاه طاعة لربك خلي كلامك بينج وبين ربج ربي إني تركت ماكانت تشتهيه نفسي ويشتهيهه من حولي ربي تركته حبا بك وطااااااااااااااااااااااااعتا لك وخلي حجابج يتوافر على الشروط الاصحيحه المرضيه للرب عزوجل وجزاج الله الف الف خير

 

[.. مـــلاكـ ..]

ماعليج من احد حبيبتي
الحجاب ستر وفرض علينا كلنا
قولي لهم انا ابي هالشي ومرتاحة و مقتنعه
الحجاب بيفدج انتي مو اهما
مالهم شغل اصلا
والله يثبتج ويهديييهم

 

[pretty sarona]

مالج شغل فيهم ,, ماله داعي تبررين موقفج وانتي مو غلطانه ,, قوليلهم أنا برضي ربي مو الناس ومبروك الحجاب والله يتمم عليج

 

[BaTTy]

اول شي مبرووك عالحجاب
و الله يثبتج ان شالله
ثاني شي والله هالسالفة تقرقع بقلبي
اختي الصغيرة يالله اقتنعت تتحجب و لانها صغيره يعني مهما كانت مقتنعه شوي ما تكون قويه يبيلها تشجيع
و الي باط جبدي كلما قالت حق احد تحجبت ليييييييييش؟؟؟ حرااام علييج شنو حرام عليج :\
حرام عليكم انتو
على قولتج يا الغالية نونو لا نمت بقبري منو بيدري عني فيكم
حتى وحده من بنات عمي الكبااار تقولها غدرووووه ليش حسااافه قلت لها على شنو حسافه هذا امر ربها ماعليه حسافه
و مسكينه مستانسه تدقدق على رفيجاتها تبشرهم كل وحده تدقرها من صوب :\
ينرفزوون الله يهديهم
سوري وايد خذيت راحتي بس صج شي يحر
و انتي دام انج تحجبتي باقتناع و الحمدالله شعليييج منهم طااااف و اذا قالت كنتي احلى قوليها لا عاد انا اشوف نفسي جذي احلى
و ان قالت حساافه شعرج قوليلها شعري موجود ما قرعت انا عشان ما يتجرأ احد يقولج جذي بعد
و انتي لا تتضايقين طنشي
مبرووووك اقين حبيبتي :>

 

[kuwaitya_zoGaa]

حبيبتى بقول لج شغله ...
حبيبتى انتى الصح والحمدالله اهمه اللى مو حاصل لهم الله يثبتج يارب ويزيدج من نعيمه

 

[شوق ومها]

حبيبتي دامج مقتنعه ووواثقه مالج شغل باحد

على فكره ترا طاعج لأهلج واجبه بس اذا كانت بمصيه الله ماتعتبر طاعه

والله يتمم عليج ياارب

\\

 

[كندية]

مبروووووووووووووك على الحجااااب حبيبيتي...

اهم شيء انتي مرتااحه وبس...ماالج شغل باحد...الناااس مايعجبهم العجب ولا صيااب برجب...

 

[نشميه]

اولا الف الف الف الف مبرووووووووووووووووووووك والله يتمم عليج يارب العالمين والله يهدي اللي حواليج ترى الحجاب فرض مو سنه علشان الواحد يقول اسويه ولا ما اسويه شوفي حبيبتي انا للأسف تحجبت كبيره كان عمرى 16 سنه والله العظيم ليلحين اتحسف اني ليش ما تحجبت من اول ما بلغت اساسا لما تتحجبين والله تحسين براحه حلوه خاصه وانتي عارفه انج مسويه شي يقربج من رب العالمين وانا اهلي مو من النوع اللي يفرضون الحجاب يمكن هذا الشئ له سلبيات وله ايجابيات لانهم يبونا نلبس الحجاب عن قناعه مو نلبسه ونستهتر في لبسه اما لابسين ملابس ضيقه ولا قصيره ....الخ وبصراحه انا قبل ما اتحجب بفتره سمعت شريط حق عمرو خالد اذكر جمله وايد تأثرت فيها خلت الحجاب دايم يطري على بالي وهي ( ان الؤلؤ شكله وايد حلوه وبنفس الوقت غالي وسبحان الله الله مغطيه بالمحاره اللي شكلها مو حلو ومثل الشي بالنسبه حق الشعر هو اللي يطلع البنت اذا اهتمت فيه والله امرنا بتغطيه هذا الشي عن كل من هب ودب


وحبيبتي نصيحع لا تقولين الحجاب بيحرمني من اشياء وايد ( متحسفه على ان الحجاب راح يحرمج من المعاصي ويزيد حسناتج ) وبعدين البنت المتحجبه اذا راحت حفله وكشخت وسوت الشعر بتفرق على الكل اللي متعود عليها بالحجاب لكن المو متحجبه هذا شكلها ما تغير

 

[مجنونة]

والله اختي ما لج غير حجابج خليج عليه

باجر انتي الي بتتحاسبين


مو غيرج

 

[Lemon Juice]

مبروك على الحجاب .. الله يثبتج على طاعته آمين يا رب

بالنسبه للي يقولون لج هالكلام .. ما لج شغل فيهم ولاتخلين كلامهم يأثر فيج مع الوقت

لاتردين عليهم .. حقريهم .. مو قاعدين يفكرون بطاعة الله سبحانه

الحين الواحد اشيبي غير رضا الله

الله يهديهم ويصلحهم