أدق عليها وإلا لأ ؟؟؟؟

[رنة جرس]

مساء الخير


وتقبل الله طاعتكم













بنات متقدم لي وااحد مطلق وما طول مع طليقته لما تزوجها بسرعة طلقها وما ندري شنو الأسباب وفي وحده تعرف طليقته يعني رفيجتها وعطتني رقمها فشرايكم تنصحوني اتصل عليها واسالها شنو أسباب طلاقها منه وإلا فشله

ناطره ردودكم

 

[حروف]

رد : أدق عليها وإلا لأ ؟؟؟؟

من وجهة نظري احس فشله

ويفضل انج ماتكلمينها

لان الطلاق والزواج قسمه ونصيب ويمكن يكون السبب اهي مومعقوله بتقولج انا

وممكن يكون السبب منه

وسبب الطلاق صدقيني محد يعرفه غيرهم

نصيحه استخيري ربج واهو بيدليج

واحنا بايام فضيله

عسى الله يوفقج

ويكتبلج الخير كله

 

[miss-winter]

سالي اهوا شنو اسباب الطلاق وخلي رفيجتج تسالها وانتي لاتدقين عليها ماتدرين

 

[فتونة الكويت]

الصراحة من وجهة نظرى انا اقول كلميها لانى تعرضت لنفس الموقف وما كلمت طليقتة وبعدين اكتشفت هوايل والكل لامنى انى ما اتصلت وسالت اكثر ومو شرط انتى تتصلين خلى احد من طرفج يدق ويسال السؤال ظرورى انتى اللى تقدرين الموقف بعدين اذا راضية فية ولا ومحد يقدر يقرر هالموضوع غيرج اذا كان سبب الطلاق يستخق ولا
والله يوفقج ويكتب لج الصالح واستخيرى واستغفرى وايد وربى يهديج على الشى الزين لج يا رب

 

[bride collection]

استخيري
موفقه

 

[لؤلؤية]

رد : أدق عليها وإلا لأ ؟؟؟؟


طليقته مستحييييييييييييييييييل بتمدحه لج...لو كان زين <<< هذا كلام المنطق

ولو كان شين ...ومعزر فيها...ممكن ماتكون صريحة معاج ...ولا تقولج شنو عيوبه...عشان تبين له وللناس انها ماتنلام بطلاقها منه وانه مافي مرة تتحمله....وبيكون هالشي على حسابج

رأيي انتي لا تدقين...سألي اطراف ثانية..محايدة
ورفيجتها اكيييييييد تدري

 

[غرور وايل]

رد: رد : أدق عليها وإلا لأ ؟؟؟؟

الله يكتب لج الخيره ياارب
بسس حبيبتي ماتوقع طليقته راح تقوول لج

خلي رفيجتج هي اللي تسال وانتوا اسالوا الريال


والله يووفقج ...

 

[Tom ♥ Jerry]

رد: رد : أدق عليها وإلا لأ ؟؟؟؟

.

شكو !!!!!!!
لا تدقين عليها يمكن تكون حآقده عليه و تتبلى عليه
حياتي مآله دآعي كلش يا قلبي
يمكن البنت فيها شي أو مآ توآلموآ أو الاهل مآ توآفقوآ
أنتوآ سئلوآ عن الريال بالدوآم بالمسيد و صلي استخآره و توكلي على الله
الله مآ يكتب على العبد شي الا اذا كان خير له
سواء الحين و لا بعد سنين .. =)
موفقه حياآآتي ! :*
.

 

[hazel eyes]

رد: رد : أدق عليها وإلا لأ ؟؟؟؟

نفس ماقالوو البنات خل رفيجتج تسالهاا واستخيري اهم شي الاستخاره

 

[شموع الكويت]

اننا رائي من راي الاخوات لا تتصلين ولا شي

خلي احد غيرج يتصل بس ما تسالين عند مرته يمكن تكون حاقده او شئ

وليش تروحون بعيد اسالوه هو نفسه ليش طلق مرته لاهو عيب ولا حرام السوال

وانتي استخيري ربج والله يكتب اللي فيه الخير ويوفقج ياااااارب

 

[ريــم الفلا]

رد: رد : أدق عليها وإلا لأ ؟؟؟؟

اللـــــــه يكتبـــــلج اللــي فيـــه الخيـــــر

 

[بنت الحوت عنابى]

:rerrerek:

 

[Tutti-Frutti]

رد : رد: رد : أدق عليها وإلا لأ ؟؟؟؟

لا
لا تسئلينها
حتى لو اهي الغلطانه وكانت السبب بطلاقها والريال زين
ماراح تقول الصج

فـ خل احد غيرج يسئلها
وسئلو عدل مدل عن الريال

وموفقه

 

[عاشقه القيصر]

رد: رد : رد: رد : أدق عليها وإلا لأ ؟؟؟؟

الله يرزقج اختي بس استخيري

 

["اسطورة العشق"]

رد: رد : رد: رد : أدق عليها وإلا لأ ؟؟؟؟

اي شي !!

طبعا لا ادقين .. سالي عنه كل الناس الا طليقته لانها اكيد ما راح تقول السبب الحقيقي لطلاق لانها خصوصيات
والله انتي غريبه متوقعه من بنت الناس تفضح الريال و تقول عيوبه جدامج مثلا !!!!
ليش عشان شنو ؟؟؟
عشان تفيدج و تنصحج @@

طبعا و اكيد ما راح تمدحه تقولج يهبل مافي منه و عليج بالعافيه بس اكيد ما راح تذمه عشان لا تطلع قليله اصل جدام الناس ... او يمكن تسكر التلفون بويهج و تعتبرها وقاحه منج متجراه و داقه عليها شخصيا


ممكن تطرشين ناس يمونون عليها يسالونها عن بس انتي ادقين صراحه قوووووووووووويه

 

[مملوحة_الوصايف]

رد : أدق عليها وإلا لأ ؟؟؟؟

طليقته مستحييييييييييييييييييل بتمدحه لج...لو كان زين <<< هذا كلام المنطق

ولو كان شين ...ومعزر فيها...ممكن ماتكون صريحة معاج ...ولا تقولج شنو عيوبه...عشان تبين له وللناس انها ماتنلام بطلاقها منه وانه مافي مرة تتحمله....وبيكون هالشي على حسابج

رأيي انتي لا تدقين...سألي اطراف ثانية..محايدة
ورفيجتها اكيييييييد تدري

معاهاااااااااااااااا عدل كلامها

 

[جوـآهر ..~]

رد : أدق عليها وإلا لأ ؟؟؟؟

خيتي .. لا تدقين لها و لا شي ..!

و استخيري .. اذا ارتحتيله و تمت الخطبه و كان بينكم تواصل بالفون يمكن انج تسألينه بطريقه حلوه ( بعد ما تتعودون ع بعض ) ، او تطرشين حد من اخوانج يسألونه .. و اذا كان السبب مب مقنع ، خلي حد من ربيعاتج يدقون عليها و يسألون بس طبعا ما يوضحون لها انج انتي تبين تسألين عسب لا تذم الريال ..

و ربي يكتبلج اللي فيه الخير ..

 

[للزين هيبه]

رد: رد : أدق عليها وإلا لأ ؟؟؟؟

ماانصحج تدقين
خليه على عماااه احسن

ماتتبلى عليه وتخسرينه

بالتوفيق

 

[Cander]

لااااء

ليش تكلمينها ؟ اكيد ماراح تمدح طليقها بالعقل يعني

انتي فكري عدل وصلي استخارة ونصيحة نصيحة نصيحة مجرب

لاتخلين احد يأثر عليج بقرارج انتي فكري اخذي وقتج

 

[ƒédaîtn¥ ZoO'3a]

والله مانصحج ادقين استخيري واذا ان شالله فيه خير لج راح تحسين براحه وموفقه