أدعولي بنات باجر بسوي أول تلقيح بس مادري ليش متشائمه :(

[mosta7eel]

الله يرزقج حبيبتي
خلي ثقتج بربج كبيره وان شاءالله تكتبين لنا موضوع تبشرينا فيه انج حامل
عن قريب يارب

 

[ترووفه]

ياقلبي الله يرزقج

وليش متشائمه

لااااااااااااازم هالفتره تكونين واااااثقه من ربج

والرسول صلى الله عليه وسلم قال ((تفائلوا بالخير تجدوه))

وانتي تفائلي وان ماصار تقربي من ربج واكثري الاستغفار والله كريم

 

[نف نف22]

انشالله ربي يرزقج ولا تشائمين خلي ايمانج بالله قوي وانشالله انا وراج بسويها بدعيلج انشالله تنجح العمليه وتحملييييييين وقوليلنا تجربتج

 

[كتكوته و اموره]

عسى الله يرزقج بالذرية الصالحة
اللهم يا حي يا قيوم ارزقها و ارزقني و كل بنات القسم بالذرية السليمة و المعافى و الصالحة اللهم امين

 

[faro7a_el7elwa]

لا تتشائمين بالعكس تفائلي بالخير تجيديه وتوكلي على الواحد الأحد وان شاء الله تبشرينا بحملج عن قريب اللهم آميييييييييييين

 

[bnt_kwt]

تفائلوا خيرا تجدوه
ومافي شي يضيع عند رب العالمين

تركي عنج التشاؤم
وحتى لو لا قدر الله ربي ما كتب لج الحمل من المحاوله الاولى كرري ولا تيئسين
ترا اليأس اهو السبب الرئيسي في فشل كل شي
خليج اقوى من كل شي وقوي ايمانج برب العالمين وتوكلي عليه وربي وحده قادره انه يغير من حال الى حال

وربي يرزقنا اجمعين

 

[SOoOSA]

تسلمووووووووووووووووووون كلكم
الله لايحرمنا من بعض
وياااااارب ماتخيب أمل كل وحده ردت علي وأمل كل بنات هالقسم وترزقهم باللي يتمنونه
الحمدالله سويت التلقيح اليوم والموضوع جدا بسيط
أول شي موعد سحب العينه كان الساعه 8 ونص رحنا المركز انا وريلي عالساعه 8 وثلث وأصلا كنا موجودين اهناك من ال 7 لانهم قالولي عالساعه 7 خلج موجوده ولما رحت قالوا موعد سحب العينه مغيرينه روحوا وتعالوا
فرينا مع بعض وتريقنا وعقب رحنا لهم
دخلنا الغرفه انا وريلي وسلمناهم العينه
قال اللي بالمختبر حق ريلي انطر ربع ساعه (يمكن لان بيجيك اذا العينه زينه أو لأ )
وبعد ربع ساعه قال حق السستر ان موعد التلقيح مالي عالساعه 10 وكان وقتها توها 9 بعد طلعنا من المركز وردينا البيت عشان ريلي كان توه طالع من الدوام وقال بيبدل ملابسه
رجعنا لهم عالساعه 10
قالتلي سستر ايمان دخلي غرفة التلقيح
دخلت ولا في وحده كانت امخلصه تلقيح وناطره اتخلص النص ساعه مالتها وتقوم
دخلت و وخذيت الوضعيه المطلوبه بسريري
عقب يت الدكتورة وماكانت د. منيرة كانت مصريه ما ادري شنو اسمها
بس ايدها خفيفه ماحسيت فيها
أول شي حطت البطه وقالتلي رخي اشوي قتلها راخيه انا
ركبتها وعقب قامت اتسمي و تقرا قرآن وغزت الابره اللي فيها العينه وماطولت دقيقه وخلصت واهي اتغز الابره حسيت ابنغزة الابره بس ماكانت تعور عادي وانا واهي اتغز سميت باسم الله معاها وقمت أدعي ربي ان يرزقني بالذريه الصالحه،، لما خلصت ، قالتلي يالله انشالله يرزقج وتحملين انسدحي نص ساعه واليوم وباجر جماع مكثف وعقب مارسي حياتج طبيعيه وحطي تحاميل السيكلوجيست كل يوم اذا في جماع خليها من ورا واذا مافي اتكون مهبليه وانشالله عقب اسبوعين تعالي حللي حمل عندنا
تميت نص ساعه وبهالنص ساعه ظليت أدعي ربي وقريت سورة مريم
لما طلعت رحت حق د. منيرة يعني آخذ بعض التوصيات قالتيلي نفس كلام الدكتورة المصريه وقالتلي لا تتحركين وايد
بس ليلحين أحس بعوار خفيف برحمي وتوه راح مني عوار الابره التفجيريه بمبيضي
وسلامتكم هذي تجربتي مع التلقيح اليوم

 

[نيبال الايمان]

ياعمرى يا عسى الله يثبتهم لج وتيرزقج ويكون سبب حمالج بهالعملية اللهم امين يارب اللهم امين يارب اللهم امين يارب

بس نصيحه ياعمرى بالاضافة الى قلة الحركة حاولى تمنعين نفسج عن الكاكاوات والحلويات والايسكريم والاكل اللى فيه بهارات واااايد وطبعا اكل المطاعم ممنوع نهائيا والقهوة والمنبهات وكثرى ماى وسوائل وخضروات وفواكه والله يرزقج باذن واحد احد وان شاء الله بانه بعد 14 يوم تبشرينا بحمالج اللهم امين يارب اللهم امين يارب اللهم امين يارب


وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[SOoOSA]

تسلمووووووون خواتي
صج ماقصرتوا معاي
ومشكورين عالكلام الحلو

 

[أحلى بسكونة]

الله يرزقج الذرية الصالحه يارب
زي ما قالت نيبال اكلي اكل صحي وان شاء الله تحملين يااااااااااارب

 

[mosta7eel]

الله يرزقج ياقلبي
ومشكورة على عرض تجربتج

 

[Joody]

تفائلي وانشالله الله بيفرح قلبج ويرزقج بالذرية

 

[_ظل الياسمين _]

الله يرزقج ويريح بالك يارب العالمين.

 

[وجع راس]

توكلي على الله ان الله يحب المتوكلون

 

[MustangyaGurll]

الله يرزقج وتبشرينا وتشجعينا ونشوف عيالج ياااارب

 

[faro7a_el7elwa]

ربي يثبته لج ويرزق بالذريه الصالحه المعافاة ويرزق كل محرومه اللهم آمييييييييييين

 

[نف نف22]

ريحتيني والبطه كانت تعور ودخلتها وايد ولا مجرد بداية المهبل ؟وانشالله يااااارب يااارب يارب تنجح وتحملين ادعيلي انا هالشهر انشالله

 

[الغالية جوري]

الله يرزقج ويرزقنا انه على كل شي قدير توكلي على الله هو الرازق مو الدكتورة

 

[WaChoCha]

عسى ربي يرزقج من اوسع ابوابه الذرية الطيبة السليمة ولا يردج خايبة وتبشرينا بحملج قريب

اللهم آمين

 

[احلى^فراولة]

حبيبتي سوساااااااااااااا انا كنت مسافره وتوني راده ياقلبي

ياااااااااااااارب تبشرينا بحمالج يااااااااااااااااااااارب

ووالله يثبته يارب لاتنسين قيام الليل