أخيييييرا سويت غسيل القولون وهاااذي التفاصيل

[الاسطورية]

الله يتمم عليج

 

[قطوف]

اولا الحمد لله على سلامتج

وغدى شرك ان شاء الله

ومشكووورة وايد على التجربة والنصيحة

الي فدتي فيها الكثير وانا اولهم

اسال الله ان يتمم عليج الصحة والعافية طول العمر

وبارك في اهلك ومالك

 

[ذوؤوؤق]

يعطيج ألــــــــــف عافيه

بقول لامي عنها


بس انتي من شار عليج تسوين غسيل قولون


ومشكووووره وووايد

 

[دودودو]

السلام عليكم يالحلوات شلونكم اما معاكم سكرتيرة الدكتورة وفاء الحشاش استشاري جهاز هضمي وكبد اول شي ابي اتكلام بصراحة عن لاخت منولة كويتية اهيا سوت عندنا غسيل قولون بصراحة اهيا انسانه طيبة وحبوبة وكافي تعاملها واسلوبها معنا كان وااااااااااااااااااايد حلو فوق ما تتصورون والحمداللة سوت الغسيل وارتاحت وانا حبيت اشاركم بالرد عليها لانها انسانه حبيبة بمعنى الكلمة واذا حابين تسأول عن اية شي عن العيادة انا حاضر وهذا رقم العيادة 5660022 وشكرا

 

[Fantazya]

تصدقين توني كنت بكتب موضوع عن اللي تعرف عن جذي سوالف
الله يجزاج كل خير الوالده عاد فيها قولون عصبي والمسكينه مو هاده حبوب بالدنيا مو ماخذتها وهم موفايد
اللللللللللللللللللللللللللللللللللللللللله يجزاج خير ويبارك لج بعيالج

 

[منوله كويتيه]

مشكوووووووورين وايد ياأحلى كويتات على هالردود الحلوه اللي شرحت صدري واطلب ربي يمتع كل وحده فيكم بالصحه والعافيه ويديم لنا هالمنتدى الرائع اللي انا شخصيا اعتبره بيتي وانتوا كلكم خواتي


miss-one ...... الله يسلم عمرج يالغاليه ومشكوره على مرورج

همس البنات .... الله يسلمج حبيبتي وربي يمتعج بالصحه والعافيه

بنت الشامية ... ياهلا ومرحبا فيج وصدقيني بتدعيلي انشاء الله اذا سويتيه والعياده حبيبتي بميدان حولي ب فرجينيا كلينك ،، تعرفين البنزين مال ميدان حولي اللي عالشارع لفي يمين بعده وبعد لفي يمين للشارع اللي وراه مباشره وروحي سيده بتلاقين الكلينك على يسارج وااااااااضح وعيادة الدكتوره وفاء بالدور التاسع وسلامتج حبيبتي ماتشوفين شر

البيداء 77 .... مشكوره حبيبتي والله يبعدج عن كل شر

مشرفتنا العزيزه زينه ... مشكوره حبيبتي والله يمتعج بالصحه والعافيه

ريمه الكويت ... تسلمين حبيبتي ووالله مو بس البشره اللي ارتاحت ،، انا كلي ارتحت وعقبالج

حناين q8 ... لاشكر على واجب وانشالله تسوينها وترتاحين من نتايجها مثلي ومشكووووره حبيبتي

 

[barbya_q8]

الحمدلله على سلامتج وكانت تجربتج ناحجة واحب ازيد عليها انه اخوي بعد من فترة سوى غسيل قولون وفعلا ارتاح وقام ينام عدل وفش بطنه الي كان جنه طبل وراح منه الصداع ووايد مرتاح

 

[منوله كويتيه]

^^ROSE^^ مشكوووره يالغاليه وصدقيني مافيها فشله ولا شي ،، الدكتوره ماشالله عليها لها اسلوب تخليج تحسين انج في بيتج ومعاج اختج وبعدين الصحه غاليه ياعمري والبلاوي والتبقبق في بطن كل انسان بالدنيا وهذا شي طبيعي وانا مثلج الحمدلله ماعندي امساك بس الدكتوره نصحت اسويه بعد 3 اشهر لان مصراني الغليظ ( القولون ) مانظف تماما من الفطريات والغازات بس اهي ماتبي تتعب القولون وشغلها بضمير وعلى سنع والله يشهد على كلامي ولكن الطبيعي اذا نظف القولون تماما ينعمل كل 6 اشهر .. تشجعي وتوكلي على الله سبحانه

7alawa .. تسلمين من كل شر ياحبيبتي والله يسلم عمرج وصدقيني انا من سنه واكثر احوس بهالنت على غسيل القولون وماخليت موضوع بالعربي او الانجليزي الا قريته وكنت معزمه اسافر بالصيف تايلند أسويه لأنه منتشر هناك وايد مع كل العلاجات البديله وماتتصورين فرحتي لما دريت انه موجود بالكويت وفرحت اكثر لما رب العالمين وفقني بدكتوره متخصصه خلوقه مثل دكتوره وفاء الحشاش ادعيلها كل ماطرت في بالي بالخير والصحه والعافيه لان العامل النفسي مهم وهي كانت شاااااطره فوق الوصف في انه كسرت حاجز الفشله والحياء وهذا من فضل ربي له الحمد

bedour 18 .. الشكر لج حبيبتي على مرورج الكريم وتعليقج الحلو مشكوره وايد وانشالله اختج تتشجع وتسويه وسلامتها الف سلامه

Om Hayoon .... الله يسلم عمرج حبيبتي وسلامتج ماتشوفين شر ،، صدقيني والله العظيم مالج الا غسيل القولون حالتي كانت مثلج وكنت انا نفسي متأذيه منها وحبوب الزيموجين تشهد بس الحمد لله الوضع رجع طبيعي

مشرفتنا العزيزه !! DareeN !! ... مشكوووووووره وايد على تثبيت الموضوع كلج ذوق ويارب يستفيد منه اكبر عدد من البنات وشكرا حبيبتي على مرورج الكريم وصدقيني بالله ماااااااااااااااااافي فشله ابدا الله يتمم عليج الصحه والعافيه وشكرا مره ثانيه

موزة ام فارس ... الله يسلم عمرج حبيبتي ماقصرتي

أثير الشوق .. مشكوووره اختي العزيزه وانا ماسويت شي هذا واجب ،، ويارب يمتعج بالصحه والعافيه وشكرا على مرورج حبيبتي

فطومه ... الله يسلم عمرج وصحتج من كل شر ماقصرتي حبيبتي ... ترا غسيل القولون ينظف القولون بطريقه اعمق من الخروع والمسهلات ،،، هالفطريات اللي لازقه بجدار الأمعاء اللي ماتطلع مع المسهلات والخروع مثل الطحالب الخضرا تكرمون تشوفينها بعينج بالبايب وهي طالعه مع الماي وتستغربين هذا كله في البطن ! مشكوره على مرورج الكريم

كل الورد ... الله يسلمج حبيبتي ،، ترى انا كنت حاجزه عند الصايغ بس كنسلته لما صادفت عيادة دكتوره وفاء لأن هذي امعاء حساسه واذا مو متخصص اللي يسوي العمليه هذي ويتحكم في ضخ الماي وكميته ممكن تروح فيها هذا غير النفسيه اللي تهبل والأخلاق الراقيه يالله ياكريم اشوف وحده من بناتي استشاريه مثلها وبالهانفسيه المتواضعه هذي ،، مشكوره ياكل الورد واحلى ورد بعد على مرورج الكريم

Lotus ... الله يسلم عمرج حبيبتي ماقصرتي ،، واخذي راحتج بالأسئله انا بخدمتكم ،، يامحفوظة السلامه انا دقيت خذيت موعد ومانا حددت اليوم قلت عشان يكون خميس ووراه اجازه والحمد لله ماكان في مشكله بالموعد ولما رحت جاوبت على اوراق الأسئله وهي متعلقه بالصحه عاااامة وبما اني اشتكي من البواسير وتلتهب علي اذا اكلت شي حار وقبل الموعد بعشر ايام تقريبا اكلت طرشي وتعبتني البواسير حيل تكرمين التهبوا وطلعوا بره فبما اني مابي الموعد يطوفني شريت من الصيدليه كريم وتحاميل للبواسير وكنت ادهن الكريم 2-3 مرات باليوم واحط تحميله كل ليله وبعد جم يوم دشوا داخل وراح الالتهاب وصرت اوكي فالدكتوره قبل لاندش غرفة الغسيل سألتني عن البواسير على اساس لو ملتهبين او ينزلون دم ماراح تسويلي عشان مع دخول المبسم اللي يوصل للبايب مااتجرح اكثر فطمنتها وصارت الأمور سهله بفضل الله سبحانه

واسم المرهم والتحاميل للي تحتاجهم بركتو - جليفنول تشترينهم من اي صيدليه وسعرهم زين واظن بالمستوصفات موجود

 

[منوله كويتيه]

الاسطورية ... مشكوره حبيتي والله يتمم عليج بالصحه والعافيه

قطوف ... الله يسلم عمرج وعافيتج من كل شر ويبارك لج بكل ماتملكين ويزيدج من نعيمه ورضاه عليج مشكوره حبيبتي على مرورج الكريم ودعواتج اللي ثلجت صدري الله لايحرمني منج ولا من كل خواتي بهالمنتدى الروعه

ذوؤوؤق .... مشكوره حبيبتي وماقصرتي وسلامة الوالده ماتشوف شر انشالله ،، ومثل ماذكرت بردودي انا قريت عنه وايد بس اللي ركبها براسي اني قبل مااعرف شي عنها شفت دكتور لبناني اسمه نيقولا إيماز بالتلفزيون يتكلم عنها وعن اهميتها وكان سادح مريض ومغطيه وقاعد يسويله الغسيل ويشرح على تكرمين اللي طالع منه بالبايب وشفت بعيني تكرمون الدود واشياء وايد تكلم عنها الدكتور بس انا نسيت اسأل الدكتوره هل طلع دود والا لأ وعساني مانسى اسألها المره اليايه بس اهي ركزت على ذكر الفطريات وايد الظاهر داخلي غابه وانا ماادري

دودودو ... ياهلا ومرحبا فيج ومشكوووووووره ماقصرتي على كلامج الطيب احرجتيني والله .. بنات يمكن تستغربون وجود سكرتيرة دكتوره وفاء معانا بس انا عطيتهاعنوان منتدانا الغالي وقلت لها ترى بنزل موضوع عن اللي صار معاي عندكم واتمنى تتابعينه وتتابعين البنات للي تبي اي استفسار .. حياج الله دودودو وانشالله يعجبج منتدانا وتدمنينه مثلي وتصيرين عضوة فعاله فيه وتحياتي للدكتوره وفاء

Fantazya .... مشكوووره حبيبتي ماقصرتي وانا بخدمتكم ،، سلامة الوالد الف سلامه وماتشوف شر ،، عشان أفيدج انا اختي تشتكي من اعراض شخصوها من 10 سنين بمصر انها قولون عصبي ولما قلت للدكتوره وفاء بيبها تسوي غسيل قولون كانت أمينه معاي وقالتلي ما أسويلها الا لما اكتب لها على تحاليل تسويهم وين ماتبي واشوف نتايجهم لان لما تشخصت حالة اختي ماسوولها تحاليل بس مجرد ان الدكتور حط ايده على بطنها وقال آآآآآآآآآآه ده قولون عصبي بكل تأكيد ،، فالدكتوره قالتلي لازم في تحاليل تنعمل عشان نتأكد اذا هو قولون عصبي والا لأ لأن اختي مع هالسنين وصل بطنها لحجم مو طبيعي كأنها حامل والانتفاخ من اعلى البطن وهي عنييييييييييييده ،، احنا خايفين عليها اكثر من نفسها ،، بس هذا انا اقنعتها وقلت لها انتي جذي جذي فاتحه الملف خلي الدكتوره تفحصج وتكتب التحاليل المطلوبه نسويها بالحكومه ونراويها النتايج وتقرر علاج او غسيل لانها متخصصه بالجهاز الهضمي واستشاريه بعد وانشالله تفضى بهاليومين واوديها ..

barbya_q8 .. الله يسلم عمرج وعافيتج حبيبتي من كل شر والحمدلله على سلامة اخوج ،، وشكرا انج نقلتي نتيجة غسيل القولون مع اخوج عشان البنات يتشجعون اكثر

نسيت اجاوب باقي اسئلة Lotus .. بالنسبه للتجهيزات قبل اغسيل هي كالتالي : توقفين أكل قبل موعد الغسيل بأربع ساعات وتوقفين شرب اي سوائل يعني صيام تام قبل ساعتين من موعد الغسيل ،، انا يومها موعدي كان 4 ونص وقفت الأكل من الساعه 10 وظليت عالماي الى قبل الموعد بساعتين ولاتسألوني ليش لأني مادري ،، يمكن لاني كنت متحمسه وايد وابي الغسيل يضبط

تحياتي لكم جميعا ويارب يمتعكم بالصحه والعافيه وأي سؤال انا حاضره:tek:

 

[الشيهانه83]

مشكورة عالشرح الوافي ماقصرتي وانا مفكره اسوية من زمان

 

[منوله كويتيه]

الشيهانه 83 .. الله يسلمج حبيبتي من الشر وشكرا على مرورج الكريم

 

[Dancing^Queen]

زين سويتي
ومشكوره وايد علي نقلتج تجربتج بالتفاصيل
حيل حيل حيل شجعتيني
بس شنو التحاليل المطلوبه علشان نسويها ونروح سيدا مانضيع وقت

 

[sa7ab]

كنت متخوفه من الموضوع بس كلامج ماشاءالله يثلج الصدر

راح انصح فيها الوالده لان القولون مضايقها

بس عندي سؤالين
هل اللي يعانون من امساك مزمن راح يريحهم ويتعدل وضعهم عقب ؟ والانتفاخ اللي بالبطن اللي يخللي الوحده جنها حامل هل يروح عقبها ؟

واهيا اساسا تراجع عند دكتور جهاز هضمي بخليها هم تساله عنه اذا يريحها ويفيدها او لا


مشكوووووووره جدا جدا وان شاءالله ما احتاجه بس لو احتجته في يوم من الايام بسويه وانا متطمنه

 

[منوله كويتيه]

Dancing^Queen ... الشكر لج حبيبتي على مرورج وهذا واجبي ... ومايحتاج تحاليل مجرد تتصلين تحجزين موعد يناسبج وتتوكلين على الله وبشرينا اذا سويتيها

sa7ab ... تسلمين حبيبتي وماقصرتي .. غسيل القولون ينصح فيه للتخلص من الامساك المزمن بالتأكيد عشان يفتح سدد الأمعاء وينظفها ويقوي حركتها من جديد وبالتالي يصير تكرمين الخروج طبيعي ويومي بس احتمال ولدتج تحتاج مرتين وانشالله الدكتوره بتنصحها باللي لازم لها وخليها تشرح لها كل اللي تعانيه وسلامتها ماتشوف شر

 

[شندوخه]

اول شي الحمدالله على سلامتج وصراحه ماقصرتي على عرض التجربه صج تحفزت

 

[منوله كويتيه]

مشكوره شندوخه على مرورج وانشالله تستفيدين حبيبتي

 

[مريوما الحلوه]

مشكوره وايد وانشالله بجرب قريب لان احس بتعب وانام وايد واحس اكل اكل صحي ما استفيد منه

ويمكن يعالج السواد وتعب تحت العين

 

[شيخه***البنات]

الحمدلله على سلامتج ..

 

[•!¦[ زاهـ¦¦ الکحـل ¦¦ــي ]¦!•]

الحمدالله على سلامتج أخت منوله ...


ومشكورهـ كثيــر على الشرح .. و نقلج لنا لتجربتج ...



شجعتينــا .. بس ان شاء الله يااارب اقدر اسويها

 

[Lotus]

عساج على القوه حبيبتي ومشكوره ما قصرتي