أخيرن سوييت الActive FX

[-:|Fdaitney|:-]

رحت امس ورحت اليوم والدكتور مو مداوم إجازة
بروح له انشالله السبت الياي
منو تيي وياي نتهاوش ؟

 

[نجمة على الأرض]

هههههههههههه جاهزه حق الهواش

يومين رايحتله ما حصلتيه...ليش ما دقيتي قبل ؟

 

[-:|Fdaitney|:-]

هههههههههههه جاهزه حق الهواش

يومين رايحتله ما حصلتيه...ليش ما دقيتي قبل ؟

دقيت اول يوم محد يرد
ثاني يوم قالو اليوم يداوم وعطوني واحد صفر :\

 

[MiSsY HottY]

فديتني حبيبتي لا تسكتين حرااااام فلوسج

 

[-:|Fdaitney|:-]

فديتني حبيبتي لا تسكتين حرااااام فلوسج

ماراح اسكت
تيين وياي ؟ ابي فزعة :×

 

[ام بنتها]

بشرينا شصار معااج و اهم شي المسامات راحت ولا بعدها موجوده ؟؟
انا مأزميني المسامات بككل ويهي خاصه بالخشم يخرعون :

 

[MiSsY HottY]

أفا عليج بالخدمه عاد الخوال ينفعون للهواش لووووووووووووول

 

[أم الشهد كله]

اختي حبيت اسألج بما انج جربتي الليزر عند هالدكتور انا واايد سمعت مدح من البنات عنه وعلى هالاساس رحتله وقالي ان النتيجه النهائيه ماتبين الا بعد 3 او 4 شهور والنجاح من 40 الى 60 % وانتي توج ماصارلج فيمكن مع الوقت راح تحسين ان بشرتج تحسنت انا من قريت موضوعج وانا متردده اروح اسوي
مي تووو بشرتي تعبانه ومرهقه حيل وعاني من مسام وعندي كلف ونمش واسمرار صوب الحنج فمادري انتي شنو اللي لاحظتي تحسن بالضبط بالنسبه لحالتج ؟ وتعتقدين ان يصلح حق الكلف بمعنى ان يصلح حق العيوب السطحيه اللي بالبشرة والا لأ؟؟ انا ماخليت خلطات ولا أدويه ولاكريمات الا وجربت الحين وصلت لمرحلة اليأست
والله يعوضج خير انشالله وماتشوفين شر :yaaaaaarb:

 

[بنت الوفا]

بشررررررررررررر

بنتائج

 

[أم الشهد كله]

سوري اختي العتب على النظر :d
توني اجيك على التااريخ يعني صارلج 3 شهور وشوي وماشفتي نتيجه ترضيج
يالله ماعليه الله يعوضج خير انشالله

 

[fatomd]

حسافة عاد كنت ناوية اسويها عنده
انا اصلا اعالج النفر اللي بويهي و الحين خف و مفكرة اشيل الاثار و اوحد اللون
عاد وراني صور قبل وبعد و كان في تغيير واضح
يمكن كنتي تحتاجين جلسة ثانية و الله ما ادري:0bee2e8d89:
عاد الدكتور حليو و محترم ليتك رايحتله من زمان و مكلمته يمكن كان عاد لك الجلسة
الله يكتبلك اللي فيه الخير:denya:

 

[LaDantel]

بشرينا اشصار على ويهج ؟؟

انا ترا نفس مشكلتج بالضبط ... بس اللي سويته كالتالي :

رحت الصايغ كلينك بس مارحت عند قنال خفت منها .. رجت عند دكتور اسمه محمد الانصاري

كان يبي يسوي لي ليزر ويهي كله ..

مشكلتي اهي .. عدم توحد اللون .. مسام عالخد و الانف .. 6-7 حفر و ندبات اللي تصير داشه لي داخل نفس وصفج بس انا بسبة العنقز

لما كنا اصغار

عرض علي الدكتور اني اسوي الليزر بس مو فراكسل لا ... هذا يحرق الجلد يصير بني صبه وحده فهمتي ؟

خفت اسويه قلت له جرب لي بس عالندبات .. شوفي انا كان عندي 7 تقريبا .. الحين اللي باقين يبينون بس 2

حرق لي اياهم والله لا يوريج .. طبعا حرق حرق مو غشمره .. جنج حاطه الولاعه على ويهج .. يصير لحم محترق فهمتي شلون

يعني مو نقط مثل الفراكسل ..

سويتهم بتاريخ 29-10

اول شي يتقشرون وطبعا حررررررق -اركز على هالكلمه- لان منظرهم مشوه للوجه .. كنت احط لزقات لما اطلع لونهم بني حيل غامج

وانا بيضا

المهم

الحين لون الحرق مبين ... وانا ليلحين بمرحلة العلاج يعني ماخلصت .. كله كريمات و خرابيط

بس الحمدلله الندبات راحت ... بس باقي 2 و لون الحرق قاعده استخدم له مزيل صبغات كريم اسمه اتاشي شكله مثل القلم

وتدريجي قاعد يروحون واااايد خفو عن اول لونهم و الحمدلله

بالنسبه لويهي و المسام .. سويت 6 جلسات كريستال تقشير .. اهو ترا ما يقشر خرابيط .. بس بصراحه نفس الصنفره القويه

تعطي نظاره مع الاستمرار و توحد اللون و تشد الويه و المسامات تصغر بشكل ملحوظ ... انا خلصت 6 جلسات

وصايره على مزاجي .. كل ماحسيت ويهي تعب .. بالشهر اروح مره اسوي من كيفي انزل تحت مركزهم مال الكرتال واسوي بدون

ما ادش عالدكتور ...

بالنسبه للندبتين اللي باقين .. رحت سويت لهم فيلر .. و ما راحو .. باقي شويه هم بروح احط فيلرز بعد ..

لانه قال يبي يسوي ليزر عليهم اهم بس و رفضت لاني خايفه من صبغة اللون

عموما الليزر سوالي اياه نقط بس على الندبات و خذا مني 50-70 دينار ما اذكر

و جلسات الكرستال كل جلسه ب 25

ايييييييييه ونسيت .. لان لون الحرق صار واضح .. عشان يخف كان يعطيني جلسات ليزر مزيل بقع كل 10 ايام الجلسه ب 20

وبس ,,, اي سؤال يا حلويييين

 

[^^ROSE^^]

واي من صجج على هالفلوس ماكو نتيجة للحين!!!
لا يبه روحي دشي ببلعومه
شنو يبلعون فلوس الناس تالي يقولون تحتاجون اكثر من جلسه ولا بشرتكم ماتجاوبت شنو لعب!! قولوا هالحجي قبل
جان قال قبل العمليه ترى 50% ماراح تبين النتيجة الا اذا كررتي الجلسات
جذي تكونين عارفه ان النتيجة يمكن تبين ويمكن لأ


عاد انا كنت حاطة امل اروح اعالج بشرتي بعد الصيفي ان شاء الله وناطرتج تقولين ان في نتيجة

انا توني اول الثلاثين و احس بشرتي تعباااااانه ماكو تجاعيد ولا شي بس تحسين في بوادر ان ممكن بعد سنه تبدي الخطوط الخفيفه لان وايد اجهدت نفسي هالسنتين اللي فاتوا

واستخدمت استي لودر الاخضر مال المسام احسه مؤقت متى ماهديتيه خلاص يعني مو على طول نتيجته ولا هو علاج ولا شي

حاليا من كثر ماويهي ناشف خذيت ست من ديور وللحين ماشي معاي اوكي وبشرتي ناعمه بس ادري ان هالاشياء مؤقته فأبي حل جذي

 

[MiSsY HottY]

بشرينا اشصار على ويهج ؟؟

انا ترا نفس مشكلتج بالضبط ... بس اللي سويته كالتالي :

رحت الصايغ كلينك بس مارحت عند قنال خفت منها .. رجت عند دكتور اسمه محمد الانصاري

كان يبي يسوي لي ليزر ويهي كله ..

مشكلتي اهي .. عدم توحد اللون .. مسام عالخد و الانف .. 6-7 حفر و ندبات اللي تصير داشه لي داخل نفس وصفج بس انا بسبة العنقز

لما كنا اصغار

عرض علي الدكتور اني اسوي الليزر بس مو فراكسل لا ... هذا يحرق الجلد يصير بني صبه وحده فهمتي ؟

خفت اسويه قلت له جرب لي بس عالندبات .. شوفي انا كان عندي 7 تقريبا .. الحين اللي باقين يبينون بس 2

حرق لي اياهم والله لا يوريج .. طبعا حرق حرق مو غشمره .. جنج حاطه الولاعه على ويهج .. يصير لحم محترق فهمتي شلون

يعني مو نقط مثل الفراكسل ..

سويتهم بتاريخ 29-10

اول شي يتقشرون وطبعا حررررررق -اركز على هالكلمه- لان منظرهم مشوه للوجه .. كنت احط لزقات لما اطلع لونهم بني حيل غامج

وانا بيضا

المهم

الحين لون الحرق مبين ... وانا ليلحين بمرحلة العلاج يعني ماخلصت .. كله كريمات و خرابيط

بس الحمدلله الندبات راحت ... بس باقي 2 و لون الحرق قاعده استخدم له مزيل صبغات كريم اسمه اتاشي شكله مثل القلم

وتدريجي قاعد يروحون واااايد خفو عن اول لونهم و الحمدلله

بالنسبه لويهي و المسام .. سويت 6 جلسات كريستال تقشير .. اهو ترا ما يقشر خرابيط .. بس بصراحه نفس الصنفره القويه

تعطي نظاره مع الاستمرار و توحد اللون و تشد الويه و المسامات تصغر بشكل ملحوظ ... انا خلصت 6 جلسات

وصايره على مزاجي .. كل ماحسيت ويهي تعب .. بالشهر اروح مره اسوي من كيفي انزل تحت مركزهم مال الكرتال واسوي بدون

ما ادش عالدكتور ...

بالنسبه للندبتين اللي باقين .. رحت سويت لهم فيلر .. و ما راحو .. باقي شويه هم بروح احط فيلرز بعد ..

لانه قال يبي يسوي ليزر عليهم اهم بس و رفضت لاني خايفه من صبغة اللون

عموما الليزر سوالي اياه نقط بس على الندبات و خذا مني 50-70 دينار ما اذكر

و جلسات الكرستال كل جلسه ب 25

ايييييييييه ونسيت .. لان لون الحرق صار واضح .. عشان يخف كان يعطيني جلسات ليزر مزيل بقع كل 10 ايام الجلسه ب 20

وبس ,,, اي سؤال يا حلويييين

مشكورة على طرح تجربتج حبيبتي انا مو مأذيني غير مسام نفس نقط ابي بشرة كريستالية انا قاعدة أسوي موزاييك ليزر الحين اول جلسة وبدت تبين نتايج حلوة اذا صار الوضع اوكيوخلصت جلساتي كلها بسوي موضوع مصور ان شاء الله

 

[أم الشهد كله]

مشكورة على طرح تجربتج حبيبتي انا مو مأذيني غير مسام نفس نقط ابي بشرة كريستالية انا قاعدة أسوي موزاييك ليزر الحين اول جلسة وبدت تبين نتايج حلوة اذا صار الوضع اوكيوخلصت جلساتي كلها بسوي موضوع مصور ان شاء الله

أختي ممكن تفيديني اذا سمحتي وبينيلي شنو هالجهاز وشلون طريقة عمله؟وشنو الفرق بينه وبين الليزر آكتف fx؟وهل يصلح حق البشرة اللي تعاني من كلف وتصبغات جلدية ونمش ؟مي توو اعاني من المسام ..هل فعلا تلاحظين نتيجه من اول جلسه؟انا خايفه الصراحه اجازف وسوي الليزر آكتف مادري شسوي مليت من الكريمااات:eh_s(2): ابي علااج جذري للمشكله يليت تفيديني حبووبه وعسى الله يوفقج

 

[قطوتي]

اممم عاد الدكتور اللي سوالي غمازة قال لي عنه
قال لي اسوي عنده فراكسل
اهوا ببو حمره صح ؟

اي بوحمره كلينك .. بس اعتقد جم جلسه مو من اول شي يبين

اهي مسويه وايد بس صراحه النتيجه تهبل .. بس انا خواااااااااااافه

واخر اخبار الكريم احس خلاص ماقام ياثر ماقام يصغر المسام وقف المفعول اوف :0bee2e8d89:

 

[نجمة على الأرض]

color="darkgreen"] فديتني اشلونج عسى ما شر غطيتي

لا يكون سويتيها واتهاوشتي ..هههههههه:dddds:

طمنينا عليج ..[/color]

 

[ام جراح 2]

اعرف شعورج سويتها مرتين والنتيجة صفررررررررررر

 

[-:|Fdaitney|:-]

سلااااااام
يسلمو كل اللي ردو علي
وسامحوني على التاخير بس انشغلت شوي انا دوام صبح و عصر
بنات انا رحت حق مشروع الدكتور مشعل الغريب يوم السبت اللي طاف
بناااات ما انصح اي احد يروح لان الدكتور نصاااااااب
ومااادي درجة اولى
ويا كثر ما يهذر
وحجي فاضي
قعد يقرق علي يمكن ساعة الا ربع وانا بس مبققة عيوني واطالعه ناطرته يقول لي حل يرضيني
ماكو
طل بعينه
خل اقول لكم بالتفصيل
اول شي عند السكرتيرة
عطيتها بطاقتي المدنية قالت 25 دينار
قلت لها مابي ادفع
مني مناك قلت لها بكلم الدكتور قالت لازم تدفعين عشان تدخلين عليه
قلت لها الكلام بفلوس عندكم ؟
المهم قلت لها ادخل عند الدكتور ويصير خير
(كلش مو منفسة) لول
المهم
دخلت على الدكتور
قلت له نتيجة الاكتف اف اكس ما وصلت 1 %
جان يطلع الصور بجهازة
ولاحظو بنات ان السستر لما صورت كان في فلاش
والفلاش يطلع حتى العيوب اللي مو موجودة بويهج
جان يقول لي
حراام علييييييييييييج
حرمت عليه عيشته انشالله
انا شايف فرق 40 %:|
اقول له وين ؟؟؟؟؟
يقول لي الخط خف وهاذي الحفرة صغرت وويهج شاد !!!
اقول له دكتور الصورة فيها فلاش وانا قاعدة قبالك ماكو فلاش !!!
لااااا حرام عليييييييج في نتيجة
وقعد ساعة يقرق
وانا نزلت لج بالسعر عشان ما تدفعين زيادة
وفي ناس سوو جلسة ثانية وبعدها صارت النتيجة وايد حلوة ومادري شنو
وطبعن يبيني ادفع حق الجلسة الثانية 450 !!
غير العلاج .. بالضبط نفس المرة الاولى
قلت له دكتور انا اتفق معاك اتفاق
قال لي اوكي
قلت له بعد الجلسة الثانية لو ماكو تحسن تسوي لي جلسة ثالثة فري
جان يقول لي
بس بدون العلاج والكريمات !!
شوفو الوقاحة !!
قلت له اوكي
جان يقول بس انا ولا مرة سويت جلسة فري !!
او بمعني اصح ماكو مريضة سويت لها جلسة ثالثة حق الاكتف اف اكس !!
المهم اتفقنا على جذي وقلت له اييب رفيجتي واهيا راح تكون الحكم
بنات انا قررت اني اسوي جلسة ثانية (بفلوسي)
بس بعدها بجم يوم الصراحة استخسرت الفلوس في هالنصاب
وحسيت جني داشة مغامرة ماني عارفة شنو اخرها
تفشل او تنجح
فطقيت فوق تحت وقررت ادور على دكتور ثاني يخاف الله
مو واحد يداوم الصبح حكومة والعصر خاص ويقص على الناس عشان ياخذ فلوس وبس
وانشالله لو رحت لدكتور ثاني بقول لكم تجربتي وهالمرة بحطها بالصور بعد عشان انتو بعد تصيرون شهود علي

 

[SARA88]

الله يعينج و يبشرج ببشره مثل المرمر يا رب

كلنا نعاني من البشره

وانا مثلج قطيت بس كريمات ب 250 على علاج اثار حب شباب

وكله بالفااضي طللللللللللللللللللللل


نصب في نصب حرام عليهم يستغلون ضعف المريض بفلووسه


مو قاعدين نلعب احنا ولا بنشتري نفنوف ... قاعد نعالج بشره

يعني علاج مو شي وناااسه !!