صمت المرافئ
Active member
- إنضم
- 26 أغسطس 2010
- المشاركات
- 1,857
- مستوى التفاعل
- 0
- النقاط
- 36
رد : أخواتي ومشكلتي الأزليه معاهم مالحل
اختي عذوب ... اللي ما يستحي منج لا تستحين منه ... الضيافة في الدين ثلاث ايام وبعدها يتوكل على الله . واتي قاعده تحملين خواتج 4 شهور ( الله يعينج شيء صراحه فوق الطاقه )وصراحه اختي كل ما عطوج البنات حل ما تقدرين تطبقينه ليش !!! علشانج اصيله وخلوقه وما تطاوعج نفسج تحرجين خواتج .. ميخالف انتي اديتي الواجب واكثر من الواجب بالنسبه لخواتج ... ادي نفس الواجب لعيالج اللي اهم قطعة من قلبج والله كسروا خاطري يا حرام مو مرتاحين في بيتهم واغراضم وغرفهم صارت مشاع ولا اهم قادرين يشكولج !!!... كان من الممكن اقولج تحملي لو الزيارة اسبوع او عشر ايام ... اما انها تستمر اربع شهور اسمحي لي ..لا تزعلين خواتج ما عندهم احساس ابد لا هم ولا ازواجهم .. ماكلين شاربين على ظهرج ولا مساهمة وبعد يزعلون اذا تكلمت ؟؟؟؟ شوفي يااختي راح اعطيج حلول حاولي تطبقينها وترتاحين بس يبيلج قلب قوي :
1- اذا قربت زيارتهم يعني قبلها بشهر تقريبا اتصلي على اكبر خواتج او اكثرهم تفهما قوليلها : نسقي مع خواتج الباجي زيارتكم كل ثنتين يزورون مع بعض - حددي المده لها اسبوع او عشر ايام بس مو اكثر- لا تستحين قولي مااقدر استقبل اكثر ( خليج قويه الدنيا ما تمشي الا جذي ) .
2- اختج اللي عندها عيال تغطى بنتج عنهم فولي لها : فلانة ولدج رجاء لا تحرجيني لا ينام في بيتي عندي بنات ( تعالي لها من ناحية الشرع ما يجوز ) قولي لها تخليه عند اهل ابوه منها تقلل من ايام زيارتها لج لانها ما تقدر تطول بعيد عن ولدها ومنها ترتاحين فتضربين عصفورين بحجر .
3- حاولي ولا تقولين ما اقدر - آنا قاعده اعطيج حلول تطبيقية - انج تفصلين الدور الارضي عن الاول حطي حاجز حطي باب ينقفل حتى لو يشوه بيتج الزم ما عليج راحتج وطول زيارة خواتج لج يكون سكنج فوق تنزلين انتي وعيالج الوقت اللي تحبون وتصعدون الوقت اللي تحبون لكم خصوصية - ومحد من الزوار تخلينه ينام فوق والا يصعد - لا تقولين تحت كله صالات وما في غرف يا اختي احسن خليهم ينامون بالصالة وياكلون بالصالة الثانية يمكن ينقثون ويختصرون الزيارة
4- سايقج لا تعطينه مفتاح السياره ( خلي المفتاح عندج ) جذي محد يقدر ياخذ السيارة بدون اذنج ورضاج
5- حطي لضيوفج ماجلة تحت لهم تكفيهم 3 ايام واذا خلصت وطلبوج كلمة ما عندي لا تستحين خليهم يشترون لنفسهم وعيالهم . وانتي ماجلتج فوق عندج في الثلاجة وخزانه خصصيها لج ولعيالج فوق عندج وقت زيلرتهم
6- اذا طلعوا خواتج او وحده منهم لحمولتها تزور وخلتج عند اعيالها شنو تسوين ؟ طبعا انتي تقولين ان عندهم خدامتهم - اخذي عيالج وهجي من البيت منها تنحاشين من القثا ومنها تونسين عيالج المساكين
7- الحل الاخير : زوريهم عند كل وحده اسبوع وشوفي شنو راح يسوون فيج .... والله ما ابي اخرب علاقتج في خواتج بس علشان يحسون !!!
وما اقول الا الله يكون في عونج وياعله في ميزان حسناتج يوم الدين وسامحيني اذا كان في كلامي اي تجاوز او احراج والله يحفظج انيت وعيالج اللهم آمين
1- اذا قربت زيارتهم يعني قبلها بشهر تقريبا اتصلي على اكبر خواتج او اكثرهم تفهما قوليلها : نسقي مع خواتج الباجي زيارتكم كل ثنتين يزورون مع بعض - حددي المده لها اسبوع او عشر ايام بس مو اكثر- لا تستحين قولي مااقدر استقبل اكثر ( خليج قويه الدنيا ما تمشي الا جذي ) .
2- اختج اللي عندها عيال تغطى بنتج عنهم فولي لها : فلانة ولدج رجاء لا تحرجيني لا ينام في بيتي عندي بنات ( تعالي لها من ناحية الشرع ما يجوز ) قولي لها تخليه عند اهل ابوه منها تقلل من ايام زيارتها لج لانها ما تقدر تطول بعيد عن ولدها ومنها ترتاحين فتضربين عصفورين بحجر .
3- حاولي ولا تقولين ما اقدر - آنا قاعده اعطيج حلول تطبيقية - انج تفصلين الدور الارضي عن الاول حطي حاجز حطي باب ينقفل حتى لو يشوه بيتج الزم ما عليج راحتج وطول زيارة خواتج لج يكون سكنج فوق تنزلين انتي وعيالج الوقت اللي تحبون وتصعدون الوقت اللي تحبون لكم خصوصية - ومحد من الزوار تخلينه ينام فوق والا يصعد - لا تقولين تحت كله صالات وما في غرف يا اختي احسن خليهم ينامون بالصالة وياكلون بالصالة الثانية يمكن ينقثون ويختصرون الزيارة
4- سايقج لا تعطينه مفتاح السياره ( خلي المفتاح عندج ) جذي محد يقدر ياخذ السيارة بدون اذنج ورضاج
5- حطي لضيوفج ماجلة تحت لهم تكفيهم 3 ايام واذا خلصت وطلبوج كلمة ما عندي لا تستحين خليهم يشترون لنفسهم وعيالهم . وانتي ماجلتج فوق عندج في الثلاجة وخزانه خصصيها لج ولعيالج فوق عندج وقت زيلرتهم
6- اذا طلعوا خواتج او وحده منهم لحمولتها تزور وخلتج عند اعيالها شنو تسوين ؟ طبعا انتي تقولين ان عندهم خدامتهم - اخذي عيالج وهجي من البيت منها تنحاشين من القثا ومنها تونسين عيالج المساكين
7- الحل الاخير : زوريهم عند كل وحده اسبوع وشوفي شنو راح يسوون فيج .... والله ما ابي اخرب علاقتج في خواتج بس علشان يحسون !!!
وما اقول الا الله يكون في عونج وياعله في ميزان حسناتج يوم الدين وسامحيني اذا كان في كلامي اي تجاوز او احراج والله يحفظج انيت وعيالج اللهم آمين
