أخواتي أسألكم بالله أفيدوني

[هالة الصباح]

السلام عليكم ورحمة الله وبركاته
أخواتي أنا جديدة على المنتده وصراحة بما أني أم وعندي طفل وبهتم فيه وبتدريسة أعجبت بهذا المنتدى وبهذا القسم بذات ولدي وتعبت على مايبته وأكيد كل أم تتعب على عيالها بس أنا ضقت المر عشان أخلفه وبحمد الله تعالى وتوفيقه أنجبته والحمدلله على كل حال
أخواتي أنا ولدي الله يحفظه ويصونه عمره سنتيين ، شنو رايكم بحضانة بلومنج اللي بالدسمة وأكو حضانات قريبة من الدسمة وحولي والعاصمة زينة؟؟؟
ثانيا ودي أعرف متى أقدر أسجل ولدي بمدرسة الابداع من أي سنة أسجلة ؟؟؟
وجزاكم الله ألف خير والله يرزقنا ويرزقكم الصحة والعافية.
لكم مني جزيل الشكر

 

[سر القلوب]

حبيبتي الله يخليلج ولدج ويبلغج فيه وتشوفين بره وتشوفينه باعلى المناصب وتييببيله اخوان وخوات يارب

من تجربتي ابدي مع الابداع من اول مرحلة عندهم يعني من الحين ساليهم اذا عندهم حضانة بلشي معاهم واذا من الروضة بلشي معاهم والا بتتعبين بالقبول بعدين
لانهم بيقولولج مافتحنا التسجيل مكتفين باخوان الطلبة

انا هالسنة اطلعت روحي بسجل ولدي اولى ابتدائي مالقيت القبول ليما الله وفقني بمدرسة الرساله لسمية المطوع ولانها توها يديدة انقبلنا بسهالة مع ان ولدي متميز ومالقينا القبول

اخذي نصيحة مجرب ولا تتوهقين مثلي ومثل غيري

والله يوفقه يارب

 

[ReeMaN]

الله يخليه لج هالنونو ويحفظه ويسخره لج اذا ولدج قط الحفاضه سجليه بحضانة سمارت كيدز بالشاميه تابعه للابداع ولدي كان فيها خوش حضانه

 

[حلم الطفولة]

*-*-*-*-*

الله يخليه لج ويحفظه ويبارك فيه ويصلحه ويرزقكم بره .. ( وعسى ربي مايوحده ويرزقج له الخوان والخوات )

اذا مواليد من : 1/1/2006 إلى 31/12/2006 .. تسجلينه السنه لصف الحضانه بري كيه بالابداع حق السنه الدراسيه القادمه 2009/2010
إذا مواليد من : 1/1/2007 إلى 31/12/2007 .. السنه القادمه تروحين تسجلينه للحضانه بالابداع حق السنه الدراسيه 2010/2011

 

[هالة الصباح]

السلام عليكم
الحمدلله على كل حال ، ولدي من مواليد 7/2007 وان شاء الله أسجلة السنة القادمة في الابداع اذا الله أعطانا العمر
والشكر لكن أخواتي على مساعدكن ووفقكن بما يحب ويرضى

 

[حلم الطفولة]

بالتوفيق هاله .. وشوفي حضانة كدز سبورت بالشاميه .. أولية القبول للمتخرجين منها حق الابداع ..
وعندج مرتقى لإعداد القاده روعه .. في منطقة الروضه ..
ويزاج الله خير عالدعاء .

 

[ReeMaN]

حلم الطفوله قصدج كيدز سمارت

 

[هالة الصباح]

أختي حلم الطفولة مشكووورة وايد الله يوفقج قرييت عن مشاركاتج عن أكادمية الابداع وولدي يلبس بمبرز أقدر أدخلة كدز سمارت وشلوون أخليه يكره اللمممية ومتى تسجيل الحضانة إن أمكن وشكرا

وشكرا لكن جميعا

 

[حلم الطفولة]

المميه .. تو الناس .... ودي أسألج سؤال خاص على الرسائل الخاصه .. وإذا ما تقدرين ترسلين لي جواب بالخاص .. جاوبي هنيه بالإيجاب أو النفي .. وراح افهم.
وساعتها أقدر أجاوبج عن المميه ..

 

[هالة الصباح]

ممكن حلم الطفولة ميخالف حياج الله

 

[حلم الطفولة]

شوفي رسائلج الخاصه ... قريتيها ؟؟

 

[هالة الصباح]

نعم وشكرا يا أختي مشكورة وايييد وايد والله يخلي عيالج ووفقهم ولدي يشرب ممية مرتيين في اليوم أو ثلاث ما أنظف أسنانه صراحة بس أشربة ماي ولله يكثر من أمثالج يا أختي