أخطاء ارتكبتيها اثناء الحمل او الولاده خلينا نستفيد

[# غنوجة بيبي #]

بنات ابي طرق عشان اعدل وضعية البيبي

بنتي معترضه راسها يمين و جسمها يسار

 

[مــتــنــحــة]

غنوجه طولي بالسجود

وسوي القرفصاء على قولتهم

ودكتور محسن طلبه يقدر يفره لج

مع اني مااحب هالسالفه صراحه اخاف منها

 

[ملسونه المصونه]

غنوووجه حاولتي إذا صليتي وانتي قاعده تحبين نفس الاطفال يمكن تفيدك هالحركه وترى اختي متنحه صاجه دكتور محسن يقدر يفر لك البيبي والله يعينك

 

[حمرة الورد]

خوش موضوع

 

[كيميائيه]

غنوجه
تو الناس من شريط الحمل توج
بالشهر الثامن يقلب الطفل خصوصا البجر
واذا مو بجر يفلب باي وقت في الشهر التاسع او الثامن او مع الطلق
كثري سجود
لكن الحبي خلي بالثامن والفرفصاء لانهم يساعدون على فتح الرحم
وسوي يوغا الحوامل تساعد ان الطفل ياخذ وضعيه الولاده

 

[ام أسد]

أنا أكبر خطأ سويته بفترة الحمل أنه مأمشيت في التاسع نهائيا لأن كله مالي خلق وتعبانة والرحم مصكر ذخلت المستشفى طلق صناعي مرتين ولا تبطل إلرحم قا ولدت قيصرية الحمدلله على كل حال كل وحدة ولدت طبيعي تقول الحمدلله لأن القيصرية عذاب شفت الموت جدامي من العوار والله يبعد كنت كل وحدة القيصرية

 

[fofo90]

الحمدالله بحملي الاول ماصارت عندي اخطاء بجر وخليت كل شي علئ الله
بس من دخلت الثامن بديت امشي وصج الحمدلله ماطولت بالولاده ولدت اول اسبوع للتاسع واكييد الجماع فادني واايد لان يساعد بفتح الرحم ..ويارب ولادتي هالمرة بسهاله

 

[سور المدينه]

موضوع جدا مفيد

 

[Fatoooma25]

لاتسوين ولا شي لما دشين التاسع راسها بيصير تحت انشالله انا بنتي قبل جذي راسها صار تحت رابع يوم بتاسع سبحان الله ولاتحاولين تروحين لدكتور يفرة لج ترا خطر هالشي

 

[MOOON&M]

اب


اب


خوش موضوع

 

[Q6RYA]

اختى املي بعد الله
مشكوره حبيبتي صحيح كلامك وفي بعد علك سمنت هو نص علك ونص سمنت منه نكهات وهو في تحذير للحوامل والمرضعات
ياريت كل وحده تنتبه قبل لا تاكل اي شي المهم سلامه اطفالنا

حبيبتي انا حملي هذا من البدايه متولعه بعلج سمنت بالفراوله وشاريه كرتون وعندي من بالجنطه والسياره والمكتب ومستانسه عليه ان يخفف اللوعه زين الي نبهتيني عنه وانا توني بالبدايه واول ماقريت هالكلام قريت الي مكتوب ورا وفعلا فيه ماده الاسبارتيم بس ماشفت ان مكتوب ان ممنوع للحامل والمرضع وين مكتوب هالكلام؟؟؟

 

[يا كويتنا]

بلنسبه للفرة الجاهل انا الدكتور مدحت بالعرف

فر لي ولدي واهو باول اسبوع بالتاسع ... والحمدالله جبته بعد اسبوعين

 

[يا كويتنا]

بلنسبه للفرة الجاهل انا الدكتور مدحت بالعرف

فر لي ولدي واهو باول اسبوع بالتاسع ... والحمدالله جبته بعد اسبوعين

وانصح كل حامل وعلى وشك ولاده لا تروحين مبجر للولاده .. سانتي اثنين وانتي ما نزل معاج لا ماي ولا دم لا انطري ترا تلعوزين

 

[mrs.abk]

أنا من أخطائي ما كنت أتسدح وأريح نفسي كنت حمالة شقى أتعب وأجتهد وأداوم وتطلع عيني والنتيجة المشكيمة نزلت من أول الثامن وتميت على أعصابي لين ولد لأن مقررين لي عملية كانو بس الله كريم ولدت طبيعي

 

[البابانه توته]

موضوووع وااايد حلوووو صراحه

بس البنات الي يقولون مايصير ناكل كالسيوم وحديد مع بعض !!!

من ضمن الفيتامينات الي عطتني ياها دكتورتي
حبوب اسمهاا prenatal عليهااا صورة حامل
فيهااا واايد فيتامينات ومعادن مع بعض
منها الكالسيوم والحديد ومغنيسيوم ووووو واايد


اذا مو زين مع بعض شلووووون حاطينهم بحبه وحده !!!!


والله يسهل علينا وعليكم

 

[أم صقـورى]

اهم شي انج ماتروحين ولاده وانتي مافيج طلوق راح يلعوزونج ويلعبون فيج بهالطلوق الصناعيه وتقعدين يوم يومين على ماتولدين تعذيب صراحه

 

[رويال ديزاين]

خوش موضوع

الله يتمم على كل حامل وتولد بالسلامه

 

[حبيبة عز]

غلطتي بولادتي الاولى

اني حطيت ابرة ظهر

وكانت نسبة المخدر كبيرة

لدرجة اني وقت الولادة يقولولي سوي بوش

ماعرف اسوي وماحس بشي اصلا

وهالشي خلاهم يشفطون ولدي

وصار عمره سنتين وليما الحين فيه صعروره

فاللي تبي تحط ابرة ظهر

تنتبه ان وقت الولادة يخففونه لها

عشان تحس بشوية طلق وتقدر تساعدهم بطلعة البيبي

----

غلطتي الثانية

بحملي هذا اهملت حيل الفيتامينات والكالسيوم

واصلا عندي نقص فيتامين د

وهم مقصره باكل حبوب الفيتامين د

 

[انفاس القصيد]

الغلط اللي سويته اني رحت من اول ماحسيت بطلق وماكان مفتوح وايد وتلعوزت حيييييل هناك

الله يرزق كل محرومه ياااااااااارب

 

[فرح79]

اااااااااااااااااااااب