أخت زوجي وش الحل معها

[دلوعة ملآكي]

هي اساسا كل الناس تعاملهم معاملة سيئة وتحتقرهم كلش ماتحترم احد حتى تصرخ ع امها قدامنا ً واللي شافوها بزواجي كلهم عرفو اسلوبها شين مع المعازيم قالو لي الله يعينج ع هالحماة شريرة

 

[ناتشوو]

شنو تغثج فيه
شنو تقول
علشان نفهم
بس بشكل عام التطنيش حلووو
خاصة لفارق السن بينكم

 

[latkt7as]

الحل الانسسب الي يغثها ويجننها

احقررررريييها

زوجي علمني طبع

اذا احد غثه وبط جبده يطنش وتلقيينه عادي وانا انرفز

قال مايهموني انا اتضايق واعصب على الي يهموني بس

قال دخلي من اذن وطلعي من الثانيه ولا ماراح تعيشين

معلومه
ان قرايبه وقرايبي يحبون الكلام الي يغث

وكانه ماكو بالدنيا غيرنا

الله يكون بالعون

تقبلي مروري

 

[دلوعة ملآكي]

انا لما شكيت لزوجي قالي لاتطاوعينها هي ماتحترم احد واكيد منقهره منك ومن لبسك

 

[ناتشوو]

اه صج ماعاد في اخوان
اخوها يقول مقهورة من لبسك وخليك منها
دام جذي
لي بطت جبدج المرة الجاية
عطيها طراق
وخلصتي

 

[# غنوجة بيبي #]

الله يعينج


تحمليها بعد شتسوين

 

[om MaRyooM]

شي طبيعي تغار منج
عسى الله يرزقها الزوج الصالح


وبعدين شنو نوع المغثة ؟؟ ماوضحتي لنا
اذا كلام عادي طنشيييييها .. لاتهتمين لها ولاتخلينها سبب القطيعه لزيارة بيت حمولتج
اما اذا كلام قوي ويجرح ظروري تبلغين زوجج


عموما
خلي همج الاول سعادة زوجج .. وخلج سطحية مع اهل زوجج بشكل عام
والله يعينج
مافي حياة زوجية متكاملة .. لازم المنغصاات

 

[مشتاقة الى الله]

طنش تعش تنتعش

خليج مثلي حبوبة وعيشي حياتج ولا تعورين قلبج عشانها لانها ما تستاهلج ولا تسواج

انا اهل زوجي شربوني المر والعذاب بس مع الايام تعلمت والحين عايشة حياتي مع زوجي واولادي رااااحات على الاخر وكل مرة سفر يعني الحمدلله قدرت اتصرف فانتي يبدو انج عروس يديده يبالج وقت وصبر وان شاء الله راح تكونين مثلنا عايشة حياتج

الله يصبرنا عليهم ويهديهم ان شاء الله

 

[نسمات 26]

يا كثر إلي يغثوون والي قاعدين على القلب

 

[Geisha]

حبيبة قلبي لا تعطينها حجم واهمية دام الكل زين تخيلي انا مو موجوده اهي فيها شي نفسي خليها تعابل وانتي طنشي ونصيحة للكل لا تعطون اهمية لاي شخص يحاول يستفزكم عملوا باخلاقكم

 

[أبله أريج]

ردي عليها

 

[8mr ta7a]

شكرا

يعطيك

ألف

عافيه

ع الموضوع

 

[PuPa^^SWeeT]

دام الكل زين الا اهي


قللي الحديث معاها وبس

 

[دلوعة ملآكي]

يسلمو ع مروركم يعطيكم العافية

 

[ام عبدالله زوزو]

اتحمليها والله يوفقك

 

[ام البنات123]

تحمليها

 

[مناير احمد]

اختي هذي البنت مسكينه عمرها اربعين يمكن تحس بالغيره منك لانها كبيره وماتزوجت وحرام انك تشيلين في خاطرك عليها حتى لو غثتك احتسبي الاجر وبالعكس تقربي منها بهديه تهادوا تحابو وانتبهي تجيبين لزوجك طاري مهما كان اخته وانتي طنشي وشوفي كيف ربي راح يوفقك ويجازيك خير

 

[حبيبي مالكني]

حقريها هاي الاسلوب الوحيد الي ينفع معاها

 

[عزوتي خمس صقور]

حقريها ونرفزيها​

 

[لسعة شقاوة78]

مسجينة اكيد تغار منج
حاولي تتقربين منها
اهديها عطر فستان اي شي
ومدحيها قدام الناس بحضورها
وشوي شوي بتنساج