أختي ومشكلتها مع زوجها ..الله يرزقهاا يآآآرب

[ورود كويتيه]

السلام عليكم ....
شلونكم بنات :aha:


والله اليوم أختي الكبيره الدمعه بعينها مسكينه كسرت خاطري ...قاعده تفضفض لي تقول زوجها مو راضي يعالج كلش ويقول سكري الموضوع ...هي عندها بنوته عمرها 4 سنوات وتبي تحمل ومتشفقه حيييييل على ولد أو بنوته ثانيه تسلي أختها اللي بروحها وعليا :eh_s(2): بس زوجها الله يهديه جابلها الإحباط وتعبت وهي تحايل فيه طول هالمده وكلش يعصب اذا فتحت هالموضوع ويقول لاحقين على العيال>>>>>>> يتهرب منها !! حرااام تكسر الخاطر وهي مو صغيره بدش الثلاثين وهو بعد تقريبا أكبر منها بسنتين ...
تقووول متى يعني أحمل ؟؟ لما نصك الاربعين ... وعلى فكره من كثر ماتبي الحمال راحت للدكتوره بروحها وقالت عطيني دواء أو اي شي عشان أحمل !!! قالت لها الدكتوره أنتي" زي الفل" شلون تعطيها دوا وهي سليمه ... قالت لها ضروري يجي زوجج نشوفه :eh_s(10): ... بس شلون تجيبه ...؟؟ هذه مشكلتها ...

أدعولها بنات الله يرزقها الذريه ويهدي زوجها :yaaaaaarb:

 

[لبى عيونه]

يارب ان شاءالله ياوافق ياااااارب زين خليها تقنعه بالعسل ياكله وان شاءالله ينفع معاه

 

[حنان1983]

حبيبتي ان شاء الله تحمل عن قريب وخله ياخذ فيتامين الزنك وفيتامين ه ويكثر سمك ويشرب عسل الجنسنج مال معجزه الشفاء وان شاء الله تحمل ومو شرط يكون اهو في شى بس ممكن ما يصادف جماع ايام التبيويض وان شاء الله تشوفينها حامل عن قريب

 

[ورود كويتيه]

يارب ان شاءالله ياوافق ياااااارب زين خليها تقنعه بالعسل ياكله وان شاءالله ينفع معاه

آآآآآآمين يارب ~~~~

اي نسيت شغله على طاري العسل زوجها فيه سكر خفيف ومسوي له الدكتور حميه مو أي شي ياكله ... :eh_s(10):
فأتوقع مايصلح له العسل ...

 

[%متفائله%]

خل تدعي بصلاتهاا ان الله يسخر زوجهااا

ويرزقهاا بالذريه الصالحه

لان فعلا مشكله العناد والراس اليابس

 

[ورود كويتيه]

حبيبتي ان شاء الله تحمل عن قريب وخله ياخذ فيتامين الزنك وفيتامين ه ويكثر سمك ويشرب عسل الجنسنج مال معجزه الشفاء وان شاء الله تحمل ومو شرط يكون اهو في شى بس ممكن ما يصادف جماع ايام التبيويض وان شاء الله تشوفينها حامل عن قريب

الزنك هذا عادي ياخذه وهو يتبع حميه للسكر ...؟؟ والله مأذيها احنا نسأل شنو اللي ينفعه وهو مكبر المخده >>>>

الله يعينها ....


تسلمين حبيبتي

 

[ثنايا الورد]

الله يهديه ان شاء الله ومااعتقد راح يتهرب من العلاج اكثر من جذيه خليها تتركه اشويات وراح
يدور من نفسه حق علاج ترى الرجال جذي كيف ومزاج ومايحبون الحنه والزنه الله يستر عليها
يارب ويرزقها قريب

 

[هيبة ملك]

الله يرزقها

 

[@ام يوسف@]

الله يهديه ويرزقها الذريه الصالحه

 

[*qalaa*]

الله يهديه ان شاء الله

 

[زين ودلال]

الله يهدي زوجها ان شاء الله ويرزقها بالذريه الصالحه يارب

خل تدعي ان الله يحنن قلبه ويرضى يروح يعالج