أختي العزيزه ... ديري بالج من مستشفى الأمومه و مستشفى السيف>>اقري السالفه

[UM MARIEM]

اشكر كل من رد على الموضوع

عيون مها

مغتربه 2006

خواتي انا ما أحط بذمتي شي

لا والله ... والله قصدي بس النصيحه و أخذ الحذر منهم

الله يستر علينا و عليكم

و المستشفيات حظ و نصيب...

فيه الي يرتاح و في اللي ما يرتاح سبحان الله

و الولاده كلها من الله

بس مو تفكرون بشكل الغرف و المستشفى!!

لأ ... فكروا بحياتكم و حيات اللي في بطنكم

حرام اللعب و المجازفه

والله باجر تندمون من كل شي

الله لا يقوله

الله يستر علينا و عليهم

و انا يا اخواتي ما علي الا النصح و البلاغ

انا هم بعد فكرت بالسيف

بس اللحين خف لأ.. كله الا اللعب بالارواح

الله يهون على كل حامل

الله يرزق كل محروم يارب

و سلامتكم

 

[ذيبة الكويت]

رد : قصتي مع مستشفى الامومه

مرحبا كويتيات
انا بقول سالفتي مع مستشفى الامومه مع العلم اني اول مرة في حياتي اشترك في منتدى او اكتب موضوع يعني تنسيق وترتيب واخطاء املائية وبدليات عادي عادي طوفو :wqedqw:
المهم انا ولدت في مستشفى الامومة في يوم الوقوف بعرفة يعني ليلة عيد الاضحى قبل 27 يوم تقريبا
بداية قصتي انا اراجع في مستشفى السلام ووالدة فيه مرتين عند الدكتور خالد عبدالمنعم بس اسعارهم كانت كل مالها تزيد
ما اطول عليكم السالفه كنت طالعه من جمعية وزارة الدفاع ولا اشوف هالمستشفى الجديد مستشفو الامومه قلت ليش ما اروح لهم اشوف اسعارهم وقفت عنده واستقبلوني استقبال حار وقالو من حظج اننا مسوين خصومات وانا كنت في اخر الشهر الثامن قلت ابي اشوف غرفة الولاده قالو نوريج الغرف ال vip قلت ماتهمني ابي اشوف غرفة الولادة بس خذتني وحدة ونزلت معاها تحت وشفت الغرفه حلوه ووسيعه وقالت لي راح يكون معاج وقت الولاده سسترات ثنتين ووحده سستر عربيه مصريه بالاصح وراح يكون معاج دكتور او دكتورة للطفل زائد سسترات اثنين بعد قلت لها ليش ماتفتحون الباب وتخلون الزوار بعد يدشون يتفرجووون بعد صار العدد بالغرفة وقت الولادة 8 خمس سسترات ودكتور الاطفال ودكتور الولاده ومشرفه السسترات
رفضت وقلت لها ابي بس سسترات فلبينيات والدكتور والباقي مايدشون ممكن قال افاااا عليج انا حاظره اصلا انا المسؤله عنج من اول ما تدخلين لين تطلعين بالسلامة
بغير الوون لاني بديت اعصب وادخل في صلب الموضوع
اسمحولي راح اطول عليكم لاني متضاااااايقه حيل من اللي صار لي
سالت عن افضل دكتور ودكتوره انا وزوجي قال لنا واحد اسمه انور افضل دكتور محمود السيد وافضل دكتوره عبير
قلنا نبي محمود قال اوكي ودخلنا عليه واستقباله حلو وقلنا شروطنا التالية
1-مابي احد غيرك انت والسسترات الفلبينيات بالغرفة
2-مابي احد يشرف على ولادتي غيرك
3-ابيك تراعي نفسيتي يوم الولادة
وبس تخيلو بس هذي طلباتي اماااانه عليكم انا طلبت شي مستحيل او مو من حقي
؟؟؟؟؟؟؟؟؟؟؟؟؟
قال حاضر قلت له ترى بالكثيرجدامي اسبوع يمكن اولد اذا عندك مواعيد او ضغط قول من الحين لاتوهقني
جاااني الطلق وانا صايمه يوم الوقوف بعرفة وطلعت لهم الساعه 8 الصبح وولدت الساعه 11 الظهر
تدرووووووووون شنووووووووووووو صااااااااااااار











اييييييييه نسيت اقول لكم قبلها بثلاث ايام حاشتني طلوق ودقيت على الدكتور صبح ليل ظهر عصر مغرب كل الاوقات مايرد علي ثلااااااااث ايااااااااام على هالحاااال مايرد
ويوم الولادة دق عليه زوجي واحنى بالطريق ومارد ولما دقو عليه المستشفى رد قال انا تعبان مالي خلق تخيلووووو هذااااا رده
وللعلم انا مقدمه شكوى فيهم عند العلاقات العامه عند ابوعبدالله القطان مدير العلاقات العام
وبعد شوي بقول لكم شنو القرار اللي توصل له مدير العلاقات العامه
وقت الولادة دشو علي فوق ال 9 ممرضااااااات تخيلو 9 وفيهم وحده من الاجنحه مالها شغل في الولاده
وانا اصارخ اطلعو برااا ولا احد يرد علي وزوجي معاي يصاااارخ عليهم بعد ويطلعون ويدشون
وولدتني دكتووووورة هندية اسمها سوووولاجه اتضح لي بالاخير انها ماعمرها ولدة اي وحده ولا احد يرضى من الحريم انها تولدها طبعا اللي قالت لي هالموضوع اسمها ( مينا ) تشتغل في المستشفى مسؤؤؤله
ولا ابي اضلم حضي ترى النظافه والغرف الوسيعه والسنعه موجوده بس بالنسبة لاي وحده تبي تولد مو مهم كل هذا
اشتكيت وكتبت تقرير وبالاخير خصم ثلاث ايام لبعض الممرضات اللي تواجدو بالغرفة من غير اذن وبس
انا الحين اعاني من التهابات وصديد وافرازات حااادة واراجع في عيادة جنين عند الدكتور خالد عبدالمنعم تابع لمستشفي السلام
تخيلو دفعت في مستشفي الامومة 360 دينار مع انهم قالو لي من الاول بس 300 والحين دفعت عند دكتوري بسبتهم 250 دينار من غير التجميل ليلحين ماسويته
يعني من الاول لو والده في المستشفى اللي تعودت عليه مع انه اغلا جااان احسن لان اللي ادخرته من هالولادة الرخيصه صرفته على علاجي بسبتهم
انا ما اتبلا على احد وستعده للرد عن اي استفسار وعندي الادله الرسميه وجاهزه لمواجهة اي احد
وحاولة الوصول لمديرة المستشفى عالية الخالد وماقدرة تصدقوووون
:denya:​

 

[الجفول&]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

واللله لو شنو مااغامر اولد بمستشفى جديد توه فاتح وعموما التساهيل من رب العالمين.

 

[pink Flamingo]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

الله يعينج حبيبتي ذيبه الكويت

انا بالنسبه لي اراجع بمستشقى السيف عند روبينا علي
الدكتوووره روووووعه بالتعامل و العلاج اتخاف عليج وعلى مصلحتج

انا اقولك اشلوون
انا على بنتي كنت قيصريه
والحين طلبت منها قيصيريه
و اهيا كلش موووراضيه تقول كل وضعج يقول طبيعي ليش اولدج قيصريه
ما ترضى اتسويلي وااايد سونار تقول يضر البيبي
ماتطلب مني الا المعقول

انا نمت عندهم بالمستشفى يوم لانه ياني الطلق وانا بالسبوع 34 وهذا ما يصير
والله و الله و الله انهم ماخلوني دقيقه وحده وعلاجهم واايد زين وحتى سستراتهم وااايد زينين و لي درجه دقت علي وحده من السسترات تقولي تعالي اخذي تقريرد لانه خلص و سالتني عن حالي و اذا ليلحين احس بعوار و انصحتني بجم نصيحه و انا وااايد حبيت هالشغله انهم يتذكروون مرضاهم

بسسسسسسسسسسسس
و مااا ادراااك ماااا بسسسسسسسسس


اسعاااارهم نااااااااااااااار
و الناحيه الاداريه زفت الزفت
يعني ملفي علبال ما اييلي وقت المراجعه سنه ممكن اتاخر علشااانه
يعني اداريا مو شي ليلحينهم مو مرتبين

بس كعلاج و عنااايه وااايد زينين
و الولاده خالتي والده عندها قيصري لانها اهيا اساسا ما تولد الا ثيصريه وغير القيصيريه كان عندها فدك و كانت بتربط ف سوت لها 3 عمليات مره وحده و الحمدلله تمدحهم
وبنت عمي ولدت طبيعي مع انه الولاده الي قبلها كانت بالشفى عند دكتوره معصومه ولدتها قيصريه بالثامن و ما نطرت عليها
ولما راحت حق روبينا قالتلها مافي سبب يخليها اتولدج بالثامن و قيصريه و انتي والده طبيعي من قبل قالتلها راح تولدين طبيعي بس اذا طولتي بالطلق راح تولدين قيصري لانه الطلق وااايد موزين حق الجرح لانه مو صايرلج اكثر من سنه بين الولادتين ووقعتها احتياط على القيصريه
بس الحمدلله اولدت طبيعي و تمدح خياطها تقول مرتب

ودكتوره روبينا استشاريه كانت بالسلام و بعدين بالمواساة و الحين بالسيف

واذا ولدت انشاء الله بالسلامه بكتب قصتي معاها

اسفه على الاطاله

 

[om yousefany]

ماادري بنات انا جربت المواساة ورويال حياة تبون الصج الخاص كلة يقولج سعر ولمن تطلعين زيادة اشوي بالنسبة لرويال حياة تروحين وانتي مرتاحة بعدين اللي اتقول في وفياة وايد جان سكروها اشدعوة الظاهر احد يخرعج عشان لاتولدين اهناك غالي والصج انه غالي انا الحين مفكرة اولد برويال حياة عشان اول شي انا عملية ثاني شي مالي خلق استقبل احد في البيت لان حالتي الصحية مش ولا بد ثالث شي تقريبا اخذ لي شهرين ونص مااتحرك فخلوني ادلع روحي اشوي وبعدين لاحقة على اليهال ومجابلهم على فكرة معلومة كل مستشفى يديد وخروا عنه اشوي بعدين يصيير اوكي ليش لان راح يكون الكل محط تجارب واللي اتقول اروح للحكومة يولدوني انتي شفتي اشلون يعاملون الكويتيات السونار عشان اتسوينة لازم يشفونج ميتة عشان تدخلين ولا شرط انه الياهل يتاكدون انه مافي نبض واذا سيلامية من طرف السستر او مصرية اوووه في اي بي انا رحت الصباح لمن اجهضت والله اقولهم نزل دم الدكتور يقول خلي السستر اتشوف كمية الدم بالهاذا وييع انا لاعت جبدي انزين في شي اسمة تحليل اوراق سونار لاااا حسسوني جنة يعالجون حيوانات والله يبطون الجبد وفلوسنا ومستشفياتنا رايحة لغيرنا ولا السيلانية وغيرها يولدون بديرتهم بالبيت وين لاقينها

 

[LiL MaMa]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

لا حول و لا قوة الا بالله

 

[شوق شوقى]

الله يستر

 

[المميزه84]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

الدكتورة الي صاحبة الموضوع قالت عنها انها معطيه حبوب اجهاض وقالت حق البنت روحي سوي تنظيفات اهي روبينا لانها باكستانيه والويده الباكستانيه بالسيف اهي روبينا
وبصراحه سونارها مدته 3دقايق وعالسريييييييييع اشدعووووه انا ما ارتت لها ارتحت عند جيهان وقالت فيني ولد وقالت اكيد روحي جهزي واخر شي الحين الراشد اكدولي انها بنت عاد كنت بولد بالسيف بس مادري ليش مو مرتاحه وخلاص قررت اغير

 

[جذابه بنت ذيابه]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

كل مستشفى في الزين وفي الشين


بس ينخاف منهم المستشفيات الجديده


انا اراجع بدار الشفا وحييييييل مرتاحه فيه

 

[Om_Ksha]

واااااااااااااااى احتريت من سالفتج ذيبه الكويت ..
عاد حاسه بشعورج لمن تقولين مابي احد .. يعنى وقت الولاده مو وقت نرفزه .. اذكر انا من شهر ولدت بالسلام .. واول بيبي ماعرف ولا فكرت اطل بالغرفه هههههههه اللى طليت عليه الجناح اللى باخذه اما غرفه الولاده مادري عنها ,, بس لمن يت اولد وودونى لها استغربت .. الغرفه كااااااانت حيل حلوه يعنى ماحسيت بجو الولاده .. انا عبالى نفس الافلام لابسين ازرق وفوقي منظره .. بس الحمدالله ارتحت حييييييييل لمن شفت الغرفه ماتخرع وسهالات .. وانشالله ناويه اولد فيه بعدين ,,

 

[Esraa.a]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

اب اب اب

 

[اختكم بالله]

اي مستشفى يديد ما اغامر ادخله

 

[ام فويزان]

انه اعرف لي الحين 4 والدين بالسيف و كلهم طبيعي و يمدحون المستشفى حيييل و انه اراجع هناك وايد مريحين و دخلت على كذا دكتور كلهم اتحسون شطار اللهم الطوارئ الي ما تعجبني خدمتهم الكلام وايد في الي يمدح و لي يذم بكل المستشفيات سواء حكومه او خاص السهالات من رب العالمين مو المستشفى و ربي يسهل على الكل امين

 

[الصعيريه]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

لحظة ‏...‏ من قال في حبوب اجهاض ‏؟ ‏
بالكويت مافي لأن العام كنت حامل ومات البيبي ‏
قالولي راح ننطر عليج ليمن ينزل بروحه وسألتهم مافي
حبوب تسرع عمليه الاجهاض الدكتور قالي هذة حبوب
غير شرعية وموموجودة في الكويت

صح كلام تيوليبس
اختي لما توفى الجنين ببطنها إنطروا عليها لحد ماطاح من نفسه
وحبوب الاجهاااض مستحييل تتوفر بالكويت ممنووووعه

 

[أحـلام * ورديـة]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

حتى انا لما اجهضت الدكتوره قالت لي ننطر جم يوم اذا ما نزل

نعطيج ابره عشان ننزل البيبي والحمدلله ونزل بروحه

وعلى فكره دكتورتي راجني استشاريه كانت في دار الشفا والحين راحت السيف

واهي اللي ولدتني ببجري

وخوش دكتوره تنطر عليج مو على طول تقولج قيصريه نفس باجي الدكاتره

وانشالله التساهيل من الله سبحانه

والاخطاء ممكن تصير باي مستشفى

واذا على سالفة الوفيات فهذا حتى ول خطأ طبي

هم اهو يوم الانسان يعني ما نقدر نعترض

والله يسهل علينا انشالله ونقوم بالسلامه يا رب

 

[خلود العامر]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

براي التساهيل من الله
بنسبه لى دكتورتى ما تنصحنى اولد بمستشفى جديده
تقول ما عرف امكانياتهم تحب تولد بمستشفى معروفه وقديمه

الله يسهل على كل حامل

 

[صــبى]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

كله تساهيل من الله اختي توها والده بالامومه ومولدتها الدكتوره عبير تهبل انا كنت معاها وقت الولادهوالله الفجر جاها الطلق ودقينا على الدكتوره وكانت توها واصله البيت وردت لها مره ثانيه ماقالت ولاشي
صج مستشفى جديد بس خوش مستشفى خدمه ونظافه وحتى ولادتهاا ارتاحت فيها ولله الحمد

كل شي بيد الله .. مستشفى جديد ولا قديم ..

 

["*آآآنؤؤؤقهـ*"]

رد : أختي العزيزه ... ديري بالج من مستشفى الأمومه و مستشفى السيف>>اقري السالفه

كل شئ الله كااتبه

 

[ام خدود ورديه]

الصراحه انا مصدقتج لانه بنت عمتي سألت الدكتوره عن مستشفى السيف قالتلها ما انصحج احسن شي اتروحين حق دكتوره من برى عالاقل مالها مصلحه بالمتشفى

 

[eman84]

ليش يعني تبي المره تجهض ؟ ماكله حلال ابوووها

استغفر الله يااربي مايصير تتحجين وتذمين بالمسشتفيات وانتي شخصيا ماجربتي !! يعني ملينا من سالفة وكاله يقولون ويقولون وبعدين ؟

مايصير تشهرين يعني الموت حق و اكو ناس بحكوومة وقت الولادة ماتوا وناس برويال و ناس بالمواساة و كل وحده ولدت سهاله تقول يازين المستشفى واللي استعسرت تقول وييع واللي فتح بطن تقول ماصبروا علي ؟!

عندي سؤال يعني انتي اخبر و ادرى من الدكتورة ؟؟ ليش يصبرون لين تموت الام و الا الياهل ؟؟ حددوا علشان نعرف

وان ماتت بتيين هني تذمين و تعصبين ذبحوا و موتوا و غيره من هالحجي !؟

السهاله من رب العالمين توكلوا على الله و كل وحده مختاره مستشفى معين مرتاحه له ليش تخوفون البنات ؟

يعني لا يكون اللي بتدخل الحكومة وتولد هناك بتحصل عنايه ورعايه و اهتمام ؟؟ ماغير تنقط المسكينة حالها حال القطو تولد وتقوم و يكفي معاملتهم اللي تسم البدن بالذات اللي مو متوصين فيها

لا يبه اللي عندها خل تروح تدلع حالها و ترتاح بدال التدقر تقولين لها آآآي الولادة تعور والا الفحص ترد الدكتوره عن الدلع !@@ عسى ماشر من قال وقت دلع يااارب لا يحوجني حق الحكووومة

محد يدخل ولادة بأي مكان بالعالم ويعطوونه صك ضمان هالشي على الله اهم يسوون اللي عليهم وبالنسبه حق الاسعار ليش تزيد واللي حاسبه حساب 1000 ودفعت 1500 ؟؟ ماعتقد ان عيب لو تسألين ليش ؟ راح تلقين انج احتجتي اشياء وادوية و غيره والسعر تغير خو مايصير بلاش بعد


وتقبلوا مروري بس والله ماحب اللي تيي وتذم بدون ماتجرب اهيا بنفسها