أختكم محتاجته نصيحة الخبيرات بأوروبا عفيه لاتردوووني ...

[tahoona]

السلام عليكم بنات يعطيكم العافية ...

ودي أسأل الخبيرات في باريس وألمانيا وبالتحديد ( ميونخ ) عن أحسن الأماكن السياحية والفنادق بأسعار معقولة يعني مو شرط 5 نجوم ....... 4 كافي بس يكون حلو ونظيف وموقعة يم الأسواق اللي أسعارها مناسبة والمطاعم .
وعلى طاري المطاعم أبي تعلموني عن المطاعم اللذيذة واللي أكلها حلال إذا عندكم فكرررررة ...
عفيه لاتردوني آنا من زماااااااان ماسافرت ولا رحت أوروبا ويتني الفرصة السنة إني أسافر عفييية لاتبخلووون علي بمعلوماتكككم وراح أدعي حق كل من تفييدني yaaaaaarb:
ويزاكم الله ألف خير حبيباتي ....:

 

[tahoona]

شدعوه بنات ولا رد ما تبون دعوة حلوة من القلب زعلت منكم ...

 

[أمانيQ8]

أول شي كل فنادقهم حلوه انشالله بونجمه
الفندق اللي بقولج عنه حلو ونظييييييف وراقي وسعره معقول تقريبا الليله 35دينار وهذا اسمه

NH München Deutscher Kaiserالسعر شامل الريوق والضرايب والخدمه وهذا لشخصين
هذا عنوانه


عنوان الفندق:

Arnulfstrasse 2 D-80335 München, Munich
Tel. +49.89.54530
Fax. +49.89.54532255
[email protected]
ــــــــــــــــــــــــــــــــــــــــــــــــــــــــــــــــــــــــــــــــــــــــ
وهذا السايت دشي شوفي الاسعار
http://www.nh-hotels.com/
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
المطاعم وباقي المعلومات عن ميونخ دشي هالسايتhttp://www.muenchen.de/health/CityInfo/aTourismus/351/Gastronomie.html

 

[bambena]

فنادق باريس :

كالفورنيا

وارويك

شاتو دو فرونتاك

باور

 

[Queen-q8]

يالغالية فندق ميونيخ هوليدي ان سنتر اعتقد جذي اسمه اللي تحته محطة مترو هذا وايد مناسب مستوى 5 ستار مع انه 4 ستار بس ترى كله كويتين وخليجين اذا ما تحبين الزحمة عندج فندق سيتي ستار جنه اسمه جذي بس غرفه حيل صغار انا سكنت بالاثنين بس هوليدي ان مريح للتعامل وخصوصا انه كله خليجين فما تحسين بالغربة و تقدرين تسألين ويساعدونج الريوق حلو واعتقد سعره اذا حصلت 45 دك الليلة ممتاز انصحج فيه خصوصا اذا اول مرة


الاماكن بموينيخ معروفة

عندج المارين بلاتز للتسوق والتمشي بالليل لما تسكر الاسواق الكافيهات والمطاعم

مطاعم حلال ما عندي خبر لاني ما اكل الا بيتزا مارغريتا او ماك فيش واحيانا اذا لقيت بالصدفة مطعم عربي بس ما عندي خبره بالاسماء بس تذكرت في جم مطعم عربي بس ما يحضرني اسمائم

وعندج ليقو لاند برا ميونيخ ساعتين تقريبا مدينة العاب بس تصلح لليهال اكثر شيء

بالنسبة لباريس عندج فندق اسمه بيلمون جنه جذي 3 ستار بس نظيف ومشي 4 دقايق من الشانز بس انا انصحج دوري الفناد اللي يمها نحطة مترو او اندر قراوند خصوصا بباريس لان التكاسي غالية

 

[سمبوسة]

حبيبتي ميونخ المريديان ممتاز في منطقة السوق تحتج كثييير مطاعم تركية حلال شاورما ومشويات والفندق 4 نجوم كله خليجين وقنوات عربية بالتلفزيون وجبالج محطة القطار فيها مطاعم وبقالات ما تسكر لما 11 بالليل منطقة حية وأمان

 

[um wahaby]

ماراح تحتارين بالاكل بميونج متروسه مطاعم عربيه

وبالنسبه للفناده انا سكنت بالميركيور 4 نجووم بس يديد فاتح السنه اللي فاتت

 

[غصون]

ميونخ فيها 2 هوليدي ان ديري بالج

واحد تحته القطار والثاني بعيد مادري وين


احنا سكنا الهوليدي ان اللي تحتة القطار + محلات و جمعية تهبل ومطاعم بس اكثر شي ناكل صب واي لان خضار هذا كلة تحت الهوليدي ان


وحتى الميرديان حلو موقعه قريب بعد من محطة القطار

وعندج المارين بلاتز هذا شااااااااااارع يبيلج سنة يالله تخلصينة

كلة مجمعات ومحلات ووناسة

والمطاعم شكثرها البيتزا وماكدونالدز ..........الخ

 

[tahoona]

أماني Q8
bambena
Queen-q8
سمبوسه
um wahaby
غصون

يابعد عمري يا بنات كلكم أفدتوني أفادكم الله ويارب إن شاء يسخرلكم عباده الصالحين مثل ما الله سخركم لي حبايبي..
الله لا يحرمني منكم ويرزقكم كل اللي في بالكم وأهم شي يجمعنا في جنة الخلد يارب العالمين ...