اوف من صجج من شهر 11 ؟؟؟
طبعا ما ينفع اسألج شنو يبتي او ليش وقفو اغراضج لان موضوع انتهى امره~!
البضاعه صارلها فوق الـ6 شهور
الله اعلم
اخاف اتلفوهم
او سوولهم اعادة تصدير
لان مستحيل الجمارك تخلي الاغراض عندها كل هالمده
اختي نصيحه من اختج بالله
غضي النظر عن اغراضج والله يعوضج عن اللي خسرتيه ,,,قولي ليش؟
انا اقولج
لان الجمارك تحسب ارضيه يوميا على البضايع المركونه عندهم
اول 3 ايام يحسبون 12 دينار علما اظن
بعدين كل يوم 3 دنانير
اجباري تدفعين هالمبالغ
يعني على كلامج ان البضاعه رخيصه وبسيطه
تخيلي من شهر 11 لي اليوم جم طالع عليج ارضيه؟
ضربي 3 دنانير بعدد الايام اللي البضاعه مركونه فيها بالجمارك
جم راح يطلعلج المبلغ؟ وضيفي عليه 12 دينار
اكيد مبلغ خيالي ولا يسوى تدفعينه اصلا لان بيطلع عليج اغلى من بيع السوق ولا راح تطلعين ربح ولا اي فايده تذكر
فا عندج اقتراحين
اما تسكتين وتغضين النظر وتدعين ان الله يعوضج باللي خسرتيه~!
او اتروحين الجمارك ومعاج رقم الشحنه وتقولين لهم انا اطلب اتلاف اغراضي واخذي ورقه اثبات منهم بأتلاف البضاعه عشان تضمنين ان محد ياخذ اغراضج من البنغاليه او العمال الي هناك~!
وادري الامر صعب بـ كلا الحالتين
لان لو قلتيلهم برجع اغراضي للسيلر
اولا السيلر بيرفض رفض قااااااطع انه يرجع الاغراض بعد مرور هذي الفتره الزمنيه الطويله المقدره ب6 شهور !
لان الوقت المسموح بارجاع البضاعه اهو اسبوعين كحد اقصى
ثاني شي لو رضى السيلر يرجعهم <<
ولو انه من سابع المستحيلات
لازم تدفعين قيمة الشحن حق البضاعه المسترجعه
يعني بتخسرين فوق خسارتج
شوفي اللي يريحج؟
وربي يوفقج ويعوضج عن اللي خسرتيه
بالتوفيق
وثاني مره اذا توهقتي هذا رقمي 55404995
بس بشرط قبلما توصل بضاعتج لي الكويت عطيني خبر عشان اقدر اخلصها لج
