( أحمد & أنوار ) : وان تموت مثلك بـموت.. وعند قبرك يدفنوني.

[بقايا همس]

وااااااااااااااااااااااااااااااااااااااااااااااااااو بصراااااااااااااااااااااحه والله اكثر من روعه هالقصة بليييييز ناطرين التكملة
والله حدي اندمجت وماشاء الله علييييييج اول مررة تكتبين قصة وجذي اسلوبج والله حده روعه
موصــــــــــــــــــــــــــــــج هههههههههههههههههههههه ويسلموووووو حبووبة ناطرينج
لاتطوليييييين عليناااااااااااااااااااااااااااااا اوكــــ,,,,,,,,,

 

[•ː̗̀»AghLa 7υB«ː̖́:]

Na6reeen 7abebty ;;*


:tek::tek::tek:

 

[أروسا]

القصه رومانسيه حييييييييييييييييييييييييل

احس حبهم برئ يختي كلبس والله

ناطرينج حبوبه

 

[بقايا همس]

ياللللللللللللله وينج ناطرينج مو جنج تأخرتي عليناااااااا خيتووو.......

 

[hello!]

( تيسرت امور انوار وانفال واحمد وعبدالله, قبلتهم البعثه لأمريكا..انوار دشت تخصص هندسه معماريه واحمد علوم سياسيه وانفال اداره اعمال وعبدالله محاسبه, رغم ان انوار واحمد لهوا بتجهيزات سفرهم, الى ان كل نهايه يوم لما يحطون راسهم على المخده, كل واحد يتذكر الملاك الي شافه وبتذكر الموقف, خطتهم الحين انهم يبون ينسون, تعبوا من العذاب النفسي الي كل يوم يعيشونه! )

( باجر موعد السفر )

( بيت بو احمد )

بو احمد : ها احمد مزهب كل شي؟

احمد : اي يبه كل شي كامل الحمدالله

ام احمد : يمه احمد صكيت جناطك ولا بعد؟ لان بعد في جم شغله لازم احطها لك, شويه مرقدوش على شويه اعشاب وزنجبيل تريحك لي تعبت هناك.

بو احمد : يبه دادا اهو؟ اغوو؟ الله يهداج بس ماكو الا العافيه وبعدين مطارات امريكا تفتيشهم مو هين بيلعوزونه!

ام احمد : وااااي بو احمد وانت كله داقرني.

احمد : لااا عاد هذي ام احمد حلوه اللبن هذي.

الكل : ههههههه

خالد : اي عاد حميد شوفلك شقره هناك ولاتنسى اخوك.

أسماء ( تنغز اخوها خالد وتقول له بهمس ) : او ويعا انشالله استح على ويهك ابوي موجود

خالد : انتي شكوووو؟

ام احمد : بس ياعيااال تناجرتوا مره ثانيه

احمد ( يضحك ويساسر اخوه ) : هههههههه لاتوصي حريص ماني ناسيك

خالد : حلووووو, والله انك سبع.. ههههههه

احمد : ههههههههه

بو احمد : متى طيارتك باجر انت وعبدالله على خير؟

احمد : ان شاء الله الساعه 10 الصبح..

بو احمد : على خير ان شاء الله, يالله ياجماعه انا رايح

ام احمد : بو احمد وين.. اقعد شوي ولدك باجر بيسافر والعشى جاهز

بو احمد : ان شاء الله دقايق وراد بروح اشوف بو علي

( بيت بو علي جيران بيت بو احمد, بو علي كان مسوي عمليه خطره وتعب منها وكل فتره وفتره يزوره بو احمد بحكم الصداقه القويه الي بينهم )

ام احمد : حافظك الرحمن

( يرن تليفون ام احمد من احدى صديقاتها وتلهى بالمكالمه )

اسماء : حمودي

احمد : عيونه

اسماء : شلونك الحين؟ نسيتها؟

احمد : ( يهز راسه جواب " إي " بوجه حزين )

اسماء : لا والله شكلك مانسيتها, شهالينون احمد.. وحده شفتها مره وحده لاتعرفها ولا تعرفك حبيتها ومتعذب علشانها واهي الله العالم.. متزوجه؟ تحب؟ حيه؟ ميته.

احمد : اسماء رجاءاً صكي الموضوع ومابي اتناقش فيه, احترمي رغبتي باني قلت لج عن هالشي ولاتناقشيني فيه مره ثانيه لوسمحتي.

اسماء : لا تزعل, انا مسويه كل هذا علشان مصلحتك مو علشان شي ثاني ولأني اشوف هالشي مو منطقي.. وواوعدك اني ماراح ابطله مره ثانيه.

( ويقطع حديثهم خالد )

خالد : احمدوو مثل ماوصيتك لاتنساني ها

اسماء : وااااي انت ان صلحت الأمه بتفسد!!

الكل :ههههههههههه

احمد : اتكن اتكن خويلد.. خلك شخصيه ههههه

( مرت جم دقيقه من سوالفهم وضحكتهم الحلوه, رجع بو اجمد للبيت وتعشوا وقعدوا شوي وكل واحد راح داره ونام, بينما احمد مر رفيجه عبدالله وراحوا لربعهم علشان يودعونهم.. ومر اليوم ورجع كل واحد بيته ونام استعدادا لسفرهم باجر )

( بيت أنوار )

انوار : نفول مادري مو مقتنعه اني اصك جنطتي.. احس ناسيه وايد اشياء مع اني حطيت كل شي!!

انفال : تعوذي من ابليس بس.. وحتى لو ناسيه شي بتحصلينه هناك بامريكا كل شي في.

انوار : الله يسهل ان شاء الله.. احس باجر بتضايق حيل.. مو هاين علي افارق يدي والله

انفال : ان شاء الله ماله الا العافيه وبيقعد عند عمتج خلود وماشاء الله اهي عن ألف ريال

انوار : الله كريم.

انفال : يالله الساعه 1 ونص, باجر طيارتنا من صباح الله خير, نامي وارتاحي باجر ورانا تعب, اوكي

انوار : يالله عسل, اشوفج باجر ان شاء الله

انفال : على خير حبي, باي

( أنوار متضايقه, ماتبي تودع جدها وامها وابوها وكل شي بالنسبه لها, صج انه كبير بالسن ومايفهم شي بس يكفي انه من ريحه امها كانت بس لما تعتني فيه وتفضفض له تحس جنها تفضفض لأمها وابوها وتكلمهم. راحت له واهو نايم قامت تتأمل فيه وبوجهه, " آآآه يا ريحه الغالين, فراقك صعب يابعد هالدنيا كلها, ياربي طول بعمره وقر عينه بشوفتي شايله الشهاده ورافعه راسه, يااربي.. مالي غيره بهالدنيا, لاتحرمني منه يارب " حبت انوار جدها وغطته عدل وراحت نامت.. الليل مر بسرعه مو مثل ماكانت انوار حابه..)

( هالليله هذي بالذات.. تحلمت بأحمد.. كان راكب خيل كبير عربي وأصيل.. كان شكله بالحلم حلو, لأ مو حلو.. كان قمه بالجمال والمعالم الرجوليه, لحيه خفيفه ,شعره خفيف بس فيه كثاقه بسيطه, وطويل.. نفس ماشافته بالضبط بالمستشفى, كان يمد لها ايده ويقول لها )

أحمد : تعالي

أنوار : وين ؟

( يأشر لها احمد على عالم أبيض, كأنه جنه, نور ساطع لدرجه ان انوار غطت عينها من قوته.. مدت انوار إيدها لأحمد وقالت )

أنوار : بس انا اخاف من الخيول.

احمد : معاي, ابيج تعيشين كل شي, وماتخافين منه, ماراح اسمح للخوف انه يدش لحياتج دام انا معاج

( مسكت انوار ايد احمد و وصعدت معاه على الحصان الكبير, كان شكل الحصان ابيض, وشعره كثييف.. مسكت انوار احمد ومشى فيهم الحصان.. وتوجهوا لبقعه الضوء الي تعمي العيون من قوتها.. ودشوا داخلها وفجأه)

أ و اااااا
أأأأ

أأأ واااار

انفال : أنوااااااااار

( انوار قامت من حلمها ب نزه , قالت وين راح؟ وين )

انفال : انوار شفيج اسمله عليج؟ شكلج حلمانه صح

انوار : كنا بالخيل والله

انفال : شخيييله انوار؟ شفيج اسمله عليج

انوار : لالا ولا شي.. توني استوعب, حلمانه عادي

انفال : اسمله عليج بعد قلبي.. يالله انوار ترا مابقى الا 4 ساعات على موعد الطياره يادوبنا نلحق.. يالله قومي بدلي وغسلي ( مسكت راس انوار ومسحت عليه ) يالله انا ييت اقعدج وبرد بيتنا اشوفج بالمطار.

انوار : يالله ان شاء الله.

( طلعت انفال من الدار ومسكت انوار راسها بايدها الثنتين وحطت كل حيلها بسدحتها.. انسدحت بشكل قوي وقالت " آآآآآه, انت منو.. ليش موجود بحياتي وانت مو فيها؟ يافلان ليش!, تعوذت انفال من ابليس وقامت من فراشها بقلب مكسور مليان فراااغ.. راحت غسلت وصلت لها ركعتين ودعت ربها انه يسهل امورها ويسهل حزنها الي بيملي عينها لما تفارق جدها وديرتها, " اللهم لا سهل إلا ما جعلته سهلاً, ( والحزن ) إن شأت ان تجعله سهلا, يارب سهل علي وريح قلبي " )

( أتصلت انوار بعمتها خلود )

خلود : ألو

انوار : هلا عميمه ها وينج.. ماجهزتي؟

خلود : يالله كاني انا عند الاشاءه الي مجابله بيتكم

انوار : يالله اوكي

( وصلت خلود عمه انوار خذوا جناط انوار وحطوهم بالسياره, وبنفس الوقت خذوا جناط عبدالكريم ابوهم العود علشان راح يسكن عند خلود لان اهي الي راح تعتني فيه وراح يسكن ببيتها )

( حركوا انوار وخلود وابوهم عبدالكريم من البيت متوجهين للمطار, أنوار كل مالها وتتسارع نبضات قلبها, اهو خوف, توتر, حزن, وألم.. )


( بيت بو احمد )


بو أحمد : يالله يا ام احمد تأخرنا.. ترا مابقى شي على الطياره

( ام احمد تنزل من الدرج مسرعه وصوت الكعب المزعج وقت نزول الدرج )

بو احمد : يالله يا جماعه توكلنا على الله.

( توجه بيت بو احمد وبيت بو عبدالله وبين اهل انفال وانوار للمطار )

(اهل احمد وعبدالله وصوا احمد وعبدالله بانهم يديرون بالهم على انفسهم, ومن الحجي الروتيني الي كل ام وابو يقولونه لعيالهم كل ماسافروا , يمه ديربالك على صلاتك, اكلك, تدفى عدل, وديربالك من رفجه السوء... الخ مع شويه دموع من ام احمد وام عبدالله, ودعوا عيالهم على امل اللقاء مره ثانيه, ودشوا عبدالله واحمد للبوابتهم مسرعين نظراً لتأخرهم.. احمد كان حاس باحساس حزين.. بيودع ديرته الي شاف فيها ملاكه, وطبعا اهله وكل ربعه واحبابه, دش احمد وعبدالله الطياره وأقلعت متوجهه لـ أمريكا )

( انوار وانفال تلاقوا ويا اهل انفال واهل انوار, ونفس الحجي صار معاهم لكن ... )

أنوار ( تبجي ) : يبه محللني

جد انوار : محللج يابوج ديربالج على نفسج وزوريني يابوج لاتنسيني ( واهو يمش دموعه )

انوار : يبه انا انسى عمري ولا انساك, انت ابوي وامي وكل اهلي, ما انساك يايبه , حبت وحضنت راسه واهو قاعد بالويل جير.

( ودعوا انوار وانفال اهلهم بالدموع والعبره واتجهوا للبوابات, انوار خايفه خوف لدرجه انها ماكانت تقدر توصفه لأنفال, دموعها ما وقفت, حست باحساس غريب بداخلها يصرخ ويقول ردي يا انوار, وصوت ثاني يقول خلاص مايفيد الندم...


قرت انوار الاذكار, وارتاحت شوي .. )


" أرجو الأنتباه على جميع المسافرين على متن طيران" british airways " التوجه إلى البوابه رقم 22 .. وشكراً.. "

( وأتجهوا انوار وانفال لطيارتهم, مستعدين للأقلاع, وأقلعت فيهم الطياره متوجهين ايضا لامريكا, لحياة جديده, مصير جديد, مستقبل جديد, وروتين جديد, يفتح ابواب كثيره على انوار, احمد, انفال, وعبدالله... )

 

[بقايا همس]

ونااااااااااااااااااااااااااااااااااااسة نزلتي اجل بقراااااااااااها وبر عليج يسلموووووووو حبوبة والله كنت انطرج

 

[hello!]

بقايا همس : حبيبتي والله تسلمين عيونج تشوف كل شي حلو وهذا من ذوقج.. نزلت الحين جزء يديد يالله تقدرين تقرينه وان شاء الله يارب يعجبج..

marshmalow : يالله حبيبتي هذا جزء يديد وان شاء الله يعجبج. ;*

آروسا : تسلمين حبيبتي.

 

[بقايا همس]

بصراااااااااااااااااااااااااااااااااااحه حدها عجيبة عاد جان كمليتهااااا هههههههههههههههههههههه قطعتي علي الاندماج والله ويسلمووووووووووووووو حبيبتي والله يعطيج الف عااافية والله القصة حلوة حيل واسلوبج ولا ارووووووووع
ونحن بانتظأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأرج
جاااااااااااااري الانتظااااااااااااااااااااااار................

 

[بقايا همس]

يالللللللللللللللللللللللللللللللله كملي بلييييييييييييييييييز ناطررة والله كل شوي ادخل اجيك اذا نزلتي بارت ولالا
والبناااااااااااااااااااااااات وينهم وين ردودكم لهللووووو ترى والله تستاهل هي وقصتهاااا فديتهااا والللله.....

 

[hello!]

بعد قللبي والله بقايا الهمس.. علشانج والله بكمل وعلشان الي بيتابعون.. ولو ان ماكو تشجيع كلش بس بكمل ان شاء الله

الحين عندنا الفير توني قاعده ولهيت مع بنتي شوي خل اصحصح شوي وانزل لج بارت لعيونج ان شاء الله ;**

 

[•ː̗̀»AghLa 7υB«ː̖́:]

allaaaah iLPaaaaart 7aada 3ajeeeeeeeb ;;****

Thaaank U :eh_s(7):

 

[أروسا]

قصتج حلوه و رومانسيه و مدعمه بالصور ... اهم شي مدعمه :dddds:


اتحسسينا انه صج وياهم بالقصه:ggdw:

كملي حبيبتي ناطرينج:33_1185028183:

 

[بقايا همس]

وييييييييييييييييييييييييييييييييييييييييه والله اني ناطرتج طلعت ورديت نمت وقعدت على انج تنزلين بارت ثاني وطلع مانزلتي شي
اهي اهي اهي ناطرينج خيتوووووووو....

 

[MISS ZOZO]

كملييييييييييييي قلبوووووووووو


القصه روووووووووووووعه


ناطرينج لاتتأخرين علينا



ونبييييييي بارت طووووووووووووويل

 

[hello!]

marshmalow : عيونج الحلوه والله بعد عمري مشكوره عالمتابعه ;*

أروسا : لووووول شرايج بالأكشنات بس.. حياج حبيبتي

بقايا همس : بعد قلبي والله اسفه مانزلت بارت يديد بس والله بنتي اليوم تعبت وشوي لهيت معاها الحين ان شاء الله انزل البارت لعيوونج :tek:

MISS ZOZO : مشكوره حبيبتي على المتابعه.. ان شاء الله الحين الجزء اليديد


مشكورين بنات واسفه والله عالتأخير, لهيت شوي مع بنتي اليوم وان شاء الله الحين انزل لكم جزء.:tek:

 

[hello!]

" تلف الدنيا فينا, وساعات تجرحنا, ايام تمر علينا, وتاخذنا من روحنا, ساعات نتألم, ساعات نستسلم, بس الأكيد مع كل جرح لازم نتعلم "

( المطار )

بيت بو احمد متوجهين للسياره

ام احمد : ياربي تسهل عليهم, ياربي انك تحفظهم وتسهل طريجهم

بو احمد : امين يارب, لاتاحتين يا ام احمد ان شاء الله سهالات بتمر عليهم لا تحاتين

خالد : اسوم انا ماني مطمن احمد احس يوم راح كان متضايق, مادري شفيه!

اسماء : مافي الا العافيه لاتحاتي, اكيد بيكون متضايق لان بيروح بس ماكو شي

( وأسماء بينها وبين نفسها, الله يستر, ان شاء الله ماتكون مأثره عليه كل هالدرجه, ياربي احمد عقله كبير شلون بهالطريقه يحب وحده مايعرفها! )

( بطياره انوار وانفال )

( أنفال وانوار ماسكين ايد بعض من الخوف, بالذات أنوار لانها مو متعوده وايد عالطيارات وماتسافر الا بالسنتين او بالثلاث سنين مره بسبب تواجدها الدايم مع جدها الي ماتقدر تفارقه كلش نظرا لحبها له وحالته الصحيه الي ماتسمح له )

أنوار بخوف : قلعتي, انا الي خليت هالشي يصير انا الي لازم أتحمل, ياربي انا شسويت بنفسي

انفال : نوار بس بس هدي حالج حرام عليج.. ماكو الا العافيه ملايين الناس تسافر بدقيقه وحده والكل عايش ومحد صار فيه شي, ريحي حالج انوار عفيه!

( مرت ساعات على رحلتهم, ودش عليهم الليل, ارتاحت انوار, بجت, سرحت, و ... نامت! )

" لو حتى كان خوفنا, الليل يخطفنا, في نور جديد جاي من بعيد شايفينه وشايفنا "


( طياره أحمد وعبدالله )

أحمد : تصدق عبدالله, اليوم وانا رايح للمطار حسيت بأحساس غريب, كئيب, حسيت حنه عندي شي بالكويت مو لازم اخليه وخليته ورحت.. شنو؟ لا تسألني.

عبدالله : يبه هذا بليس يوسوس لك لاتحط ببالك, الحين احنا بمرحله مصيريه, لازم شوي نضغط على نفسنا ونشد حيلنا, وبعدين انا ماهقيتك جذي حساس ههههههههه

احمد ( يتنهد ) : اييه على قولتك, الله كريم ياعبيد الله كريم

المظيفه : حابين تشربون شي؟

عبدالله : قهوه, احمد: ياريت بندول مع ماي


( طلع عليهم الصبح, وقربوا لأمريكا, كان كل واحد فيهم خايف, مرتبك.. مرحله جديده وحياة جديده ممكن تطوي كل الماضي الي مروا فيه )

أنفال : أنوااار, الله شوفي منظر الغيوم شلون!

انوار : سبحان الله..

( وصلوا انوار وانفال وعبدالله واحمد , كانت الاجراءات سهله وبسرعه طلعوا من المطار, كلهم أقبلوا على حياة جديده, غريبه, مايدرون شنو ينطرهم.. و شلون راح تمشي حياتهم بالغربه.. شي أكيد صعب, ويخرع, لكن كل واحد منتظر مصيره. )

--

آسفه بنات على الجزء القصير, بس والله اليوم بنتي حيل تعبانه.. اوعدكم بجزء طويييييييل بأقرب وقت ان شاء الله بس نطروا علي شوي.

 

[5ajola alnadra]

مشكوره وايد على القصه واتمنى تكملنها باقرب وقت

 

[بقايا همس]

يعطيييييييييج الف عاااااافية بصرااااحه القصة حلوة حيل والجزء قصيررررررر
وماتشوفين شر انتي وبتنج والله يطمن قلبج عليها يارب ويقومهااا بالسلامة
وناطرييينج واخذي راااااحتج,,,,,,,,,

 

[MISS ZOZO]

حياااااااتي انتي
الله يقومها بالسلامــــه ياااااااااااااااااااارب

 

[أروسا]

ما تشوفيين شر

تقوم بنيتج بالسلامه انشاءالله ... اخذي راحتج متى ما صرت بنتج زينه ردي كتبي لنا ... بيتج أولى