السلام عليكم..
صارلي وايد فتره ادش هالقسم واقرى منه قصص وايد.. وما ان حبيبتي rawona ألهمتني اني اكتب قصه بعد ماقريت كل قصصها والي بكل امانه رائعه.
وما انكر ان وايد قصص الهمتني بهالقسم وكل الشكر لكاتباتها بصراحه ابدعوا.. ف قررت اني اكتب قصه.. كل شوي بألف جزء وأنزله وبكتب كثر ما اقدر ان شاء الله.. ممكن القصه تكون عاديه وممكن تكون حلوه.. ببتعد كثر ما اقدر عن الروتين بالقصص فا بتشجيعكم أن شاء الله بقدر اسويها قصه ماتنسي, بأذن الله
بسم الله نبدي
ببدي بأبطال القصه.. وكل مابديت بشخصيات يديده قبل ما ابدي بالجزء بحط تعريف عنهم
احمد : شاب كويتي اخر سنه له بالثانويه كان طالب عادي لاهو متفوق ولاهو كسلان.. كان مستواه جيد كويتي ومن عايله كويتيه جبيره ومعروفه وغنيه.. ماكان في شي ممتع بحياته او شي يعيش علشانه, حياته مثل ما يشوفها ممله وروتينيه ومافيها شي يديد, مدرسه , طلعات مع ربعه , دوانيه, بس ماكان فيه طيش كلش.. شكله جذاب ومملوح, شخصيته حيل طيب وحنون, كان بالنسبه لربعه الكتاب المصكر الي كل ربعه يقولون له اسرارهم وهمومهم ويرتاحون حيل معاه.
:
أنوار بنت كويتيه اخر سنه لها بالثانويه كانت طالبه متفوقه ومحبوبه لكل الي بالمدرسه, أبلاتها, صديقاتها, وزميلاتها بالمدرسه وكانت بكل سنه بالثانويه العامه تكون من المتفوقين الكل كان يغبطها على ذكائها وجمالها وانها كسبت قلوب كل من في المدرسه.. انوار بنت جميله جدا ونقيه من الداخل والخارج لدرجه ان كل من يتعامل معاها كان يذكرها بالطيب, انوار وحيده امها وابوها وتوفوا امها وابوها بحادث اول مادشت الثانويه العامه , وعايشه مع جدها, انوار من عايله محترمه بس مو اصيله من الطبقه المتوسطه
عبدالكريم ( جد انوار ) : جدها مريض وتشخصت حالته انه مريض بسرطان الدم وكان فيه قبل هالمرض, زهايمر, جد انوار رجل كبير وطاعن بالسن, عياله مايدرون عنه وكل من لاهي بحياته وكان عايش مع انوار وابوها وامها ,وبعد ما ماتوا اهل انوار عايشه اهي معاه ببيت اهلها, بيت صغير ب دور واحد وعلى قد حالهم, انوار تعتني فيه بكل شي.. توكله, تشربه, تغير له.. لانه شخص عاجز.
:
ابو احمد ( سالم ): رجل اعمال كويتي وعنده عده شركات. تزوج ام احمد زواج تقليدي بحت لكن يحترمها ويقدرها.. ابو احمد حيل عطوف على عياله ويحبهم خصوصا احمد, لان معتبره إيده اليمين بكل شي وريال البيت.
:
ام احمد ( تهاني ) : ام كويتيه كانت ناظره وتقاعدت من فتره مو قصيره , تحب ابو احمد لانه زوجها وابو عيالها ومو مقصر عنها بشي, تحب عيالها وايد لكن علشان مصلحتهم كانت مستعده انها تخش مشاعرها تجاهم وشديده تقريبا معاهم. لكنها تحبهم.
اخت أحمد (اسماء ): أخت احمد الكبيره موظفه مهندسه وحيل تحب احمد وكان دايما يفضفض لها كل شي بخاطره.. كانت تحب كل اخوانها مو بس احمد لانها كانت دايما تحل محل امها بالحنيه والطيبه, مو متزوجه وماكانت تفكر بالزواج كلش.. كانت وضيفتها ماخذه كل وقتها بالإضافه الى انها ناويه تكمل الدراسات العليا, ف ماكان الزواج والعيال تفكيرها كلش.
أخو احمد ( خالد ) : اخو احمد وأصغر منه بسنتين, نفس مستوا احمد بالدراسه تقريبا وكان صديقه قبل لا يكون اخوه, كل طلعاته مع بعض وكل واحد يستر ويغطي عيوب الثاني, كانوا ستر وغطى لبعضهم بعض, عاشوا مراهقتهم مع بعض وواكبوا الحياة مع بعض, سفراتهم , طلعاتهم , طيشهم , حتى فصلاتهم مع بعض.. كانوا مع بعض بكل شيء واهو جعده البيت.
:
:
:
وتبدي قصه أحمد وأنوار .........
أسماء : الف الف مبروك يا أحمد, والله اني فرحت لك, هذي النسبه الي تبرد الجبد.
أحمد : بعد قلبي والله اسوم الله يبارك فيج, وصدقيني ماكنت بنجح وبييب هالنسبه لو انج ما درستيني.
أسماء : احنا اخوان حمود ولو ماساعدتك وفهمتك انا بفهم منو قولي؟
خالد : خل ندق على امي وابوي نبشرهم.. ترا ابوي وايد يحاتي النتيجه!
أسماء : اي والله دق نسيناهم اصلا هههه!
( ام احمد تهاني وابوه سالم كانوا طالعين مشوار واهم بالطريج ... يرن تليفون ام احمد )
تررررن تررررن.. ترررن ترررن
تهاني : واااي انا مادري هالتليفون وين ينخش فيه!!
سالم : انا جم مره قايلج حطيه بمخباه الجنطه الخارجيه, توترتي ووترتينا معاج.
تهاني ( بعد مالقت التليفون ) : هذا رقم البيت !! وعقب ماردت : الووو
خالد : الوووو هلا يمه, سمعي بقولج شي بس وعديني انج ما تتضايقين
تهاني : خويييلد خلصنيييي بروحنا انا وابوك متوترين.
خالد : يه زين! يبا ان شاء الله بيعوضها السنه اليايه! يسلم راسج ولا تزعلين ولا شي معوضه..
تهاني : بينها وبين نفسها ( ياحسرتي, انا الحين ان قلت حق بو احمد بين, شسوي ياربي ) وغييمه من التفكير.
خالد : الوو يما.. الووووو يما شفيج؟ يه! ألووووو
سالم : هااا بشريني شيقول لج؟ ام اجمد.. يا ام احمد! ( وبنبره حاده ) يااااا مره!! يه شفيج
تهاني : اي اسوم انتي قولي للخادمه خل تنزل الأغراض علشان ام عبدالرحمن بتمر تاخذهم زين يمه. وسدته.
خالد : بينه وبين نفسه ( لا بالله رحنا وطي ) ويلتقت على اخوانه, لا بالله امي ينت!
اسماء : ( بعصبيه ) خويلد وويعه شهالغشمره البايخه. اهو هات السماعه
احمد : هههه الله يقطع ابليسك
بالسياره ....
سالم : ها يا ام احمد بشريني؟ شقالوو؟
تهاني : بو احمد الله يهداك هذا خلود ماتعرفه اهو غشمرته داق يتغشمر وتالي اسوم خذت منه السماعه وقالت لي ان ام عبدالرحمن دقت علشان بتاخذ جم شغله.
سالم : على خير ان شاء الله.
ويرن تليفون ام احمد مره ثانيه..
تهاني : بينها وبين نفسها ( ياحسرتي, هذا البيت مره ثانيه! ان شاء الله يكون خالد يتغشمر ) ألوو
اسماء : هلاا يمه, ترا خالد الماصخ يتغشمر معاكم.. ابشرج احمد نجح وياب لج النسبه الي ترفع الراس 88٪
تهاني : ( واهي مو مصدقه ) اسوم حللللفي؟ ياااااربي لك الحمد.. وتسده على طول
تهاني: البشااااره يابو احمد البشاااره, ولي العهد نجح وياب لك النسبه الي ترفع راسك فوق
سالم : والله يا ام احمد؟ والله؟ اللهم لك الحمد ولك الشكر, الحمدالله يارب انك بلغتني بهاللحظه واشوف ولدي خريج وناجح ورافع راسي.
( تهاني تمش دموعها من الفرحه )
أول ما وصلوا البيت دش ابو احمد البيت وشاف عياله واقفين عند الباب وسجد سجده شكر وحمد الله وشكره على هالنعمه
راح احمد وحب راس ابوه وقاله : وفيت بالوعد يايبه ولا لا؟
سالم : وفيت فيه يابوك وفيت.. عفيه والله على ولدي والله اني فخور فيك بدرجه ما تتصورها يالعزوه.
احمد : والله يايبه ما اتخيل شكثر فرحان بس علشان ونستك وفرحتك.. اللهم لك الحمد
تهاني : مبروووك يايمه, رفعت راسنا فوق, عساي حياتك ودنيتك كلها سعاده ونجاح وكلكم ياعيالي
الكل : آميين
:
:
:
( بيت انوار )
انوار تنادي جدها يبه..
انوار : يبه تامر على شي بعد؟
جد انوار ( عبدالكريم ) : سلامتج يابوج.
انوار : الله يسلمك يبه, لو تبي شي نادني انا دقايق وارجع لك.
راحت انوار الصاله بتتصل على صديقتها انفال علشان النتايج..
انفال ( صديقه أنوار ) : انفال صديقه انوار المقربه, تحبها حيل واداري مصلحتها بشكل كبير, انفال حالته اهلها الماديه احسن من حاله انوار وجدها المريض.. لكن كانوا يحبون بعض وطول عمرهم مافرقت بينهم المظاهر والفلوس. كانوا مستعدين يبيعون الدنيا علشان يكونون مع بعض, انفال كانت الاخت والصديقه لأنوار.
انوار : الله يستر مادري شصار عالنتايج والله اني خايفه!
( أتصلت انوار على انفال ودار بينهم هالحوار )
انفال : ألو..
انوار : هلا نفوله, ها ماطلعت النتايج؟
انفال : لا والله تصدقين انا ناسيه لأن مهيأه عمري للدصمه ههههه
انوار : ههههه اي والله المفروص اكون نفس الحاله بس حدي خايفه ومتوتره.
انفال : وااي انوار مابي اشوف النسبه بروحي ابيج معاي حدي خايفه. تدرين خل اييج ونشوف النتيجه بالنت شرايج؟
انوار: يالله تعالي ناطرتج.
(كانت دقايق ووصلت فيها انفال لـ بيت انوار.)
انوار : هلا بالزين كله.. يالله امشي خنشوف النتايج و الله يستر
انفال : يالله يالله.. الله يستر
( بطلوا انوار وانفال موقع وزاره التربيه علشان يشوفون نتايجهم )
انفال : واااي عاد وين نطلع اسامينا بهاللسته الطويه.. شوفي انا بنزل وانتي دققي عالأسماء اوكي
انوار : ماشي.
( ويدورون يدورون يدورون )
انوار بصوت عالي : كاااا كااااا اسميييي.. نااااااااااجحه ناااجحه الحمممممدالله.
( ومن الوناسه قامت تبجي )
انفال : نوااره لاتبجين تدرين اني ما اقاوم تموعج وكل ماشفتهم بجيت..
( وتمش دموع انوار وتحب راسها )
انوار : نفوله والله من الوناسه.. انا تعبت بهالدنيا وابي ارتاح.. ااه يايمه وينج تشوفين بنتج تخرجت من الثنويه.
انفال : يابعد عمري والله, صدقيني امج حاسه فيج وبتكون حيل فرحانه, وابوج بعد.
انوار ( ماقاومت انها توقف التفكير بأمها وابوها, فجأه زادوا دموعها وكانت بهاللحظه حزينه ) : انفال انا محتاجه لأمي وابوي يا انفال, راحوا عني بدون وداع, بدون حتى شي يذكرني فيهم, اول مادشت الثانويه وقبل لا يموتون كنت احلم بهاللحظه, حتى لحظه المحاتاه الي امي معاي فيها, كنت احلم فيها انها تهديني وتقولي ارتاحي يايمه, انا بهاللحظه محتاجه احظنها واقولها " ابشرج يايمه نجحت " محتاجه اشوف فرحتها, محتاجه لابوي وفرحته وابتسامته, محتاجه كلمه " أنا فخور فيج يابنتي ".. محتاجه وايد أشياء يا انفال وايد.
أنفال ( ب صوت مخنوق ودموع ) : يابعد حياتي.. انوار صدقيني اهم بمكان احسن من هالدنيا الي ماقمنا نميز شنو الزين عن الشين فيها, اهم عند الله الرحيم بعباده ارحم مني ومنج.. وبعدين والله انج عياره, انا ويين رحت.. شفتي شفنا نتيجتج وخلينا نتيجتي تولي يالعياره.
انوار ( بدموعها ) : ههههههههه احبج والله احبج, انتي اهلي وامي وابوي الي فقدتهم, الله يخليج لي ولا يحرمني منج يالغاليه..
انفال : بعد قلبي والله انتي.. جذي ابيج دايما سمعتي يالعياره, ههههه.
انوار : اوعدج يا احلى نفوله.
انفال : اهو يالله خل ندور نتيجتي .
( وبعد مادوروا لقوا اسم انفال وكانت ناجحه بنسبه حلوه نفس نسبه انوار تقريبا )
انفال : كاااهو اسمي نجححححت انوااارو نجححت!!!!
( وقامت تصرخ انفال من الفرحه, الأرض ماكانت شايلتها لانها ماكانت متوقعه تييب نسبه تخولها لدخول جامعه الكويت)
( لموا انفال وانوار بعضهم واحتفلوا بينهم وبين بعض بهالمناسبه الحلوه, كل تعبهم الي تعبوه ماراح والله وفقهم ونجحوا )
( راحت أنوار حق جدها عبدالكريم وقالت له ...
انوار : يبا انا نجحت الحمدالله يايبه نجحت ( ولمته )
عبدالكريم : مبرووك يابوج, الحمدالله يارب.
.....
بكمل كتابه بعده هالجزء على طول.. بس مو قادره انطر علشان اوريكم جزء لو بسيط من القصه.. ان شاء الله كثر ماقدرت اكتب بكتب لكم.. ولاتسوني بردودكم وملاحظاتكم.. لأن هذا اهم شي انا محتاجه له..
واتمنى من كل قلبي ان هالجزء عجبكم, وتعجبكم الأجزاء الي بعدها ان شاء الله..
ملاحظه : هالقصه من كتابتي لـ منتدى كويتيات فقط.. اتمنى محد ينقلها.
صارلي وايد فتره ادش هالقسم واقرى منه قصص وايد.. وما ان حبيبتي rawona ألهمتني اني اكتب قصه بعد ماقريت كل قصصها والي بكل امانه رائعه.
وما انكر ان وايد قصص الهمتني بهالقسم وكل الشكر لكاتباتها بصراحه ابدعوا.. ف قررت اني اكتب قصه.. كل شوي بألف جزء وأنزله وبكتب كثر ما اقدر ان شاء الله.. ممكن القصه تكون عاديه وممكن تكون حلوه.. ببتعد كثر ما اقدر عن الروتين بالقصص فا بتشجيعكم أن شاء الله بقدر اسويها قصه ماتنسي, بأذن الله
بسم الله نبدي
ببدي بأبطال القصه.. وكل مابديت بشخصيات يديده قبل ما ابدي بالجزء بحط تعريف عنهم
احمد : شاب كويتي اخر سنه له بالثانويه كان طالب عادي لاهو متفوق ولاهو كسلان.. كان مستواه جيد كويتي ومن عايله كويتيه جبيره ومعروفه وغنيه.. ماكان في شي ممتع بحياته او شي يعيش علشانه, حياته مثل ما يشوفها ممله وروتينيه ومافيها شي يديد, مدرسه , طلعات مع ربعه , دوانيه, بس ماكان فيه طيش كلش.. شكله جذاب ومملوح, شخصيته حيل طيب وحنون, كان بالنسبه لربعه الكتاب المصكر الي كل ربعه يقولون له اسرارهم وهمومهم ويرتاحون حيل معاه.
:
أنوار بنت كويتيه اخر سنه لها بالثانويه كانت طالبه متفوقه ومحبوبه لكل الي بالمدرسه, أبلاتها, صديقاتها, وزميلاتها بالمدرسه وكانت بكل سنه بالثانويه العامه تكون من المتفوقين الكل كان يغبطها على ذكائها وجمالها وانها كسبت قلوب كل من في المدرسه.. انوار بنت جميله جدا ونقيه من الداخل والخارج لدرجه ان كل من يتعامل معاها كان يذكرها بالطيب, انوار وحيده امها وابوها وتوفوا امها وابوها بحادث اول مادشت الثانويه العامه , وعايشه مع جدها, انوار من عايله محترمه بس مو اصيله من الطبقه المتوسطه
عبدالكريم ( جد انوار ) : جدها مريض وتشخصت حالته انه مريض بسرطان الدم وكان فيه قبل هالمرض, زهايمر, جد انوار رجل كبير وطاعن بالسن, عياله مايدرون عنه وكل من لاهي بحياته وكان عايش مع انوار وابوها وامها ,وبعد ما ماتوا اهل انوار عايشه اهي معاه ببيت اهلها, بيت صغير ب دور واحد وعلى قد حالهم, انوار تعتني فيه بكل شي.. توكله, تشربه, تغير له.. لانه شخص عاجز.
:
ابو احمد ( سالم ): رجل اعمال كويتي وعنده عده شركات. تزوج ام احمد زواج تقليدي بحت لكن يحترمها ويقدرها.. ابو احمد حيل عطوف على عياله ويحبهم خصوصا احمد, لان معتبره إيده اليمين بكل شي وريال البيت.
:
ام احمد ( تهاني ) : ام كويتيه كانت ناظره وتقاعدت من فتره مو قصيره , تحب ابو احمد لانه زوجها وابو عيالها ومو مقصر عنها بشي, تحب عيالها وايد لكن علشان مصلحتهم كانت مستعده انها تخش مشاعرها تجاهم وشديده تقريبا معاهم. لكنها تحبهم.
اخت أحمد (اسماء ): أخت احمد الكبيره موظفه مهندسه وحيل تحب احمد وكان دايما يفضفض لها كل شي بخاطره.. كانت تحب كل اخوانها مو بس احمد لانها كانت دايما تحل محل امها بالحنيه والطيبه, مو متزوجه وماكانت تفكر بالزواج كلش.. كانت وضيفتها ماخذه كل وقتها بالإضافه الى انها ناويه تكمل الدراسات العليا, ف ماكان الزواج والعيال تفكيرها كلش.
أخو احمد ( خالد ) : اخو احمد وأصغر منه بسنتين, نفس مستوا احمد بالدراسه تقريبا وكان صديقه قبل لا يكون اخوه, كل طلعاته مع بعض وكل واحد يستر ويغطي عيوب الثاني, كانوا ستر وغطى لبعضهم بعض, عاشوا مراهقتهم مع بعض وواكبوا الحياة مع بعض, سفراتهم , طلعاتهم , طيشهم , حتى فصلاتهم
مع بعض.. كانوا مع بعض بكل شيء واهو جعده البيت.:
:
:
وتبدي قصه أحمد وأنوار .........
أسماء : الف الف مبروك يا أحمد, والله اني فرحت لك, هذي النسبه الي تبرد الجبد.
أحمد : بعد قلبي والله اسوم الله يبارك فيج, وصدقيني ماكنت بنجح وبييب هالنسبه لو انج ما درستيني.
أسماء : احنا اخوان حمود ولو ماساعدتك وفهمتك انا بفهم منو قولي؟
خالد : خل ندق على امي وابوي نبشرهم.. ترا ابوي وايد يحاتي النتيجه!
أسماء : اي والله دق نسيناهم اصلا هههه!
( ام احمد تهاني وابوه سالم كانوا طالعين مشوار واهم بالطريج ... يرن تليفون ام احمد )
تررررن تررررن.. ترررن ترررن
تهاني : واااي انا مادري هالتليفون وين ينخش فيه!!
سالم : انا جم مره قايلج حطيه بمخباه الجنطه الخارجيه, توترتي ووترتينا معاج.
تهاني ( بعد مالقت التليفون ) : هذا رقم البيت !! وعقب ماردت : الووو
خالد : الوووو هلا يمه, سمعي بقولج شي بس وعديني انج ما تتضايقين
تهاني : خويييلد خلصنيييي بروحنا انا وابوك متوترين.
خالد : يه زين! يبا ان شاء الله بيعوضها السنه اليايه! يسلم راسج ولا تزعلين ولا شي معوضه..
تهاني : بينها وبين نفسها ( ياحسرتي, انا الحين ان قلت حق بو احمد بين, شسوي ياربي ) وغييمه من التفكير.
خالد : الوو يما.. الووووو يما شفيج؟ يه! ألووووو
سالم : هااا بشريني شيقول لج؟ ام اجمد.. يا ام احمد! ( وبنبره حاده ) يااااا مره!! يه شفيج
تهاني : اي اسوم انتي قولي للخادمه خل تنزل الأغراض علشان ام عبدالرحمن بتمر تاخذهم زين يمه. وسدته.
خالد : بينه وبين نفسه ( لا بالله رحنا وطي ) ويلتقت على اخوانه, لا بالله امي ينت!
اسماء : ( بعصبيه ) خويلد وويعه شهالغشمره البايخه. اهو هات السماعه
احمد : هههه الله يقطع ابليسك
بالسياره ....
سالم : ها يا ام احمد بشريني؟ شقالوو؟
تهاني : بو احمد الله يهداك هذا خلود ماتعرفه اهو غشمرته داق يتغشمر وتالي اسوم خذت منه السماعه وقالت لي ان ام عبدالرحمن دقت علشان بتاخذ جم شغله.
سالم : على خير ان شاء الله.
ويرن تليفون ام احمد مره ثانيه..
تهاني : بينها وبين نفسها ( ياحسرتي, هذا البيت مره ثانيه! ان شاء الله يكون خالد يتغشمر ) ألوو
اسماء : هلاا يمه, ترا خالد الماصخ يتغشمر معاكم.. ابشرج احمد نجح وياب لج النسبه الي ترفع الراس 88٪
تهاني : ( واهي مو مصدقه ) اسوم حللللفي؟ ياااااربي لك الحمد.. وتسده على طول
تهاني: البشااااره يابو احمد البشاااره, ولي العهد نجح وياب لك النسبه الي ترفع راسك فوق
سالم : والله يا ام احمد؟ والله؟ اللهم لك الحمد ولك الشكر, الحمدالله يارب انك بلغتني بهاللحظه واشوف ولدي خريج وناجح ورافع راسي.
( تهاني تمش دموعها من الفرحه )
أول ما وصلوا البيت دش ابو احمد البيت وشاف عياله واقفين عند الباب وسجد سجده شكر وحمد الله وشكره على هالنعمه
راح احمد وحب راس ابوه وقاله : وفيت بالوعد يايبه ولا لا؟
سالم : وفيت فيه يابوك وفيت.. عفيه والله على ولدي والله اني فخور فيك بدرجه ما تتصورها يالعزوه.
احمد : والله يايبه ما اتخيل شكثر فرحان بس علشان ونستك وفرحتك.. اللهم لك الحمد
تهاني : مبروووك يايمه, رفعت راسنا فوق, عساي حياتك ودنيتك كلها سعاده ونجاح وكلكم ياعيالي
الكل : آميين
:
:
:
( بيت انوار )
انوار تنادي جدها يبه..
انوار : يبه تامر على شي بعد؟
جد انوار ( عبدالكريم ) : سلامتج يابوج.
انوار : الله يسلمك يبه, لو تبي شي نادني انا دقايق وارجع لك.
راحت انوار الصاله بتتصل على صديقتها انفال علشان النتايج..
انفال ( صديقه أنوار ) : انفال صديقه انوار المقربه, تحبها حيل واداري مصلحتها بشكل كبير, انفال حالته اهلها الماديه احسن من حاله انوار وجدها المريض.. لكن كانوا يحبون بعض وطول عمرهم مافرقت بينهم المظاهر والفلوس. كانوا مستعدين يبيعون الدنيا علشان يكونون مع بعض, انفال كانت الاخت والصديقه لأنوار.
انوار : الله يستر مادري شصار عالنتايج والله اني خايفه!
( أتصلت انوار على انفال ودار بينهم هالحوار )
انفال : ألو..
انوار : هلا نفوله, ها ماطلعت النتايج؟
انفال : لا والله تصدقين انا ناسيه لأن مهيأه عمري للدصمه ههههه
انوار : ههههه اي والله المفروص اكون نفس الحاله بس حدي خايفه ومتوتره.
انفال : وااي انوار مابي اشوف النسبه بروحي ابيج معاي حدي خايفه. تدرين خل اييج ونشوف النتيجه بالنت شرايج؟
انوار: يالله تعالي ناطرتج.
(كانت دقايق ووصلت فيها انفال لـ بيت انوار.)
انوار : هلا بالزين كله.. يالله امشي خنشوف النتايج و الله يستر
انفال : يالله يالله.. الله يستر
( بطلوا انوار وانفال موقع وزاره التربيه علشان يشوفون نتايجهم )
انفال : واااي عاد وين نطلع اسامينا بهاللسته الطويه.. شوفي انا بنزل وانتي دققي عالأسماء اوكي
انوار : ماشي.
( ويدورون يدورون يدورون )
انوار بصوت عالي : كاااا كااااا اسميييي.. نااااااااااجحه ناااجحه الحمممممدالله.
( ومن الوناسه قامت تبجي )
انفال : نوااره لاتبجين تدرين اني ما اقاوم تموعج وكل ماشفتهم بجيت..
( وتمش دموع انوار وتحب راسها )
انوار : نفوله والله من الوناسه.. انا تعبت بهالدنيا وابي ارتاح.. ااه يايمه وينج تشوفين بنتج تخرجت من الثنويه.
انفال : يابعد عمري والله, صدقيني امج حاسه فيج وبتكون حيل فرحانه, وابوج بعد.
انوار ( ماقاومت انها توقف التفكير بأمها وابوها, فجأه زادوا دموعها وكانت بهاللحظه حزينه ) : انفال انا محتاجه لأمي وابوي يا انفال, راحوا عني بدون وداع, بدون حتى شي يذكرني فيهم, اول مادشت الثانويه وقبل لا يموتون كنت احلم بهاللحظه, حتى لحظه المحاتاه الي امي معاي فيها, كنت احلم فيها انها تهديني وتقولي ارتاحي يايمه, انا بهاللحظه محتاجه احظنها واقولها " ابشرج يايمه نجحت " محتاجه اشوف فرحتها, محتاجه لابوي وفرحته وابتسامته, محتاجه كلمه " أنا فخور فيج يابنتي ".. محتاجه وايد أشياء يا انفال وايد.
أنفال ( ب صوت مخنوق ودموع ) : يابعد حياتي.. انوار صدقيني اهم بمكان احسن من هالدنيا الي ماقمنا نميز شنو الزين عن الشين فيها, اهم عند الله الرحيم بعباده ارحم مني ومنج.. وبعدين والله انج عياره, انا ويين رحت.. شفتي شفنا نتيجتج وخلينا نتيجتي تولي يالعياره.
انوار ( بدموعها ) : ههههههههه احبج والله احبج, انتي اهلي وامي وابوي الي فقدتهم, الله يخليج لي ولا يحرمني منج يالغاليه..
انفال : بعد قلبي والله انتي.. جذي ابيج دايما سمعتي يالعياره, ههههه.
انوار : اوعدج يا احلى نفوله.
انفال : اهو يالله خل ندور نتيجتي .
( وبعد مادوروا لقوا اسم انفال وكانت ناجحه بنسبه حلوه نفس نسبه انوار تقريبا )
انفال : كاااهو اسمي نجححححت انوااارو نجححت!!!!
( وقامت تصرخ انفال من الفرحه, الأرض ماكانت شايلتها لانها ماكانت متوقعه تييب نسبه تخولها لدخول جامعه الكويت)
( لموا انفال وانوار بعضهم واحتفلوا بينهم وبين بعض بهالمناسبه الحلوه, كل تعبهم الي تعبوه ماراح والله وفقهم ونجحوا )
( راحت أنوار حق جدها عبدالكريم وقالت له ...
انوار : يبا انا نجحت الحمدالله يايبه نجحت ( ولمته )
عبدالكريم : مبرووك يابوج, الحمدالله يارب.
.....
بكمل كتابه بعده هالجزء على طول.. بس مو قادره انطر علشان اوريكم جزء لو بسيط من القصه.. ان شاء الله كثر ماقدرت اكتب بكتب لكم.. ولاتسوني بردودكم وملاحظاتكم.. لأن هذا اهم شي انا محتاجه له..
واتمنى من كل قلبي ان هالجزء عجبكم, وتعجبكم الأجزاء الي بعدها ان شاء الله..
ملاحظه : هالقصه من كتابتي لـ منتدى كويتيات فقط.. اتمنى محد ينقلها.
التعديل الأخير:
