أحلى المطاعم بالكويت / شاركونا

[q82]

رد: مشاركة: أحلى المطاعم بالكويت / شاركونا

انا احلى مطعم ميس الغانم ومركز سلطااان خو شي هادي واكل معروووف مو يخبصون بالاكل
<<<<<<<<<<< ماتحب الاكل الغريب لازم اللي اعرفه حتى المطاعم ماحب اغير


على فكرة بس انا اللي اعرفه انه مغل محل حرام اكله لانه اللي فيه يطبخون سيخيييين يعني حتى مو مسيح والله اعلم

أنا سمعت فتوى من الشيخ عجيل النشمي
يقول فيها إذا المشرك أو الكافر يطبخ فأكله حلال بس ما يجوز أكل ذبيحنه يعني ما يجوز ناكل الأشياء إللي يذبحها لأنه ما يذكر إسم الله عليها أم الطبخ فهو جايز عندك موقع الدكتور عجيل النشمي الفتوى موجوده والله يزيدك حرص على دينك ويغنيك من فضله

 

[q82]

مشكورين بنات إصراحه وجودكم راحه كل هالمطاعم بالكويت .

يا حلوكم كلكم صج إنكم ذويقه .

 

[النبع الصافي]

والله لايطوفكم فريج صويلح..للأكل الكويتي يهبل وطباخه هم حلو وطريقة لبس العماله لبس ستايل قديم ..

 

[bambena]

النبع وينه فيه ؟؟

 

[xxx]

ام مريومه

q82

النبع الصافي

مشكوووووووووورين على المشاركة

يبيله نجرب فريج صويلح

bambena

مكانه بالسالمية صوب ماركس سبنسر

 

[bambena]

شكرا بنوته

سؤال يعني يوايه ؟؟ اعزم فيه ناس ولا لأ ؟؟

 

[النبع الصافي]

اسمحولي عالتأخير ..
هوبالسالميه شارع سالم المبارك قبال مجمع منيره..
ويالغاليه أنتي روحي أول بعدي أعزمي الي تبين ..
وشغله الي ذقت مطبق هامور وحميسة ربيان ومرقة لحم تهبل وهوجنه طباخ البيت بس شي شي..(يوم تغديت كنت من زمان عن طبخ البيت)

 

[}{داشـه عرض}{]

سمعتووو عن مطعم فريج بصويلح اللي بالسالميه، كله امر من يمه

ودي ادخله بس اخاف مو شي، منو منكم راحله ؟؟؟

 

[رفرف]

صاجه النبع الصافي مطعم فريج صويلح حلو بس عيبه ان الطاولات لازقة ابعض ...
طباخهم كويتي حلو اغنا جربت الربيان بالبقسماط والسكالوب والمربين وشوربة الدياي والحمص والمتبل كله حلو واهلي جربو البرياني وحمسة الربيان هم حلو ...
حتى عزمنا ابوي هناك استانس على اكلهم العادة مايعجبه اي طباخ ...
واسعاره زينة ... بس مرات خاصة الخميس اتصير خدمتهم بطيئة وأي شي ..

 

[}{داشـه عرض}{]

يسلمووو رفرف، يبيله فريج بو صويلح ..

مطعم برج الحمام حلووو حيل، قعدتهم حلوه ، واكلهم بس اسعارهم شي غاليه

 

[bambena]

برج الحمام اكله كلش ماعجبني بس قعدته حلوه

امس رحنا ايام زمان اللبناني بفندق الهولداي ان بالسالميه اينن

 

[aBoOoRa]

مشكووووووووووووره بنت الكويت وراح تفيدنا هالارقام بالتاكيد انشالله
ويعطيج الف عافيه

 

[سمو]

السلام عليكم ...يعطيج العافيه على هالموضوع ..احنا بالكويت طلعاتنا يا للمطاعم يا سينما

انا يعجبني وايد ميس الغانم اكله حلو والخدمه سريعه ... واحسن ان راقي مو مثل المطاعم الباجي اللى عالواجهه كلها مصبنه وازعاج.. وبعد احب لونوتر وااايد هادئ ... انا بطبعي احب المطاعم اللى مافيها ازعاج من الموسيقى اللى يحطونها بالمطاعم (في مطاعم ما تسمع اللى معاك شنو يقول من الموسيقى ).


وسلامتكم.

 

[*( FANTASIA GURL)*]

جوني كارينوز جوني كارينوز جوني كارينوز ----> ماتدرون شنو العلاقة اللي بيني وبين هالمكان لي يابولكم الخبزه الفاتحه للشهية واي واي ولا الناتشوز والله لو كنت مع ريلي انسى نفسي وانساه
عاد الفوتيتشيني والمكرونه الباستا بالفلفل والدياي والربيان هاذيل سالفه ثانية

اذا تحبون الستيكات .... بافلوز وستيك هاوس ماعليهم لي ياكم الستيك ويمه البطاط المنفوخ يمممممممم

اكلات بحريه طبعا الدانه الأفضل
برج لحمام ---> شدعوه عالاسعار؟ حدها ما تسوى هالكثر
بيج إل حلو بس هم غالي حبتين يعني بتفلسين ريلج وديه يابرج الحمام يا بيج إل
لونتور والله حليو بس اكلات وأكلات سألي عن المكونات قبل لا تندقرين بس شكل الاكل ككل يشهي يعني اذا الكله ما عجبتج قعدي طالعيها ... شي احسن من شي
اما عاد تشيليز عطوهم تكساس فرايز وراح تتحلمون فيه
فرايديز كل شي حلو عندهم الباستا والمقبلات والستيك وكل شي كافي القعده الحلوه والسيرفس اللي يشيلكم شيل
نينو مو ذاك الزود تعجبني قعدته بس والله كليت فيه مرتين بس يقولون حلو بس يمكن حظي مو حلو طلبي يطلع مثل ويهي مره اقراص محشيه ومره عيش احمر بالبر حشه ... اساسا اهو مال قز
ديفاز مقبلاتهم حلوه تشبعون من أولها
الريتز ريوقهم اللبناني حلو والكلوب ساندويش بعد لذيييذ
ابل بيز الربيان عندهم حلو بس والله ما يعجبني وايد بس احب العصاير مالتهم خصوصا المارجريتا
ليتل دراجون احلى وألذ مطعم صيني وبعده ايي مارينا تاي
سب وي حق المستعيل ويوعان حده بنفس الوقت اكل صحي بس خل يسخنون لك الصمونه بالأخير وحط كل اللي تبه وعك على كيفك محد بيقول لك شي والله آنا احب الفلفل اخليه يعبي فلفل وينصدم مني عباله فيني عرج هندي
جوني روكتس نظام امريكي حلو بس اكلهم جدا عادي واقل من عادي
بيرجر بوتيك هم البطاط مالهم حلو والهمرجر حلو وتحسن طازج مو نفس الباجي بس القعده حلوه جنج داشه بار
جريت ستيك اخييييييييه عالاكل كله حلو صمونتهم تشبعج وتنلكمين بعد ولا البطاط اللي فوقه جبنه يمي يمي
قيصر الله يديم النعمه احلى شي عندهم الربيان بالعجينه مو اللي بالبقصم .. اتطقينها بالطوفه اترد لج بس شورتهم اللي بالكريمه حليوه ( اللي بالفلفل)
شهرزاد عليهم شوربه كريمه اترد الروح
سبارو وما ادراك ... المكرونه البيستا والثانية اللي بالصلصه البيضه حطي فوقها جبنه بارميسان وفلفل يالهوي يمه لا ولا البيتزا السوسيج اهي اهي قمت اسعبل اشوه اني بنص اللي والا والله جان خربت الرجيم وبستين داهيه .. ألزم ما على الواحد معدته هههههههه
هارد روك والله القعده حلوه الستيك مالهم مو حلو حسيت بلوعه ودهن بمعدتي مع انه مشوي وما فيه دهن بس تحسين ثقيل بس ما تجرأت اطلب غيرهم ما حبيت اندقر مره ثانية
فيلا فيروز ذوقو الورق عنب لذيذ اذا ما كان الاروع
ميس الغانم والله كل شي حلو والاحلى انه قعدته عائلية وحلوه ومشوياتهم مع اليمعه ياسلاااااااااااام ... بس لا تنامين يم ريلج بالليل الغازات تشتغل ههههههه سوري
مغل محل والله ما عجبني وايد بس خدمتهم حلوه
الفايز حلو وتحسين اكل نظيف اللي جرب بيعرف تقريبا احلى اكل هندي
فدركرز احلى شي ذقته الدياي بالعسل الهمبرجر مالهم ماعجبني ولا بيعجبكم ملكوم وناشف وبطوط لا والحين طالعين لنه بهمبرجر بو 3 طبقات بالله منو هالوحش اللي بيبطل حلجه هالكثر؟ والله كليته بالشوكه والسجين رفيجتي تتطنز علي تقول يعني ذربه ؟ قلت لها لا والله بس حلجي مو الفك المفترس .. تقريبا بيرجر بوتيك نفس الشي تاكلينه بالشوكه والسجين ولا تتبهذلين
بيتزا اكسبرس حلو والله بس لا تطلبون اللي بالربيان ما انصحكم
بيتزا ايطاليا ويييييييييييه شخباري بس شرايكم بالذمه مو احلى بيتزا مرت عليكم من ايام الطفوله ليما الحين؟
بيتزا هت مو السميكه ولا الرفيعه الوسط حلوه الببروني والمشكل اهم الألذ ولا الأجنحه ول ول ول ... ومقبلاتهم حلوه بعد بس محدوده اللي عالبحر مقبلاتهم مو وايد واغلبها مو حلوه ... اللي بكيفان يم نادري بلاتينيوم حلوه مقبلاتهم ووايد اصناف



الأكلات الكويتيه فريج بوصويلح ومطعم الحداق بوعبيد

دومينوز بيتزا انصحكم لا تاخذونه دليفري انتوا روحوا يبوه فرق كبير .. بيتزا ماتتحمل تبرد يقلب طعمها وتنغثون بس واهي حاره واااااااي تاكلونها كلها .. اذكر مره آنا ورفيجتي طلعنا من الكليه بعد ما خلصنه وكنه متوحمين الدومينوز بيتزا والله ولا كان عندنا ولا فلس ... بس كنه مشتهينها لدرجة لو تقولون عطونا السيارة واخذوا البيتزا ما نقول لأ ... المهم طلعنه كل الخرده الهندي فيه ضحه ويبنه بيتزا صغيره بس شنو هجمنه عليها خلصناها قبل ما نطالعا بعد هههههههه
لستل سيزر القعده حلوه واكو بسيتي سنتر كباين بعد للمنقبلت والعائلات بس البيتزا حلوه احلى بعد من بيتزا هت

فطاير الزعيم الافضل بعدها فطاير عالطاير وزهرة دمشق الألذ وتنفع حق يمعات الأربعا جانكم تسوونها ... اذا تحبون الأفطار الخفيف فالخباز لا يعلى عليه والكرواسون لا يوصف خاصة الجبن ... فطاير قيصر البيتزا مالتهم اموت واعرف شلون يسوونها ؟
مطعم كناري وكبابجي للمشويات الافضل

للمشروبات ... عالم المانجو وتوت ومشمش اللي بشارع المطاعم ادمان عندي
كابوريا حليو عالاقل ما يسممكم وصمونه الربيان حلو
اكو مطعم جاد اللي عند دوار شارع المطاعم ايوووووووووووه عالفول ماله ولا راح اتذوقون نفسها ولا عصير المنجا البرغلي اهو ومطعم شلاويط احلى عصير منجا ... اذا مالج خلق اتطقين درب .. ترى ستاربكس عندهم عصير اسمه تازا طبيعي لا جد العصير الطبيعي الوحيد اللي ينقال عنه طبيعي معلب لأنه مصنع فقط لشركة ستاربكس وكل يوم بيومه وفيه قطع بالمنجا والعصير البرتقال مو حامض ... جنج عاصرته توج ..



تبون احلى حلوم بعد حلوم كافتيريا كلية الآداب حلوم مطعم تجهيزات الخالديه ... بس ما يعلى على حلوم نواره الليجدام مجمع دسمان بعد المحاميد بشوي.... والله بتطيحون كل يوم عنده
والشاورما ... اكو مطعم عنونو بمجمع اسمه العنود بالفحيحيل ... ذوقيه وبتعرفين شنو قصدي مو طبيعي ومن عير بصل وكزبره

ماكدونلد الألذ
دياي تكساس امقرمش وعجييييييييب ... حتى بالبر طلبت منهم بس حسافه شالوا اصابع الهلابينو ياحسرتي ... شكلي خلصته عليهم ... بس نصيحه لا تطلبون غير الستربس مو الصمون يعني طلبوا قطع الدياي والصموم لا تطلبونه اكلوه مع صمون عادي لأن صمونهم فيه شكر

بيرجر كنج اللحم لا تطلبون الدياي احس فيه شي غريب
دياي كنتاكي اتذكر خربت رجيمي مرتين سبت وجبة مطافي
ستاربكس ترى افطارهم وحلوياتهم روعه يمكن ماتلاقين اشياء بمكان ثاني
هارديز حلو همن التشيكن كلوب والسنتافي اهيييييييييي
شارع المطاعم لا تجازفون لا اييكم تسمم ... انظف شي سهران وولهان ... طلبوا الفاهيتا لذيذه
دياي تكا ... احلو سلطة مايونيز ... اكليها مع الخبز المحمص


لاحظتوا اني انتكست من المطاعم الكشخه لي الابو طقه ... ساعه وساعه بعد شنسوي لوووووول

 

[ahhaat]

بنات واللي يعافيكم ياليت تردون علي بسررررررعه شنو احسن الاكلات بمطعم ابل بيز يعني ابي الاكلات اللذيذه واللي سعرها يكون مناسب مو مره غاليه ولا مره رخيصه.>>>>>>>عازمه وحده اليوم وماتبي اتفشل قدامها:eh_s(3):

 

[supermarket]

بنات شلونه مطعم فريج صويلح

من جربه

 

[xxx]

^فراولة^

كفيتي و وفيتي :eh_s(17):​

 

[رهــــف]

قوه بنات
منو يعرف مطعم ماجيستك الي مقابل المتنى؟

 

[أم فرووحة]

بنت الكويت..صراحه؟؟



مواضيعج كل واحد أحلى من الثاني..

يسلمووووووووووو

صج عاد حدي كنت ابي اعرف احلى الاكلات اللي بالمطاعم..لان كل ما نروح مطعم اقعد ساعه ابحلق بالمنيو و احتار ما ادري شاخذ..

مشكورين بنات كل اللي اكتبوا..

و الحين يا دوري..

وايد اشياء من اللي بغيت اذكرها ذكرتوها عشان جذي ما ابي اكرر..

و ان شاء الله اللي بكتبه مايكون مكرر..

بالنسبة للاخت اللي تقول عن اخوها دين و ماتبي مطاعم فيها هالمفاصيخ..

عندج مطعم الوالي اولا اكله حده عجيب بالذات سلطاتهم اتينن ولا حمصهم عجييييييب مع الصمون مالهم وايد حلو..بس الحلو مالهم مو ذاك الزود ماكو الا ام علي افضل الموجود..

و مافيه اغاني مره يحطون لج اصوات طبيعه و مره عصافير و مرات ولا شي هههه

و فيه كباين..و اللي عرفته ان صاحبه مدين وايد تلقين عايلات اهناك..


المهم انتقل لكم على احلىىىىىىى مطعم عندي..



دن دن دن الدااااااااااانه..

اوووووف صراحه حده عجييييب..ادري بعض البنات اذكروه بس بقولكم شنو احلى شي عنده..

بالنسبه للطبق الرئيسي..ماكو على ام الربيان وااااااااااااو..

انا كنت ما احبه بس لم ذقته امبيييييييه اينن..

عاد ريلي يقولي لو تامه لم الحين ماتحبينه جان وفرتي علينا لووووووووول

لان تقريبا اغلى شي عندهم..

يعني هذا ماتروحلوه الا بالمناسبات لان غالي..

عاد تقعدون بكابينه و يشغلولكم صوت البحر ..صج اتحسين جنج قاعده بسفينه..

و عصيري المفضل عندهم اللي مرات اطلب منه مرتين و ثلاث..

لمووووون وذ منتتتتتت

امبييييييييه شي مو طبيعي غييييييير عن اي مطعم محد يوصل مستواه..

بس عفيه اول ماتشربونه تذكروني و ادعولي

بالذات اذا طلبتي قلاص ثاني ههههه.. انا تنسيت عليه صراحه..

بس مع الاسف مايصير سفري طبعا..و بداية حمالي ماكنت اقدر اصعد دري لان ماعندهم اصنصير..

عاد الله يستر شنو يطلع في بنتي لوووووول

المهم خلصنا من الدانه..

نيي حق مطعم الارزه بالجابرية و رقمهم 5324918

لان ماعندهم قعده تطلبين و يوصلون لج..

عليهم كبه عالصيخ لذيذه..بس حدها تشبع يعني ماعون حق شخصين اييج اربع صياخ تقريبا او ثلاث ناسيه بس كل مره ما اقدر اكل نص الصحن...مع حمصهم حلو..

و عندهم مزززززه هم بعد عجيييييبه كلشي يحطون لج فيها..

مره طلبناها غدا انا مع ريلي مع طبقين رئيسيين..كلينا المزه و شبعنا ههه

امممممم شنو بعد..

طبعا الكباب بالنسبه لي اللي حده عجيييييييييب كباب الحجه لا يعلى عليه..

و في مطعم بالرايه مع الاسف ناسيه اسمه يكون بالدور الارضي..

عليه كيك اسمه فوندووووووو يعقققققققققد

اىىى مره طلبت حلووم من واحة المنتخب اللي بحولي بصمون مدور..

واااااي بعدها صار ادمان عندي..

اطلب حلوم مع بطاط و خس بدون طماط..عاد كل ما اروح اقوله يكمل الطلب عني ههههههه حفظني..

بس صج احلى حلوم ذقته ... مرات اتعنى عشانه..

لو يوصلون جان كل يوم طالبه منهم..

اىىىى بختمها ابهالمطعم ..

في مطعم بفندق بلازا اللي يم المثنى فوق..

واي كلشي عندهم حلووووو

و اذا بوفيه بعد احسن و احسن..و خدمتهم وايد اعجبتنا..

طلبت ليمون بالنعناع يعني بقارن بينه و بين الدانه هه..حده ماعجبني قاموا غيروه لي بدون لا يحسبون علي سعره..

و قلنا حق الجرسون عن أكله شنو يعني مكوناتها؟؟ قال لحظه شوي .. ماوعينا ولا يايبلنا طبق صغير انذوقها ههههههه يحليلهم

اعجبتنا خدمتهم..بس هم شوي غالي..

و في مطعم اذا ريلج عازمج و قالج طبي و تخيري..

قوليله ابي ريكاردو اللي بالشيراتون ( عشان يحرم يقولج طبي و تخيري لووووووووول )

انا خبري فيه ايام الملجه..و بس ههههههههه

تقريبا طلع حسابنا بال 35 !!!!!!


يله بنات اذا تذكرت شي بعد بقولكم ان شاء الله..


ياليت كل وحده تكتبلنا شنو احلى شي بشارع المطاعم..

احلى مطعم عندها و شنو تطلب منه..

لاني معلقه على شي واحد و اخاف اطلب غيره و مايطلع حلو :\


فوتوووووكوووووووو بعافية

 

[أم فرووحة]

بنت الكويت..صراحه؟؟



مواضيعج كل واحد أحلى من الثاني..

يسلمووووووووووو

صج عاد حدي كنت ابي اعرف احلى الاكلات اللي بالمطاعم..لان كل ما نروح مطعم اقعد ساعه ابحلق بالمنيو و احتار ما ادري شاخذ..

مشكورين بنات كل اللي اكتبوا..

و الحين يا دوري..

وايد اشياء من اللي بغيت اذكرها ذكرتوها عشان جذي ما ابي اكرر..

و ان شاء الله اللي بكتبه مايكون مكرر..

بالنسبة للاخت اللي تقول عن اخوها دين و ماتبي مطاعم فيها هالمفاصيخ..

عندج مطعم الوالي اولا اكله حده عجيب بالذات سلطاتهم اتينن ولا حمصهم عجييييييب مع الصمون مالهم وايد حلو..بس الحلو مالهم مو ذاك الزود ماكو الا ام علي افضل الموجود..

و مافيه اغاني مره يحطون لج اصوات طبيعه و مره عصافير و مرات ولا شي هههه

و فيه كباين..و اللي عرفته ان صاحبه مدين وايد تلقين عايلات اهناك..


المهم انتقل لكم على احلىىىىىىى مطعم عندي..



دن دن دن الدااااااااااانه..

اوووووف صراحه حده عجييييب..ادري بعض البنات اذكروه بس بقولكم شنو احلى شي عنده..

بالنسبه للطبق الرئيسي..ماكو على ام الربيان وااااااااااااو..

انا كنت ما احبه بس لم ذقته امبيييييييه اينن..

عاد ريلي يقولي لو تامه لم الحين ماتحبينه جان وفرتي علينا لووووووووول

لان تقريبا اغلى شي عندهم..

يعني هذا ماتروحلوه الا بالمناسبات لان غالي..

عاد تقعدون بكابينه و يشغلولكم صوت البحر ..صج اتحسين جنج قاعده بسفينه..

و عصيري المفضل عندهم اللي مرات اطلب منه مرتين و ثلاث..

لمووووون وذ منتتتتتت

امبييييييييه شي مو طبيعي غييييييير عن اي مطعم محد يوصل مستواه..

بس عفيه اول ماتشربونه تذكروني و ادعولي

بالذات اذا طلبتي قلاص ثاني ههههه.. انا تنسيت عليه صراحه..

بس مع الاسف مايصير سفري طبعا..و بداية حمالي ماكنت اقدر اصعد دري لان ماعندهم اصنصير..

عاد الله يستر شنو يطلع في بنتي لوووووول

المهم خلصنا من الدانه..

نيي حق مطعم الارزه بالجابرية و رقمهم 5324918

لان ماعندهم قعده تطلبين و يوصلون لج..

عليهم كبه عالصيخ لذيذه..بس حدها تشبع يعني ماعون حق شخصين اييج اربع صياخ تقريبا او ثلاث ناسيه بس كل مره ما اقدر اكل نص الصحن...مع حمصهم حلو..

و عندهم مزززززه هم بعد عجيييييبه كلشي يحطون لج فيها..

مره طلبناها غدا انا مع ريلي مع طبقين رئيسيين..كلينا المزه و شبعنا ههه

امممممم شنو بعد..

طبعا الكباب بالنسبه لي اللي حده عجيييييييييب كباب الحجه لا يعلى عليه..

و في مطعم بالرايه مع الاسف ناسيه اسمه يكون بالدور الارضي..

عليه كيك اسمه فوندووووووو يعقققققققققد

اىىى مره طلبت حلووم من واحة المنتخب اللي بحولي بصمون مدور..

واااااي بعدها صار ادمان عندي..

اطلب حلوم مع بطاط و خس بدون طماط..عاد كل ما اروح اقوله يكمل الطلب عني ههههههه حفظني..

بس صج احلى حلوم ذقته ... مرات اتعنى عشانه..

لو يوصلون جان كل يوم طالبه منهم..

اىىىى بختمها ابهالمطعم ..

في مطعم بفندق بلازا اللي يم المثنى فوق..

واي كلشي عندهم حلووووو

و اذا بوفيه بعد احسن و احسن..و خدمتهم وايد اعجبتنا..

طلبت ليمون بالنعناع يعني بقارن بينه و بين الدانه هه..حده ماعجبني قاموا غيروه لي بدون لا يحسبون علي سعره..

و قلنا حق الجرسون عن أكله شنو يعني مكوناتها؟؟ قال لحظه شوي .. ماوعينا ولا يايبلنا طبق صغير انذوقها ههههههه يحليلهم

اعجبتنا خدمتهم..بس هم شوي غالي..

و في مطعم اذا ريلج عازمج و قالج طبي و تخيري..

قوليله ابي ريكاردو اللي بالشيراتون ( عشان يحرم يقولج طبي و تخيري لووووووووول )

انا خبري فيه ايام الملجه..و بس ههههههههه

تقريبا طلع حسابنا بال 35 !!!!!!


يله بنات اذا تذكرت شي بعد بقولكم ان شاء الله..


ياليت كل وحده تكتبلنا شنو احلى شي بشارع المطاعم..

احلى مطعم عندها و شنو تطلب منه..

لاني معلقه على شي واحد و اخاف اطلب غيره و مايطلع حلو :\


فوتوووووكوووووووو بعافية