أحلى المطاعم بالكويت / شاركونا

[رفرف]

رد : أحلى المطاعم بالكويت / شاركونا

انا اخر مره رحت ميس الغانم لما كنت حامل ,,,
ومادري من النساة والا من اكلهم لاعت جبدي صج ...
اصلا الاكل ماذقته يمكن لقمتين وخليته ....
ومن يومها وانا كارهته ......

 

[MooN GirL]

رد : أحلى المطاعم بالكويت / شاركونا

امس رحت بيج أل اللي على البحر


انا كنت اشوف دعاياته اول ما فتح


ولله عبالي حلو بمستوى تشيليز وابل بيز


ما عجبني لأن المنيو فيها اشياء شوية وفوق هذا عارفتها ما حطوا شي يديد


الأكل مو سيء بس غالي


طبقين رئيسي وسلطه و2 بيبسي ب 15


يعني ما طلبت مقبلات مثل كل مره ولا حلو


ما انصحكم تروحون له

 

[xxx]

رد : أحلى المطاعم بالكويت / شاركونا

مون قيرل


اشوا انج قلتيلنا

مشكورة

 

[كويتية أمورة]

رد : أحلى المطاعم بالكويت / شاركونا

انا احب جوني روكتس اللي يم الفنار واللي بالمارينا صوب البحر ذوقوا صمونة روكت سينجل او دبل اذا تبون همبرغرتين
الهمبرغر عجييييييب جنه كباب ومو زفر كلش
يهبل وبطاطهم جنه مال بيت عجيييييييييييييب واي انا مسوية ريجيم ويعت

وابل بيز اموووووووووووووووووووووووت فيه
فرايديز احس لاكليت فيه لازم افرش ضروسي على طول
احب تشيليز وايد حلو

وفاتحين هارد روك عالبحر صوب المارينا محد راحله؟؟ ودي اروحله شنو حلو عنده؟؟؟

 

[^^ حنين ^^]

رد : أحلى المطاعم بالكويت / شاركونا

بنات ميس الغانم اكل لبناني صح؟؟ فية كباين ولالا؟

 

[xxx]

رد : أحلى المطاعم بالكويت / شاركونا

هلا حنين

اي لبناني بس ماعتقد فيه كباين

 

[Maltesers]

رد : أحلى المطاعم بالكويت / شاركونا

امممم .. انه احب جوني كارينوز يم يم أكلهم ايطالي لذيذ

واحب لونوتر وو شنو بعد

سب واي بس طبعا مافيه قعدات .. وبدر البدور

وو هيلتون ريزورت اكلهم حلو وقعداتهم أحلى

 

[Maltesers]

رد : أحلى المطاعم بالكويت / شاركونا

اي صج هارد روك يديد .. بس يقولون فيه وايد شباب وازعاج موشي

انه سمعت ان مطعم امريكي ومن طقت اللي اغاني عالآخر وجذي بس ماجربته

 

[xxx]

رد : أحلى المطاعم بالكويت / شاركونا

مشكورة ام علاوي على المشاركه

 

[roro]

رد : أحلى المطاعم بالكويت / شاركونا

اخر ما قيل عن هارد روك

الاضاءه ظلمه وحدها خافته وشغل عالثقيل خخخخ

الاكل بااارد

والسيرفس بطيء

والاجواء اغلبها مصابن

واحلى ما فيه القعده على البحر

احلى المطاعم بالنسبه لي وعلى رأس القائمه " جوني كارينوز + ابل بيز + فرح شارع المطاعم اينن + بدر البدوور + وبس "

والصراحه بيج أل يلوع الجبد اي شي حده امريكي بحت والاكل صج مو هذاط الزود مو مسألة سعر كثر الطعم اي شي يعني ما ينبلع

وسلامتكم

 

[xxx]

رد : أحلى المطاعم بالكويت / شاركونا

مشكووووووووورة رورو

على المشاركه

 

[أم ملاك]

رد : أحلى المطاعم بالكويت / شاركونا

شوفوا هذا الرابط راح يعجبكم وايد

http://www.hamaden73.com/rest.htm

 

[*** دلــــع الكــويـت ***]

رد : أحلى المطاعم بالكويت / شاركونا

يسلمو على الرابط


وانا يعجبني

مــيــــــس الغــــا نم
و
و
و
و
و
و
و
و
و
ومطعم فرعنا >>> عنده فلافل وجباتي يم يم يم



ههههههههههههههههههههههههههههه







*** دلـــــع الكـــــويــت ***

 

[دلوعة الكويت]

رد : أحلى المطاعم بالكويت / شاركونا

يسلمو عالموضوع الحلو

واحلى المطاعم بالنسبه لي

مطعم
القبقب
ومطعم ميس الغانم روووووووووووووعه

 

[xxx]

رد : أحلى المطاعم بالكويت / شاركونا

حياكم الله بنوتات

ومشكورة ام ملاك على الرابط

 

[:: عائشه بقلبي ::]

رد : أحلى المطاعم بالكويت / شاركونا

ابي مطعم حلوووووووووووو

بس للمتدينين اخوي دين حيل وابي اعزمه على مكان محترم وملموم

ويستانس فيه بدون شوفه مناظر البنات اللي صاروا فرجه استغفر الله

 

[أم ملاك]

رد : أحلى المطاعم بالكويت / شاركونا

اخت الخنساء
عندج مطعم قيصر وايد حلوووو ومعروف من زمان وفيه كباين واكله حلو وما فيه مفاصيخ

 

[نفنوف كشكش]

رد : أحلى المطاعم بالكويت / شاركونا

انا استانس عالجاينيز والاندين فود اكو مطعم هندي صوب سفير انترناشونال اسمه قلعت نواب ومطعم دعوات ,,,,,وجاينا تاون ايصير صوب عمارات الخالد بالساليمه بس مافيه قعده سفري ونودلز,.......طبعن جوني كارينوز وجوني روكتس اموت عالابل باي مالتهم ومطعم بردز بسوق شرق ودلوايوو بالفنار في بعد بس حالين اعاني من تشويش علا مخي ههههه موش ادره اركزززززززززز

علا طاري قيصر الي ابحولي اليديد اكو احد راحله ؟

 

[xxx]

رد : أحلى المطاعم بالكويت / شاركونا

مشكورة نفنوف كشكش على المشاركه

وقيصر وين بحولي؟؟

توني ادري انه فتح

 

[نفنوف كشكش]

رد : أحلى المطاعم بالكويت / شاركونا

امبيه جنه تشويش ..........جنه صوب جرير مادري مدينه الاعاب المهم شوفي اتعرفين صادق اتخلينه علا يمينج اهو ايصير الجهه المقابله والله فشله ماعرف ادلي ههههههه