نعومي الحلوة
New member
- إنضم
- 28 مارس 2006
- المشاركات
- 250
- مستوى التفاعل
- 0
- النقاط
- 0
السلام عليكم ورحمه الله وبركاته
شلونكم شخباركم.:؟:eh_s(6):
اليوم طبختنا طبخه طعمها بصراحه ماقدر اوصفها لكم جربوها
وادعولي ان شاءالله تعجبكم.:.:..:eh_s(15):
نبدا بسم الله .:.:..
المقادير :.::.:.. 3روس بصل +شده شبنت+ شده ونص كزبره+ 4 فصوص ثوم
مهروس+ 4 حبات طماط+ 1عبله معجون طماط+ فلفل اسود
مشكل +حبتين ليمون سحاري+ علوب فلفل +سمج فيليه انا
حطيت خمس قطع كبر جف الايد قصيت الوحده بالنص+2حبه
ليمون اصفر+زيت 1 قلاص مال جبن..
الطريقه.:.:.:.
ناخذ قطع الفيليه ونغسلها ونظفها ونعصرها عن الماي ونحط عليها
ليمونتين ونخليها عشر دقايق بعدين نعصرها عن الليمون عدل
مانغسلها ونملحا ونحط عليها هيل مطحون نفركها بعدين نحط
كركم وهم نفركها فيه بعدين المشكل اخر شي اقليها واخليها ع جنب
ناخذ جدر عريض ونحط فيه زيت والبصل ونلقب البصل شوي
ونضيف له الشبنت والكزبره ونحمس الين تذبل الخضره الي
عندنا ونحط شوي مخلوط ونحمس ونضيف الثوم المهروس و
بعدين الطماط طبعا الطماط مانطحنه وهذا الي محلي الخلطه نقشره
ونقطعه صغار ونحمسه مع الخضره اذا انحمست نضيف المعجون
وشوي فلفل اسود اذا نحمست الخلطه عدل اضيف ماي حار على
حسب كميه السمج مو وايد واحط قطع السمج واخلي النار وسط
أخليه ربع ساعه واضيف اخر شي الملح والليمون السحاري و
الفلفل الحار لان الليمون اذا خليته وايد يخرب طعم الخلطه تصير
حامضه واخليه عشر دقايق لازم تكون العرقه خاثره نفس الصوره
.:.:.: والحين العيش الابيض .:.:.:
عيش ع حسب الكميه الي تبين اغسل العيش وانقعه ايب جدر
احط فيه دهن ع حسب كميه العيش اذا احترت الدهنه اضيف لها
ماي حار وملح واكت العيش انا ماحط بصل بدون بصل اطعم
واحلى واحط بصل بالمشخول . يكون الماي اعلى من العيش
بشوي اذا نشف الماي اقصر عليه واخليه ثلث ساعه ويطع
نفس الصوره
اتمنى تعجبكم وتجربونها ماراح تندمون
شلونكم شخباركم.:؟:eh_s(6):
اليوم طبختنا طبخه طعمها بصراحه ماقدر اوصفها لكم جربوها
وادعولي ان شاءالله تعجبكم.:.:..:eh_s(15):
نبدا بسم الله .:.:..
المقادير :.::.:.. 3روس بصل +شده شبنت+ شده ونص كزبره+ 4 فصوص ثوم
مهروس+ 4 حبات طماط+ 1عبله معجون طماط+ فلفل اسود
مشكل +حبتين ليمون سحاري+ علوب فلفل +سمج فيليه انا
حطيت خمس قطع كبر جف الايد قصيت الوحده بالنص+2حبه
ليمون اصفر+زيت 1 قلاص مال جبن..
الطريقه.:.:.:.
ناخذ قطع الفيليه ونغسلها ونظفها ونعصرها عن الماي ونحط عليها
ليمونتين ونخليها عشر دقايق بعدين نعصرها عن الليمون عدل
مانغسلها ونملحا ونحط عليها هيل مطحون نفركها بعدين نحط
كركم وهم نفركها فيه بعدين المشكل اخر شي اقليها واخليها ع جنب
ناخذ جدر عريض ونحط فيه زيت والبصل ونلقب البصل شوي
ونضيف له الشبنت والكزبره ونحمس الين تذبل الخضره الي
عندنا ونحط شوي مخلوط ونحمس ونضيف الثوم المهروس و
بعدين الطماط طبعا الطماط مانطحنه وهذا الي محلي الخلطه نقشره
ونقطعه صغار ونحمسه مع الخضره اذا انحمست نضيف المعجون
وشوي فلفل اسود اذا نحمست الخلطه عدل اضيف ماي حار على
حسب كميه السمج مو وايد واحط قطع السمج واخلي النار وسط
أخليه ربع ساعه واضيف اخر شي الملح والليمون السحاري و
الفلفل الحار لان الليمون اذا خليته وايد يخرب طعم الخلطه تصير
حامضه واخليه عشر دقايق لازم تكون العرقه خاثره نفس الصوره
.:.:.: والحين العيش الابيض .:.:.:
عيش ع حسب الكميه الي تبين اغسل العيش وانقعه ايب جدر
احط فيه دهن ع حسب كميه العيش اذا احترت الدهنه اضيف لها
ماي حار وملح واكت العيش انا ماحط بصل بدون بصل اطعم
واحلى واحط بصل بالمشخول . يكون الماي اعلى من العيش
بشوي اذا نشف الماي اقصر عليه واخليه ثلث ساعه ويطع
نفس الصوره
اتمنى تعجبكم وتجربونها ماراح تندمون
المرفقات
-
أحلا عرقة سمج فليه.JPG -
أحلا عرقة سمج2.JPG
