أحسن طبيب لعمليات شفط وشد الزند

[ونات فطوطه]

السلام عليكم
بنات منو عندها فكره عن احسن طبيب يسوي عملية شد وشفط الزند
طبعا انا مو محتاجه وايد بس ابي اشفط منهم شوي لاني احب شكلي وانا بزنود هههه ... والشد ابي اللي تحت الابط مابي الطولي اللي على شكل زائد او صليب لأنه يشوه اعوذ بالله ...
منو تعرف اسم طبيب مجربتها وشنو تجربتها واهم شي جم تكلف العمليه ....


ناطرتكم بنات
لاني رحت لطيبه كلينك النصابين قالوا لي 800 دينار الشفط والشد 1000
بس لما سمعت عن اللي توفى عندهم بسبة الشفط خفت وعورني قلبي

 

[دلوعه^عسل]

ماعندي فكره بس حبيت ارفعلج الموضوع

 

[شبيهه القمر]

حبيبتي انا هم بسوي عمليه الشهر الياي بشد البطن والزنود وبكبر الصدر عند الدكتور ستمح صادق الي بالمنار كلينك والتكاليف لهم كلهم مع حسبه المستشفي 3000 دينار تقريبا

 

[o.magic.o]

قلبوو انا مسوية شفط وشد حق الزنود بس بالليز smart lipo
سويته عند منال شتا بالمنصور كلينك و الحين صارلي تقريبا شهر
والنتيجة عاجبتني.. بس بعد ما تبين النتيجة النهائية الا عقب 3 شهور
وامس سويت فخوذي بس عند دكتور ثاني اسمه ممدوح في بيلا كلينك
لأنه اهو متخصص بجراحة التجميل ومنال شتا دكتورة جلدية
أنصحج اذا بغيتي تسوين سوي عند الدكتور ممدوح لأنه ماشالله عليه ايده خفيفه
و انسان جدا محترم وطول ما اهو يشتغل يسولف وياي
يفضل هالعمليه تكون عند جراح تجميل مو دكتورة جلدية
الحين ثاني يوم لي وفخوذي فارقه علي ضعفت شوي ..
اختي مسوية عنده قبلي بأسبوعين او ثلاث مو ذاكرة عدل
وماشالله جسمها صار واو وانرسم والمؤخرة انرسمت صارت شحلاتها

عموما .. انا مادري انتي يمكن تقصدين شفط وشد عملية اللي تخديرها عام وبمستشفى
بس حبيت أفيدج ..

وبالتوفيق يارب

 

[NooR ElDenya]

لالا طيبة وخري عنهم
اي دكتور احسن من طيبة
شوفي حبيبتي ماعندي فكرة منو الشاطر الشاطر في عملية شد الزود
لان قاعدة ادور حقي بعد ومحتاجة بس التكاليف 1500 تقريبا للزنود

 

[عسووووولة]

اب اب

 

[miss_cool]

اب اب