أحسن طبيبة على الاطلاق!

[Orchidah]

السلام عليكم بنات ... عساكم بألف خير

يغيت أعرف منو أحسن طبيبة على مستوى الكويت أقدر أراجعها بخصوص موضوع الحمل ..

بصراحة أنا رحت حق معصومة مقصيد ومن أولها قالتي أطفال أنابيب وحسيت كأن الموضوع مادي ...

مشكلتي ان زوجي عنده قلة في الحيوانات المنوية وانا عندي خمول بالغدة بس الحمد لله ماشية على العلاج ...


ياريت تساعدوني ولكم الف شكر وتقدير .. :tek:

 

[دمثة]

فوزية القطان ممتازة ......

 

[فانسي نايت]

السلام عليكم

حبيبتي انا راجعت عند د.معصومه و ارتحت لها وايد و ماشاء الله المره فاهمه و شاطره و ادرس بجامعة الطب بالكويت
واحس انها كفاءة ،،،،،، طبعا الواحد ياخذ بالأسباب بس بالنهايه كل شي عند رب العالمين سبحانه


وبالتوفيق ان شاء الله

 

[pink-rose]

رفيجاتي يمدحون د.امل عبدالعزيز الراشد و د.خالده المجيبل ----> برويال حياة

بس الصراحه ما جربتهم

 

[lollipops]

حبيبتي ترى دكتوره معصوومه وايد شاطره
سمعي نصيحتي وتوكليي على الله
اذا انتي جربتي بالطرق الطبيعيه وماصار

جربي التلقيح الصناعي
واذا ما صار بعد المحاوله الثالثه
توكلي على الله وسوي طفل انابيب

والله اعرف وحده تقول نطرت 10 سنين من دكتور لي دكتور
بس ما رضيت اسوي طفل انبوب
عقب العشر سنين سوتها اول محاوله فشلت
وثاني محاوله مشالله يابت توائم

 

[lollipops]

والله يرزقج بالذريه الصالحه المعافاه

 

[um-naser]

دكتوره معصومه مادية جدا والفلوس عندها أهم من مريضتها مو بس أنا مجربتها عندي جم وحده أعرفهم جربوها تعطي أدويه قويه و سببتلي حمل خارج الرحم و ورفيجتي نفس الشي صار فيها حمل خارج الرحم سبتها وقلت لها لا تروحين لها مااسمعت كلامي وراحت لها مرة ثانية وصار فيها حمل خارج الرحم بالانبوب الثاني وألحين ماتقدر تحمال الا بالأنابيب لأن الأنبوبين انفجروا و شفت وحدة بمستشفى الصباح كانت تصرخ من العوار كنت عبالي انها بتولد لأن بطنها متفوخ جنها بالتاسع لما سألتها اشفيج قالت أنا أعالج عند معصومه ومن الادويه صار فيني تضخم بالمبايض و خايفين تنفجر
الصراحه ما أنصح فيها

 

[¤§ زيتونة §¤]

الله يرزقج حبيبتي ويفرح قلبج




يمدحون ماجدة اليتامي بس انا ما كان لي نصيب وياها الصراحة


اذا عندج ملف بمستشفى الشركة دكتورة كرستينا تهبل استشارية كانت في مستشفى لندن وراحت عندهم

والكل يرجع لها باي استشارة




انا مجربة هذيل وباتريك طبعا انابيب بس



الله يوفقج ويرزقج انتي وكل من تبي يارب

 

[Emanova]

والله انا افترييت على كل الدكاتره اسامه صالحه و حازم الرميح ...ما ارتحت الا ويا ماجده

و ترى الراحه النفسيه اهم شيء....و كل الاطباء يمشوون على نفس البروتوكول يعني 1 2 3 4 ....و كله على قسمه رب العباد و الطبيب وسيله الله مسخرها ..

الراحه النفسيه و التوكل على الله.....و الله يرزقج و يرزقنا كلنا ....

 

[eng.q8]

فوزية القطان ممتازة

 

[الجنه حلوة]

احسن دكتورة ماجدة اليتامى
بعد الله طبعا

 

[اثمان]

احسن دكتورة ماجدة اليتامى
بعد الله طبعا

صحيح

اهى دكتورتى من زمان

وايد محترمه:tek:

 

[ohg] ohg]]

الدكتورة ماجده افضل طبية على مستوى الكويت وصريحة من اول ماتشوف التقاير توكلي تابعي هناك

 

[Amory]

حاليا افضل دكتوره فوزيه القطان ماشاء الله اشكثر احملو عندها.

 

[أحلام العمر]

شوفي انا بالنسبه لي احسن دكتور وشاطر وعارف بعد الله دكتور نبيل سيفين في شيخان الفارسي مستشفي الصباح هذا بس يعالج اللي فيها غده للحمل يعني اذا ما فيك غده ما يستقبل والله اعرف وحده 9 سنين من الي الف دكتور ودكتوره وما عرف حالتها الا هو عشان هي فيها غده واي شي انا حاضر علي الخاص