أحســـن محـــلات الاثـــــاث برايـــج ؟؟؟؟

[^SwEeTa^]

السلام عليكم و رحمة الله و بركاته
-------------------------


اشلونكم بنات كويتيات .. شخباركم ؟؟

حبيباتي اشرايكم نتكلم عن احسن محلات الاثاث و الاكسسوارات و السجاد و اللزي منه !!

يلا بنات همتكم نبي الغالي و الرخيص .. و المجرب و اللي بس مارين عليه

عطونا خبراتكم بالسوق

 

[xxx]

رد : أحســـن محـــلات الاثـــــاث برايـــج ؟؟؟؟

هلا بام الافكار الحلوة

انا جربت ميداس شريت غرفة نومي منه

الصراحه ما انصحكم فيه موشــــــــي

غرف نومه بسرعه تتكسر عندي التسريحه تفججت

حتى رفيجتي شرت حق بنتها منه نفس الشي

تبون الغرف السنعه ماعلى النجاره جربت منجره بمركز الحميضي شغلهم اينن

واسعار الغرف مو غاليه حيل على 600 بس شنو شغل عدل مدل

طبعا في اغلى من جذي بس تكون معاها خرابيط شيفونيره وسوالف


أطقم القنفات انا جربت الضجيج شغلم مقبول تدرون انا بشقه مو بيت

يعني حسافه احط شي غالي ...

السجاد عندكم لاندمارك وسيتي سنتر

عندهم موديلات غريبه واسعارهم معقوله

وحتى بوخمسين عنده شغلات حلوة

بعد شنو ياربي

اذا تذكرت اقولكم

 

[^SwEeTa^]

رد : أحســـن محـــلات الاثـــــاث برايـــج ؟؟؟؟

هلا و الله بنت الكويت

تو ما نور الموضوع

مشكوره حبيبتي على الافاده

تصدقين عاد ميداس ما عمري فكرت اخذ منه شي .. احس غالي على فشوش

و على قولتج الشقه ما يسوى تاخذين لها الغالي

عندج حتى البيت الامريكي سوالفه تهبل بس هم غالي على ولا شي

ما الك الا هوم سنتر .. انا احب اخذ منه مادري ليش

يلا ناطرينج تتذكرين بعد

 

[xxx]

رد : أحســـن محـــلات الاثـــــاث برايـــج ؟؟؟؟

تسلمين سويتا منور بوجودج

هوم سنتر روووووعه يهبل

انا اذا دشيت انسى نفسي

ودي آخذ كل شي

 

[^SwEeTa^]

رد : أحســـن محـــلات الاثـــــاث برايـــج ؟؟؟؟

اي صاجه

خصوصا الشموع .. يدوخون

تصدقين .. شفتي النوافير الصغار اللي عند هوم سنتر .. اللي يبيعهم على 10 و 12

حصلتهم عند الهنوف على ارخص .. ترى تحصلين بالهنوف سوالف حلوه ساعات

 

[xxx]

رد : أحســـن محـــلات الاثـــــاث برايـــج ؟؟؟؟

بجم بالهنوف ؟؟؟؟

 

[رفرف]

رد : أحســـن محـــلات الاثـــــاث برايـــج ؟؟؟؟

اممم عاد انا مغبره خبري بالاثاث من اول ماتزوجت بس ...
الصراحة غرف النوم اتوقع النجارة احسن شي ...
الصالات اذا تفصال مجمع غاليريا اللي بالضجيج اشكال والوان .... والجاهز ممكن ميداس حلوين قعداتهم ... وهومز آر اس ايننوووون ومو غالين يعني 700 او 800 جذي مو اكثر ويصكون على قعدات ميداس ...

 

[BaiTotia]

رد : أحســـن محـــلات الاثـــــاث برايـــج ؟؟؟؟

ميداس مو شي أثاثهم مو قوي حرام تقطون فلوسكم عليه


بس إللي تبي أطقم للصالة كشخة
و غرفة نوم تهبل تروح ضياء بهبهاني لأن لا غباااااااار عليه
حتى أكسسواراته روعه
و تنسيقهم بالمعرض شي
أنصحكم فيه

 

[srabeel]

رد : أحســـن محـــلات الاثـــــاث برايـــج ؟؟؟؟

صراحه ميداس وعلى عبد الوهاب ما يعجبونى
بس بصراحه محل إيثن ألن إيننننننننننن وجوده بس غالى

وعندج هوم سنتر إلى بلاندمارك بصراحه يهبل لأن أسعاره وايد زينه ببلاش وشغلات وإكسسوارات تهبل
هذا إلى أذكرهم الحين لى تذكرت بخبرج

 

[^SwEeTa^]

رد : أحســـن محـــلات الاثـــــاث برايـــج ؟؟؟؟

بنت الكويت .. تحصلينهم على 7 و نص بس مو كل الانواع .. أم 12 حصلتها عند الهنوف بـ 10 و شوي

رفرف .. مشكوره حبيبتي على المعلومات .. تابعينا يمكن البنات يعطونج فكره يديده .. حياج الله

بيتوتية .. هلا فيج حبيبتي نورتي الموضوع .. و مشكوره على المعلومه الحلوه

سرابيل .. هلا باللي لفاني يا هلا به .. تذكري حبيبتي .. على أأل من مهلك .. انا بانتزااااااارك دررم

 

[جوريه]

رد : أحســـن محـــلات الاثـــــاث برايـــج ؟؟؟؟

والله انا غرفتي كانت نجاره خشب بيج الكبت بروحه سواه بالف دينار علشان خشب سنديان بس تصدقون يغشوووون ياخذون خشب عادي ويلبسون سنديان يعني تطلين من جنب الخشبه قبل لا يركبونه تلقينه مقسم طبقات يوم قتله قالي كله جذيييي اهوو مايي سندان خالص طبعا جذاااب لان امي مسويته سنديان خالص تحسين كبتها ثقيييييييل والباب شثقله لكن بابي ريششششه بس هم يعتبر اقوامن الجاهز وميداس وغيره

عندج غرف نوم الاثاث الامريي صج صلخ بس شي يسوا للي يبي ياثث لبيت العمر
وايثن الن هم اطقمه شيعجيب وعندهم مهندس يشوف صالتج وياخذ قياساتها ويصممها لج

والقنفات انا سويته سوايه عند كاكولي بالضجيج بمجمع غاليريا ماخذيته غالي علشان شقه مثل ماقالت بنوته ماتسووووووا والله سنتين جنهم يدد بس من يو اليهال الله يسلهم احسهم بين عليهم التعتج خخخخخخخخ

والهنوف ترا عنده اكسسوارات رخيصه وولحدايق سوالف حلوووووووووه

 

[^SwEeTa^]

رد : أحســـن محـــلات الاثـــــاث برايـــج ؟؟؟؟

مشكوره جوريه على المشاركه

بس القنفات على جم سويتيهم عند كاكولي ؟؟

 

[جوريه]

رد : أحســـن محـــلات الاثـــــاث برايـــج ؟؟؟؟

على 350 بس من 4 سنين هالحجي

 

[^SwEeTa^]

رد : أحســـن محـــلات الاثـــــاث برايـــج ؟؟؟؟

و الله سعرهم حلو ما شاء الله .. مو غلي

الحين يتراوالي أغلى .. كل شي ارتفع

 

[Naa7Laa]

رد : أحســـن محـــلات الاثـــــاث برايـــج ؟؟؟؟

انا بقولج خيتووو

خذيت غرفه نومي من علي عبدالوهاب وطبعا صارفيني مثل الاخت بنت الكويت نصها ملصق بصمغ وغاليه على الطل
بس قطع الزل اللي من بوخمسين يهبلل
وستي سنتر وهوم سنتر والضجيج (الفروانيه) شغلهم يهبل احلى من الغالي

 

[^SwEeTa^]

رد : أحســـن محـــلات الاثـــــاث برايـــج ؟؟؟؟

هلا و الله نحله هانم .. اشلونج شخبارج .. شالدنيا فيج ؟؟ من زمان عنج

مشكوره حبيبة البي على المشاركه عاد انا هوم سنتر الشويخ اختصاصي .. كل ما ضاق خلقي تمشيت فيه

 

[طماشه]

رد : أحســـن محـــلات الاثـــــاث برايـــج ؟؟؟؟

انا استاانس على ايكيا بس مايكووون الاشياااء الرئسيه لا يكوون اشيااء
تكمليه شموووع او اشيااااااء من طقتهم جذي

 

[^SwEeTa^]

رد : أحســـن محـــلات الاثـــــاث برايـــج ؟؟؟؟

هلا و الله طماشه


هلا بأم مانع علف خخخخخخخ


صح .. ايكيا اشيائهم و اكسسواراتهم حلوه .. بس الأثاث الرئيسي ما يسوى.. وايد رجيج

مشكوره يا عمري على المشاركة

 

[لبيه لكن!]

رد : أحســـن محـــلات الاثـــــاث برايـــج ؟؟؟؟

محلات الضجيج
روووووعه وكل شي جديد فيه

 

[لبيه لكن!]

رد : أحســـن محـــلات الاثـــــاث برايـــج ؟؟؟؟

اي صج ذكرت الاثاث السعودي حده كوووووووول
كل شي فيه قمممه
اكيد مار عليكم