أحد يترجم لي كلام زوجي

[كثر خيري]

ياحلوة دام انه طرش لج مسج يعنى شاريج ووده يرد يتفاهم معاج بس الله يهداج امسكيه قبل لايتعود على فراقج

نصيحه عازبه

 

[فنزويلا]

رد : أحد يترجم لي كلام زوجي

حبيبتي حــــــــــــــــاولي تخففين عصبيه واذا عصبتي كثري استــــــــــــــــغـــفـــار وصدقيني بتهدين وتحلين امورج صح بدون عصبيه

 

[BiiShOoO]

البنات ما قصروا

يبيج تيبين راسه بالدلع

 

[brettey]

رد : أحد يترجم لي كلام زوجي

حبيبتي باسلوبج هذا تكرهين زوجج فيج الله يهديج وكاهو صارحج بالي بقلبه لازم تتغيرين
الله يصلح حالكم يارب

 

[sweet dashttya]

رد : أحد يترجم لي كلام زوجي

يعني انتي متوحشه صيري اليفه
وتحولي من رياله الى انثه

ويااها وحاولي تسوين كنترول حق اعصابج

واذا معصبه طلعي من الغرفه لا تكلمينه ولا تجادلينه

هم انتي تآخذين نفس وهم اهوا عشان محد يغلط على الثاني لان بلحظة غضب الواحد يقول حجي ما يثمنه

 

[احلام q8]

رد : أحد يترجم لي كلام زوجي

ياحياتي مايبيلها مترجم
الرجال يبى بيته انثــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــى
يعنى الصوت الناعم
الاسلوب الراقي
خلي عنج الدفاشه
واحمدي ربج انه قالج شنو اللى يجيب راسه(نقطه ضعفه)

 

[حـووور]

رد : أحد يترجم لي كلام زوجي

هههههههههههههههههههههههههههههههههههههههههههههه الله يسعدكم يابنات والله ضحكتوني من قلب بتعليقاتكم خخخخخخخخ


حبيبة قلبي انتي مابينفك الندم بعدين تداركي عمرك وحسني من اسلوبك وهدي نفسك اذا عصبتي عدي للعشره بقلبك وبعدها رددي

اعوذ بالله من الشيطان الرجيم بعد 10 مرات اذا شفتي نفسك ماهديتي روحي غرفه وسكري على عمرك لمن تهدين

والله الرجال يطفشون من المرأه الي كذا لاتخربين بيتك بعصبيتك

واذا كلش كلش ماقدرتي اصبري لين يطلع وكسري وعصبي بروحك بس لايشوفك الا ناعمه وذربه

صديقتي تقول يبط كبدي طول الاسبوع اكتم منه ويوم زيارة اهلي اول ما ادخل مع الباب انهد اسب والعن واعصب


اطلع كل الي بقلبي عليه وامي واخوات يطالعوني وساكتين ولما اخلص وابرد قلبي نجلس نضحك على خبالي بس المهم افرغ الي بقلبي

يعني ماشاءالله عليها ذكيه حاولي تسوين مثلها

وموفقه يارب

 

[بطة رشيقة]

حبيبتى ريلج متضااايق من اسلوووووبج ويبيج تتهاوشين وتتعاملين وياه بهدووووووووء ومدام قالج هالشى عيل خففى عصيبه وحاولى تكونين اهدى من جذى وشى زين ان ريلج قالج شنو يبى قولى الحمدلله فى بنات مو عارفه شلون تتعامل مع رييايلهم لان مايدرون شنو يبون حطى بالج على ريلج وانا مره قريت ان اكره شى عند الريال المره اللى اذا عصبت قامت تقططط الاغراااض اللى جدامها تعوذى من بليس وكونى احسن من جذى

 

[رحيل المرافيء]

رد : أحد يترجم لي كلام زوجي

ترى الرياييل مايحبون اللي صوتها عالي وتصارخ
خلج ناعمة ورقيقة حتى لو انتي الغلطانة بتكسرين خاطره ويصالحج
غيري من اسلوووبج هذا زوجج مو تحسبين نفسج للحين ببيت اهلج تامرين وينفذون لج
ولايتحملون صراخج

 

[(السلام الملكي)]

رد : أحد يترجم لي كلام زوجي

الله يعينه

 

[kenda]

رد : أحد يترجم لي كلام زوجي

حاولي لما تتناقشين معاه تناقشي بصوت هادي مو عالي وحاولي مو بس اهوا يسمعج وانج تعبرين في الي داخلج

حاولي تسمعينه بعد اهوا والكلام العسل والهادي يطخخ المشاكل واتردون جنه ماكو شي

وامبين ريلج يحبج لو مايحبج ما قالج ونبهج على هالنقطه مايبي يخسرج الريال شاريج وقاعد يحاول يكسبج ويتواصل معاج

ماعليه كلنا جذي حتى لو غلطان ولا انتي غلطانه حاولي تحلون المشاكل بتفاهم وهدوء اذا حسيتي باعصاب اقري وشربي ماي زمزم يهدي لنفوس وربي يوفقج ^_^

 

[(( الذهب ))]

قاعد يقول انه يحبج ويحب تعاملينه باحسن من جذي

 

[جذابه بنت ذيابه]

رد : أحد يترجم لي كلام زوجي

حبيبتي غيري اسلوبج معاه
وطريقة تعاملج ,,

 

[ايامنا الحلوة]

يبيج تكونين هاديه وتتفاهمين معاه بهداوه


احمدي ربج ريلج يحب التفاهم


نااااااااااااااااااااادرفي ريال جذي

 

[ice_cream]

بعد شتبين احسن من جذيه قاعد يقولج تعالي وياي بالين اسويلج الي تبينه

دزيله مسج قوليله كلمتين حلوين واعتذري منه ونهي السالفه وديري بالج على ريلج ترى هل نوعيه ماكو منها هل يومين

 

[وصآااايف]

مايحتاج ترجمه

الكلام مترجم نفسه​

 

[o-2ansa candy-o]

تعاملي معاه بهدوء

وكثر ما تقدرين خلج ناعمه معاه

عشان تكسبينه

 

[ام الثعالب]

رد : أحد يترجم لي كلام زوجي

شوفي حلقة فوزيه الادريع مالت اليوم حيييل تناسبج
احرصي على الاعاده

 

[انا حبه للابد]

رد : أحد يترجم لي كلام زوجي

الله يصلح بيتكم ويهديج عن العصبيه

 

[fdeet_shosho]

اى والله البنات كفو ووفوا - واتمنى تتعودين على الحوار والكلام الهادي بالهواش لو واحد ثانى همجي وكنتى تصارخين وتحذفين جان يرد عليج ويحذفج بس زوجج شكله مسالم وهادي طبعه لاتحولينه الا عدائي وعصبي مثلج
انتى فيج المشكله عالجي عصبيتج - ان ماعالجتى هالعصبيه يمكن يمل منج وينحاش لوحدة ارق وانعم