أحد جرب يصبغ ؟

[أساور]

ماشاء الله استفدنا وايد الله يجازي صاحبة الموضوع والمشاركات كل خير

 

[عهود الحب]

مو مجازفة ولاشي


شرايكم نجرب بغرفة مهملة بالأول او كبت صغيرون حتى لو كبت الهندية او مال المخزن


وعقب نبلش بعد البسملة



انا من باجر بروح للمحل واخذ كل شي ابيه سجلت كل شي بورقة نوتة واذا سويت شي راح احاول اصور لكم بنات واوريكم

 

[فيونكا فوشيهـ]

up
up
up

 

[>>روضـة الحسـن<<]

يحليلكم والله حتى انا نفسي اصبغ الممر وصالتي وانتم شجعتوني

 

[عهود الحب]

اختي مشايخ القصدير وردي ؟؟؟؟


ممكن تشرحين اكثر انا شفت مواقع اجنبية عن الصبغ وللحين ما اخذت قرار


بس اخذت قرار صارم اني ارسم عالجدران



لأني فنانه < ترفع لروحها حيييييييييييل


لاوالله كوني مدرسة روضة اوكي وكل شغلنا رسم برسم فخذيت خبرة



بالنسبة للصبغ بالقصدير ياريت توضحين فكرتج اكثر وانا بحاول اتخيل الصورة واجيب لج مواقع



او صور




تقدرين تصورينه ؟ < جنه فشله وغلط خخخخخخخخخخخخ

 

[عهود الحب]

أنا استوعبت الحين


اهي لزقت قصدير عادي

في قصدير يجي قوي ويتحمل تلاقينه يمكن بالشركات يعني مو مال استخدام منزلي



وبعدين رش فوشي وشوية ذوق راقي وجرأة بالشغل وحطت قطع اثاث زيبرا والله تبارك الرحمن شي حلو


خوش فكرة للي تحب الزيبرا انا احبه عالملابس بس بالاثاث احس مال بيت واسع راهي


انا بيتي صغيرون مومال زيبرا يفضحوني ربعي ههههههههههههه شميسوية شمهوله بالبيت

 

[عهود الحب]

بينك لوفر الله يرفع قدرج



شكلج تبين تصبغين مثلنا



مس سارونة صبغي وراوينا شغلج يلا _03BA:

 

[Winter Q8]

http://www.videojug.com/film/how-to-paint-a-wall
فيديوو يعلم الصبغ ..

حتى انا ودي اصبغ داري ، بس أخاف اتملل و أنا أصبغ .. أصبع طوفه و اخلي الباجي

 

[عهود الحب]

مشكورة مااااااااقصرتي
روعه خوش مقطع

 

[أم ضارى]

شوقتونى حتى انا ودى اصبغ غرفة عيالى بس انا خاطرى ارسملهم اشكال على الطوفه

احد يقدر يساعدنى بهالسالفه .... اشلون ارسم اشكال وكمية الصبغ اللى بحتاجها خصوصا انها م كل الطوفه

 

[softlady]

انا صبغت وتبت وحرممممممممممممممممت من الوصخ والي شفته

وتعالي نظفي السيراميك وفركي

لا يبا توووووووووووبه عمال وخلاااااص لان وااااايد يقطر انتي ما تعرفين مثل الصباغ والله

 

[أم ضارى]

والله انا خايفه من شغله وحده ابتدى صبغ بعدين امل وماكمل

اعرف روحى بسرعه امل

 

[عهود الحب]

الملل ممكن جايز المصيبة الكسل خخخخخخخ


بنات امس شريت الاغراض وخلاص طلعوا علي كل جالون بخمس دنانير وكسور والغرفة لها جالونين على قولة الصباغ ياخوفي مايكفي وجهين


خذيت 3 الوان ازرق هادي ووردي ناعم وبنفسجي هادي حيل

اذا بلشت بصور لكم تجربتي الفاشلة او الناجحة


وي الكل متراهن علي شكثر ناس محبطين يقولون والله خسارة وانا مستمرة بجرب يعني بجرب وان اتقنت الشغله بصبغ كبتات عيالي



ببلش من باجر احسن عشان اليوم نفضي الغرف



سوفت ليدي في رولات مثل السغرة تنحط تحت مايخلي شي يوصخ

وبعدين مادري انا ماقدر احكم الين اجرب لي جربت اقولج انا شنو دمرت وشنو خربت

 

[كسرة عود]

والله شي حلو ......... ننتظر النتيجة حبيبتي

 

[عهود الحب]

تسلمين كسرة عود


امس حطيت معجون وللحين ماقدرت اسكر الفتحات بالطوفة لانه عيالي مصاكه بسم الله عليهم


وانا بيتي قديم حسبي على من سكني فيه الله ينتقم منه ويحطه بموقف صعب مثل مااحطني باصعب مكان بالدنيا



المهم


< طلعت من الموضوع كالعادة



المهم طبعا لانه في شقوق بالطوفة بس الحمدلله صار في ديناميكيا بالبيت ووناسة وسالفة نسولف عنها



بعد شوي بجيك وحط معجون بعد



وبعد ما اتاكد انه خلاص مية مية



ببلش صبغ




بنات الي تبي تسوي رسم عالجدران ونقشات لاتاخذ لماع خل تاخذ مطفي


قالي الصباغ انه مايصير نرسم عاللماع مايمسك بالطوفة


روحوا للجوتن بالشويخ ادليكم مكانه ابد شارع الصحافة خلج سيييييييييييييييييييييييييدا بدال ماتلفين على مكان ايكيا القديم كملي سيدا تلاقينه يسارج واضح ومايبيله والي تبي تلفونهم تقولي ادور الفواتير


وهناك عمال يساعدونج بكل سؤال يدور براسج

 

[عهود الحب]

ام ضاري مافي بهالدنيا اكسسسسسسسسل مني بس انا صامدة للحين مادام في مكيف واجازة اصبغ يعني اصبغ


ودي اصور لكم الحوسة بس مابي اخرعكم ههههههههههههه

 

[عهود الحب]

http://www.videojug.com/film/how-to-paint-a-wall
فيديوو يعلم الصبغ ..

حتى انا ودي اصبغ داري ، بس أخاف اتملل و أنا أصبغ .. أصبع طوفه و اخلي الباجي

مشكووووووووووووووووورة عالموقع حيل افادني



وهذا من نفس الموقع شلون تسدين الفتحات الكبيرة والصغيرة بالطوفة



http://www.videojug.com/film/how-to-repair-holes-in-plasterboard



مشكورة الله يرزقج لين يرضيج خوش طريقة بطبقها بالغرفه الثانية لاني خلصت المعجون _03BA:

 

[قهوه وشاهي]

اشووووف عهوده ماتنشاف كله لمبتها مسكره موشابه حمر

اثاريج قاعده تصبغين ماشاء الله بصراحه غاويه شقى صج صج مدرسة روضه

لو ماكرفونا دورنا احنا الكراف 0عطى الخباز خبزه لوكلا نصه وقعدي رجل على رجل

ساعه ونص واهو خالص

يعطيج العافيه وننطر النتائج ومااقدر اعطيج نصايح انا صبغ جوتي ماعرف :dddds:

 

[عهود الحب]

هلا ههههههههه فديت الي يدوروني


شوفي انا راح اكتب موضوع عن الصبغ ولا اقولج




انا مممم احب اشتغل والحين بما انه فراغه وحياتي فاضية نوعا ما كله افكر وكله محبطه روحي ومقزرتها بجي ودموع وتفكير وخوف من المستقبل لعيالي



فقلت اشغل نفسي واشتغل




طبعا عيالي لعوزوني كما توقعت





وعظامي تفكك لاني دلوعة مومالت كراف





ودايمن اغرضي ناقصة رغم تسجيلي كل شي بورقة وروحتي للمحل مرتين لازم ننسى وننسى




بس وناسه بمعنى الكلمة



ودي اتفنن بس عيالي جننوني



قهوة وشاي انا الي خلاني اصبغ لاني مدرسة روضة وعندي امكانيات وديناميكيا وحركات افا عليج


خو بس للروضة لايبا عيالي بخاطرهم اصبغ اصببببببغ وانا مغمضة

 

[عهود الحب]

صورت الطوفة بعد المعجون وعقب الصبغ


للحين الوجه الاول بس باجي الوجه الثاني لانه كان عندي مراجعة الصبح والظهر متكسرة من الفرارة والعصر مطنقرة والمغرب عيالي فوق راسي يناقزون والعشا جوعانه يئطع الرجيم وسنينه وبالليل شابكة واهذر هني





راح انزل الصور واوريكم بس الي تتطنز علي اخنقها لوووووول باجر مالي خلق الحين اخاف قهوة وشاي تتفرج وتتشمت