أحبه بس ..! (ساعدوني)

[معزوفة عشق&]

​

ودي اقطع هالعلاقه بس اخاف من رده فعله واخاف من اللي بيصير فيني وقتها ,, بنات ساعدوني ​

تخافين من ردة فعله وما تخافين من ربك .. :eh_s(10): عجيب امركم ي البنآت ,,
حبيبتي هذا مجرد اعجاب وصدقيني لو صدق يحبك راح يجي دايركت لابوك ويتقدم رسمي ..
مجرد ماقال ننتظر التخرج الله اعلم ماعنده سسالفه هذا الزمن مات فيه الوفاء للاسف

انا اقول لا تعلقين قلبك بشي وتنصدمين اقطعي علاقتك فيه واستخيري الله دائما وابدا
والله يككتب لك اللي فيه الخير

 

[عاشقة هواك]

البنات ماقصروا

كل الي اقدر اقوله لج وخري عن هالطريج انتي على الاقل تقدرين تختارين بين انج تستمرين معاه او لا

في غيرج لا ونصيحتي وخري عشان لا تندمين قد شعر راسج

 

[قمر بيت أبوها]

أقولك أقطعيها من غير وجع راس ولا هم
هو وحده من الثنتين ياتضيعين راحتك النفسيه ودراستك عشان شي مايسوي
يا انك ترمين كل هالسوالف وراء ظهرك سمعتك ودراستك اهم منه ومن كل رجل يحب أمراه بهالوقت
يبغاكي راح يخطبك سواء تواصلتي معاه ولا لا
يااختي فكي راسك من الحب وبلاآآويه

 

[سويت فانيلا]

مابقى حب باهازمان يابابا الشباب ذياب موناس انتوا ماتخافون

 

[kw.food]

والله نصيحتي لج اختي ان بالهزمن مافي حب والحب ايكون بين المره وريلها فنصيحتي قطعي العلاقه

 

[سمو]

اللهم صل علي محمد وال محمد

حبيبتي .....انتي صغيره ...وبعمر اي شاب معجب فيج ..... قلبج يفتح له بابه .... وبعمر تحبين تجربين الحب .

معجب فيني وناوي يتقدم لي اذا تخرجنا

علي قوله دكتوره فوزيه الدريع ..... الريال عنده كتاااب كبير من الجذب .... لو يبيج ....جااان عالاقل يخطبج رسمي ...اذا يحبج ما يبيج تضيعين من ايده .


حبيبتي ..... اللي يخاف من رب العالمين .....ويحط رب العالمين جدام ويهه ...الله يفتحها له ...ويسهل امره ان شاءالله .

ولا تخافين من رده فعله ....بالعكس بتكبرين بعينه اذا صج يبييج ..... ولا تخافين من احد ....توكلي علي الله واللي يصير يصير ..... رضا الله قبل رضا الناس .

 

[-تكفيني الذكرى-]

أختي أسمحيلي أقولك أنتي متأثرة بالمسلسلات التركية حيل ...

أنتي من جدك تحبين واحد بالجامعة وطقين علاقة وياه وأهو يعطيك من الرخيص وأنتي مصدقتة
أهو امبين أنو ذيب وكلهم هذي طريقتهم وامبين انو محترف بعد حطي عقلك براسك وفكري بربك واهلك وسمعتك قبل
كل شي ... وبعدين انتي ع باله يبي يصدق اذا قلتي انت اول واحد اكلمه ترا الرجال كلهم مثل بعض والله لو تحلفين بالقرأن ماراح
يصدق ... ولو تكونين مصليه ومسميه أنتي في نظره ولا شي ... خلي يسمح حق اخته بالجامعه تكلم أحد وربي النعمه راح يقبرها



كـــــــــــــــــــــــــــــــــــــــــــــــذاب صديقني

 

[عالمي انا غير]

يعني انتي تخافين ع مشاعره اكثر من ربج ؟ حبييبتي والله ان يحبج صج كان طلب تلفون بيتكم او عنوان بيتكم وتقدملج لا تصدقين هل الكلام السخيف لا حب ولا بطيخ تسلية فقد لا اكثر

 

[عيني عليه]

ترى الرجااال حقيرييين والله حقيرييين ... احنا ازواجنا جايبيين منهم عياااال ماسلمنا منهم ..

هالدوور وااحد مابينج وبييينه غيير فووون ؟؟

انتبهي حق رووحج حبيييبتي .. وهالله هالله بنفسج

 

[♥ SWeeRa ♥]

اذا يبيج صج يتقدملج
على الاقل يخطبج والا يملج عليج
بس مكالمات لا
ولاتنسين ان المكالمااااااااااااااااااات حراااااااااااااااااااااااااااااااام
تاذين ذنوووووووووووووب من ورا كل مكالمه
انتبهي

 

[عسل سل]

استخيري

 

[الغريقه]

انتي خايفه من ردت فعله مو


لا تخافين حبوبه

انا اضمن انج الرابحه لمن تتركينه تدرين ليش !

لان
من ترك شي لله عوضه الله خير منه

ربي راح يعوضج بالاحسن اذا تركتيه عشان رضا ربي

خلي نيتج انج ترضين ربي لمن تتركينه مو لانج مو مرتاحه له


لا تتردين بانج تتركينه اتركيه بالبدايه يمكن تحسين بصعوبه بس الايام بتنسيج كل شي
واذا تميتي وياه ترى انتي قاعده تقصين على روحج !


والله يكتب لج الخير حبوبه

 

[غرور وايل]

وعليكَم آلسسسلآم ..

حبيبتي آقططعععي آلعلآلآقة ..

هذآ جذآب ..

مل و زهق و تغغير ..

وألله يرزقج بآللي آحسسن منه ..

 

[سمآآ]

تري الحب موعيب

شوفي حبيبتي انا احب شخص واضحين من البدايه والحين اهو مسافر بس يرجع ومن تكلمة دراسته الخارجيه

بنسوي بعدها العرس

بس الغلط في تصرفات البعض يعني في شخص يبيها علاقه وقتيه وبس والبعض لاخر علاقه جاده وعلى مرءأ الجميع يعني مو خايف من احد
اتمني تحسين التصرف قبل لاتندمين لان جرح المشاعر صعب فكري وايد قبل لاتندمين حبيبتي

 

[Mem ilwer3a]

لا تصدقين كلام الفون
اذا يبيج أيلج لي البيت لا يقول ورا الجامعه او شي
حتى لو خطبه عشان تضمنين نفسج
والله شباب هالوقت يخرعون يعشمون بس عشان يستانسون
سألي مجـــــــــــــــــــــــــــــرب <<<<<<<<<<<<<​

 

[نسيت آنسآإكك ..]

لو يحبك يجي لعند اهلك ويتقدم لك مو يجيك انتي ويحكي كلام فاضي
حبيبتي العلاقات اللي كذا نهايتها دمممااار انتبهي على حالك وحتى لو وعدك بالزواج وحلفف لك وبين حبك وغيرته عليك
لاتطيحين بيده والله يسوي البلاوي فيك
فكذا لو هو صصادق وشاريك بيروح لابوك ويقول له
وبعدين العلاقات اللي تسذا محححرمه قبل كل شي تذكري ربك
وانتبهي على حالك ياقلببي
بالتوفيق

 

[سما غزة]

اختي الكريمة ما تحكي معاه ولا كلمة
ولو بدوا ياكي رح يفتش عن اهلك مثل ما فتش عن ك وسئل عنك
هذا اا كان جاد
اما اذا كان بتسلى فما رح تفرق معاه كتيررررر
اختك سما غزة

 

[Tom ♥ Jerry]

.


يعني الحين عادي عندج ما تقطعين علاقتج فيه عشان ما يزعل !
بس عادي جدا تنامين و ضميرج يرتاح اذا خدعتي ربج اولا ثم امج ثم ابوج ..

شتان بين الاثنين

 

[مرره كيوت]

حبيبتي لازم تقطعين العلاقه لانه حررررام واذا يبيك يتقدم لك
والله يهديك يارب

 

[لحظآتَ]

أنتِ فيها اختي
لا تسوّفين وتمطالين ..
فكري بالامور السلبيه
لا تفكرين انه دوّر عنج وجاب معلوماتج وانه طيب وخوش ولد !
لإن الشيطان قاعد يزينه بعينج
ممكن جاب معلوماتج لإنه خبيث !
لإنه أعجب بشكلج وناوي نيه مو زينه !!!!!
شفتي؟
انتي مافكرتي بسلبية لإن ابليس اللعين قاعد يزين لج المعصية .. وكلنا نفسج مو ملائكة حنا !!
بالعكس كلنا معرضين لفتنة ابليس وإغواءه !
لذلك فكري بعقل وقولي صج والله ليش مايتقدم لي الحين ولا عالأقل يبين لي انه وده يبادر ويتقدم !!
ليش من البدايه قال لما اخلص من الجامعه .......!
حنا نشوف السالفه واضحه لإننا مو تحت تأثير الحُب [ على فكرة الحُب بح بح .. مدري ليش مُصرين ان للحين فيه حُب ] ..


المُهم ... لإننا مو تحت هالتأثير قاعدين نرى الموضوع من زاوية عقلانية ! ومنطقية !

عكسج انتي تماماً .. لأإنج تشوفين الموضوع وفق أهواء عاطفية ! ...

فكري عدل وصدقيني انتي الرابحه
قولي له ببساطه تبيني تعال اخطبني وورا الجامعه نتزوج !
غيره ماكو