أحبـه .. لكــن !!!

[دلوعة أبوهآ]

ماقصروا البنات ..,
ردودهم كافيه وتغني عن اللي كنت باقوله ..,
الله يهداكِ بس

 

[Maryam]

يا حبيبتي شكو تعطينه مجال
و تشرحين له ترا اهو عارف ليش تخلينة

خل يولي
تخيلي انتي لو طلعتي معاه و راح يصير اللي يصير و تغلطين معاه
شنو موقفج

اهو بيتهرب منج و يتمنن عليج و يساومج لو يبي يتزوجج
او يصور لج
او او او
لا تقولين ما يصير
كااا ليش ما قال لج انا بدون من الاول ؟؟؟؟؟؟؟؟؟؟؟؟؟؟؟؟؟؟؟؟؟؟
ترا النية مو سليمة

غيري تلفونج
يعني لو كنتي وطنية قولي حق اهلج ابي زييين احسسن يعني تعذري بأي شي

و انتي جم عمرج توج بالكلية يعني تقريبا 19
يعني لما عرفتيه عمرج جم 15
ترا كلام مراهقة
و العمر جداااااااااامج
و انتي كيفج

 

[{ مآي عيني }]

لا حبيبتي ولله ولله احسن تغيرين خطج لان اكيد بعد شهر او شهرين او اربع شهور بيدز مسج وانتي بتحنيين للأيام الاوليه
غيرري الخط وارتاااح نصيــحه من كل قلبي
او يمكن ييج يوم تزهقين وتحسين انج بحاجه لآحد ومن غير ما تحسين ترسلين له مسج
صدقيني الشيطان شاااطر نصييييييييحه إلغي الخط وايميلج مو انتي اللي تغيرين الكلمه السريه حقته
خلي اختج تدخل وتخربط بالكلمه السريه عشان بالمره يضيع وحتى لو فكرتي ترجعين تفتحينه
ما راح تقدرين
ولله ابي مصلحتج وأكيد مابي الا كل خير لج .. الشيطااان شااطر ادحريه من اللحين
الله يخليج ويوفقج ويرزقج الزوج الصالح لا تنكسين راس أهلج من بعد تعبهم عليج خليه يولي واقطعي الشر من اللحين
واااي قلبي معورني ودي ايي اللحين اكسر شريحتج و اخربط الكلمه السريه حقة الايميل

هذا الي خايفه منه انا انه بعد فتره أحن له
صآرت وآيد ويآي بس هالمرا لا قاعده اقول حق نفسي بس خلاص لازم العلاقه تنقطع
لولز فديتج جان زين تعالي اخذي الخط وكسري انتي لانه اذا قلت بغيره بيصير تحقيق

 

[{ مآي عيني }]

رد: رد : أحبـه .. لكــن !!!

حبيبتي (ماي عيني) اهنيج على قوتج وشجاعتج وصدقيني راح تتغلبين على هالشي مع الايام كل واحد فينا داخله قوه متى ما زاد ارتباطه بالله راح تطلع هالقوه ..الي سويتيه اليوم اهي الخطوه الاولى و باجر كملي وانهي الموضوع معاه لا تطولينها لان كل ما طال الوداع زاد الالم و طالت السالفه ..ووشوفي حبيبتي ماراح يكون سهل الوضع وراح تتعبين بس ميخالف كل ما يا على بالج فكري بشي ثاني او شغلي نفسج ..4 سنين ماراح تنسينه بيوم ولا بيومين ..وماراح يكون سهل الوضع بس مابيج تحسين بالضعف و تقولين لا ماقدر خلاص برجع ماتحمل ..خلج قويه
واذا احتجتي اي شي ترا كلنا موجودين..واذا حسيتي الضعف وودج تفضفضين احنا كلنا نسمعج وبنكون معاج لين تتخطين هالمرحله

ايه والله مأراح يكون سهل الوضع بس ان شاء الله اناا قدها
وان شاء الله اخلص من الموضوع ويعدي على خير
وفديتج والله انا مشكوره يالأصيله

 

[{ مآي عيني }]

دلوعة ابوها
شآكرتلج يالغاليه

يا حبيبتي شكو تعطينه مجال
و تشرحين له ترا اهو عارف ليش تخلينة

خل يولي
تخيلي انتي لو طلعتي معاه و راح يصير اللي يصير و تغلطين معاه
شنو موقفج

اهو بيتهرب منج و يتمنن عليج و يساومج لو يبي يتزوجج
او يصور لج
او او او
لا تقولين ما يصير
كااا ليش ما قال لج انا بدون من الاول ؟؟؟؟؟؟؟؟؟؟؟؟؟؟؟؟؟؟؟؟؟؟
ترا النية مو سليمة

غيري تلفونج
يعني لو كنتي وطنية قولي حق اهلج ابي زييين احسسن يعني تعذري بأي شي

و انتي جم عمرج توج بالكلية يعني تقريبا 19
يعني لما عرفتيه عمرج جم 15
ترا كلام مراهقة
و العمر جداااااااااامج
و انتي كيفج

لا بالعكس أشرح له وافهمه اذا هديته بس جذي مني والطريج
ماراح يسكت ويظل واقف , أدري بيقعد يدقدق وحاله
افهمه الموضوع وخلاص كل واحد يروح بطريج
ومشكوره عطيتيني فكره حلوه حق الخط وان شاء الله اشوف حل واغيره :gr4uu:
مشكوره

 

[*الشيـــهـانـة*]

ديـــري بالج ديري بالج ديري بالج تستمرين معااااه والله والله راح تندمين طول عمرج وتقولين ياليت وياليت صدقيني راح يضغط عليج بسالفة طلعة الكليه وانتي راح تشوفين بالكليه اجناس والوان من البنات اللي يمشون بهالطريج ووقتها ومع ضغطه عليج راح تقولين خل اطلع معاه عادي اكثر البنات اللي معاي جذي وساعتها ماااينفع الندم ,, اذا تبين نصيحتي وانا ادري انج تحبينه وهالشي مو سهل عليج بس شتسوين هذا قدرج شوفي حبيبتي اول شي حاولي مااتكلمينه حتى لو بالبدايه تخففين من اتصالاتج لين تقطعين مرة وحده عنه وثاني شي ادعي ربج كل ليله وابجي واطلبي من ربج انه ينسيجياه وان شاء الله راح تتركينه والله يرزقج يااارب بالحلال بللي سعدج ويفرحج طوووول عمرج ويحبج

 

[كرز حالي.]

رد : أحبـه .. لكــن !!!

ماحب اسمع قصه جذي
مشكله اذا احب واحد اعرف ان اهو مو لي
الله يعينج

 

[lulwa-q8]

اتركييييييه

من اولها غلط في غلط السالفه !

خليه وانسيه والله بترتاحين =)

والله يوفقج *

 

[شموخ انثى 94]

حبيبتي لا تحطين فبالج انج ما تقدرين على فراقه
لا انشاء الله تقدرين بس انتي حطي قدام عيونج الله ثم اهلج وشرفج وسمعتج اللي راح يضيعون اذا كملتي بهالطريج
لا يغرج كلامه يا حبيبتي وياعمري وانا احبج ومن هالكلام ولا تغرج الاربع سنين اللي تتكلمين عنهم ترى اغلب الشباب يقعدون معاج فتره عشان يكسبون ثقتج بعدين ياخذون اللي يبونه ويهدونج
نصيحه مني اتركي هالطريج واتركي هالولد احسن لج

والله يوفقج ويرزقج بالزوج الصالح اللي يسعدج

 

[Stylista_Q8]

حلج سهل ،،

هديه ،،

 

[احن قلب]

رد : أحبـه .. لكــن !!!

حبيبتي ماي عيني
صدقيني مالك غييييير سمعتك ودينك هي راس مالك
طالما ماشالله عليك للحين ماخلتيه يشوفك هذا معناته
ارادتك قويه منت ضعيفه لاتقولين احبه كل ماحنيتي
له قومي صلي وادعي ربك وقولي هذا الدعاء
اللهم اجعل فراق فلان على قلبي بردا وسلاما
كما جعلت النار بردا وسلاما على ابراهيم
مالك غير ربك صدقيني وربي لو تركتيه
لله ربي بيعوضك خييييير كثيييييير
بس لاتحنييين وانا بدعيلك
تحياتي لك

 

[ميس الورود]

رد : أحبـه .. لكــن !!!

حياتي شغلي عقلك وقوي قلبك ومثل ماحبيتيه بتحبي غيــــره ,,,,, يعني الدنيــــا ماوقفت عليه ,,, استعيني بالله واستغفـــــري كثير بنيه النسياااان وشوفي بعدين غير تنسي شئ اسمه هالفلاااان

طالما خبى عليك سنتين انو بدون شنو (ترتــــجي) من شخص للاســــــف مش صاااااادق

من توكــــل على الله فهو حسبـــــه
اذا استغفرتي كثير عالاقل ميه مره لو كل اليوم باذن الرحمان راح ترتاحين نفسيااااا

ربي يرزقك بالزوج الصاااااالح وتنسيه


الاستغفـــــــــااااااااااااااااار

 

[يوآش يوآش]

رد : رد: أحبـه .. لكــن !!!

ســلام

مشكورين كلكم والله كلامكم ريحتوني
فديتكم والله

وانا من كلامكم اقتنعت أكثر بلي راح اسويه
وخلاص انا راح اهده واهو الله يوفقه يارب ,
وأنا رآح أتوب واحمد ربي على الي انا فيه الحين
وما تجرأت وسويت الي اهو يبيه وانا اقرا كلامكم احس اني قاعده اراجع نفسي
وافكر عدل

بس مشكله قبل شوي شبك ولمن فاتحته بالموضوع على طول صكره
وقال انا ماقدر اشبك بفصل وبروح انام وراي دوام
مايبي يتحجى بالموضوع يقول انا عارف شنو انتي بتقولين وفصل معصب
ماخلاني اقول الي عندي افففففف احس بقوله الي عندي ماقدر اصبر انا
بس ماراح اسكت واول شي ماراح ارد عليه بالفون وثاني شي راح الغي عضويتي من المنتدى وايميلي
ماراح اشبك فيه كلش بغير الكلمه السريه ولا ادخله بس عقب ماقوله وافهمه انا ليش سويت جذي !
وعلى خطي مادري ماقدر اغيره اذا بغيره بيقولون ليش ومادري شنو بس انا بالأول راح احاجيه واهو من نفسه ماراح يرد يدق او يدز مسج
ابيه يفهم انا مو له مايصير الي قاعد نسويه
وحرام انتم جذي وكل واحد عارف شنو مصيره اخر شي !@@

مشكووورين كلكم والله والله وحده وحده اقول لها مشكوره
لو مو انتوا والله مادري شنو كنت راح اسوي جان ظليت احاجي نفسي بنفسي
واوهم نفسي بشغلات واقص على نفسي

احبكم والله

اي هذا الحجي السنع ..

وبعد لو تقدرين غيري خطج بالمره

عشان ما يدق عليج ولا تدقين عليه

واخذيها مني تمر الايام وبيدق عليج ..

فعشان جذي اذا فيها مجال غيري خطج ..

 

[أحبه موت]

حبيبتي يابعد قلبي انتي عارفه الحل وبيدج بس مو قادره وماكو شي مستحيل يمكن يكون صعب في البدايه بس صدقيني بتعودين عالوضع وترتاحين
ما ابي اقولج انتوا مالكم نصيب وصعبه من هالحجي انتي ماشاءالله عليج شاطرة وذكية وعارفه هالشي الشي الوحيد الي باقي انج تقعدين مع نفسج وتحسمين الموضوع
صدقيني ترى أمج وأبوج ما ربوج واتعبوا عليج عشان ايي واحد من الشارع ويخربج ويقصج عليج بجم كلمه حلوة وانا احبج وما أقدر على فرقاج ترى كله حجي فاضي
شوفي حبيبتي الرسول قال : من ترك شيئا لله عوضه الله بأحسن منه ان شاءالله باجر بييلج الي يسواه ويسوه طوايف اهله وبتكونين انتي حبيبته وام عياله فكري بأمج وابوج اول شي وقبل لا تسوين اي شي غلط حطي امج وابوج جدام عينج ترى والله مايستاهلون هالشي منج
الله يقدرج ان شاءالله وتنسينه ويرزقج بولد الحلال الي يحطج بعينه

 

[ياشوقي للجوري]

رد : أحبـه .. لكــن !!!

حبيبتي احمدي ربج انج ماغلطتي الي الحين
ومنو هو عشان تبررين موفقفج له
لا تردين عليه وغيري رقمج واحذفي رقمه وارتاحي
قبل لاتندمين

 

[قوطي نيدو]

ما في شي مستحيل
خلاص انتي مو ياهل
و الحمدلله عندج عقل
و الله يوفقج ان شاءالله

 

[al-mustashara]

رد : أحبـه .. لكــن !!!

خلاصة الكلام حياتي
انتي حاليا اللي قاعدة تعيشينه مو حب هذي فترة مراهقة وباجر لما تكبرين راح تضحكين على نفسج
اولا الحالة اللي انتي قاعدة تمرين فيها هذي تمر على اغلب المراهقات والعيب مو لانه بدون لا البدون ماينعاب لان الرجل مايعيبه الا جيبه
العيب في الطريقة والكذب اللي بعد سنتين صارحج انه بدون
وفي ملاحظة وايد مهمة باجر اذا تزوجتيه راح يشك فيج اذا مسكتي الكمبيوتر ودشيتي النت راح يقول مثل ماتعرفت علي بالنت تتعرف على غيري

هذي الوساويس موجودة كثير عند بعض الناس

الزبدة

انهي العلاقة بأسرع وقت ممكن - تغيير خط التلفون - الابتعاد عن أي شي ممكن يذكرج فيه
حاولي تلهين نفسج بشي كدراسة او مشروع او زوارات عائلية

والاهم من ذلك كله تذكري لو صار ماصار ولا سمح الله تزوجتيه باجر بيعايرج انه متعرف عليج بالنت


واتمنى تسمعين كلام الاخوات وكلامي

والله يوفقج

 

[حرم القيصركمودس]

رد : أحبـه .. لكــن !!!

شوفي حبوبة انت قاعده تضيعين عمرج واهوة قاعد يصيع معاج واذا قريتي مواضيع البنات كلهم متعلقين بشباب الله يهديهم وبعدين .....ولا شي
اذا يالج نصيب وافقي وعيشي حياتج الله يسهل عليج يارب

 

[رحيق الجنه]

العلاقة غلط من اولها وما تجوز اتركيه

اذا في نصيب بياخذج لو انتي بعيد ولو ما في نصيب ما راح تأخذينة لو تكلمينه كل يوم

الله يهديج ويهديه

 

[( المـلاك )]

حبيبتي والله مادري شقولج
عقب حب 4 سنين شنو بيدنا نسوي
الاراده عندج وبيدج تسوين كل شي
و انتي المفروض تهدينه من يوم مادريتي انه بدون و انج مستحيل انج تاخذينه
ولا جان ما تميتي معاه طول هالوقت
الله يعينج =(