- إنضم
- 20 ديسمبر 2008
- المشاركات
- 137
- مستوى التفاعل
- 0
- النقاط
- 0
ٍ بسم الله الرحمن الرحيم .
بنات انا ببدي بالموضوع
والله العظيم انه وصلت حدي ومادري شسوي ولا أدري اقول حق منو حتى احد يساعدني
انا من زمان اقرا بهالقسم واشوفكم ولله الحمد جنكم خوات وايدكم وحده الله لا يغير عليكم
و كل وحده تقول الي عندها يمكن يكون حل حق صاحبة المشكله
وانا الي ابيه منكم بس تساعدوني بليز بقول الي عندي ومابيه من آي وحده تضغطني بكلامها او تجرح بكلامها بليز
والله مادري شلون ببدي وشقول ؟
المهم انا بنت والله مااعندي خرابيط ولا انوي على شي يخرب سمعتي انا من عايله محترمه ومحافظه
واكيد كل العوايل محترمين بس انا افكر بأهلـي احنا بيتنا كلنا الحمد لله محترمين وماكو أحد عنده سوالف ووخرابيط
وبنات انا من 4 سنين لمن قمت اشبك وصآر عندنه وايرلس يعني على طول اشبك اشتركت بمنتدى
واستمريت فيه وردودي كلها محترمه ما اطيح الميانه ويه أحد << تقول والله خراب المنتديات الي فيها بنات وشباب
المهم تعرفت على واحد مادري شدني مادري ليش والله
وصرنا بس مسن لمن تطورت العلاقه الي بينا واهو خوش واحد ووالله يحبني حيل وانا حبيته بعد واعرف اهو شنو تفكيره وشنو نظامه يعني صرت اعرفه لمن وصلت لي تلفون وبس بينا مسجات وبعدها مكالمات للأسف شي يير شي
ولمن صار لنا سنتين اصدمني وقال انه بدووووووووووون << بجت اوكي ؟! وحاجيته على هالموضوع وانه ليش مو قايل لي من الأول المهم حاجاني وانا مثل الحماره استمريت معاه
والحين صار لنا 4 سنين وبنات لحد الحين ترا مو شايفني الا مرا وحده كنا طالعين وحتى ماقدرت احط عيني بعينه والله
ولا خليته اهو يشوفني وهذا من زمان يعني صار له من 3 سنين ولحد الحين مو شايفني بس انا اشوفه يعني بالمسن
مادري شقول لكم والله ودي اوصل لكم الي قاعده احس فيه الحين
وانا الحين وصلت لي عمر الناس قاعد تخطبني
وخطبني ولد خالتي بس انه هم اهو بدون امي رفضت ليش لانه اختي خذت اخوه بدون علبنه ولد خالتي يعني وخالتي طلبت امي ولدها حق اختي يعني المهم نصيبها هذا والحين بينهم مشاكل
يعني مهمن كان البدون غير وضعهم غير فا امي راااافضه احد ثاني من بنااتهاا تاخذ بدون
والي احاجيه بدون وقلت له ترا انا مو لك يافـلان وقلت له ولد خالتي بدون ووهذا القريب وامي رفضته
فا انت مابالك اهلي بيرضون فيك ووفوق هذا خواني متأكده اميه بالأميه مارااح يوافقون بعد والله ادري اناا
مادري والله شقول لكم انا الحين وضحت لكم
والحين انا متعلقه والله صج اني احبه بس والله ماقدر استمر وياه واحاجي كانه حبيبي وانا عارفه بالنهايه اهو مو لي ماقدر وانا قبل سنتين امي طاحت علي احاجيه
لا وكاانت ثاني مرا احاجيه وقتها يعني مو على طول وامي من طاحت علي طبعا ماكو ثقه بينا و عبالها انه انا على طول احاجيه وانه كل مرا يشوفني وانا يعلم الله متى احاجي او اشوفه وشي مو حلو لمن الام ماكو ثقه ببنتها خلاص يصير كلشي ماكو لا سياره ولا تلفون ولا نت واي واحد ايي يخطبني بتزوجني علشان الستر
المهم انا مريت بكل شي ماكو نت التلفون انسحب مني وسياره طبعا ماكو وانا بس أحد يسألني على السياره اقول لا مابيه اسوق اخاااااف هـهـ ارقع حق عمري حق بعدين
والله منقهراا حدي وغير كل مااطلع مكان مع امي امي تراقبني وكل ماسوي شي تزفني ليش سويتي جذي اكيد في أحد امبيه يعني صج احس انه انذليت والله وانا والله بنات مااعندي خرابيط بس اني حبيت وجربت احب ومو حرام الحب
وبعدها بمده قدرت اشبك وشوي شوي امي ردت تلفوني وعآدي ردت الحياه طبيعيه وانا رديت أحاجيه
ولي الحين مستمره وياه وصار لنا 4 سنين و4 سنين تعرفون شنو يعني يعيني حدي متعلقه فيه واهوو متعلق فيني
وكافي انه اهو عارفني انا ماعندي سوالف ووخرابيط وانا عارفته عدل واحاجيه كذا مرا اقوله شوف غيري ماقدر استمر وياك يقولي انزين ماكو يمر يوم ولا اهو يرد علي يقول مااقدر اذا انتي تقدرين انا ماقدر ؟
احس والله مادري شسوي ؟
وكل ماحاجيه احس يطلب مني اشياء اسويها انا مااقدر اسويها يعني كل مايطلب شي اقوله ماقدر
يقول اناا منو مو حبيبج ؟ احس انا مستواي قاعد ينزل
ومابيه اتغير بظل انا بنت امي وابوي الي ربوني على الصح و ماينزلني أحد من شرفي
:'(
ووالحين بعد تخرجت يقولي بشوفج بالكليه وابيج على الاقل يوم واحد اتمين وياي يعني ماحضر المحاظرات
اقوله مستحيييييييييل اسويها من المستحيييل ويرد ماكو شي مستحيل؟ انا من متى مو شايفج ؟ ومن هالحجي وانا اقول يصير خير .. والحين اقول حق نفسي مستحيل اسويها واطلع معاه كلش كلش مو انا اذا سويتها
واطلع طايحة حظ @@ بس اخاف ايي اليوم الي اداوم فيه وكلامه يسحبني واسويها
؟والله ماااودي اسوي شي انا متربيه اني ماسوي هالسوالف ؟
وكل ماقوله ماقدر اكمل وياك القي نفسي ارد له ماصاارت الصراحه
تصير السالفه بايخه يقولي شنو انتي تلعبين فيني ؟
بس والله وصلت حدي ماقدر اكمل وياه بعيش حيااتي بدون أحد ونصيبي اهو ايني بروحه
وايد حجي والله وايد حجي براسي واهو ماكو شهاده حتى يعني احاول ويه اهلي
او وظيفه سنعه حتى ,,,, مادري ليش انا معاه للحين متعلقه فيه وبالي كله وياه والله
انا الحين بس الي ابيه منكم تقولولي شسوي انه قلت له ماقدر اكمل بيزفني واذا تميت ويااه ادري ماكو شي بالنهايه
ادري اهو مو لي ؟ وانا اليوم ودي اسوي شي وبس خلاص لا يرد لي ولا انا ارد له وقلت له اليوم اذا تقدر تشبك بحاجيك شوي طبعا انا بالفون ماقدر اكلمه وايد او اخذ حتى راحتي بالحجي واحاجيه
فا بحاجيه بالمسن والله مادري الحين فضفضت الي عندي واحس بشوي راحه
وان شاء الله القى من الي تساعدني او حتى تريحني بكلامها و" تفيدني "
واسفه على الاطاله
