أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[bnt nas]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صح كلام ألا يانفس

 

[L A T T E]

الريال مثل الياهل.. على ما تربينه و تعودينه

انتي تتكلمين عن ناس موجودين.. بس للحين ما اختبرتي اللي راح تتزوجينه

تعوذي من ابليس و فكري عدل

وبالنهاية هذي حياتج محد يغصبج على شي

 

[عذبة السجآيآ]

ليييش لييش هالسلبيه بالتفكيييير حبيبتي

وبعدين لاتشوفين بس الناس اللي بينهم مشاكل لا شوفي الناس اللي عايشين حايتهم احلى عيشه

وصدقيني مهما كانت شهادتج وماينفع المره الا رجالها اذا قدرت تغيره للاحسن

وبعدين بعد عمر طويل حق والدينج فكري فيها وين بتروحين عند منو عند اخوانج وحريمهم او خواتج ورياجيلهم

واذا استقبلوج يوم يومين فالثالث مومتحملين كل وحده تبي استقلاليتها في بيتها

وهذي سنة الحياه ولو فيها شي بيضرنا صدقيني رب العالمين ماحلل هالشي لنا

واذا راح عمرج ذيك الساعه بتندمين تقولين ليتني ماشفت الموضوع من الناحيه السلبيه

وانا اقولج كل شي بالدينا في سلبي وايجابي بس مع هذا ماتوقف الحياه


وربي يوفقج حبيبتي

 

[ALIEN]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشكورين خواتي على المرور

 

[قطوه بطه]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حلوة مقولة قهوه
(( لا تجعلي الرجل كل حياتك - فهو مجرد إضافه جديده في حياتك))


فااهمتج لاني تقريبا بعمرج وجامعيه كنت حاطه براسي اتزوج اقلها جاامعي بس النصيب جابلي واحد شهادة متوسط هههههه

انتي كملي دراستج اهم شي وبعدين ااختاري الي يعجبج ههه ومن ناحية الماستر لا تحاتين اهو الي بيخليج تكملين لان بيفتخر فيج وعشان معاشج يصير قوي هههههه اضحك اااااااضحك

الدراسه اول وبعدين الزواج

موفقه يا قلبي

 

[catwiti]

توني عاد قاريت كتاب اسمه السر بتقولين شدخله بلموضوع اهو قاعد يتكلم عن سر قانون الجذب خوش كتاب يخليج تفكرين صح
طالما انتي هاذا تفكيرج عن الزواج وطالما قاعده تفكرين بالشي السئ وماتفكرين بالايجابيات بالزواج وتقولين اغلب الريايل مو شي معناته الي راح يصير انه راح تاخذين واحد مثل ما انتي تفكرين او انج ماتتزوجين خوفا من انه تاخذين ريال مو زيين
يعني فكرتج هاذي بتخرب علييج حياتج لانه حاطه فبالج هالفكره الي تجذب لج الافكار السلبيه وانتي نفسج راح تكونين شكاكه ماراح تعطين قيمه للريال وفبالج انه اهو بيستغلج او ممكن يستغلج او يخونج او او.. بس المهم انه هالفكره لازم تشيلينها من راسج وفكري بالعكس وادعي ربج اهو الرزاق

 

[تنكربل 1]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حببتي الزواج سعادة واستقرار نفسي والله وناسة لما تطبخين لة تحسين انا في شي حلو تسوينة صج تعب بس اعلمة على اكل البيت وناسة لما اشوفة بس يضحك ويقولي كلام حلو الزواج بيدك تخلينة حلو وبيدك تخلينة عذاب وشكو لما انظف البيت خادمة والله وناسة اشغل المسجل واسمع اغاني ونظف البيت وبعدها اتسبح واتكشخ لة وكون ربة بيت وناسة كل يوم اروح الدوام ارجع البيت الاكل جهاز نتغدا اهوا ينام ا نا اطالع التلفزيون انظف البيت وتكشخ وسلوف مع رفجياتي وطالع الابوتوب ولما يقعد نطلع نتسوق وناسة واحلى مرحلة لما يكون عندك طفل والله بتملين منة الله بوفقك_03ba:

 

[مطنـوخهـ]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالعكس حبيبتي من كلااامج مبين انج خوووووش بنت واخلاقج عاليه وذوووويييييقه وفوق هذا شهادتج تر مو اي شي بالعكس انتي ماخذه فكرة غلط عن الزواج انتي ادعي ربج ليل ونهار ان الله يرزقج برجال طيب ودين ادعي دايم بهالدعاء اللهم ارزقني زوجا هينا لينا كريما صالحا مصلحا وما في حياة تخل من المشاكل ومدام ارتبطتي برجال فأكيد انتي مسئووله منه ولازم تقومين بحقووووقه وواجباته وهذا امر الاسلام ولابد البنت تتزوج وتحس وراها ظهر مهما كان ما تدرين شنو تخبي لج الايام والمفروض تغيرين نظرتج وانتي تقدرين تكونين حياتج ومسارها شلون راح تكون مع زوجج وبخصوص الديوانيه اهي المكان الوحيد المسلي جدا بالنسبة للرجل الكويتي واذا بنظرج انه يخونج مع انسانة ثانيه شوفي وين المشكلة يمكن انتي مقصرة عليه الكلام الحلو ويمكن في شي بالبيت مو مريحه ومهما راااح مصيره يرد لج وصدقيني حبيبتي في حاجات نفسية وجسمية ما تكون الا بالزواج وهذي سنة الحياة الله سبحانه وتعال فرضها لنا ولا تقارنين حياة اشخاص وتجارب فاشله وتربينها بمستقبلج بالعكس المفروض تتعلمين من اخطاءهم والشي اللي سووه تتجنبينه وبعدين انتي توج صغيرة صح بسن زواج بس حلاته اذا خلصتي الكلية وبالنسبة انج تبين تكملين دراستج يكون شرطج للي بيتقدم لج اكمال الدراسة في الخارج في الخارج بين قوسيييييين والزواج سكن وهدووء وراحة بال وما في حياة خاليه من المشاكل والمشاكل ملح الحياة يعني لو ما في مشاكل ما في اكشن ورجعه ونسيان وذكريات بالعكس حبي عيدي التفكير بالموضووع وكل شي بالدنيا لابد يكون له ايجابيات وسلبيات والمفروض من الانسان هو الللي يتخطى السلبيات عشان يعيش بهدووء وراحه وما تكون الا من قربه من ربه انتي كل ما زادت صلتج بالله قووويه كل ما كنتي مرتااااحه اكثر وعسى الله يكتب لج الرااااااااااااااااااااحه وراااحة البال وتقبلي مروري وكلماتي

 

[الورود الذهبية]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليش تفكيرج سلبي جذي ترى اصابع ايدج مو سوا وفي رياييل وايد زينين ودايما ادعي ربج في صلاتج ان يرزقج واحد زين وخلوق مو شرط كل وحدة تتزوج تنغث في بنات تزوجوا ومستانسين بحياتهم وانتي دايما ادعي واستغفري والله بيرزقج الريال الزين



:wqedqw:




للايجار فستان زفاف اوف وايت راقي جدا وناعم
لبسة اولى مقاس S
للجاده تراسلني على الايميل وراح اعطيها رقم صاحبة الفستان
[email protected]​

 

[/الدميره/]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حبيبتي انصج لا تشغلين مخج بالدراااااااسه
وبالنهايه مقطوطه بحدا هالوزارات قهوه وحلو
ومعاشج نفسسسسسس اللي دارسين بالكويت
ولا بعد يمكن يكرفونج اكثر عشان دارسه برى
رفيجتي ضيعت 5 سنين من عمرها تبي شهااااده
وجابت شهادتها من امريكا الله لا يوريج دوامها
تقول لي لو دارسه معاج تربيه اساسيه ابرك لي واريح لي
تخيلي كل ما نتجمع احنا يا رفايجها ماتقدر تسيرررر مشغوووله بدوامها
والمعاش نفسسسس معاشنا ولا عبروا شهادتها وغربتها 5 سنين
اذا وووووودج تكملين كملي بس لا يكون اولى اهتمامج
تزوووووووجي اول وتمتعي بالزواج لو على الاقل كم شهر
وترى الشهاده ملحوقه تقدرين تكملين بعد عمر طويل لكن النصيب لي راح من يرده
بتحسرين على عمرج وعلى ماقالوا ظل راجل ولا ظل حيطه
وصدقيني تفائلي بالخيررر وان شاءالله تلقينه
والله يرزقج على قد نيتج

 

[CALM]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلامج خووفني الله يستر :eh_s(2):


الله يكتب اللى فيه الخير لج وتتزوجين بالرجل الصالح

 

[artya]

رد : أتزوج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حبيبتي لاتفكرين جذي

والتوفيج من الله

حتي عند اهلج في مشاكل صح ؟؟ فهاذا شي طبيعي

انتي شيلي من بالج هل افكار واذا في احد تقدملج لاتفكرين بهل شغلات وتوكلي على الله وصلي استخاره

واذا الله كاتب فيه الخير بتاخذينه ان شاء الله

خلى ايمانج بالله قوي وماكو الا الخير :d