أبي وصفة كباب بحريني لذيذ ..

[Lovely_R]

بنات ابي منكم وصفة كباب بحريني لذيييييذ ومضبووط اللي حصلته في جووجل كللش مو مشجع ...
ابي اعرف الطريقة بالضضضبط والبهاراات اللي فيه ...

في الانتظاار واللي ما تعرف بلييييز تررفع الموضوووع

 

[sweet2010]

رد: أبي وصفة كباب يحريني لذيذ ..

بصل مقطع صغار

طماط مقطع صغار ,,

بقدونس مقطع

حبه ماجي مبشوره + ملعقه وسط باكينغ بودر

بهارات كاري الهنديه + كركم واذا بغيتيه حار شوي حطي فلفل اختياري طبعا

وشوي ماي تخلطين المقادير مع بعض ليش تصير عجينه شبه سايله يعني مو سايله كثير ولا ثقيله مره تكون وسط

وبعدين اقليه بالزيت وهني وعافيه

ودعواتك لي بالستر والتوفيق

تحياتي لك

 

[Lovely_R]

رد: أبي وصفة كباب يحريني لذيذ ..

الله يسترك ويوفقج تسلمين حبووبة

 

[جارة القمر]

رد: أبي وصفة كباب يحريني لذيذ ..

تفضلي طلبك

http://www.q8yat.com/t467317.html



الكباب البحريني أهو خبز العروق ولا أنا غلطانه


كباب البحريني



باكيت لحم مفروم
كيس طحين كباب
فلفل حار مقطع (اختياري)
2باقة كرات مفروم ناعم
1بطاطا كبيرة مبشورة
3رؤوس بصل متوسطة مفرومة فرما ناعما

هذي البهارات اللي استخدمتها
فلفل اسود
كركم مطحون
ليمون اسود مطحون
كمون اوسنوت
فلفل احمر حار
ملح الكمية اللي بترغبي فيها
كمية من الماء للعجن حسب الاحتياج

الطريقة
نفرك اللحم مع الطحين حتى نحصل علي عجينة متماسكه


ثم نضيف جميع الخضروات مع العجن المستمر

العجن باضافة الماء يجب ن تكون العجينة متماسكة لينة بعض الشيء

اضفت جميع البهارات الذي اخترتها والملح


بعد ما تختمر

بعد الانتهاء من عمل العجينة نتركها لترتاح لمدة نصف ساعة او الوقت اللي انتي حابة تعمليها...
نأخذ قدر صغير ونوضع فية كمية من الزيت بحيث تغطي العجين
نأخذ ملعقة طعام ونصب العجين بالملعقة في القدر الذي بة زيت حاريغلي وبعد ان تحمر من جميع الجهات نصفيهاونقدمها ساخنة...


منقوووووووووووول

 

[ريم البحرين]

هلا حبيبتي انا بحرينية وبعطيج طريقتي بالكباب وان شاء الله تعجبج المقادير كاس الجبن الصغير

المقادير
4 كاسات جبن صغيرة طحين كباب + 1 كاس طحين بالخميرة + 1 بيضه +1ملعقة شاي خميرة + 1 ملعقة شاي بيكنج باودر + ماء دافيء للعجن انا احط ماي بدون مقدار بس انتي شوفيها تصير لينه مثل عجينة الكيك تقريبا وحاسبي لانج بتخلين فيها بعدين البصل والطماط وبيطلع ماي فبتلين اكثر المهم انتي حطي كاسين ونص وملح ودقوس مطحون و2 فص ثوم مفروم وانا بهاراتي تندوري وفلفل احمر بودرة او مجروش مثل اللي يحطونه في الباستا وشوي كمون وكزبرة مطحونين وبعد ما يخمر نكون مجهزين حشوة مكونه من بصل وبقل وطماط مفرومين ناعم وتخلط وبعدها تقلينه فزيت غزير وحامي وتكون بعدين النار وسط وبس واسمتعي بأحلى كباب بحريني

 

[رحيل المرافيء]

انا اللي اعرفه الكباب البحريني يسووونه بطحين النخي

 

[عطر النسيان]

يسسسلمو

 

[Lovely_R]

انا اللي اعرفه الكباب البحريني يسووونه بطحين النخي

نفس السؤال

 

[Lovely_R]

شكراااااااااااااااااااااااااااااااااااااا

 

[جارة القمر]

تفضلي طلبك

http://www.q8yat.com/t908497.html

 

[ريم البحرين]

صح اخواتي قصدي طحين كباب هو طحين النخي