أبي وصفاتكم لطبخ كبدة الدجاج ...

[رويال ديزاين]

قوه بنات ممكن أعرف وصفاتكم و طرقكم لطبخ كبدة الدجاج .. يعني اللي بالفلفل و اللي بالدبس و اللي بالطحينه و اللي تصير حمسه .. و إذا تعرفون مطاعم تقدم كبدة الدجاج بطرق متنوعه تقولي لأني أمووووت بهالأكله
و بنات شنو أحسن نوع كبدة دجاج تشترونها و من وين ؟

 

[ReeNoo&WooDee]

للعلم حبيبتي موهني لازم يكون موضوعج..
وانشاءالله البنات يفيدونج

 

[white**angel]

حبيبتي موضوعج لازم يكون بقسم الطبخ

 

[daloola]

بعد قلبي محد رد عليج
صج اني ضحكت لما شفت جبدة الدياي مع المكياج بس لاني احبها بعلمج اياها

تاخذين جبدة الدياي من الجمعيه انا اخذ المثلجة من ساديا
تغسلينها عدل وتحمسنها بالبصل وشوي ثوم وفلفل اسود لما تروح منها ريحه الزفرة
انا اشيلها بروحها واحطها بجدر ثاني بدون البصل احط عليها صويا صوص ودبس الرمان واخليها شوي تقريبا 10 دقايق
بالهنا والعافية

تبين احلى جبدة دياي عند ميس الغانم وقصر يلدز ببرج حمود وفيلا فيروز ( المطاعم اللبنانية عموما ) يسمونها سودة دجاج

 

[رويال ديزاين]

لوووووووووووووووووووووووووووووووووووووووول


صج إني دايخه أمبيه أمبيه ترا ما أدري غني بصفحة المكياج دخلت بالغلط لأني بكتب موضوع عن إكتشافي لسر ثبات عجينة الحواجب بالصالونات

ما علينا

نرجع للسوده ..
دلوولا ... آنا آكلها دايما عند هالمطاعم بس احلى سوده في المياس ورا منتجع شيك و في برج الحمام غير طبيعيه ميس الغانم حلوه و لذيذه و ليلى في الأفنيوز حليوه

يلدز طلبتها تلوع الجبد الله يديم النعمه .. و فيروز كانت يااابسه و مزفر الدبس

بجرب طريقتج...

و بإنتظار المزيد

 

[اخت الغالي الغائب]

انا اسوي لها حمسه بصل وفلفل بارد وشوي فلفل وبهار وحلاتها تسوينها بالبيت انظف من المطاعم وماتاخذ وقت
واحسن شي المبرده مثل نايف والمتحده

 

[جارة القمر]

كبدة الدجاج بنكهة الشواء

قراءة:10920
المقادير:

طبق كبدة دجاج (فقيه) أو أي نوع
بصلة كبيرة
6 فصوص ثوم
حبة كبيرة فلفل رومي أو فلفل أخضر حار
3 حبات طماطم
حبة بطاطا كبيرة أو متوسطة
ملح ، فلفل أسود
فحمة


الطريقة:

- قطعي الكبد إلى قطع كبيرة (تقريباً كل واحدة لقطعتين فقط) ثم اغسليها جيداً .
- قطعي البصلة إلى قطع صغيرة و ضعيها في قدر فيه زيت , شوحي البصلة على النار (يفضل أن يكون الزيت كثير نوعاً ما) حتى تذبل البصلة .
- قطعي الفلفل الرومي إلى قطع صغيرة ثم دقي الثوم و ضعيهما على النار مع البصل في القدر و حركي المزيج قليلاً ثم أضيفي الطماطم بعد تقطيعها قطع صغيرة , تبلي بالملح و الفلفل الأسود وغطي القدر حتى تتسبك الطماطم بعد ذلك أضيفي الكبدة إلى القدر و غطيه .
- قطعي البطاطا إلى مكعبات صغيرة و حمريها (نصف تحميرة) ثم ضعيها مع المقادير السابقة و انتظري حتى تنضج .
- ابعدي الوعاء عن النار ثم أحضري فحمة ضعيها على النار حتي تحمر ثم أحضري (كأس أو طبق صغير من الستنلس ستيل) و ضعي فيه قليلاً من الزيت أو السمن ثم ضعيه في القدر و ضعي فيه الفحمة و غطي القدر فوراً و اتركيه قليلاً ليتشرب بنكهة الشواء ثم يقدم .




كبدة الدجاج بالثوم والكزبرة

المقادير:

المقــادير:

3 ملاعق كبيرة زبد
1 حبة بصل متوسطة الحجم مفرومة
5 فصوص ثوم مطحون
1 سـم زنجبيل طازج مطحونة
2/1 كوب فطر طازج شرائح
3 كلغ كبده دجاج مغسولة ومصفاة
2 مكعب مرقة ماجي- ملح أقل
2/1 ملعقة صغيرة كل من: كزبرة، كمون، فلفل أحمر
2/1 كوب عصير لـيـمـون
4/1 كوب كزبرة خضراء مفرومة



الطريقة:

طريقة التحضير:
. تذوب الزبد في وعاء للطهي ويقلى فيها البصل حتى يذبل ثم يضاف الثوم والزنجبيل مع التحريك جيداً
. تحرك شرائح الفطر مع البصل جيداً ويترك الخليط على نار هادئة لمدة 3 دقائق
. تحرك كبده الدجاج جيداً مع البصل والفطر ويضاف إليها مكعب ماجي والتوابل مع التحريك جيداً
. يغطى الوعاء ويترك لمدة 10–15 دقيقة حتى تلين كبده الدجاج
. يضاف عصير الليمون والكزبرة الخضراء ويقلّب الخليط جيداً ثم يرفع عن النار
. يسكب الخليط في طبق التقديم ويزين بشرائح الليمون


منقووووووول

 

[جارة القمر]

طريقة الأخت غاب


http://q8yat.net/showthread.php?t=244946



كبدة الدجاجالمقادير:
صحن جبدة دجاج
فلفل اخضر
ملح, فلفل اسود, ليمون اسود مطحون
الطريقة:
بعد تغسيل الكبدة وتقطيعها نحطها في مقلاة مع الملح والفلفل اللاسود والليمون نضيف لها ملعقة ماء ونتركها تنضج حتى يطلع مايها..
نشيلها من النار ونضع زيت زيتون في مقلاة اخر ونضيف الفلفل الاخضرو الكبدة بعد تصفيتها من الماء
ونضع ايضا ملح وفلفل اسود وليمون..
بعد ماتستوي نحطها في صحن التقديم ولذلذة جدا مع القرنابيط المقلي والجبس

 

[ذهبيه مرصعه بألماس]

بالدبس بالدبس ..

قولولي طريقتها بالدبس بليييييييييييييييز

 

[جرح الليالي]

تفضلي كبدة الدجاج بدبس الرمان

منقول من عالم حواء للغالية غرومة ..

المقادير:
كيلو كبدة دجاج مغسولة بماء وشوية خل "ويفضل الطازجة"
4 م ك ثوم مهروس
بهار دجاج ، ماجي ، عود دارسين ولومية وملح
خل
ماء حار
1/4 دبس الرمان "انا حطيت 1/2 كوب لاني من عشاق دبس الرمان"
م ك زبدة

الطريقة:
نحمس الكبدة بالثوم لحد مايتغير لونها ثم البهارات وشوية ماء حار والخل وخليه لحد ما يستوي الكبدة ..
صفيها من مائها واحتفظي بشوي من الماء بدون بهارات..
اغسلي الكبدة بماء جاري لحد ما البهارات والثوم تروح عنه..
حطي الكبدة المغسولة بمقلاة مع الزبدة واحمسيها شوي ثم ضيفي 2 م ك ماء الكبدة ودبس الرمان وقلبها لحد ما تبدا الكبدة تشرب الدبس وقدميها بالعافية..

 

[غنوة ستايل]

حبوبه انا اخذها من مركز سلطان في بالصحون .. عند اللحوم تكون توها مو مثلجه ماركه نايف .. اتوقع انظف شي .. و فرش
مقلاه وتحطين البصل يبي لج 4 او 5 بصلات .. تحب البصل
وحطي 4 فصوص ثوم مدقوق ..
وفلفله حاره ( قطعيها صغار )
وبعدين لما يصير لونه ذهبي البصل تحطين كبد الدجاج ..
وتخلينها تحمس .. وتزيدين عليها طماطه واحده مقطعه صغااااار جدا
بعدين انا احط 2 ملعقة دبس رمان ـ او صوص الصويا ( اللي تفضلينه )
ورشه ليمونه
و ملح وفلفل اسود و شويه كمون وكزبره خضرا مطحونه
وشوي من البقدونس او الكزبره الخضراء

اهني يصير طعمها .. حامض مع حلووو وفلفل .. يعني تشكيله بصحن وااااحد امووت عليها بالشكل هذا
وبالعااافيه عليج

 

[الفرح والدلال لي]

حبيبتي اذا تحبين الجبدة رووووحي الهوليدي ان مو اللي بالفروانية لأ الثاني اللي عند المركز العلمي تقريبا اسمة ايااااام زمان طلبي جبدة دياي بدبس الرماااااااااااااااان اتيييييييييييييييييينن
اكلي وادعيلي
وعليج وعلي بالف عااااافية
لووووووووووووووول

 

[رويال ديزاين]

يا بعد قلبي و الله ما قصرتو..

اللي بأيام زمان ذقتها .. حلوه بس مو أحلى من المياس ... هذا الكبده عنده صغار صغار ما أدري من وين جايبينها ... كأنهم كبدة عصافير مو دجاج .. و الدبس مو محروق ... و فيها بس ثوم

ىنا أبي نفس طريقة ميس الغانم و المياس و برج الحمام مافيها خضره كلش بس ثوم و دبس ّ!!

و الخل ما يغير لونها لمن أحط الخل على الكبده تقلب بيضا ما أدري ليش ..

يمكن الليمون ينفع

بإنتظار خواتنا الفنانات بسودة الدجاج ...

 

[رويال ديزاين]

الله يا كويت الله الله ...

يا كويت يا نبض الحياه الله يا كويت ...

وين بنات الكويت و اللبنانيات اللي في الكويت ...
أبي طريقه للكبده...