أبي واحد .. شلون يعني ...؟

[هاناا]

موضوعج يدل على قلب حنون

يس الي اعرفه ان التبني حرام

و ان عيال الشئون مجهولي الوالدين يعطونهم بس للعوايل يعني زوج و زوجه و يسمونهم اسرة حاضنة

بس ابي اسألج اذا تزوجتي وزوجج ما رضا ان اليتيم او اليتيمة يعيشون معاكم شنو الحل؟

 

[الفردان]

والله نفس تفكيري

بس انا مو متزوجه

اهلي ما رضوا

توني صغيره بس ودي بيااهل

قالولي كفلي يتيم

مو تربينه



تضاايقت

 

[عايشه بأمل]

تفاعلكم كله اسعدني
بس يا جماعه اللي قالو كفلي يتيم عادي ..؟
انا ما اقصد اكفل .. يعني عن طريق اللجان
لا اقصد اجيب لي واحد في البيت اربيه واصير امه ..
ونظرة المجتمع واهلي بالموضوع عقلي معاها ..لكن قلبي
ورى رغبه الامومه ..
ادري توني صغيره
بس ابي الحين ..
والله محتاااااااااره حيل

 

[الكادي-83]

الله يرزقج بزوج صالح وذريه طيبه في القريب العااااااااااااجل يااااااااااارب

 

[عايشه بأمل]

تسلمين قلبي
جزاك الله خير

 

[المكسيكيه]

الله يرزقج بالزوج الصالح ان شاء الله

 

[*عيون مغليها*]

اهوا تفكيرج طبيعي .. حتى دايم اقول حق رفيجاتي مايصير نيب عيال من غير رياييل


بس الناس شنوو بتقول؟

 

[عايشه بأمل]

تسلمون
وجزاكم الله خير ..
يا ليييييييت اقدر محتاجه جاهل في حياتي
يغنيني ويشغلني ..

 

[انصاريه قمره]

عن سهل بن سعد رضي الله عنه قال : قال رسول الله صلى الله عليه وسلم أنا وكافل اليتيم في الجنة هكذا وأشار بالسبابة والوسطى وفرج بينهما ) رواه البخاري قال الحافظ ابن حجر في شرح الحديث: [قال ابن بطال : حق على من سمع هذا الحديث أن يعمل به ليكون رفيق النبي صلى الله عليه وسلم في الجنة ولا منزلة في الآخرة أفضل من ذلك]، ثم قال الحافظ ابن حجر: وفيه إشارة إلى أن بين درجة النبي صلى الله عليه وسلم، وكافل اليتيم قدر تفاوت ما بين السبابة والوسطى وهو نظير الحديث الآخر بعثت أنا والساعة كهاتين ) الحديث ].

 

[علولي]

انا بقولك شي من اسرة اعرفها عز المعرفة
مربيه طفل يتيم بس الحرمة مرضعة الولد مع بنتها لنها كانت دوبها والده
والله العظيم مربينو احسن تربية
والولد عارف انو مو ولدهم بس الكل يحبو والرجل الله مدية من الخير والله من كثر ما يحبونو
مدية توكيل في تجارتو
وكل اخوانو معتبرينو اخوهم الكبير
ويقولو يابو فلان ( على اسم ابوة الي مربية)

ماشاء الله عليهم والله احسدهم ونفسي اذا تزوجت اسوي زيهم


بس مشكلتكي انك بنت
زوجك في المستقبل يرضى ولا لأ ؟؟؟
هذا فعلا شي يحير

بس نصيحة انتي صلي الاستخارة في ذا الموضوع
والخيرة فيما اختارة الله

 

[sereen]

انا عندى عيال وافكر دايما اتبنى اذا الله قدرنى فى العايله من بعيد وحدة متبنيه اخ واخت ماشاء الله صاروا ريااايل اصلا الناس ماتدري شلوووووون كبرواهالاعيال بس الاجر ياكبرا عند الله , بس انا اقوولج راح تواجهج تالى مشكلة مع الناس مو هذا احنا مصيبتنا الاجانب بسهوووله يتقبوووون بس احنا نستصعبها نفسيا اشلون غريب او غريبه يدخل علينا وياكل معانا , بس والله هذى اعظم اشكال الرحمه للبشر لما تحتظنين هالطفل وتراعينه
عسى الله يتمم عليج ياري ويعطيج الولد الصالح

 

[وبعديين]

الله يجزاك خير

 

[ابداع كويتيه]

ماشاء الله عليج

الله يوفقج حبيبتي حلو هالشي وتعوضين اليتيم عن فقد أهله

والله يرزقج الزوج الصالح والذريه الصالحه ياااارب​

 

[أحبه موت]

حبيبتي اهلج خايفين عليج من حجي الناس وخايفين باجر يوقف نصيبج بسبت اليتيم الي بتربينه لأن ماكو ريال بيرضى فيج وانتي تربين يتيم عندج وخل نفرض انه رضى وهالشي ناااااااااااااادر مافكرتي بعدين لمن اتيبين ياهل من صلبه شلون راح يعامل هذا وشلون راح يعامل ذاك؟؟
وبعدين ياقلبي ترى مو أي أحد يخلون يتبنى يتيم صعبه حيل وإجراءاتهم حيل صعبه انا خالي متبني وحده من واهيه رضيعه تدرين شسو فيه الشئون عشان يخلونها يتبناها أول شي معاشه لازم يكون تقريبا فوق 800 أتوقع ثاني شي يروحون يشوفون بيته مايخلون اليتيم يعيش في بيت ناس دخلهم محدود عشان نفسيته وجنه ماييصير يخلونج تتبنين وانتي مو متزوجه يعني واااايد إجراءات أنا أقول أفضل لج كفلي يتيم لين ايي نصيبج ترى على فكره اذا كفلتي اليتيم يخلونج اتابعين حالته وكل شهر يعطونج تقرير عنه وعن حالته وهل اهوه هادي عدواني شاطر في دراسته حافظ للقرآن ولا لأ والله شغله حيل حيل حلوة ولج أجر كبيييير عليها حاليا كفلي يتيم لين تحاولين تقنعين أهلج بالفكره والله يعطيج يارب على قد نيتج

 

[!الجادل الصعب!]

انتي بتربين نفس.. يعني بتكونين مسؤوله عنها بكل النواحي امام ربنا ..

انتي قد هالمسؤوليه ؟

انا ما اايد بصراحه .. بتخلينه او تخلينها تعيش معاكم اهل اصل ونسب ياخذ عاداتكم ويعيش بتفكيركم ..

بس بكره من بيزوجه او يخطبها ..والسبب معروف ..!


او يجيش نصيب ويقول انا ماني مجبور اربي ولد ماعرف اصله !!

المساله جدا معقده!!

 

[Heaven Light]

حبيبتي انتي توج صغيرة وفرص الزواج جدامج وااايد ..

وما تدرين ولد الحلال اللي راح ييج يمكن يرفض وجود اليتيم اللي معاج ..

تالي تصيرين بين ناريين نار زوج وعايلة من صلبج ولا هاليتيم المسكين

وقولي اخترتي الخيار الاول .. هالمسكين وين يروح ؟ معقولة يرد الدار وياخذونه عايلة ثانية ؟

بتصير فيه علة نفسية وراح يكوون شعور الرفض مستوطن بنفسه ..

او انج تخلينه عند اهلج بس ما تدرين راح يعاملونه مثل ما تبين أو بيخلونه للخدم يلعبون فيه ويسؤؤون معاملته ؟

فكري فكري فكري ..

آنا خالتي مرة ما الله رزقها بعيال لأن عمي ما ييب عيال ..

وحاولوا الف مرهـ يسوون عمليات بس الله ما كتب ..

الحين الحل الاخير انهم بياخذون يتيم ..

بس الفرق عنج انهم خلاص استنفذوا كل الخيارات الثانية ..

انتي صبري .. حرام تتسرعين ..


​

 

[Heaven Light]

انتي بتربين نفس.. يعني بتكونين مسؤوله عنها بكل النواحي امام ربنا ..

انتي قد هالمسؤوليه ؟

انا ما اايد بصراحه .. بتخلينه او تخلينها تعيش معاكم اهل اصل ونسب ياخذ عاداتكم ويعيش بتفكيركم ..

بس بكره من بيزوجه او يخطبها ..والسبب معروف ..!


او يجيش نصيب ويقول انا ماني مجبور اربي ولد ماعرف اصله !!

المساله جدا معقده!!

عفوا بس بوضح معلومة

الايتام غير واللقطاء غير ..

الايتام اطفال معروفه اصلهم وفصلهم لكن امهم وابوهم توفوا وما عندهم وصي عليهم فالدولة تاخذهم وتحطهم بالدار تربيهم ..

أما اللقطــاء هذيله اللي مو معروفين اصلهم ..



​

 

[{ عبره وهلت }]

انا أأيدج ... واكون مع خواتي

اهم شي الاجر

وجزاج الله خير

 

[عايشه بأمل]

تفاعلكم رائع
واسعدني صراحه
شكلي راح اكفل يتيم من الكويت .. يعني بروح الدار
واقولهم اني اكفل يتيم عندكم ..
وامر عليه كل فتره اشوفه ..
فكره .. صح ..؟

جزاكم الله خير

 

[! بــدويه وآآيــد !]

،



فيـج حنآن زآيد طلعيه فيني نآقصني حنآن لآ والله اضضضضضضحك ..~


انا اقول ربي بنـت لأن سمعــت الولد اذا كبر مآرآح رآح تكونين من محآرمه فـ بنوته احسـن بـسسس سمعت انه حرآم حرآم حرآم يبآت وانتي مضآيقتــه ):



والله يوفقج حبيبتي ..~



~