أبي نصيحكم بعد عملية ترجيع الأجنه

[ريحانة_14]

سلام عليكم

شلونكم بنات وعساكم بخير

عمتي مسكينة ماكانت تييب أطفال لمدة 17 سنة

وسوت أطفال أنابيب قد شعر راسها

ووزنها ينزل ويصعد وعاااااااااانت وايد

لين يابت بنوته وحده قمر إسمالله عليها

هالبنت الحين عمرها 6 سنوات

وتوها سوت أنابيب مرة ثانيه

فأبي نصايحكم بخصوص عملية مابعد ترجيع الأجنة

طبعا إهي تعبت وايد بعملية سحب البويضات .. آلااااام وجسمها يجمع ماي

وتوها مرجعه الأجنه صارلها يومين .. شنو تنصحون بعد عملية ترجيع الأجنة ؟؟؟

والله يرزق الجميع ياااااااااااااااااااااارب

 

[ريحانة_14]

شدعوة بنات نصحونا

 

[أغصان]

عسى الله يثبت اجنتها يااااااااارب اهم شيء الدعاء والاستغفار وماتتحرك الا للحمام الله يكرمك والصلاه

 

[WaChoCha]

انا بعد ما مريت بالتجربة هاذي بس حبيت ادعي لها ان الله يثبت لها الاجنة ويبشرها بالذرية الطيبة يا رب ويرزقها ويرزق كل محرومة وانا معاهم اللهم آمين

 

[ريحانة_14]

مشكورين بعد قلبي الله يرزق كل محرومة يارب

بس سمعت إن المشروبات الغازية موزينلها والقعده إللي تتربع هم موزين

مادري بعد شنو

حرام كاسره خاطري

 

[روج وردي]

ريحانه انا امي ما اجيب الا انابيب لازم الحين عمتج تقعد اسبوعين بالسرير ماتحرك وايد ولا تركب درج واذا لازم تركب لازم مره وحده باليوم يعني تنزل الصبح مثلا وترجع بالليل انا امي نحط لها سرير بغرفه تحت ولاتشرب اشياء حاره اللي تنزل الدوره مثل القرفه والغازيات والفلفل وغيرها ولازم ماتقعد ع الارض كلش

ويارب تحمل

 

[ريحانة_14]

ريحانه انا امي ما اجيب الا انابيب لازم الحين عمتج تقعد اسبوعين بالسرير ماتحرك وايد ولا تركب درج واذا لازم تركب لازم مره وحده باليوم يعني تنزل الصبح مثلا وترجع بالليل انا امي نحط لها سرير بغرفه تحت ولاتشرب اشياء حاره اللي تنزل الدوره مثل القرفه والغازيات والفلفل وغيرها ولازم ماتقعد ع الارض كلش

ويارب تحمل

اللــــــــــــــــــــــــه يعطيج العافيه بعد عمري روح وردي دقيت عليها وقتلها

وياااااااااااااااااااااااااااربي ترزق كل محروم قولوا آمين

إهي مسكينة كلما ندش عليها ماسكة سبحتها وتستغفر أو تقرا قرآن

 

[كويتيه مذهله 87]

الله يثبت اجنتهااا يااااااااااااااااااااارب

اول شي خل تكثر ادعيه وتقول باليوم 1000 استغفرالله ويوميا تقري سوره البقره بجلسه وحده هذا احلي تثبيت

وثانيا لا تقول الا للصلاه وتكرمين الحمام

لا تصرخ لا تطااامر لا تاكل اشيااء حاااره

 

[$غــ(ز)ــل$]

البنات ماقصروا
الله يثبت حملها يااارب ويرزقها الذريه الصااالحه

 

[عروس الدنيا]

نفسيتها ديروا بالكم عل نفسيه قوليلها تقنع نفسها هل اجنه بيضلون باذن الله
و ان الله قادر و يعطيها بالوقت الي يبي
اذا نفسيتها اوكي الله بيثبته لها انشالله

 

[ريحانة_14]

الله يثبت اجنتهااا يااااااااااااااااااااارب

اول شي خل تكثر ادعيه وتقول باليوم 1000 استغفرالله ويوميا تقري سوره البقره بجلسه وحده هذا احلي تثبيت

وثانيا لا تقول الا للصلاه وتكرمين الحمام

لا تصرخ لا تطااامر لا تاكل اشيااء حاااره

لوووووووووووووول حلوة لا تطامر كويتية .. إهيا مسكينة ماتقوم من مكانها إلا بالصلوات مانخليها تقوم وكلنا نحاول نكون دايما حوالينها .. وعمتي العودة دايما معاها ماحد يخليها وعلى طول استغفار وقرآن

توقيعج تحححححححفه كله دق ورقص لوووووووووول

 

[ريحانة_14]

نفسيتها ديروا بالكم عل نفسيه قوليلها تقنع نفسها هل اجنه بيضلون باذن الله
و ان الله قادر و يعطيها بالوقت الي يبي
اذا نفسيتها اوكي الله بيثبته لها انشالله

إهيا مسكينة متخوفة وايد بس بنقنعها إن شالله

تخيلوا فوق الـ 21 محاولة أطفال أنابيب مو شوية

 

[عروسه بس كول]

عن تجربه شخصيه

خليها تكثر بيض وحليب وتاكل مهلبيه لانها تساعد على مسك الاجنه
وخليها تقرا سبع مرات سوره الطارق على بطنها ( لتثبيت الاجنه )
وتقرء سوره الجن
وتقرء (( ياأيها الناس ان كنتم في ريب من البعث فإنا خلقناكم من تراب ثم من نطفه ثم من علقه ثم من مضغه مخلقه وغير مخلقه لنبين لكم ونقر في الارحام مانشاء الى اجل مسمى ثم نخرجكم طفلا لتلبغوا اشدكم ))
وتصلي وهي جالسه
ولا تصرخ ولا تتنرفز او تتضايق وتسبح ( تتروش )) وهي جالسه

ولله الحمد انا هذا اللي كنت اسويه وحملت بفضل رب العالمين عن طريق الحقن المجهري

وصج اهم شي النفسيه تكون واثقه من رب العالمين ان لو فيه مصلحه لها بيكتبه لها


ويارب تبشرينا قريبا

 

[bnt_kwt]

الله يثبت اجنتها
والبنات قالوا كل شي
كفوا ووفوا

 

[ريحانة_14]

عن تجربه شخصيه

خليها تكثر بيض وحليب وتاكل مهلبيه لانها تساعد على مسك الاجنه
وخليها تقرا سبع مرات سوره الطارق على بطنها ( لتثبيت الاجنه )
وتقرء سوره الجن
وتقرء (( ياأيها الناس ان كنتم في ريب من البعث فإنا خلقناكم من تراب ثم من نطفه ثم من علقه ثم من مضغه مخلقه وغير مخلقه لنبين لكم ونقر في الارحام مانشاء الى اجل مسمى ثم نخرجكم طفلا لتلبغوا اشدكم ))
وتصلي وهي جالسه
ولا تصرخ ولا تتنرفز او تتضايق وتسبح ( تتروش )) وهي جالسه

ولله الحمد انا هذا اللي كنت اسويه وحملت بفضل رب العالمين عن طريق الحقن المجهري

وصج اهم شي النفسيه تكون واثقه من رب العالمين ان لو فيه مصلحه لها بيكتبه لها


ويارب تبشرينا قريبا

اللــــــــــــــــــــــــــــه يعطيج العافيه بعد عمري عروس على هالنصايح

إهي كانت تصلي وإهي واقفه قلبها ما يطاوعها عالصلاة من جلوس .. قلنالها يبا صلي وإنتي قاعده إنتي معذورة .. غصب وافقت

وبقولها عالنصايح واللــــــــــــــــــــــــه كريم إن شالله .. حدددددددددها متخوفة :0bee2e8d89:

 

[روج وردي]

على فكره امي بعد قالت لي لاتتسبح بماي قوي يعني بشويش او بالاهم لاتتسبح تحت دش الباينو لان يكون قوي

والله يساعدها امي تقريبا مسويه فوق 35 مره

 

[*caramel macchiato*]

روج وردي بسألج أمج شنو مشكلتها؟؟؟؟


وجم واحد يابت من كل هالعمليات؟؟؟


الله يعوض تعبكم ياااارب

 

[ريحانة_14]

على فكره امي بعد قالت لي لاتتسبح بماي قوي يعني بشويش او بالاهم لاتتسبح تحت دش الباينو لان يكون قوي

والله يساعدها امي تقريبا مسويه فوق 35 مره

ياربييييييييييييييي

الله يساعدها ياربي وتحمل

بس عاد حملت أمج على كل هالمحاولات ؟؟؟

 

[.>حــــــــ(و)ـــراء<.]

اهم شي الاستغفااااااااار و الصدقه

ولا تتحرك

ولا تطلع كلللللش

و تاكل اكل صحي​

 

[غلاي غير]

داوووووووووووا مرضاكم بالصدقه

خل اتصدق ولو بمبلغ بسيط كل يوم لين ربي يفرجها

تستغفر كثر ماتقدر

تدعي تدعي لا تنسى الدعاء يرد القضاء

والبنات كفوا ووفوا بالنصايح

ونسال الله لها ثبات الاجنه والحمل وتمامه وولاده ميسره