أبي مشورتكم خواتي

[Batty2009]

السلام عليكم خواتي
أنا متزوجة من أكثر من 6 سنين و ما صار حمل
عملت تلقيح صناعي 8 مرات وفشل
وعملت أطقال أنابيب مرة وحدة وفشلت :-(
وأفكر أعيدها الحين
مقطرة أسويها في مستشفى هادي
أحد فيكم جربها؟أو يعرف أحد سوى هناك؟
ومين دكتورة شاطرة هناك؟
ما أبي دكتور ريال
أنتظر إجابتكم بفارغ الصبر
مشكورين

 

[اضوى]

هلا حبيبتي الاحسن انج تروحين حق دكتور معين مو مستشفي معين والدكتور اهو الي يختار المستشفي الي يسوي فيه العمليه

 

[ماي الورد]

ما عندي فكرة بس ما حبيت ادش واطلع بدون ما ارد

الله يرزقج وما فيها شي لو عالجج دكتور ترى مرات الدكاترة احسن من الحريم

انشاء الله البنات يفيدونج وتكون هالمرة ثابتة

 

[المهذبه]

الله يوفقج

 

[الخالدية 79]

الله يوفقج

 

[ام تركي2008]

مسشفى العرف
ربى لاتذرنى فردا وانت خير الوارثيين

 

[عروسه 99]

والله انا سامعه انه جعفر شاطر باطفال انابيب بس مو اشطر من باتريك بلندن كلينك او منصور العرف في مستشفى العرف

 

[engineerh]

اختي ربي يقر عينج برؤية ذريتج الطيبة المباركة عاجلا غير آجل


عن نفسي ما اعرف احد بمستشفى هادي بس مثل ماقالت اختي اضوى الافضل تروحين حق دكتور او دكتورة واهم يقررون باي مستشفى يسوونلج

 

[++The DuchesS++]

ان شاء الله البنات يفيدونج اكثر
والله يرزقج الذريه الصالحه يااارب

 

[حنين76]

هلا اختي مثل ماقالوا البنات منصور العرف شاطر وفوزية القطان اما انا عن نفسي اراجع عند ناهض حمادية في مستشفى المواساة شاطر ونفسيته حلوة جربي روحي له وانشالله ربي يرزقج ويرزقني ويرزق كل محرومة ياااااااااااااااارب

 

[Batty2009]

مشكورين خواتي على الردود
بس أنا ما أبي دكتور ، أبي دكتورة!
حتى لو الدكتور أشطر من الدكنورة!
أنا جربت بعيادة عن طريق دكتورة
بس الحين فكرت بمستشفى عشان أقلل التكاليف
لأن ربنا العالم نضطر نعيدها كم مرة! :-(