أبي طريقة عمل صلصة الترتار

[mashmoshi]

شلونكم بنات شخباركم أبي طريقة عمل صلصة الترتار إلي يحطها شرمبي مع الربيان إهي لونها أبيض وفيها شغلات صغيرة
إلي تعرفها لوسمحتوا لحقوني فيها ؟؟؟:0bee2e8d89:

 

[bent_3mema]

روب مايونيز وخيار مخلل الايراني الصغير وليمون وشويه ثوم وبس

 

[mashmoshi]

وراح تضبط تصير مثل مالت شربي بالضبط ؟؟؟
انا سمعت أنه فيها بصل وبقدونس

 

[جارة القمر]

تفضلي طلبج

http://q8yat.net/showthread.php?t=329294&highlight=%C7%E1%CA%D1%CA%C7%D1

 

[costa chic]

انا على طول اسويها و تضبط تحطين مايونيز و خيار مخلل و ثوم

 

[nono777]

هلا حبيبتي انا أحط ليمون ومايونيز وشوية ثوم

 

[الغاليه نونو]

هاج طريقتي سويها وادعيلي يمه


اخذى راس بصله متوسطه وافرميها وشدة بقدونس وافرميها وحطي عليهم قفشتين ونص كبار مينونيز وقفشتين كبار زيت زيتون وملح وفلفل اسود وعصير ليمونه وحده

وقطيهم بالخلاطه ليما يصيرون كلهم مريس وتالي اخذى خيار المخلل الايراني ست حبات وقصصيهم نتفه نتفه مفرووميييييين من قلب وخلطيهم فوق خلطتج الاولي وتعالي اكليييييييي وادعيلي ون حبيتي تحطين شوي كشب علشان لونها يصير برتقالي فاااتح بنص الخلطه يعني نصها ابيض والنص الثاني برتقالي وبالشوكه خلطيهم بماعين التقديم تصير رخاميه مغربله وهني ومليون عافيه

 

[mashmoshi]

مشكورين خواتي على كل الطرق إلي عطيتوني إياها وراح أجربهم كلهم وأعطيكم رايي

 

[جارة القمر]

العفو