أبي طريقة طبخ لحم الحاشي.........

[أم لطووف]

مســــــــــــــــاءكم \ صباحكــــــــــــــــــــــم
فـــــــــــــــــــــــــــــل





خواتي عفيه أنه تورطة وأبيكم تساعدوني
خبركم ((أبو الشباب)) كل أثنين يصوم أهوه ويه ربعه ما شاء الله عليهم وربي يثبتهم>>خلصي
المهم
إهيه دوريه بينهم كل مره على واحد الاثنين هذا الدور علي:flower:

وطق في بالي إلا يبي أسويله لحم الحاشي وأنه يادوب أطبخ لقمتي وأغلب الوقت كله حاقته:eh_s(16):...
ساعدوني شالدبره..أنه اللحم العادي ما عمري طبخته حدي بالدياي هالدور لحم حاشي لا ويبيه مجبوس بعد..غير السلطات أشكال وأرناق والشوربات والحلو:eh_s(16): والله حدي متوهقه وما أدري شسوي بليييييييييييييييييييييييييييييز
help me
help me
help me

 

[اشواق2008]

رد: لحم الحاشي.........

ام لطوف لاتحاتين لحم الحاشي نفس لحم الخروف سوي مجبوس عاادي انا اطبخه طول عمري سهالات يابنت الحلال ان شاء الله تضبط الطبخه ويستانس ابوووو الشباب

 

[ألماس وردي]

رد: لحم الحاشي.........

ان شاء الله يساعدونج
بس قبل الفطور بيوم سوي الحلو بانواعه واحفظيه بالثلاجة
والسلطات سويهم بنفس اليوم بس عقب ماتخلصين الاطباق الرئيسيه
اما السلطات البارده سويهم مبجر شوي
اما عن لحم الحاشي ماعندي فكرة
وموفقه .......وقوليلنا بعدين شصار عليج <<<<ناطرتج

 

[Snow angel]

رد: لحم الحاشي.........

تسلمون حبيباتي

http://www.q8yat.net/showthread.php?t=380343

وطريقته نفس مجبوس لحم الخروف ياقلبي

http://www.q8yat.net/showthread.php?t=545574

http://ww.q8yat.net/showthread.php?t=313836

 

[جارة القمر]

مشكوووووووووووووووووره


Snow angel



ا لمقادير
1-لحمة حاشي ياليت تكون قويصره او ضليعات واذا مافيه لحمه يكون فيها عظم لان الهبر ماهو زين تصلحه كبسه
2-رز الشعلان.......ياليت وانت تكشن اللحمه تحطه بوسطه ماءعادي علشان يربص الرز
3- مكعب ماجي وليمون اسود وبصل وفص ثوم وفلفل حار


الطريقه:
نقطع البصل ونحطه بالقدر مع شوي مقدار فنجال زيت عافيه
نكشن البصل لمدة دقيقه او دقيقتن حتى يتغير لونه شوي
وبعدين نحط اللحمه مع الكشنه
نخلي اللحمه تتكشن شوي مع البصل على نار هاديه علشان مايحرق البصل
نحط مقدار كاس ماء على اللحمه ونسكر القدر ونخلي اللحمه تتكشن مع البصل زياده علشان يتداخل الطعم
ثم نضيف كمية الماء المطلوبه على حسب كمية الرز ونحط مكعب ماجي واحد حبةفلفل حاروحده فقط وحبتين ليمون اسود (حسب الذوق) اهم شي لا تكثر الماء خل الماء مقدار الرز علشان ماتشيل منه وترميه لانك كذا تضيع طعم حمسك الاول
نغلق قدر الكاتم جيدا ونخليه يطبخ على النار لين تصفر صفيرة القدر الكاتم بعد ماتدور نخليه 10 دقايق حسب كبر اللحمه وصغره يعني حسب عمر اللحمه اذا حاشي صغير مايطول الطبخ واذا حاشي كبير زيد الطبخ شوي لين تستوي اللحمه
وبعدين نفتح القدر ونذوق لحمتنا اذا مستويه 90% حلو لا تصير مستويه مره لاننا نبي نحط معاها الرز
اذا حسيت ان زيادة الطبخ عليها راح تنهري اللحمه طلعها وكبس على الرز لوحده
واذا حسيت ان اللحمه مايضره زيادة الطبخ مع الرز حط الرز
سر الطبخه:
اذا حطيت الرز بالقدر اهم شي انك تقدر تشوف حبة الرز لا يصير الماء كثير
وتحط فوقه زياده فلفل حار و فصين ثوم من غير تقطيع يعطو نكهه خفيفه وشكل خارجي جميل
والي يحب الثوم ياكلهم والا ارميهم
وبعدين نخليه يقلب على نار عاليه لمدة 3 الى خمس دقايق لين اشوف الرز صار كذا
ثمن اكتم القدر واقصر النارعليه واخليه ينشنش على نار هادئه لمدة عشر دقايق على بال ماجهز السفره والصحن والسلطه والخرابيط اذا معي خرابيط والا اضبط الشاهي المهم استغل الوقت مو اجلس من غير شغل
وبعدين افتح قدري واشوف كبستي





اجهز الصحن انكبها في الصحن وبالهناء والعافيه

فيه شي نسميه الحكاكه وهو الي يبقى في القدر وفيه ناس تحب الحكاكه مثل عبود يحب الحكاكه ماشاء الله عليه الي يجي بالتلفزيون بالدعايه نعطيه القدر يحك الحكاكه ويغسل القدر






منقوووووووووووووووووووووول

 

[أم لطووف]

يــــــــــــــــــــــــا بعد جبدي والله
ربي لا يحرمني منكم يالسنعات..

مشكورييييييييييييييييييين جدا جدا جدا..ما قصرتوا
وبجرب في هالجم يوم أطبخه عشان أتعلم عليه ما أبي أتوهق..وإن شاء الله بنزلكم صور فطوري حق يوم الاثنين...إدعولي إني أبيض ويهه..

 

[جارة القمر]

أم لطووف



أن شاء الله حبيبتي



يطلع أحلي فطور



وبالعافييييييييييييييييييييييييية مقدما