أبي شوركم تكفووووووووووووون --(تعبت والله تعبت)

[روح مغليهاM]

اذا يحبج ماينطرج كل هالمده .. باجر ماتدرين شنو راح يصير يمكن اهلج يرفضونه او يصير اي شي يمنع زواجكم وفجأه تستوعبين انه عمرج صار ٢٧ و يطوفج القطار

قوليله اتوظف وتقدملي وعقب مانتزوج تروح الضباط ..

اما انه يتركج كل هالمدة فاسمحيلي اذا رضيتي ماعندج سالفة وانتي الوحيدة اللي خسرانه واهو ريال يقجر يتزوج اصغر بنت لو عمره 35

فكري عدل ولا يعميج الحب

:eh_s(15)::eh_s(15):معااها

 

[!! دلوعته !!]

اب اب

 

[خاصة جدا]

اذا يبيج بيي يخطبخ والحمدالله الراتب تبعه زين وعلى ماعتقد يكفي

الله يوفقج ان شاء الله ويجمعكم بلحلال

 

[فجرر]

الله يجمعكم على خير


عورتي قلبي

 

[نوره83]

حبيبتي انا حظريه كانت خطبتي وملجتي تقريبا 10 شوهور وبعدين تزوجنا
واعرف ناس وايد حظر يملجون والعرس بعد التخرج على الاقل يكلمج بالحلال
بس اللي تسوينه هذا حرام كل شي من ورا اهلج شلون قادره تقعدين معاهم
وانتي خنتي الثقه اوكي ماسويتي شي بس كلمتيه و اهوا اذا صج يبيج اتقدم لج
مو كل شوي يطلعله بحجه ترا في ناس وايد اتزوج على المعاش ولاتنسين الحكومه مهي مقصره
ديري بالج قبل لا يروح الوقت وتقل فرص الزواج وتالي اتحسفين
صلي قيام ليل واقري قران واستخيري نصيحه لا باجر اتحسفين

 

[صمتها ونه]

حبيبتي انا مع البنات ميه بالميه

حياتي تخيلي لو اهلس دروو انس تكلمينه وطاحو عليج !!!


راح تطيحين من عينهم يعني انتي مو ضامنه شراح يصير معاج بهالفتره يمكن اهلج يطيحون عليج
وصدقيني اذا طاحو عليج راح تصير بداية النهايه

تبين شوري اذ ا يحبج قوليله انا حيييييل خايف من اللي جاي

امبيه تخيلي انتي رفضتي اللي يجونج ورفضتي ولد خالتج واخر شي يجيج بكل بروده حبيبج يقولج انا ملجت او خطب

امبيه وربي راح يصير فيج شي الله لايقولها

من رايي اذا مافاد معاه حكيج اذا ولد خالتس مدري خالس جا تقدم مره ثانيه وافقي

لان حتى لو صارت مع حبيبس الخطبه وتزوجتو منتي ضامنه شراح يصير بعدهااا

يمكن صج يخليس سعيده ويمكن يخليس اتعس انسانه بالدنيا ومايوثق فيس

اله يكتب لس اللي فيه الخير واستخيري ربس

 

[miss.unique]

لا توقفين نصيبج

بليييييييييييييز لا تصيرين مدمغة نصيحة طالعة من قلب
لا توقفين نصيبج

قوليله بقطع علاقتي فيك لانه مادري شنو نهايتنا
. تبيني صج تقدملي بااي
جذي المفروض تقوليله

 

[ya al3rosa]

وااااااااااااااااااااااى عصبت واللَة حاسة فيج حياتى
حبيبتى ترفضين اللى اييولج يطلبونج بالحلال وراضية باللى عايشة معاة بالحرام كل ماقلتى تقدم قال الظروف ما تزال معلقج بين السماء والارض باسم الغرام ودى افهم انتى ما تحلمين تكونين ام عيال وعيونج على راحتهم ومانيهم ما تنام ترى اللى يتلاعب بمشاعر انثى ضعيفة مو ريال حبيبتى حبيبتى سمعينى ترا اللى ما ياخذج ويتزوجج مستحيل انة يحبج اللى ما يهديج اسمة ويتشرف فيج تكونين حنانة وياخذج عهد وامانة ويمنحج بيت وحياة ويقسم ايامة لقلبج مستحيل انة يحبج
اى حب اللى تبينة ؟
اى ريال تصدقينة ؟
اى عمررررر تضيعينة ؟
اى زهر تذبيلنة ؟
يا حنونة يا رقيقة يا وفية على البساطة
احسبيها وافهميها واعقليها
اللى ما يتزوجج ما يحبج يكفى العمر اللى ضاع يكفى الشمع اللى ماع
انزين متى تخلص القصة مرة اتخذى قرار ينقذج من هالضياع
فارقية وعيشى عمرج فارقية وشوفى زهرج فارقية وامشى دربج توبى على ذلج وذنبج وان ضعفتى مرة ورد الحنان حطى فى بالج حقيقة قاسية حييل اللى ما يتزوجج مستحيل ان يحبج ​

 

[ya al3rosa]

سورى حبيبتى اذ ضايقتج من كلامى لان حييل احتريت انتى بنت واهوة ريال ما يعيبة شى واللَة لانى خايفة عليج حياتى

 

[أإلع ـشق دلع ـهـأإ]

أنآ مع آختي يالعروسه ..

شالعذر عذآ اللي يتجج فيه !!

شنو مآقدر اولدج أسوقج !!

عنده دبلووم يعني معآشه تقريبآ الحين ٧٠٠ ومع بدل ايجآر ١٥٠ صآر ٨٥٠ ومع الزوجه تقريبآ ٧٠ صآر ٩٠٠ وشوي !!

هذآ مآيكفي يعني !!

نص شبآبنآ دبلوم ومتزوجين وعندهم كومة عيآل ومولد مرته بالخآص !!

عآدي جدآ !!

آختي زوجهآ معآشه يصفآله ٥٠٠ بسسس وعآيش وعندهآ ولد وولدت بخآص وعآيشين !!

وبنت خآلتي تزوجت وآحد مو موضف طآلب !! يعني مع الإعآنه وبدل الإجار عآيش عليهم وعندهآ بنوته !!

لآيقص عليييييييييج لو يقعد معج ١٠٠ سنه الرجآل مآيهمه

الرجل بطبعه يفكر بعقله مو بقلبه نفسنه ؟؟

يمكن يحبج ايه بس مآيفكر تكونين زوجته وأم لعيآله !!

صدقيني بآجر بتعضين آصآبعج ندم !!

بجر بتبجين قهر !!

نصيحه من آخت لآختهآ إتركيه لوجه الله سبحآنه وقوليله أنآ بتركك لوجه الله وأنآ غضبت ربي تبيني تدل بيتنآ !!

وغيري خطج وصلي ركعتين وتوبي لربج

صدقيني اللي يعصي الله مآيتوفق مهمآ كآن حيآته مآرآ تصير فيهآ بركه لآ بعيآله ولآ برزقه !!

وآفقي على ولد خآلتج اللي يبيج بالحلآل ولآ فكر يكلمج من ورآ آهلج

وآفقي عليه و بتنسين اللي كلمتيه

لآ يضيع عمرج وشبآبج ورآ حب بالحرآااااام الشيطآن معآكم ..!

لاتصيرين نفس وحده كتبت قصتها وكلمت وآحد كآن عمرهآ ١٦ ربآهآ أهو وحبته وأهو حبهآ كل مآتقوله تزوجني يتحجج بأعذآر نفس وجهه !!

وكآنت ترفض كل من تدم لهآ تنطر حبيبهآ ..

لين مآصآر عمرهآ ٢٦ سنه يعني حبهم دآم ١٠ سنوآت !!

تقول إكتشفته صدفه بالجمعيه سمعت صوته لفيت ولآ اشوفه مع مره وو٣ أطفآل !!!

دقت عليه وقآل آختي نكر !!

بس تقول بعد فتره دق علي صديق حبيبي وقآلهآ بقولج شي أنتي كسرتي خآطري وأنآ بتكلم ويمكن آخسر رفيجي بس بنصج مآبي عمرج يضيع ترآ فلآن متزوج وعنده ٣ عيآل ولدين وبنت وترآه يحب مرته حييييل ويقدرهآ ومحترمهآ وأنتي ضآع عمرج معآه

قآلت شلون أكلمه وأهو متزوج قأل ايه مومصدقه اساليه وحني عليه أنآ بس رحمتج ومآبيج تضيعين عمرج

دقت على حبيبها وقآلتله وأعترف ودز لهآ صورة عياله وقال شوفي بنتي ترآهآ سميتج وقآلت تحب زوجتك وقآل تبين الصرآحه ايه

وخلته وتقول بجيييييييت بجي ضآع عمري وأهو متزوج !!!

ذكرت القصه علشآن تآخذين حذرج هذآ طريق الحرآم إحذري حبيبتي


والله يستر عليج والسموحه طولت من خوفي عليج

 

[خشف العذارى]

خليه يخطبج الحين والزواااج متئ ما استقرت امووره
والله يوفقج ان شاء الله

 

[غرور وايل]

و عليكَم آلسسلآم ..

حبؤبه هو قآعد يمآطل ..
آستخري و شووفي نصيبج ..

وآلحب بعد آلزوآج ..

هو مو آحسسن من غيرهـ ..

كل آلشبآب هذي آعذآرهم ..

آسسفه جدآ على آسلووبي بس هذآ آلصصج ..

شووفي حيآتج ..
آتركيه لله ..

من ترك شيء لله عوووضه ..

لآتقولين مآ نسووي شيء حرآم ..

بس مكآلمآتكم كله غلطط ..

آٍسسسسفه ..

بس والله حححرآم تضيعين عممرج ..

فررحي آمج بزوآجج ..

وآلله كريم




؛

 

[pinky_3soola]

ايييي صح ... بس يخلص هالكورس خل يتقدملج و يملج و تكونين على ذمته

و بعدين عاد خل يجابل الجيش و لا المطافي .. الي اهوو بس اهم شي يتقدملج بعد هلاكورس

انا ولد خالتي جذي سوا تخرج و تزوج بس شهادته مو عاجبته جان يرووح يقدم بالجيش و بين فتره و فتره يطلع يشوف مرته و يطمن عليها و يطلعون بعدين يرد دوامه لمن الله فرجها و تخرج