أبي سفرة لمدة اسبوع

[عبق البنفسج]

شلونكم خواتي
بخاطري اسافر اوروبا لمدة اسبوع بس بصراحة مادري وين اروح بخاطري اصعد بمكان واحد او مكانين بالكثير لان السفرة سريعة
حست بالنت وايد واحترت مادري وين اروح اممممم احب الطبيعة والشووبينج بس مابي اتسوق وايد بالسفرة وما احب ازور متاحف وهالسوالف احب الكافيهات والرحلات البحرية والملاهي
فكرت بفرنسا بس فنادقها نارررر وانا ميزانيتي بس 1600 والسفرة يت جذي ماكنت مخططة لها كلش
انا رحت لندن واسبانيا فأبي شي يديد

 

[عواشه القرقاشه]

تركيا اعتقد احسن اختيار لج
قريبه ويكفي اسبوع و جو وكافيهات وبحر

 

[fri2010]

النمسا وايد فيها رحلات بحرية

 

[فوفو22]

ايطاليااااا حلوه

النمسا حلوه

لندن بس روحي اماكن ما شفتيها مثل مانشستر ....ميلتونكينز

فوفو

 

[عبق البنفسج]

بنسبة لتركيا حاطتها اخر اختيار
اممممم النمسا في ناس يقولون عنها كئيبة وفي ناس يمدحونها بدور اكثر عنها
ايطاليا حاطتها ابالي بس تذكرتها بالفترة الي أبيها وايد غالية
بشووف مانشستر وميلتوكنيز


وين في بعد:bbbiu:

 

[.]

شرق اسيا 0تايلند\ ماليزيا

 

[ريانااا]

عيدكم مبارك وتقبل الله طاعتكم حبيبتي روحي زلمسي بالنمسا تهبل طبيعه اقعدي فيها ٥ايام واخريومين لميونخ تسوق وردي الديره عن طريق ميونخ يعني الذهاب والعوده من ميونخ لانها قريبه لزلمسي وبتكفيج ميزانيتج ان شالله

 

[اخت خالتهم]

انا اقـول روحي سالزبورغ بالنمسا
طبيعة وسوق
هذا رايي

او عندج اقتراح ثاني تقعدين بكابرون او زلمسي 5 ايام و ميونخ حق تسوق يومين

او المانيا
قارميش 3 ايام و ميونخ 4 ايام


روحي استانسي و زلمسي رخيصة

 

[بوسنية]

البوسنة طبيعة خلابة و مناظر رائعة انصحك بها
​

 

[ام مهاوش]

روحي باريس وسكني بالفنادق اللي يم ديزني اسعارهم زينه وممتازه وعقب روحي باريس المسافه تقريبا نص ساعه قعدي بفندق ليله او ليلتين بتخلصين باريس كلها وعقب ردي الكويت جذي تكونين وخرتي عن اسعار فنادق باريس الغاليه
او اجرو سياره وايد اونس لكم واوفر

 

[نـعـومـه]

انسب شي تركيا لانها اقرب شي وفيها رحلات بحريه وطبيعه

لان اسبوع اسهل شي مكان قريب

 

[تذبحني عيونك]

روحي المانيا اخن ومنها قريبه من بلحيكا وبروكسل يعني بينها وبينهم ربع ساعه سياره
يعني يوم كامل من الصبح الى الليل هولندا وردي اخن وثاني يوم روحي بلجيكا وهم ردي لاخن وثالث يوم روحي كولن وهم خلي سكنج باخن ورابع يوم روحي لاسواق اخن وخامس يوم روحي اسكني بدوسلدورف خليله يومين ومنها المطار وبس بجذي جمعتلج اغلب الدول والمناطق ويكفيج اسبوع بالمناطق اللي قلتلج

 

[رتبه دبلوماسيه]

روحي ألمانيا او النمسا او سويسرا

طبيعه تهبببببببل


واذا تبين سفره سرريعه

عندج تركيا وأيطاليا

 

[Samurai]

ممكن فكرة الأخت "تذبحني عيونك" بس لا تسكنين اخن كئيبه .. سكني بدسلدورف او كولن

وبرأي الشخصي روحي سويسرا أسبوع قعدي بانترلاكن واجري سياره ولفيها كلها

 

[<miss botamba>]

اسطنبول - ميلان - اليونان - نيس او كان

 

[Om_Ksha]

اب


اب

 

[@النوري@]

المانيا وسويسرا والنمسا الي هي زلمسي كابرون ..... عندج ماليزيا ... ولندن عجييييييييييبه

 

[نـعـومـه]

تركيا

النمسا حلوه تكفي اسبوع وبنسبه لاوربا ارخص شي

 

[فجرر]

سنغفورا

 

[eastlife]

هذا حساب يساعدش في الانستقرامfm_alsaiari
منزل صور لدول اروبا كلها اختاري الي يناسبش